aFa乂's Profile

👍🏻基本拉麵(濃湯)🍜 $78（叉燒、蔥、味荀、木耳、味付雞蛋）叉燒夠香有咬口，蔥、味荀及木耳一樣爽口新鮮，味付雞蛋有流心，認真不錯。❤️‍🔥肉愛食者拉麵 (濃湯)🍜 $120（叉燒3倍、角切叉燒、蔥、味荀、味付雞蛋）今次終於都食到一碗滿滿肉既拉麵，叉燒片有3倍，肉夠香有咬口，唔會太硬。角切叉燒都多，仲有少少燒過既香味出黎，但味度偏淡。蔥及味荀新鮮爽口，味付雞蛋仲有少少流心，相當美味。拉麵麵質唔錯，但我最欣賞是他的濃湯底，食到底都唔會話好咸。👍🏻炸章魚 🐙 $30味道唔錯，章魚大大粒，唔會太厚粉，岩岩好，唯獨係上枱果下已經唔夠熱，食落口果陣只有微溫。👍🏻桃梳打🍑 $24桃梳打味道好香，飲落口有桃味唔會太甜，可以一試。🤍Zero Cola 🥤$10正常Zero Cola味道。✨Tips: 每天限量15碗的海老愛食者只限於旺角分店🥲記得唔好搞錯啦🥹📍 僕之拉麵佐敦文英街6號地舖✨評分：8/10💰人均消費：$150…Read More

❤️‍🔥三寶麵(腱心、牛肚、牛筋) $92濃郁既湯底，食到有好多香料好有層次，腱心好軟中間少許膠質，牛味頗香濃，牛肚牛筋都好食入味既。可惜手工麵太厚，有口感但太厚令佢偏硬，冇咁好餸湯。👍🏻滷水拼盤 (牛肚、牛𦟌、滷蛋、豆干、鮮菌) $78牛肚、牛𦟌味道香濃夠軟，滷蛋有少少流心，豆干有咬口，全部都好入味，值得試一次。🤍雞湯抄手 $48雞湯、雲吞以及小棠菜相當暖胃，雲吞皮薄餡靚，餡料有少許胡椒味，相當入味呢！👍🏻香芋珍珠奶茶 $32香芋味好香濃，又夠滑，茶味反而唔太濃，加埋好多煙韌彈牙既珍珠，唔錯。📍 段純貞牛肉麵荃灣楊屋道8號如心廣場1期1樓105-107號舖✨評分：7.5/10💰人均消費：$130…Read More

👍🏻百吉参肉骨茶 _大雜錦 $148附送響鈴 & 油炸鬼呢個雜錦咩都有，相當豐富，可以一次過試哂唔同既種類，味道相當唔錯，仲可以不停添湯，非常滿足。❤️‍🔥椰香咖央多士 $32平時好唔中意食麵包邊，因為會好乾又難咬，但呢個多士麵包邊整得好脆口，入面既咖央醬味道濃厚而不膩。👍🏻馬拉沙嗲串燒3串（豬/牛/雞）$48價錢絕對唔平，而且每串都幾細份下，而且肉質唔算特別嫩滑，不過值得一讚嘅係佢個沙嗲醬，都有幾多原粒嘅花生喺入面，沙嗲味好濃郁，好香口，仲有淡淡嘅椰香味。👍🏻恐龍下蛋（咖啡）$36咖啡味濃郁，杯中有顆雲尼拿雪糕球、朱古力脆片，雪糕上有少少朱古力粉，配搭一流。📍 蘇媽.蘇媽馬來西亞茶餐室Kedai Kopi Semua Semua荃灣大壩街71號地舖✨評分：8/10💰人均消費：$130…Read More

❤️‍🔥黑松露北姑燒賣皇(2粒）$18燒賣肉質新鮮彈牙，黑松露會鋪少少係燒賣上面做點綴，但係亦都有黑松露味，唔會淨係得個樣，需要一試。👍🏻四寶滑雞扎 $30用上靚雞脾肉，肉質嫩滑彈牙夠大件，另外豬皮都唔會話淋哂，仲好有咬口，芋頭唔會話食落口就好粉，個人本身唔鍾意食芋頭都覺得可以接受。👍🏻上湯鮮竹卷 $28鮮竹卷成舊索滿哂湯，一咬落去啲湯汁泌哂入口，濃濃既上湯包埋佢入面唔錯既食材，值得一試。👍🏻月半彎晶瑩鮮蝦餃(2粒) $20蝦餃新鮮彈牙大大隻，皮夠薄但係唔會一夾就爛。👍🏻馳名南翔小籠包 $28小籠包一樣皮薄，但係夾第一隻果陣穿左溜哂啲湯出黎，好唔開心，但係啲湯味好香濃。👍🏻籠仔蒸飯套餐（全日供應）-蒜香虎蝦蒸飯 $85附送時令養生靚湯及時令蔬菜一份蒜蓉味夠香，但係虎蝦食落就正常，新鮮味道落哂啲飯度，食飯果陣鮮味出眾，下次我會試埋第二款。👍🏻法蘭西焦糖燉蛋$18 焦糖燒到面頭好香唔會太甜，燉蛋夠滑味道香濃，意想不到好味。👍🏻大良薑汁雙皮奶 $18奶味香濃，放入口滑到直入喉嚨，估唔到甜品都做得一流。❤️‍🔥脆炸北海道牛奶 $28炸粉好薄，咬落去香脆，奶味濃郁香滑，必定要試。📍 鋿晶館荃灣沙咀道130號地舖✨評分：8/10💰人均消費：$140…Read More

