之前喺朋友IG限動見到呢間韓泰fusion店，終於有機會試吓～餐廳燈光偏黃，枱凳排得密麻麻，嘈雜度似旺角茶記😂，但勝在冷氣夠凍，牆身掛滿韓文同泰文燈牌，幾有街頭風味。豬頸肉同牛肋條係主角，炭火爐自己燒幾過癮！肉質唔算超嫩，但醃得幾入味，尤其係甜辣醬汁嘅雞腿肉，咬落juicy～配菜有泡菜同生蒜片，夾住生菜食冇咁膩。不過爐火時大時細，燒燶咗兩舊牛舌😅。炭燒窯雞😋😋😋😋 半隻雞上枱，皮脆到「咔嚓」聲！炭燒味好出，肉質算滑，但雞胸位稍嫌乾身。最加分係泰式青檸辣汁，酸酸辣辣咁吊味，食完忍唔住啜手指👌！汽水機得可樂同芬達，普通啦～雪糕係韓國品牌，有蜜瓜同朱古力味，蜜瓜味似以前食嘅「密瓜球」雪條，甜到漏，食一球夠晒😆。兩個人$656埋單，抵食度中上，燒肉同窯雞都夠飽肚，但環境真係唔好預期傾密偈👂💨。如果路過元朗想大啖肉，可以一試!…查看更多
