josonshiu的個人專頁

我地4個人主要order左：1. 招牌海南雞飯 x 2 ⭐️⭐️2. 咖哩海鮮飯 ⭐️⭐️3. 日式鰻魚雞粒炒飯 ⭐️⭐️⭐️⭐️.日式鰻魚雞粒炒飯可能係全餐廳唯一推介, 朋友只想填肚, 膽粗粗入左黎, 見食評麻麻.我當時估計 鰻魚炒飯應該無咁易失手,其他真係唔敢揀。結果好好彩, 個飯唔硬, 而且炒得好好,Touch wood鰻魚無碎骨, 好入味.招牌海南雞飯 一點都唔招牌,碗飯好硬, 兩碗都係.真心唔好叫.海南雞不過不失, 唔係特別出眾份量係非常夠,不過唔好預好好味.咖哩海鮮飯嘅咖哩好水好稀,撈飯食都唔好預好濃味,有幾舊八爪魚仔 蘿蔔填肚囉碟飯唔太硬嘅…查看更多

依間值5星有凸！唔試真係會後悔！根本就係去左日本嘅街邊燒肉小店！不過最好唔好穿白色衫,食完件衫會有油….我入到店先知自己book錯星期二, 我地好好彩, 本應佢星期一係唔開,咁岩老闆招待朋友先開.入到去, 店員已經好熱情咁向我地講解餐牌,之後我地兩人 點左1. 日本九州A4和牛肉眼 ⭐️⭐️⭐️⭐️⭐️2. 日本九州A4和牛三角胸 ⭐️⭐️⭐️⭐️⭐️3. 菇盛會 ⭐️⭐️⭐️4. 飯素 ⭐️⭐️⭐️⭐️⭐️5. 完熟桃味梳打 ⭐️⭐️⭐️⭐️.絕對推介 A4和牛肉眼會比三角胸更多油脂, 係近乎入口溶個隻,質素比得上大阪嘅和牛, 次高山飛驒和牛一級,小建議：如果兩個人食, 叫晒和牛肉眼都唔過份！. 飯素極好味個飯上面有D類似紫菜碎嘅料理,勁好味, 唔係普通紫菜黎！真係要加一碗, 連和牛一齊食.Remark: 我地係用左折扣…查看更多

店員依然係西口西面, 不過依個係佢地特色,有時好想安慰下佢地😂 俾點士氣.不過食物質素真係高, 性價比之選！我散叫左10件壽司+1件火炙帆立貝, 入面包括2件三文魚子 + 1件海膽軍艦,先至講緊total HKD148.壽司上嘅刺身個size叫做正常啦, 最好味應該係帆立貝,我初頭以為壽司上, 點知係摺紫菜, 燒完 入口好香口.其他10件壽司味道就正常、新鮮,對得住依個價有餘, 特別鐘意三文魚子飯亦都唔會好酸! 合格！.店舖個size好細,建議兩個人黎食會比較好…查看更多

依間路邊小cafe好驚艷好靚Instagram有其他foodie推介, 專程黎試試佢。.黎到我好surprised點解會無咩人, 唔洗排隊, 但係有幾個酥又sold out喎希望依間會撐得住, 多點人幫襯！. 講起K11 Musea嘅酥 或者 牛角包, 相信好易會想起food court嘅Gontran Cherrier (G.C.).兩間各有特色. 同樣係好入味.作為飯後茶點, 非常合適.如果你想試鬆軟嘅酥/牛角包, 另外可以叫杯咖啡或者朱古力, 應該揀依間.如果你想試硬繃繃, 脆口嘅酥/牛角包, 應該揀G.C..我今次叫左雙色朱古力酥, 靚靚店員專登叮返熱俾我, 易入口, 同埋旁邊有梳化, 勁舒服.比起硬繃繃嘅牛角包, 我會更鍾意依間。值85分！可惜嘅係有幾款我想試嘅酥都sold out.下次再黎！…查看更多

