smarti's Profile

午市餐牌供應至6pmABCD選擇唔算多有餃子+飯糰或麵組合飲品要另外加錢叫當日去嘅時間接近6pm見到另一個餐牌係Happy Hour Set▫️Happy Hour Set (HKD135)有6隻餃子、前菜(可從主餐牌上揀）、飲品 餃子係自選1至2款味道，我哋揀咗章魚燒餃子。飲品係喺Happy Hour Drinks list度揀一款酒精飲品，選擇達10多款。前菜就揀咗Birdie辛辣雞胸芫茜，味道少辣作為前菜真係唔錯。▫️水餃子+燒餃子 + 醬油拉麵 （HKD98） 餃子每款有四隻，餃子皮唔厚，煎餃子香口係好食啲，仲好好juicy添啊😁拉麵麵條幾爽口，不過份量真係細咗啲😬😬飲品要另外加錢，$10起。整體食物質素唔錯啊～午餐menu上嘅combo比起晚餐較抵食。…Read More

原本唔係想食呢間想食嗰間原來有落場時間咁啱經過我又好耐冇食餃子咪入去試吓另外一個原因係被自家包製雲吞/餃子吸引😆從下午茶餐牌叫咗一碗「粟米豬肉餃子上海麵」跟一款小食，套餐價(HKD41)從餃子外型嚟睇，真係人手包㗎粒粒餃子個樣都唔同㗎同埋我係見到兩個姐姐不停咁包雲吞/餃子咬咗一啖餃子之後有啲失望啲豬肉咁鞋咁乾嘅🙈同埋啲皮好厚好粉上海麵其實冇味道不過口感就幾彈牙小食2選一 雞絲粉皮裡嘅青瓜實在太酸我只係食晒啲雞絲粉皮😆⭐️只收現金或八達通…Read More

珍姐餐廳開業冇耐已經吸引咗好多人幫襯。午市時段4款飯類好快就sold out! 晚餐時段準時於6pm開始，有三款鐵扒套餐提供 - 封門柳、斧頭豬扒及香煎雞扒。我哋就叫咗「招牌鑊仔封門柳鐵板餐」 (HKD248)，除咗鐵板牛柳外仲有餐包、薯條、羅宋湯同埋飲品。鐵扒餐準備好就會通知你去counter度拎，喺嗰一刻店員就會灑少少鹽再落珍姐燒製汁。鐵板上放咗薯條然後三件鑊仔封門柳，我哋等啲牛柳喺鐵板上「滋」一陣先開始食。封門柳肉質嫩滑，有濃厚嘅牛肉味！配上特製燒汁更能將肉味帶到另一層次。有機會一定會試埋其他鐵板餐！初初以杯飲品就係一杯普通凍檸茶，飲落有檸茶同埋薄荷味。睇睇餐牌想知道係伯爵薄荷檸檬茶😆又幾好飲喎。…Read More

話晒係2024年嘅第一餐，點都要寫個post紀錄吓。午市時間到訪，每人點了一個3-course (HKD198)午市套餐，先唔講食物質素，價錢喺灣仔(西餐廳)嚟講唔算貴啊。午市套餐有前菜、主菜、甜品及飲品 (咖啡/茶/汽水，其他飲品要加錢)。▫️前菜：Seafood tartare, caesar salad▫️Main course: Spaghetti Carbonara Iberico, Dry-aged USDA Beef Ragu兩個主菜上枱先發現原來叫咗兩碟意粉😂我想講兩碟意粉各有特色，講味道嘅話我覺得”Spaghetti Carbonara Iberico”就突出啲，食材有兩款肉類-風乾豬面頰肉及黑毛豬火腿，同埋溫泉蛋。意粉比我想像中好食😄真係做到Al dente水準呀😋服務方面我真係好耐冇喺香港感受過有服務嘅餐廳😆女店員好有耐性咁講解餐牌上每一道菜俾每一枱客人知，連餐牌上要加錢嘅項目都解釋得好詳細。雖然我哋只係食一個每位$198嘅午市套餐，但係服務真係超乎我想像嘅。餐廳環境舒服，當日都坐滿7成客不過一啲都唔覺得嘈吵。…Read More

