foodie.anjournal的個人專頁

一上到去原來會分左兩閒餐廳，一邊食燒肉，另一邊先係Bong 樓🤔 主打韓式中華料理，裝修華麗帶點韓式風，燈光柔和，牆上有啲韓國元素😎 雖然我哋週末晚市去到，都唔多人，所以坐得幾舒服🥳 服務幾好，會一路幫你裝滿茶👍🏻炸醬麵 ($88)炸醬麵大大碗賣相幾吸引，上面淋滿炸醬，有青瓜絲同豬肉粒🥰 食落炸醬濃郁，味道正常冇咩特別，整體普通咗啲👌🏻 麵條有少少偏冧，份量 OK，價錢喺尖沙咀嚟講算合理😆糖醋肉 ($128)糖醋肉賣相幾吸引，醬汁分開，🥳 糖醋醬酸酸甜甜，食落好開胃食落，份量算多，啖啖肉都幾滿足😍 外皮唔算好脆，配上糖醬汁酸甜開胃，但無想像中酥脆，食落普通咗少少🫨 整體味道幾好！Bong樓主打韓式中華料理，炸醬麵同糖醋肉味道正常，質素中規中矩👍🏻 環境舒服，但服務貼心，keep住有refill茶🥰 如果想試下韓式中餐都可以黎試下，唔會好驚喜但係又唔會中伏😂…查看更多

BKK 喺 PMQ 元創方地下，本身唔知道PMQ竟然有餐廳😂 裝修係泰國街頭風😎 雖然人多但係空間幾寬敞，坐得舒服🥳 氣氛一流！炭燒雞肉沙嗲 ($128)得四串炭燒雞肉沙嗲，香港價錢🙂‍↕️不過賣相唔錯，雞肉串金黃色，配沙嗲醬汁🥰 食落雞肉嫩滑帶炭燒香，沙嗲醬濃郁微辣甜😍 整體味道平衡，唔會過重口味，泰式風味明顯！泰式和牛炒粿條 ($158)網絡配料都幾豐富，上面有和牛片同配菜🤤 粿條乾身炒得香，食落煙韌彈牙，和牛嫩滑多汁，鑊氣十足，加埋啲配料，每一啖都好有層次😋 整體幾好食，係正宗嘅泰式炒河粉感覺， 但和牛份量略為少咗啲😬芒果椰汁糯米飯椰子新地 ($108) (已停售)估唔到最尾甜品先係最好食，超級打卡able，滿滿新鮮芒果配糯米飯同椰汁🥰 糯米飯軟糯香甜，芒果完全唔酸，鮮甜多汁，加埋椰汁 令整體感覺清新，最有驚喜😍 甜品控一定要試吓，雖然價錢貴咗啲，但係都推薦食呢個甜品👍🏻整體嚟講成餐飯幾好食🥳 喺 PMQ 中環搵到咁正宗泰式街頭菜真是一個驚喜，尤其個甜品非常出色 （不過原來已經冇賣）😋 但價錢偏貴，性價比一般🙂‍↕️…查看更多