唉剛剛好錯過左午市, 變相餐牌貴左 同埋 要俾加一。如果唔會好晏食, 強烈建議17:00前好黎食！自選魚生飯其實依間都算經常黎食, 今次照舊自選魚生飯,注意返, 佢壽司飯/白飯係任添, 不過記得食得滯先好叫!選擇配搭: 壽司飯+帝皇蟹棒+火炙三文魚+穴子(佢會包埋一件玉子)帝皇蟹棒個份量好夠, 本身都好好味。而更加要大推嘅, 會係穴子! 好淋, 而且有鰻魚嘅味道，當然，佢亦都無細骨！火炙三文魚就無咩特別, 亦都無咩油脂, 建議可以選擇其他, 比例火炙左口魚。…查看更多

食過好多次, 接近每次都會點 辛辣沾麵$8X元黎講, 依個份量, 依個味道, 好抵食！幾時出返限定海膽蠔沾麵？大大塊火炙豚肉脂肪:啖啖肉比例大概係2:8, 脂肪係邊邊位。如果脂肪多點應該燒出黎會再香點。不過我都幾滿意, 但70分扁平粗麵底(普通硬度)真係好正, 最近麵底都無變, 依類掛沾麵湯簡直一流！辛辣魚介湯底魚介呢. 我本身就麻麻嘅, 因為本身好淡！但依個湯就好濃味, 辛辣味當然都好出!食完預左有少少口渴, 不過掛住汁去食, 真係滿足！值80分！:(無紫菜雖然紫菜只係點綴, 不過有, 會開心點.:(掛住海膽蠔沾麵依個係以前嘅限定拉麵, 真係好掛住可以成本高, 所以唔再造?依家嘅限定多數都係雪糕沾麵, 持續左成年,我諗應該都受歡迎, 有機會會試下！…查看更多

因為朋友推介, 所以我都帶朋友黎試下。如果下次再黎, 我一定要試一口壽司🤤.三盛燒肉丼有人話個丼份量比較細, 依個價比較貴,都同意嘅, 少過$100會比較合適。但係無論肉定飯都好好味, 都值得一試。肉唔會好韌, 而且好鮮嫩, 特別係燒燻雞肉,五花肉和牛舌都好爽口。連帶一提, 佢嘅燒肉係真幾出色。.牛之拼盤同樣好好味, 牛嘅外皮唔會燒到好焦,入面仲好粉嫩, 燒得剛剛好。不過呢, 平均$36一串牛, 真心貴。味道係正嘅, 不過其他地方食同樣質素嘅牛串, 每串只係值$18-25, 可能租貴啦。值唔值得試就自己考慮。.炸墨魚咀依味餸都好味, 夠香口, 同埋夾口。建議加杯啤酒🍻.醉漬鮮鮑隻鮑魚好大隻! 切開左一片片, 易食！朋友話好好味, 不過我食過更好味嘅酒煮凍鮑, 依隻係比下去, 我覺得可以落多點酒, 同埋再凍點。.:(辛燒豚梅肉拉麵依碗係我朋友叫嘅主餐, 無share食。不過眼見真係無咩特別, 每樣食材都好普通,佢都話唔係好好味個D.食拉麵, 真心去返拉麵專門店。.🍺🍻金啤好飲, 鍾意偏苦嘅啤酒可以一試!…查看更多

來到立鮨,其實主要係為左佢嘅壽司醋飯,因為比起其他壽司店特別,整得好嘅話, 係會增加壽司嘅層次!.今次因為午市 20%off嘅關係,我主要散叫, lunch set無優惠。.咁多件壽司, 最impress我嘅應該係1. 三文魚子軍艦魚子真係好滿, 滿到瀉, 佢係偏甜, 而唔係偏咸個隻.2. 火炙左口魚壽司佢嘅油脂被燒過, 真係好難唔好食, 而且處理得好好, 無根。3. 黑松露玉子好似未食過依個配搭, 都幾大堆黑松露, 我會大大推薦俾黑松露愛好者。.立鮨特別食法: 醋飯今次個醋飯味道係真係幾重完全蓋過刺身嘅味道所以下次再來應該要點魚肉比較大, 或者火炙類, 材料比較濃味,甚或至 如果只係為醋飯而來, 可選擇比較平嘅壽司。…查看更多