要數最近人氣爆燈嘅日本過江龍應該就係呢間位於銅鑼灣嘅Gariguette啦！我有好幾次經過日本嘅Gariguette都冇勇氣走入去….因為實在太多人喇！而家Gariguette 喺香港開咗佢哋第一間海外分店，唔需要飛去日本都可以食喇！餐廳以外賣形式營運，有少量堂食座位，遇著繁忙時間嘅話真係會冇位坐㗎。香港店餐牌同日本店嘅差唔多，最令人留意嘅係香港店限定口味 - 香滑奶茶忌廉芒果。第一次食就試咗期間限定嘅「Apple and Tiramisu」 (HKD165)。付款後就可以行過隔離個開放式廚房觀賞整個製作過程。雖然每一份千層拿破崙都係即叫即做，但店員亦都好快手，我哋等侯時間唔算太耐。拿到法式千層酥後當然要瘋狂打卡🤣外型圓碌碌咁得意，包裝又夠精緻喎。店內個透明玻璃櫃係一個好好嘅打卡位😂 我食呢份Apple and Tiramisu法式千層酥，外層有少少焦糖脆皮，好有立體感。內餡有tiramisu忌廉及可可粉，軟綿幼滑一啲都唔油膩。拿破崙好薄身，中間一定要夾有餡料先夠惹味。除咗甜食亦都有提供4款鹹食口味。就咁睇餐牌上嘅圖片，甜食款色固然吸引得多😆😆…Read More

隱藏於一棟商業大廈內嘅麵店，估唔到我平日去食晚飯咁多人，7pm前到達都已經坐滿6-7成人😱去之前已經知道以麵食為主，以為揀食物方面唔會花太多時間😅點知點餐紙上個套餐組合有分選項”ABCD”，款款吸引，樣樣都想食😂😂▫️套餐組合 A+B+C (HKD98) A就係揀麵類 - 乾撈麵或湯麵，要有幾麻有幾辣都係跟碗麵。我嗰碗「瘋狂牛肉麵」要少麻少辣已經麻辣味十足！非常過癮好正呀。 牛肉質地軟腍，索晒啲湯底所以啲牛肉都有麻辣味㗎。去呢度唔一定要食麻辣，選擇白湯就係唔辣啦，帶埋唔食麻辣嘅朋友一齊去食都得㗎！另外加咗HKD9要隻滷蛋。B係揀飲品 - 食辣嘢飲杯烏梅汁都唔錯，我覺得可以解辣解油膩呢。C係小食 - 涼拌木耳。見到有兩隻辣椒🌶️就知道一定係好辣。放入啲麵度一齊食味道仲正喎🥵…Read More

「國際咖喱館」喺灣仔有好多年歷史㗎啦。餐廳門外貼咗好多有名人幫襯嘅剪報，算係區內有名氣嘅咖喱店。▫️吉列豬扒 (HKD100)▫️沙嗲半打(HKD80) ▫️咖喱雜菜煲(HKD70) 吉列豬扒價錢我冇寫錯，真係賣$100一塊！無可否認炸豬扒係我哋點嘅食物之中最好味嘅一款，豬扒經過油炸之後入口竟然一啲油膩感都冇，外層薄脆，係唔錯嘅。咖喱汁味道比我想像中淡，同埋冇乜辣嘅味道。啊姐介紹沙嗲可以三款(豬、牛、雞)混合咁我哋咪試吓囉。沙嗲醬係幾重花生味嘅，串燒唔似即叫即燒嗰隻，上枱時係微暖及肉質有少少硬。咖喱雜菜煲可選跟白飯或薄餅。…Read More

總店位於大角咀嘅「老厝邊」 ，有兩間分店分別位於新界及港島區。今次我去嘅銅鑼灣分店，地點位於食肆林立嘅渣甸街，門口招牌有「台灣的古早味」呢幾個字，好容易搵到。食物種類以一間咁細嘅食店嚟講選擇算係多㗎啦。台式牛肉麵、便當、小食、蛋餅等。當然唔少得特色台式飲品啦！▫️塔香鹹香酥雞(HKD40) - 台灣經典夜市小食，雞件鹹香味十足，新鮮炸起嘅雞件夠香口，係店內人氣美食之一。▫️甜酸糖醋雞便當(HKD68) - 好大碗飯🤣糖醋雞大大粒，味道甜多過酸👍🏻除咗糖醋雞仲有粉絲、滷水蛋做拌菜。▫️起司肉鬆蛋餅 (HKD40) - 好多人推介呢度嘅蛋餅，冇理由唔試嘅。蛋餅皮薄但唔會一夾就散。裡面嘅餡料都算多，芝士仲有拉絲效果添。▫️麻醬雞肉涼麵 (HKD52) - 喺點餐紙見到係「新品」就試吓。夏天食涼麵仲要係配麻醬真係夠晒爽。▫️經典珍珠鮮奶茶 (HKD25) - 我每次食台灣嘢都會飲番杯珍珠奶茶。珍珠好有嚼勁，奶茶甜度可選微糖或少糖。⭐️只收現金…Read More