❤️‍🔥LIKE 套餐（150g) $95（牛舌•牛五花•横隔膜肉）每一隻肉牛味都非常濃郁，橫膈膜肉好厚切，肉味香濃，最有驚喜係牛五花，切得好薄但最重牛肉味，薄切牛舌嫩滑軟腍令人食上癮，如果可以厚返少少會更好。❤️‍🔥壽喜燒牛五花套餐配生蛋 (200g)$82肉質味道同上，但係配生雞蛋用黎點肉，將肉既味道多一份層次感，同埋會甜甜地幾好味。🤍雞腿肉 (100g) $25雞腿肉夠滑夠彈牙，可以一試。🤍LIKE 芝士咖喱 $12芝士咖喱呢個醬汁用黎點肉，再撈埋白飯食都係一流，建議每次都係撈少少，唔係就會好膩。🤍雪碧 $8🤍Zero $8📍燒肉Like YAKINIKU Like葵芳興芳路223號新都會廣場L1層112號舖✨評分：7.5/10💰人均消費：$120…Read More

❤️‍🔥鳳雞燉雞(無骨) $248無骨雞啖啖肉，雞肉嫩滑入味，冬粉係碟底索哂啲汁超惹味，仲有燉薯仔非常入味，難以抗拒。本身已有一人份糧既冬粉，我地就另外加左白飯，醬汁撈埋白飯一樣好食。🤍芝士煙肉泡菜煎餅 $86呢款煎餅相對上就麻麻地，雖然好泡菜味好香，亦都煎得夠脆，可惜表面太油，一咬落去成口都係。👍🏻青提梳打 $32 味道清新，裡面還有細細粒既提子肉。👍🏻百香果梳打 $32飲落口味道偏甜，百香果的底部有一粒粒的蘭香子，很足料，不錯。📍鳳雛燉雞 Bongchu Jimdak旺角彌敦道726號10樓✨評分：8/10💰人均消費：$200…Read More

🤮仁王門御膳 $158京都玉子燒 - 啲蛋完全老哂。燒鯖魚 - 燒完出黎凍既。季節配菜 - 完全唔知食緊乜。吉烈炸蠔 - 炸粉厚，炸野都可以係凍食。唐揚配柚子胡椒醬 - 乾爭爭，冇味又硬。日式照燒雞 - 同上。醬醃溏心蛋 - 溏心蛋的心係熟既。牛肉煮 - 俾吉x家既牛肉更難食。配飯或烏冬及麵豉湯🤮仁王門定食 $98味噌湯 - 淡而無味白飯 - 煲飯落左好多水照燒雞腿 - 上面已評。吉列廣島蠔 - 上面已評。凍綠茶 - 淡綠茶味，接近飲水咁。📍茶寮 京都仁王門 Saryo Kyoto Niomon荃灣大河道100號海之戀商場地下G22-G23號舖✨評分：2/10💰人均消費：$140…Read More

❤️‍🔥燒三文魚頭$88魚頭油脂分布得好好，食落唔會成口油，而且燒既時間岩岩好，肉質鮮嫩。❤️‍🔥黑松露大拖羅蓉卷$168剛剛拎上枱已經好香黑松露味道，拖羅蓉入口即溶，配上清新既青瓜味道，簡直絕配。❤️‍🔥日本產A4和牛海膽卷$258海膽正常味道，至少唔會苦先，和牛味道濃厚，一整舊放入口食到啖啖海膽味，濃厚既和牛味，層次分明，亦有多重既口感，值得推介。❤️‍🔥日本南瓜芝士龍蝦二食$288龍蝦肉彈牙，配上香濃芝士，加上日本南瓜的清甜，仲有南瓜湯，味道一流，絕對超值。❤️‍🔥蜜桃烏龍熊茶$58店家用茶做的冰熊放入茶內有隻熊仔喺杯茶中，飲落清甜茶香，非常美味吸睛。❤️‍🔥北海道士多啤梨牛乳乳酸$48粉紅色乳酸，味道都十分清甜，女仔飲實會鐘意，打卡之選。📍黑木亭居酒屋（金馬倫道）尖沙咀金馬倫道58-60號國鈀大廈地下-1樓 ✨評分：9/10💰人均消費：$500…Read More