Mercury Recalls by Lost Stars喺銅鑼灣，裝修係復古音樂風，好有文青 vibe，型到不得了😎 其中一個賣點係每人叫一個主食/意粉就 free flow薯條，仲有 DJ 現場播歌，氣氛熱鬧到飛起🥳 我哋晚市去到，鋪頭幾多人，大概坐滿咗八成，但坐得舒服唔逼👍🏻 酸奶油烤美國豬柳 ($278)每件酸奶油烤美國豬柳上面都灑咗開心果碎，望落好豪華🥰 食落豬肉嫩滑多汁，酸奶油 creamy 又唔膩，配埋水果醬嘅清甜，同開心果碎嘅堅果香同脆口感，層次豐富，味道超豐富😍 豬柳，水果醬同開心果嘅組合真係一個亮點🫨黑松露牛肝菌意大利雲吞 ($188)黑松露牛肝菌意大利雲吞賣相上面鋪滿芝士，淋上黑松露醬，超級香黑松露味🥰 食落雲吞煙韌，雲吞皮薄餡多，牛肝菌鮮嫩多汁，每一啖都好滿足😋 黑松露薯條/鹹蛋黃薯條 (任食)叫主食有 free flow 薯條，薯條係幼薯條，外皮炸得夠脆，但有少少偏油🤪 黑松露醬香濃，鹹蛋黃醬咸香得宜，兩款都好值得試🥳太飽冇試埋剩低個款🥲 兩個人分都好夠飽，呢個價錢喺銅鑼灣真心抵食！白桃碳酸伯爵氣泡茶 ($78)白桃碳酸伯爵氣泡茶幾特別，飲落清爽，伯爵茶香氣濃郁，好解渴🥰 法式伯爵茶朱古力 ($108)法式伯爵茶朱古力又滑又creamy，朱古力同伯爵茶嘅香味好夾，甜度啱啱好😍 餐廳全部嘢都幾好食，好滿意，又有DJ夠曬氣氛，整體 vibe 超正🫨 仲要加埋任食薯條，唔會擔心唔夠飽，薯條都幾高質😋 推薦同朋友一齊食👍🏻…查看更多

上扶手電梯去到希慎廣場13樓就會見到pizza maru，有啲位會喺餐廳出面🤪 我哋晚市去到，鋪頭都幾熱鬧，要等一陣先有得入去🥳 但枱同枱隔得唔算疏，少少近所以唔係坐得好舒服😂 要用英文落單🫡蜂蜜牛油炸雞配粟米燒 ($139/ 6塊)蜂蜜牛油炸雞一上枱，同粟米放埋一齊令成個賣相吸引左，但睇得出炸雞好乾身🤫咬落去外皮炸得脆，但只有表皮有味粉，內裡雞肉調味淡咗啲，肉汁近乎0🙂‍↔️蜂蜜牛油粉甜甜地，薄薄灑係炸雞上面，味道 OK ，但食多幾件有啲單調。粟米燒炭燒過有陣焦香，粒粒分明🫨 韓式海鮮炒年糕 (辣醬) ($123)韓式海鮮炒年糕賣相感覺味道好淡，而年糕條同海鮮同海鮮嘅分量都ok😬年糕唔可以話係十分煙韌有嚼勁，同坊間嘅都差不多👌🏻雖然整體都比較水，但味道微甜微辣，適合大部分香港人口味 。海鮮有蝦、魷魚同青口，要有嘅海鮮都比到👌🏻無乜回味嘅感覺，下次想食韓國年糕嘅話未必會再選擇呢到🙂‍↕️Pizza Maru 嘅蜂蜜牛油炸雞同韓式海鮮炒年糕賣相唔差，但炸雞只有表皮有味，炒年糕水水地，成餐普通咗啲，無乜驚喜🫨 我地冇叫到佢最出名個pizza，可能有機會會好食啲🤔 價錢偏貴，性價比一般…查看更多

荔枝角好出名嘅外賣越南菜Viet House嚟到北角開鋪！仲有得堂食😋😋主打招牌越式法包及撈檬🤪 鋪頭位置不大，小逼，好多人排隊，夜晚大概7點去出到要等大約15分鐘先有位，店員仲會安排搭枱，枱同枱之間好近，會坐得有啲唔自在😬 好彩Staff 幾Nice，用QR Code 落單👍🏻香茅雞肉法包 ($60)Menu 簡單，本身想叫招牌經典法包不過賣曬☹️ 法包一上枱已經切開一半，佈滿雞肉，賣相超級吸引！咬落外皮脆卜卜，内裏鬆軟，超級驚喜🫨雞肉嫩滑調味足夠，唔會太鹹。連埋夾住醃蘿蔔、青瓜增加口感，醬汁酸酸甜甜非常夾，一咬落去爽脆，每啖都有層次😋 份量啱啱好，食完好滿足，暫時係我食過數一數二好食嘅越南法包👍🏻香茅豬扒撈檬 ($60)豬扒檬粉同配菜鋪到滿曬，賣相吸引🥰 檬粉爽滑有彈性，加埋醬汁，酸甜辣嘅味道好開胃！豬扒煎得香口，少量香茅味，肉質軟腍，食落幾好😍 仲有生菜、青瓜菜，增加清爽感，口感好豐富。不過豬扒，檬粉份量唔算多，味道同質素都OK！Viet House 食物出色，價錢唔貴，特別係法包好有驚喜🥳 雖然環境逼咗啲，晚市要等位同搭枱，但食物質素完全 cover 曬！性價比高，喺北角竟然可以搵到咁好食嘅越南菜😎鍾意越南菜嘅朋友一定要試吓！等位期間仲可以去隔離初麥買個Bagel做聽日早餐…查看更多

