apmmwnmjd2gt的個人專頁

眼見有唔同雞飯食，全部都係40蚊同去骨，good!跟餐有個湯，都幾好飲。-+5蚊有個汽水，唔要湯轉汽水先3蚊。-好快有得上，姐姐仲問夠唔夠飯，可以添！Very nice! 姐姐態度好好，落單轉咗幾次都冇嬲，講嘢非常之有禮貌！-最後揀咗海南雞飯，心諗如果揀招牌唔好食都冇辦法，唯有當試伏( ･᷄ὢ･᷅ )-個雞係好食嘅，唔乾柴，個油飯好好食，有味仲有咗少少嘢，睇落似炸乾蒜，但唔肯定。-冇加飯食完都好飽，開心滿足！(*¯︶¯*)除咗雞翼有少少毛，其他完全係100分，不過都知有少少毛係冇辦法( ´▽｀)-會再返嚟食嘅！…查看更多

突然想食韓國嘢，行咗一圈，雖然見到呢個鋪噏揼但聽到老闆講韓文，心諗可能係正宗韓國小店，價錢貴少少都ok啦。比咗錢就叫等5分鐘，整好拎出嚟，一睇，完全係出曬事。份量係真係好少，少到一個女仔都冇可能食得半飽。（$58）一食，仲出事⋯⋯點解？點解舊雞可以淋到完全唔似雞肉？首先佢應該係要炸咗再淋汁㗎嘛？但佢冇！係完全冇炸過嘅！所以係一啲都唔脆㗎！係完全少少脆都冇！跟著，叫韓式酸辣雞梗係想食雞㗎啦，就係想食到一梳梳嘅雞肉texture。而「理所當然」地佢係一啲都冇㗎！啲肉質溶溶爛爛到似雞肉丸，甚至雞肉丸都係結實過佢啲所謂「雞肉」！真係超級難食！最後，佢啲醬呀，啲年糕就梗係唔會好食得去邊啦，啲醬汁陣味唔好食，啲年糕好韌，好似完全冇煮過咁，似攞入微波爐叮兩叮熱咗就算咁。總結，份量好少，超級難食，唔值得！…查看更多