miffy531的個人專頁

好耐無嚟，諗住食下。嗌返之前一直好鍾意嘅嘢食: 藤椒牛舌、鮮鴨血、千層肚。由醬料開始講起，餐廳標榜重慶老火鍋，但香油唔香，已經大相逕庭。我嗌咗重慶辣湯底+蕃茄湯嘅鴛鴦鍋。湯底無味唔辣，同以往差別超級大。蕃茄湯無以往咁濃郁，滿口薑味。藤椒牛舌入口有腥味。無咗藤椒嗰種麻香。鮮鴨血本應係最能體現湯底功架嘅食材，可惜突顯咗湯底嘅無味。千層肚品質好係值得一讚。但打邊爐最緊要係湯底！要食更好食嘅重慶打邊爐，而家香港好多。希望你哋可以努力。好失望，唔會再嚟。…查看更多

餐廳嘅裝修好靚 服務都無得頂但一間餐廳嘅重心，我會話係佢嘅食物質素嗌咗個$148嘅明太子三文魚子扁意粉都係啲大路嘢，都唔期望佢有幾驚艷。懷疑佢係意粉同汁分開煮，撈埋就出餐，即係好似美式意粉咁。因為其實一上到枱，我快影一張就即刻放入口，但佢只係微暖🤡個汁同意粉嘅味道係完全分開，喺扁意粉比較掛汁嘅情況下佢都做到咁分開，我都幾佩服🤡最尾都預咗，食完好似食咗啲空氣落肚咁🤡如果$148只配食空氣撈汁意粉會話佢當啲客傻🍉無下次🤡🤡…查看更多