GYOJASANG 喺銅鑼灣 Fashion Walk，裝修係香港比較少有嘅韓式居酒屋風，有室內同戶外位😎 我哋晚市時間去到，鋪頭幾多人，坐滿咗7-8成，氣氛好熱鬧🤩 但枱同枱隔得好近，近到我聽到隔籬枱講緊啲咩😂 坐得唔係好舒服，傾計都要細細聲🤫 環境雖然型格，但隔得太近真係一個小扣分，喺銅鑼灣搵到咁靚嘅地方食飯都算一個小驚喜🫨海膽紫菜包飯 ($380)一上枱，賣相靚到不得了，非常適合打卡！每件飯卷上面鋪滿海膽、生牛肉同魚子醬，望落好豪華，超想即刻試🥰 食落海膽甘甜，生牛肉軟滑，紫菜夠脆，層次感好豐富😍 味道整體幾精緻，配料新鮮，食得出有質素！不過海膽味唔算好濃，份量唔算多，鍾意海膽嘅朋友可以試下👌🏻半半炸雞（甜辣炸雞 & 芝士炸雞） ($178)半半炸雞望落大大舊，甜辣同芝士味各一半，望落好想試🥳 甜辣炸雞醬汁微辣帶甜，咬落去雞肉嫩滑，外皮唔會比醬汁浸腍，調味幾好😋 芝士炸雞上面就灑滿芝士粉，香濃但略為膩咗啲，食多兩件會有啲飽😋 兩款都炸得幾好，入面雞肉 juicy，但無乜特別嘅亮點。GYOJASANG 雖然裝修型格但枱隔太近，私隱度略為低😅 食物質素唔錯，服務快又貼心，喺銅鑼灣搵到咁有韓式風格嘅地方算一個小亮點！鍾意韓式 fusion 菜嘅朋友可以試吓，但唔算特別平👌🏻…查看更多

前排經過見到 Tommy Yummy 嘅泰式menu好吸引，決定入去試吓😋 下晝時段去，餐廳冇乜人，入去即刻有位，唔使等又唔使搭枱，坐得舒服😎員工仲會主動幫手影相🥰泰式豬頸肉炒河 ($89)泰式豬頸肉炒河一上枱已經聞到超級香🥰 河粉炒得乾身，每條都好彈牙，咬落去爽滑又唔黐口，完美吸曬醬汁嘅味道！豬頸肉切得大細適中👍🏻 仲有芽菜、洋蔥增加爽脆嘅口感😋奶茶雪糕忌廉牛角窩夫 ($78)奶茶雪糕忌廉牛角窩夫有小驚喜😍 窩夫外皮脆卜卜，裏面軟軟地，帶有少少牛油香同甜味，上面有一層Cream 同埋泰式奶茶雪糕，茶香好濃，甜度啱啱好，加埋泰式奶茶醬同窩夫簡直係絕配🫨 不過份量略嫌太細，窩夫同雪糕都比較細份，但味道唔錯，可以試吓🤩今次係Tommy Yummy 食到呢兩個菜式都唔錯！下午茶時間去環境超 chill，冇人逼位🫨 雖然價錢唔算特別平，但食物質素OK，鍾意泰國菜嘅朋友可以試吓！…查看更多

