Nancy0709的個人專頁

呢間鋪都開左好長時間了，一直飲開覺得價錢便宜又好飲，水果茶奶茶沙冰選擇種類多，所以每次經過葵芳都必買！！最近去葵廣掃街，飲品當然第一時間諗起上海灘！買了「朱古力蛋糕奶茶」，但發覺味道大有不同，覺得咁岩失準啫？？今日咁岩拎野要搭地鐵經過葵芳，心血來潮買來飲，但都係好失望！！！蛋糕口感仍然係完全食唔出，咁不如買普通既奶茶唔好？加價都算，人之常情，但用料同之前天差地遠，真的很糟糕👎🏻👎🏻日後味道仍然是這樣，不會再光顧了😩…查看更多

近排見出左四重芝士焗肉醬意粉，久違嘅一次去左食，去拎餐時已感覺很伏，因比單前已經見到枱面放左一兜野，然後望下張單原來落錯左焗豬扒飯，未比單已經放左係枱面，告知職員後，點知佢即刻換到比我，睇嚟樣樣都整定好耐。意粉賣相差，仲要係唔熱既，勁淋，肉醬同芝士結成一舊舊，似係放咗好耐，真係質素不如便利店微波爐叮既意粉 ，未食已經無胃口。…查看更多

早前係OpenRice 見到有優惠劵$88/位 見好抵就買咗試下，原來到場要再收每位附加費$31 ，都算，諗住試下。食物種類係多，但食物味道真係好一般，肉類得個鹹，甜品熟食麻麻地，不過百幾蚊都冇太大期待，比較好嘅就係飲品同雪糕。入正題，食到差唔多時間嗰陣有位中年女職員拎結帳單嚟收附加費，然後話7:00要交枱。我諗住比卡，佢話要比現金呀，個時覺得佢態度已經唔好，不過都無同佢計較啦。時間剛剛好搭正，個阿姐就嚟趕人走，態度好差咁話「夠鐘交枱啦！」，問都無問直接執枱，喺枱度將啲食物倒埋一齊，執咗一半走咗去拎推車，我地已經戴緊口罩準備走，點知佢走返嚟，係都要加句「比你坐埋下一輪好唔好？」咁我地話 依家走啦，佢仲要一直重複上一句，態度極為惡劣。我地走嘅時候都只係19:04，其實態度好少少都唔至於咁，話曬我地都係客，成件事比人感覺欠咗佢咁，十分無禮貌，簡直不能接受！講真間嘢食物又一般，仲要受埋氣，貼錢買難受，真係無下次。…查看更多

我真心嬲到第一次打食評仲要係差評😡！話說食親次次都會叫300g既飯係會裝滿成碗，今次一樣都叫300g飯啦，點知黎到得個半碗飯？我就舉手叫職員問點解咁少飯？佢話幫我問下，然後返黎講「因為唔係好夠飯所以比得咁少飯」然後急急腳走左去。我都未講完就走左？😅咩事？如果真係唔夠飯，咁點解當時擺低野食時唔同個客講聲😅？一開始講聲我都無咁嬲！然後聽到隔離都係一樣情況，但個職員就換左比佢，我就黑人問號？？睇我細個啲善良樣好蝦啲？ 然後舉手問返職員點解人地就加得飯？佢反駁唔到，但態度勁差咁換比我，一粒聲都無放低就走左！啲飯仲要係凍既！牛又爛又無乜牛味！呢間分店真係無下次！…查看更多