onesss的個人專頁

呢間食過好多次外賣，嘢食都唔錯，近排又食過屯門店好好食，所以趁經過特登嚟堂食。因為工作關係，8點幾差唔多9點先入座，雖然夜，但係都滿座，要等一陣位，座位算幾逼吓，叫咗必食既新加坡喇沙同馬拉盞炒椰菜苗。之前食過幾次新加坡喇沙，啲湯好濃好香，唔知點解今次味道好淡，得少少椰奶同辣油味，平時既香葉同香茅味都無。入面啲餸係正常既，魚蛋，雞蛋幾好食，蝦都彈牙，但係喇沙既湯係重點嚟，呢個價錢咁淡味既湯，認真麻麻地。椰菜苗係正常既，份量都算多，食咗一半先記得影。食食吓，突然有好大陣消毒藥水味，原來係差唔多關門，員工開始用消毒藥水抹枱，抹梳化，雖然食食吓有陣消毒味好奇怪，不過疫情期間勤消毒都係好事，所以算啦。但係大概9點15分左右，有收垃圾既工人推住垃圾車嚟收垃圾，過咗一陣推咗人咁高既垃圾走，個個食客都係無戴口罩食緊嘢，咁樣真係好唔衛生。…查看更多

路過見到呢間鋪新開，門口排咗唔少人，見佢主打賣馬來西亞風味蝦麵、叻沙、肉骨茶、咖喱，一向都好鐘意食，決定一試！晚飯時間，大概排20幾分鐘就有位，還算OK！就到既時候店員預先幫忙落單，叫咗個招牌菜 緣蝦壹麵、蝦蝦霸霸叻沙、一個肉骨茶，同三杯嘢飲。其實門口幅圖仲話有海南🐔食，不過店員話暫時都未有得食。入到去店員攞張單嚟，一睇發現嘢飲落漏咗兩杯，即刻叫佢加返。蝦蝦霸霸叻沙 $88叻沙第一碗到，速度好快，不過可能晚飯比較繁忙預先整定嘅關係，湯底唔係好熱。入面都幾多料，有軟殼蟹、魷魚、蝦、蜆、魚片、雞蛋同芽菜，用料都算新鮮，不過叻沙味道不太濃，同出面食既湯底有啲分別，但有附上參巴醬調味，不過不失。緣蝦壹麵 $128呢個麵係打卡必備，好多檯都有叫，好多料，有半隻波士頓龍蝦、魷魚、蜆、魚片、蝦、雞蛋、芽菜，海鮮都係彈牙既，$128算係咁啦。不過個龍蝦唔知係咪用鹽水煮，超級鹹，我都未食過咁鹹嘅龍蝦，而且食到個龍蝦鉗好難剝，要落手食，好唔方便，如果預先幫客人敲碎少少個殼會好啲。蝦麵湯底都緊要，但蝦味真係無乜，而且鹹得都幾誇張，食一啖就要飲返幾啖水平衡下。碼頭勇士肉骨茶 $88呢個肉骨茶比較淡，唔鐘意濃味嘅話就OK，如果你食過馬來西亞正宗嘅肉骨茶，而又鐘意果隻中藥味，呢個你可能會失望，佢亦唔會有新加坡肉骨茶嘅胡椒香。至於三杯飲品，我地叫咗青檸梳打、酸梅特飲同馬來拉茶，覺得都係一般，個凍拉茶仲係唔熱唔凍，好似比室溫涼少少，怪怪地…整體嚟講叻沙算係最好食。…查看更多

今日同同事一行五個人去食lunch, 一坐低就叫嘢食，啲嘢食好快就嚟，但係可能係整定既關係啦，個湯係唔太熱既，碗皇牌牛河最特色既地方就係啲牛肉特別生，因為湯唔夠熱，到食完成碗粉，啲牛肉都仲係半透明既粉紅色不過最大可憐既係我地食咗二十幾分鐘，岩岩食曬主菜開始飲嘢，waiter就出張單黎叫我地埋咗佢……過兩分鐘waiter又嚟催，話繁忙時間叫我地快啲埋單吓？真係要食完嘢就即刻隊曬杯嘢飲佢？咁繁忙不如唔好做堂食吖最後我地出到門口發現係無人排緊隊既唔知D staff係咪自己太大壓力要D客感受吓？咁樣食嘢法太辛苦喇！…查看更多

之前睇到報紙話呢間既老闆係內地人，曾經去台灣食到當地既豆漿油炸鬼小食，跟住帶返去國內度賣，喺內地大紅，所以一直好想去試吓，點知佢係名過其實，水準真係唔得要等好耐，唔平，坐得又逼，仲要唔好食今日Tea time路過見得十個八個人排隊，打算買嚟試，不過真係好慢，等咗二十分鐘先排到，之後再等十幾分鐘先有嘢食，繁忙時間真係唔知等幾耐。講返食物，賣相唔錯，不過味道好麻麻！鹹豆漿酸酸地，味道好奇怪甜豆漿都還可以，不過二十幾蚊杯豆漿太貴喇！旺角其實大把選擇甜豆漿就唔知係咪因為天氣凍嘅關係，杯嘢唔熱唔凍既最慘係油炸鬼，18蚊條，炸得唔好，搞到又油又唔脆口，食完成手成口都係油，粥舖果啲都好食過佢😵😵😵可能喺國內真係好食但係keep唔到水準？…查看更多

食過幾次，預咗假期會多人，5點半就去到攞飛等位，佢話5點9就可以開始入座，細檯等第6張檯。等到5點9，知客開始派飛，總共派咗5張細檯，跟住話全場坐滿曬，無位再派，但望入去其實超多檯無人坐，話全部都係俾人訂曬檯喎！但檯面上面係無booking牌既……個知客話要等人埋單，入座果啲連茶都未叫，但叫你慢慢等，8點前交檯，換句話講叫你由5點半開始等到8點囉！佢話你都可以訂檯㗎，即係叫你walk-in就咪食，又唔係特別平，當啲客傻㗎？明知無檯就一開始派咁多張飛？後面仲有好多人攞咗飛囉…查看更多