筲箕灣最近新開左一間泰國野，望落 menu 好吸引🤪 就入左去試下，出到嚟賣相 OK，味道不過不失，整體都算OK 👌🏻地方唔算好大，但環境唔逼，裝修帶點泰式街頭風，有色彩繽紛嘅裝飾同木枱😎 入去時冇乜人， 點知食食吓開始陸續多人。雖然人多但唔逼，空間感 OK。服務員態度好好👍🏻豬頸肉 ($78)炭燒豬頸肉一上枱，幾大份，望落幾 juicy，令人好想試🥰 豬頸肉外微焦內軟嫩，咬落去肉質算嫩，配上酸辣嘅泰式魚露汁，味道幾惹味😍 不過肉味略為普通，無想像中濃郁，食落不過不失👌🏻 兩個人分啱啱好飛天通菜 ($72)飛天通菜賣相幾靚，上面有啲蒜蓉同辣椒🥳 食落通菜爽脆，蒜香同辣味都有，有少少辣，略為重口味，少少鹹，但無乜特別嘅泰式風味，食落有啲似普通炒菜😬 價錢同質素比起來略為貴咗啲香葉肉碎煎蛋飯 ($75)香葉肉碎煎蛋飯一上枱，賣相好正，煎蛋金黃蓋住飯，肉碎同香葉係側邊，望落好想即刻試😍 煎蛋煎得香，拮開蛋黃撈飯好香，肉碎帶點羅勒葉嘅香氣，略為辣同鹹，味道幾惹味😋 飯粒粒分明，撈埋蛋黃同肉碎，口感豐富。食落算唔錯，份量夠飽🫨 泰Grill菜式味道不過不失，賣相吸引，但無乜大驚喜，性價比都OK🫨 環境唔逼，服務正常，筲箕灣搵到泰式菜算唔錯！鍾意泰國菜嘅朋友可以試吓😋 下次去可能試吓其他菜式，睇吓有無驚喜！…查看更多

前排同朋友去觀塘搵食，餐廳喺觀塘駱駝漆大廈，工廈風格，地方唔大，裝修簡單有日式 vibe，牆上有啲日系掛飾😎 我哋晚市去到，人都幾多，等咗10分鐘左右有位。最搞笑係食到一半突然停電，全場黑晒，大家即刻「哇」咗一聲，店員好快拎電筒同手機燈應急，氣氛有啲似拍電影😂 好彩幾分鐘就有返電，無影響食飯心情。服務員態度好好，用QR Code 落單，上菜都快，10分鐘內食物到枱，效率滿分👍🏻夏一烏冬夏一烏冬係冷烏冬，賣相清新，上面有紫菜絲、芝麻、青瓜粒同溫泉蛋，望落幾靚🥳 烏冬條煙韌有嚼勁，撈埋蛋黃同鰹魚汁，口感幾滑，啱晒夏天食。不過味道略為淡咗啲，食落普通咗啲，無乜大驚喜👌🏻骨付鳥（跟餐） 骨付鳥真係超級好食！一上枱熱辣辣，賣相好 juicy，灑滿七味粉同蒜蓉，望落已經超想試🥰 雞脾烤得外皮焦脆，肉質嫩滑又多汁，食落好惹味😍 骨肉分離好易，啖啖肉都充滿香氣，係三樣食物入面最出色嘅一個！網上好多食評都話骨付鳥係必試，試完真心認同🫨鍋燒鰹魚湯白味噌烏冬鍋燒鰹魚湯白味噌烏冬一上枱熱騰騰，夏天嗌呢個有啲後悔😂湯面有海苔同蔥，賣相幾吸引🥰 烏冬條同夏一烏冬一樣煙韌，但白味噌湯底味道偏淡，無乜特別😅 湯底偏溫和，鍾意重口味嘅我覺得略為唔夠過癮。份量夠，食完都幾飽，但整體感覺普通，無骨付鳥咁搶眼。大推鰹烏冬嘅骨付鳥，香脆 juicy，食到幸福感爆棚🥳 我地叫嘅夏一烏冬同鍋燒白味噌烏冬就普通咗啲，味道偏淡，無乜眼前一亮嘅感覺。 環境有啲逼，晚市有機會要等位同搭枱，但服務快，食物質素整體OK。骨付鳥價錢稍為高少少，但真心值得試！經過觀塘又想食烏冬就可以去試下😋 評分：6.0 /10 人均消費：~$50-100不負責個人意見：經過可能會去食吓😬鰹烏冬（觀塘）📍觀塘開源道60號駱駝漆大廈3座11樓O室…查看更多