👍🏻乜蟹都有丼 $128配海膽醬（蟹棒、 蟹肉、蟹膏、蟹鉗、 蟹籽、蟹蓋）呢個係成隻蟹拆晒件上既丼飯，連埋蟹蓋睇落好夠震撼好豐盛，啱晒蟹癡，所有材料都算新鮮，蟹膏都幾甜，呢個丼飯跟配一款醬，我就揀左海膽醬，可以用黎撈飯，冇得頂！👍🏻虎士山丼 $148 配蜜糖芥辣醬（三文魚蓉/拖羅蓉/帶子/蟹肉/三文魚籽/黑松蛋）整體黎講食落唔會好乾，撈埋晒一齊食幾惹味，幾鍾意三文魚籽同黑松露，爆汁同夠濃味，不過三文魚蓉同拖羅蓉絞碎混和左，唔太食得出有咩分別。❤️‍🔥金龍卷 $68用左鰻魚鋪喺面，一共有六件，店員將卷放上枱之後會用火槍將周圍點着，啲火包圍住個金龍卷，成個畫面好吸引，真係要瘋狂打卡！👍🏻溫泉蛋 $10溫泉蛋大大隻，一咬落去啲蛋汁泌哂出黎，好味！📍丼燃食堂旺角花園街3-5號鴻威大廈地下6號舖✨評分：7.5/10💰人均消費：$170…Read More

午市-店長嚴選豪華套餐（4-5人前) （$1628）❤️‍🔥🥩特上霜降牛五花（燒肉汁）雪霜般的牛五花，雪花均勻，配咗燒肉汁，肉質肥美、入口Juicy、軟熟無比，咬落去入口即溶。❤️‍🔥🥩特上牛胸腹肉（燒肉汁）牛胸腹肉脂肪豐厚且味道醇厚，肉質具彈性，牛肉味香濃。❤️‍🔥🥩厚切特上塩香牛舌經過大火鹽燒，口感爽口彈牙，真係一試難忘！❤️‍🔥🥩上級和牛里脊肉（月見汁） 和牛果然唔同花紋，色澤都同一般嘅牛肉相差好遠，極多雪花，分布得好均勻，一睇就知係靚牛肉，配上生蛋造成嘅月見汁，味道非常出色。❤️‍🔥🥩特上M9和牛肉眼扒和牛色澤鮮艷，油脂豐腴，肉汁混合軟滑蛋漿，口感好滿足。❤️‍🔥🥩極上霜降和牛肩翼板扒油脂分佈好靚，而且和牛油香味濃郁，令人回味。❤️‍🔥🥩嚴選霜降黑毛和牛西冷油脂分布比較多，牛味濃厚，入口即溶。🐔🐖雞肉& 豬肉類🤍櫻姫雞腿肉（味噌）啖啖雞肉，肉質軟腍。🤍特選豬頸肉（辣味噌）豬頸肉切得好幼身，好快就可以燒熟食得。🤍特選豬五花（柚子胡椒）柚子胡椒奄製的味道特別，吃落令人很開胃，豬五花帶油脂，燒出來較香，軟熟又有口感。🦀海鮮類👍🏻原條蒲燒鰻魚冇骨，厚身，啖啖肉。👍🏻北海道甲羅燒 2份重蟹膏味，鮮甜。🥜前菜🤍酸辣蘿蔔蘿蔔爽口，酸酸甜甜，越食越開胃。🤍和風波菜菠菜醃得夠入味，仲有麻油香，開胃又爽口。🤍和風山菜山菜清新爽口，味道唔錯。🥗小吃🤍元氣捲心菜🤍生菜配味噌肉醬配埋燒肉一齊食，可減膩感。🤍大崎蟹柳沙律食落啖啖都有足料的蟹柳，配合青瓜蔬菜絲，味道不錯。🤍野菜盛合無特別，普通菜物。額外加點：🤍柚子青檸梳打（$32）入面有青檸檬和黃檸檬兩款，檸檬泡製的梳打，配有薄荷葉，喝落特別清香和清新的感覺。🤍巨峰提子乳酸梳打（$32）正常巨峰提子味，甜左少少。🤍火龍果荔枝梳打（$32）清新的火龍果梳打，配合荔枝味，燒肉時飲非常夾。🤍三得利生啤（$50）正常生啤味道，下次會試第二款。📍牛繁荃灣大河道100號海之戀商場2樓2025號舖✨評分：8.5/10💰人均消費：$500…Read More