見到壽司關注組咁多人post, 當然要來探個究竟啦!依間壽司店「獨孤一味」, 只有日本直運的吞拿魚!今日仲要係佢地開張的日子,做緊買一送一優惠, 而我緊係唔可以錯過依個機會啦!:)跟老闆位兄弟對話 (唔記得細佬/哥）原來老闆做左批發10年有多, 會向唔同餐廳提供吞拿魚。佢完條拎返黎, 中間無再隔住批發, 會平點, 新鮮點, 先做到 「大拖+中拖+赤身」一碗飯賣$158夢之丼係真係好味. 拖羅腩位好夾, 有少少入口溶嘅感覺。算係難得, 可以食到咁好味, 無咩腥味嘅吞拿魚, 係赤身有少少。建議赤身可以火炙, 避走腥味?網上有人質疑老闆刀功, 同食物賣相。不過我食落無根。而賣相, 可能因為碗野無葉無薑無漬物配襯, 所以遲下或者可以加少少三文魚子, 同埋紫菜? 令碗飯豐富點, 封住網民把口。招呼可以做得更好可能第一日, 所以佢地比較亂。1. 個叫餐QR code比較細, 仲要係台邊, 我搵左一陣, 反而牆上面個ig QR code好大。你第一個動作應該先方便個客點餐！2. 話晒開張, 留下第一印象好重要。排隊時, 老闆個朋友不斷出入斟茶, 而排隊的我好口渴, 佢地人手係夠, 同埋排隊嘅人唔係好多, 大概10個左右, 係咪可以茶水招呼下呢？3. 買一送一, 同時不提供套餐。好多客人用QR code落單時, 都直接叫兩份, 變左買二送二, 另外又錯點套餐, 不斷聽到有人襟錯, 同埋要退返俾多左嘅錢. 店員好應該盡早提醒, 最有效率嘅方法, 應該貼「提醒」係台上 同埋 牆上。…查看更多

準備行去朗壕坊food court時, 未入到foot court就俾佢個menu吸引左,個飯好可愛 係飯上, 有堆似蛋白非蛋白嘅泡泡特上鰻魚終極TKG生雞蛋拌飯鰻魚好好味, 無骨, 亦都好軟, 無好硬個D皮處理得好好. 同埋份量真係剛剛好, 唔孤寒。講返D泡, 微微咸, 介開隻蛋, 撈飯食, 勁食胃, 我仲加左魚子, 海鮮味令到碗飯嘅味道升華雖然環境好似好逼, 但真係好好味, 唔會令人失望！…查看更多

朋友揀左依間餐廳Dinner, 第一印象係”you pick the great one”! 因為環境同食物相都吸引。我地分別叫左1. 美國100%安格斯牛肉漢堡配薯條2. 燒春雞及燒豬肋骨拼盤燒春雞賣相勁吸引, 朋友話雞肉好爽.我就叫左牛肉漢堡, 所以主要評依樣.牛堡依份真心係我食過最好味嘅牛肉漢堡, 初初心諗, F字頭間五人漢堡都食到啦, 但係依間嘅價錢係吸引, $200鬆點, 包埋磨菇湯, 重份量甜品同飲品。牛肉係好鬆軟, 牛味好重, 接近入口即溶, 唔信嘅話, 你真係要試! 份量剛剛好! 值85分！磨菇湯 + 甜品磨菇湯好味, 唔會太杰或者太稀, 同樣好入味。而甜品, 我覺得要特別注意嘅係, 我食左朋友一啖抹茶蛋糕, 茶味勁濃, 有兩個層次, 入口甜甜地, 之後茶味散發出黎, 回甘, 依個值95分。連杯好味嘅抹茶鮮奶都被比下去。…查看更多