喺希慎廣場B2嘅food court想搵咗餐廳食晚飯😋比呢一間slowcow牛丼吸引咗，試吓係咪真係同張圖一樣咁吸引！慢煮熟成牛肉+珍珠白米飯+日本蘭王生雞蛋黃+紅酒照燒汁 ($94)出到嚟基本上同張相一模一樣咁吸引🤪 白飯上面鋪滿中間有粉紅色嘅牛肉片，加埋黃色蛋黃，完全係睇到都超想食🥰 牛肉片煮得好腍，肉質嫩滑，食落好重牛肉味👍🏻 拮開個蛋黃，包住一粒粒嘅日本珍珠米飯，撈埋牛肉同照燒汁，口感豐富，每一啖都係幸福嘅味道🥳 紅酒照燒汁雖然唔係好食到紅酒味，但係甜甜地嘅照燒汁撈埋蛋黃，簡直係絕配😋最有驚喜嘅係佢嘅自家製忌廉，忌廉食落口感好smooth帶少少甜🫨 同呢一個牛丼，簡直係出奇地夾👍🏻個飯真係幾好食，雖然價錢唔算平，望落分量都唔大，不過正常人應該啱啱好夠飽👍🏻 Foodcourt 都可以食到真係幾驚喜🫨…查看更多

尖沙咀韓國街不嬲都多韓國餐廳選擇，今次同朋友揀咗嚟食呢間Ssal Bori Ssal🤔 我哋下晝兩三點到好好彩唔使排隊就有得入去食👍🏻 裝修簡單，牆上面貼滿韓式海報🇰🇷Mak So Sa ($110)用韓式米酒裝住，好適合同朋友一齊飲🍻佢係米酒，燒酒同雪碧混合嘅韓式Cocktail，好特別好好飲🥰🥰 飲落去甜甜地，唔會好覺有好重燒酒嘅嘅酒精味，又會飲到淡淡嘅米酒香😋 入口亦都非常順滑，超級容易入口🥳海鮮煎餅 ($149)非常之推介呢個海鮮煎餅，超大塊好適合大家share一齊食🤪 外層煎到金黃香脆，粉漿亦都唔會太厚，好容易食到入邊海鮮材料嘅味道🥰 配埋個辣醬，非常之開胃，絕對值得一試👍🏻韓式蟹籽泡菜石鍋飯 ($120)本身以為冇乜特別，點知原來成日都好有驚喜🫨 白飯上面鋪滿蟹籽紫菜，熱辣辣嘅石鍋煲將啲飯煎到有少少焦香🤩 撈埋蟹籽，酸辣嘅泡菜，再加上充滿芝麻油味嘅紫菜，超級match 🥰會令人一啖接一啖咁食醬油蒜蓉炸雞 ($112)呢個炸雞就比較一般，外皮雖然炸得夠脆，但係雞肉肉汁較少，食落較乾身🥲 醬汁亦都唔多，味道唔突出，令整體感覺食落較乾部隊鍋 ($298)好豐富，好大兜嘅部隊鍋😋材料仲超級豐富，腸仔、午餐肉、年糕、泡菜、即食麵全部都有🥰湯底亦都唔算好辣👍🏻估唔到喺香港都可以食到咁正宗嘅韓國嘢🥳 建議多啲人去，可以試到多啲唔同嘅嘢食🥰 同埋繁忙時間去要有定心理準備要等位😓…查看更多