❤️‍🔥蟹膏壽司($40) 蟹膏好香，好甜，抵食之選。👍🏻火山($88)（青瓜、牛油果、蟹柳、帶子）中間用8小件堆成一大件的火山，是由帶子、青瓜、牛油果及蟹柳，再加入千島醬及蟹子，像火山熔岩的外觀，味道鮮甜，口感滿足。👍🏻柚想蝦你($78)（蔬菜、海草、車厘茄、蘋果、柚子、蟹籽、牛油果、甜蝦、柚子汁）呢間餐廳連菜名很特別，這是混合沙律菜，蔬果新鮮醬汁香濃，味道豐富而鮮甜。🤍鹿兒島黑豚荔枝卷串燒($25)荔枝同黑豚味道異常地配合，味道一流。🤍秘製蒜香牛油燒帆立貝($28)帆立貝燒得剛剛好，配合牛油及蒜，味道可口。🤍自家製香菇雞肉丸串($22)香菇雞肉味道好夾，雞肉自家制手打肉丸好有咬口，味道香口，可以一試。👍🏻牛肉壽喜燒($158)新鮮熱騰騰整鍋上，有甚多牛肉、一隻半熟蛋、少許蔬菜，附上冬菇、烏冬、粉絲。壽喜燒汁味道濃厚，牛肉有些驚喜，吃得出不是平價肥牛。煮得軟嫩，不失肉味，肥瘦適中，生熟程度剛剛好。👍🏻士多啤梨益力多特飲($38)特飲好好味唔會太甜又唔會太酸，味道岩岩好係兩者中間，調配很好。📍古今二荃灣眾安街68號荃灣千色匯1期3樓3013號舖✨評分：7.5/10💰人均消費：$260…Read More

🤍黑白芝麻豆乳 $32超稠超稠既豆乳，稠到係我唔鍾意既程度，配上黑芝麻，感覺兩樣野係分開，混合唔到一齊。👍🏻宇治抹茶芭菲 $63抹茶味夠濃，蕨餅同白玉都好味，白玉食落唔同色仲有唔同既味，可惜佢所有材料分得太開，好似全部分開食咁。👍🏻和風七味脆皮木棉豆腐 $32豆腐炸得幾香口，外脆內滑。❤️‍🔥Gold純度鹹蛋黃炸雞翼 $38大驚喜，鹹蛋超入味超濃，而且單骨雞翼方便我呢啲懶人。📍Soy Mart By豆乳狂人荃灣大河道100號海之戀商場2樓2036號舖✨評分：6.5/10💰人均消費：$80…Read More

招牌花膠響螺雞金鍋($198) 湯底好有驚喜！湯濃郁，味道好鮮甜，店員建議先飲湯，然後才落雞肉煮，湯底好多花膠，仲有一碟鮮雞提供，非常足料。A5熊本黑毛和牛西冷($128)肉質細嫩，含有豐富油脂，味道均勻，充滿和牛風味。花枝蝦卷($58)蝦卷爽口彈牙，卷入面有細細隻蝦係度，味道及賣相一流。手打蟹籽墨魚滑($48)新鮮爽滑彈牙，強烈墨魚味，墨魚滑上鋪滿蟹籽，非常好食。士豆粉($28)土豆粉一夾就爛，要扒入口，味道還好。稻庭烏冬($25)一般稻庭烏冬味，沒有特別。醬油人頭費/$10位($20)📍火鍋郎尖沙咀堪富利士道6-6A號爵寓1樓✨評分：7.5/10💰人均消費：$280…Read More

熱朱古力班戟配自家製穀物($92)食梳乎厘當然要追求空氣感，綿花般彈性，水蛋般軟滑，但係佢只係做到一般般，我覺得沒有特別，淋上熱度一般既朱古力醬，再配上自家製穀物又有另一番風味。有機伯爵茶加購價($28)茶包伯爵茶，茶味夠濃，冇特別。📍幸福班戟尖沙咀梳士巴利道18號Victoria Dockside K11Musea 2樓233A號鋪✨評分：6/10💰人均消費：$120…Read More

白雪薰飛($28)茶味濃郁，好重烏龍味，好輕微白桃味，飲品本身內有大量桃膠，飲到落最底都仲有好多。📍唇茶尖沙咀堪富利士道8A地鋪✨評分：6/10💰人均消費：$28Tips：鍾意飲濃茶味既朋友可以試下，如果想飲珍奶類既就未必要試了。…Read More