黎到宜昌街, 你會見到幾間差唔多裝潢嘅門面, 都係木造嘅門框、窗花, 滿滿嘅日本或者台式風。其中一間就係一郎拉麵店啦。經朋友推介, 原來佢係日本九州過江龍,加上鯛魚拉麵咁特別, 同埋配白湯, 真係俾圖片吸引左我黎試下。無錯, 我今次係揀左店舖限定拉麵 - 鯛魚白湯拉麵 $138。我會逐樣食材講下-鯛魚鯛魚表面係燒過嘅, 入口味道係甜, 爽滑,放心啦, 無骨嫁!我覺得係全碗麵入面最好味嘅食材。而大細, 我覺得岩岩好。如果你鍾意啖啖肉, 咁佢就可能偏細塊啦, 好似壽司上嘅一塊刺身, 當然佢係熟啦。不過味道係獨特, 好味! 值85分。不過份量呢, 本身3塊, 我覺得可以俾夠5塊, 因為本身都唔算大塊。而且係過左$100嘅拉麵啊。味蛋好味! 我第一樣就係食味蛋, 值75分。味道岩岩好, 你會見到佢嘅蛋黃係較深色, 的確好入味。 同樣係份量問題, 依家出面唔少拉麵店都開始俾全蛋, 過左$100嘅拉麵, 我覺得可以俾返全蛋.:)叉燒第一啖係甜嘅, 咀嚼多幾啖, 會發現係同燒味店嘅叉燒差唔多，不過係明顯再火灸過，我覺得佢可以揀肥多少少嘅位，因為你會火灸，咁就可以谷到油脂出黎，會香會脆。依家未夠油脂未夠香。不過我都覺得值75分。因為入口 同 咀嚼多幾啖個味道明顯係兩個層次。由新鮮感(燒過嘅香甜味) 到 熟悉嘅味道 (喔！叉燒）湯底碗白湯，我係飲晒嘅，係真係好入味，我好鍾意！唔會好油膩。85分。麵底唉！ 幼麵。 依個雖然好個人，不過面對住容易掛湯嘅濃白湯，揀返粗麵會唔會好點呢？ 滿足感會大點嫁。 同埋幼麵拉底左碗拉麵嘅水平, 50分。配料：消失的露筍、紫菜、竹筍圖中有綠色一條條嘅露筍食到一半, 係喎, 無嘅?!紫菜、竹筍 正常發揮！總結我覺得好食嘅, 唔會太清亦唔會太濃, 甚至唔會好肥。總數值70分。而改善係..我覺得可以大方、慷慨一點, 份量多少少, 因為食完, 其實都係65-70%飽, 當然可以加底, 不過佢本身都過左$100嫁啦。叉燒揀肥少少，同埋補返露筍，唔該。商品說明條例啊😂依間係值得再黎,雖然有進步空間, 不過 係over合格有多嘅, 勝在有新鮮感！不竟食慣醬油味,黑蒜味, 辛辣味, 今次白湯真係好正！…查看更多

等候時間:個晚勁多人,不過等候時間都算叫合理?有book位嘅情況下, 都要額外等15分鐘店外裝修好靚吸引左我放依間餐廳去我個list度.晚餐:個晚叫左1. 意大利飯2. 焗蠔3. 牛扒個味道勁普通焗蠔真心唔推介, 好水, 無味我都唔太記得食左幾錢好似每人都要$200-300.環境及氣氛：環境裝飾係好靚但係睇得出老闆為左一晚賺多點錢D位set到幾逼環境又嘈隔離有個男人勁大汗味, 臭到全程忍住.完全係浪費左咁靚嘅地方個晚係2個人, 同女仔黎, 除非你朋友鍾意逼,否則依間餐廳係唔會有環境同氣氛可言.可能可以推介嘅食物:依間餐廳已經係我嘅list刪除好可惜未試佢甜品, 我估甜品可能得如果要黎, 我諗要考慮下午 少人嘅時間黎啦.…查看更多

我去個陣, 竟然無人.但係講返D餸, 我覺得質素對得住價錢.我屋企人覺得好好食, 我就覺得合格啦.勝在多款, 同埋坐得都算夠闊落.可能個陣得我地一台, 服務都特別好。.咁我都希望依間港式火鍋好生意嘅.需要改善嘅係冷氣位.我食完個晚就發燒. 個爐好熱, 但個位好凍.一冷一熱. 令我對依間店留下左陰影.我覺得老闆重新要諗下D位點放.同埋個陣得我地一台, 應該開附近嘅冷氣頭頂嘅冷氣應該閉掉.所以環境我只能俾2分.雖然我未必會再黎, 不過公道點講.依間係值得一試嘅. 款式真係夠多夠抵.…查看更多

鵝肝性價比極高.$168 有4塊A5和牛, 4塊鵝肝.如果旺角個頭食鵝肝飯都要$100幾蚊.依度仲有埋4塊和牛.和牛油脂好夠, 好有牛味.飯嘅份量都岩岩好.滲晒鵝肝油同和牛油脂, 好正同埋叫左碟竹筍, 都好好味下次想黎食和牛海膽飯…查看更多