灣仔薔紅餐廳歷史悠久，超級出名，尤其係最出名嘅脆皮燒春雞👍🏻 平時你食都應該要排一陣隊，不過地方較大座位多應該唔使等好耐🤔脆皮燒春雞 ($78)一上嚟見到半隻雞，雞皮炸到金黃色已經超級吸引🤩 雞皮超薄，咬落去夠晒香脆，有輕微焦香，加埋入邊雞肉嫩滑多汁，咬落去淡淡都係肉汁，完全唔會乾柴🥰 就咁食都夠晒味，點泰式甜辣醬就食落冇咁膩👍🏻 燒春雞果然係邪惡推介，無可避免都會有少少油😬黯然銷魂叉燒飯 ($63)完全就係經典嘅味道🥳 叉燒撈埋蛋汁，豉油超級夾👍🏻 叉燒咬落去軟腍，唔會超硬，但係外邊唔夠脆同唔夠燶🥲 整體嚟講係一個味道一般嘅黯然銷魂叉燒飯👌🏻果然係最出名燒春雞，見到差唔多每一台客人基本上都嗌咗😂 燒春雞值得一試😋 其他就比較一般啦…查看更多

喺銅鑼灣想食韓國嘢一定會諗到Bingo & Cook！原來最近已經搬咗去第二度，舖頭大咗，裝修都唔同晒🤪 變咗韓式大排檔風格，好特別👍🏻豬腳 ($320)超級大份豬腳，豬腳煮得好入味，肉質軟嫩，膠質豐富😋 配埋辣醬，加上生菜包住一齊食，清新又唔會覺得膩。仲有啲配菜泡菜、洋蔥，令到整體味道層次更加豐富🤪玫瑰醬炒年糕 ($188)呢款炒年糕食落味道出色又唔會過甜🥰 年糕煮得啱啱好，煙韌彈牙，唔會太硬🤩 玫瑰醬勁濃郁creamy，混合咗甜辣嘅韓式風味，將濃厚嘅玫瑰醬撈埋公仔麵一齊食，超級邪惡🥳雖然搬咗舖，但係水準都一樣維持到，一樣都食得返韓式風味🥰 除咗嘢食好食，仲好適合去打卡📸…查看更多

呢一間喺炮台山嘅韓國餐廳，由韓國人主理，有好多款唔同嘅新式韓國料理😋 入面裝修得好靚，空間又大，坐得都好舒服🥰 落咗單之後仲有好多碟前菜🫨黑芝麻炸雞 ($165)好少見好特別嘅黑芝麻炸雞🥰 因為黑芝麻醬所以全部炸雞都係黑色，上面鋪滿蔥做點綴😋 聞落去已經聞到好香芝麻味，咬落去成口都係黑芝麻香，炸雞外皮夠脆，但雞肉略嫌乾柴，肉汁唔算多🥲 冇諗過黑芝麻味同炸雞係咁夾😍春川水冷蕎麥麵 ($120)食落好有驚喜🫨 蕎麥麵咬落去爽滑彈牙，入口亦都有淡淡蕎麥香味🥰 湯底冰涼解渴，有微微酸甜，再加上少少辣，提升咗整體嘅風味，加埋配料同蕎麥麵，味道超級豐富🤩 感覺清爽，好適合夏天去食呢間餐廳坐得舒服，菜式選擇多，下次嚟要試吓佢其他唔同嘅嘢食🥰…查看更多

之前成日都見到有人介紹呢間葵廣新開Churros 舖頭，今日終於有機會試吓佢哋嘅Churros同埋開心果雪糕😋 平日夜晚去，人流唔算好多，唔使排隊🤩 但係Churros都係即刻炸起，所以都要等一陣👍🏻Gelato + Churros ($60)意大利開心果雪糕 + 奶醬西班牙油條呢個set有三條Churros 同埋一杯開心果gelato 🥰 Churros 上面灑滿肉桂糖，一入口就食到肉桂香味🥳 外皮炸得金黃酥脆，唔會太硬，但係略嫌油膩🥲 內裡軟身，口感鬆軟，但係食落唔會煙韌又冇咩咬口🥲 配埋奶醬有少少鹹甜味，整體都唔會太膩👌🏻開心果Gelato反而有啲驚喜🤩 食落去口感尚算綿密，亦都有開心果味，加埋上面開心果粒同埋Churros 食都好好食🥰大家嚟葵廣掃街嘅時候，不妨都可以嚟試吓佢嘅開心果Gelato 😋…查看更多