黑兵衛的個人專頁

食飽晚飯後特登嚟買啲小食食下，之前已經食過佢地原味雞蛋仔同格仔餅，覺得幾好食，今次想試咖啡味，除咗雞蛋仔，佢地仲有好多唔同口味嘅格仔餅同嘢飲。落單後會即整，大概等10分鐘左右，有時夜晚都多人買嫁，就可能等得耐啲，拎上手熱辣辣，佢哋嘅雞蛋仔好飽滿，係特別大粒，裏面係結實有咬口，唔會係空心，食落嘅咖啡味唔算好重，微微嘅咖啡香，甜味啱啱好，外脆內軟，如果俾我揀，都係覺得原味最好食🤭下次會再試下其他味係點樣…查看更多

之前已經聽人講過依間過江龍，專食燒牛肉，今次嚟食午餐，我叫咗牛扒丼套餐$117，有啲貴但係份量好多，套餐有跟嘢飲同一件炸雞，餐廳新裝修，乾淨企理，坐位唔算逼，環境幾好👍個飯本身好似有啲泡菜配料，但我唔鍾意食泡菜，所以特登走配菜，牛扒食落熱辣辣，燒到外層微焦，入面嫩，咬落軟腍👍醬汁鹹甜適中，唔會太濃，飯吸晒肉汁好香口😋炸雞唔油膩，都算大件，味道正正常常，成個餐份量都幾多，夠飽肚，飯量足夠，整體都滿意！推薦⭐⭐⭐⭐…查看更多

之前晚市經過都見山本屋有人排隊，以為會好好食所以拉住朋友一齊去排隊，排咗30分鐘左右，結果伏到爆 😩坐低已經唔太舒服，因為同隔離枱就快肩貼肩，雖然櫈下面有個細籃仔可以放袋，但係櫈下面太窄所以放唔到我個袋，我全程都抱住個袋食，所以影唔到相😢我叫咗個吉列豬扒煮烏冬，朋友叫五目煮烏冬，本身以為味噌湯底應該會香濃又有層次，點知係會咁鹹，第一啖仲覺得ok，第二啖開始已經頂唔順，因為實在太鹹完全掩蓋晒烏冬同肉嘅味道，飲完成個喉嚨又乾，烏冬質感結實，小小彈牙，口感麻麻，吉列豬扒炸得厚粉重油，入面啲肉又唔算特別嫩，朋友話佢嗰碗五目煮烏冬都係鹹爆，一樣淪陷 😵‍💫有值得讚嘅係店員會不斷留意你仲有冇茶，會不斷幫你加茶（因為佢地都知道好咸？😂）食完我哋兩個直衝出去買水狂飲，真係鹹到懷疑人生，唔明點解會咁多人排隊食？…查看更多

好耐冇買過Muji嘅麵包，見到佢地新出咗好多款麵包，睇落好似幾正，菠菜芝士法包同草莓核桃吐司賣相幾靚，我就試下草莓核桃吐司，4塊都要$32，唔算厚切但又比一般方包厚，一d都唔平嫁！除咗食到有核桃，吐司扭紋裡面嗰d唔係單係草莓醬，食落係好似草莓味嘅橡皮糖，咬唔爛，再加上較苦嘅合桃，口感有啲奇怪..但又唔可以話好難食，唔算太甜，麵包都鬆軟嘅，只係口味唔太啱大眾，可能買菠菜芝士法包會比較好，而且價錢略貴，下次應該未必會試lu…查看更多