圓方商場裡面有一間寵物有善嘅韓式咖啡店。地方唔算大，最吸引食客嘅係3張榻榻米枱。當日我見三張枱都有帶寵物一齊，全部都係狗狗🐶😆 初初以為呢間鋪頭喺專賣韓式甜品(因為餐牌封面圖係一碗刨冰😬)，再睇多兩頁先知原來沙津及韓式紫菜卷等食物提供。▫️半半炸雞 (HKD155) - 「半半」嘅意思係可以喺餐牌上揀兩款炸雞，我哋就揀咗芝士及蜂蜜味。炸雞外層唔係好脆口嗰隻，油膩感唔重。蜂蜜味係靠個蜂蜜醬來調味。芝士味就咁灑咗啲芝士粉囉，唔係平時見到嗰隻溶咗+熱辣辣嘅芝士。▫️蟹柳蛋黃醬紫菜包飯(HKD85) - 材料比米飯多，每一件紫菜包飯都塞到漲卜卜，再望真啲原來係用上紫米飯。▫️韓國柑橘梳打 (HKD52) - 飲品配有一塊「傳統韓國花煎」，味道帶甜嘅煎米餅上放有一塊可食用嘅花瓣，而每一塊甜煎餅嘅花圖案都會唔同，好靚㗎！咬開煎餅後內餡會見到係紅豆蓉。餐牌上有甜品相關嘅圖片，無論Croffle或刨冰都非常吸引！今次冇試到，下次去應該就咁食甜品嘆杯咖啡就算😆😆…Read More

以日本新鮮蠔作為賣點嘅「 喜多嬉牡蠣屋 」最近搬咗新舖，選址都係喺中環但空間比起舊舖大，坐得舒服啲食都食得開心啲啦！餐廳推出嘅「90分鐘喜多嬉懷石風放題」一直都好受食客歡迎。開業初期要預早幾個星期訂枱先有得食，而家搬咗大啲嘅舖位變相訂位都容易咗。「90分鐘喜多嬉懷石風放題」每位HKD498 (另加一服務費)，包括頭盤「喜多嬉懷石八品」、松葉蟹舞茸五島手延烏冬、任食日本蠔及帆立貝及每位有一杯飲品。另有升級版每位只需加多$100就可以任食7-8款串燒，任飲餐牌上不含酒精飲品及每人有一份甜品。今次我哋選擇咗升級版「90分鐘喜多嬉懷石風放題」(每位HKD598，另加一服務費)，呢個放題非常豐富 - 任食生/燒蠔、帆立貝、串燒，仲有頭盤、甜品、烏冬（呢三項冇得任食嘅)。前菜 ▫️時令海鮮湯▫️味淋魚干落單後冇幾耐店員先送上海鮮湯及小食。海鮮湯用個茶壺裝住，裡面有蜆、帶子及蝦。湯嘅鮮味全部來自海鮮，唔需要加任何調味料都覺得非常清甜。頭盤▫️ 喜多嬉懷石八品 - 頭盤係主廚將日本新鮮食材集在一起; 用活鰻、松葉蟹、牡蠣等食材來製作，加上精緻嘅擺盤，話要相機食先應該冇人會反對吧😆咪以為呢個頭盤剩係得個樣，主廚細心到連建議食法都諗埋，店員介紹食物嘅時候話由味道最為清淡嘅「季節沙律」開始食，將味道最為濃郁的「雲丹松葉蟹黃金膏配蟹醋啫喱」放喺最後食。⭐️伊勢海老羊羹⭐️雲丹松葉蟹黃金膏配蟹醋啫喱⭐️手工月見燒雞軟骨棒⭐️炭燒活饅 (二食)⭐️明太子拌秋葵⭐️喜多嬉牡蠣茶漬飯⭐️時令刺身⭐️季節沙律▫️[任食] 喜多嬉蠔及帆立貝 - 放題嘅主角就係來自北木島喜多嬉蠔場嘅生蠔同埋日本產帆立貝喇。北木島喜多嬉蠔場出產嘅蠔喺日本被多間米芝蓮餐廳選用，來頭真係唔小喎！生蠔口感creamy，品質非常有水準！焗蠔及帆立貝分別可選原味或蒜味，新鮮焗製嘅蠔及帆立貝特別鮮甜，送啤酒一流呀！▫️[任食]串燒 - 大約有7-8款串燒任食，燒日本番薯仔、燒雞翼、燒雞七里香、燒雞膝軟骨、燒雞頸肉等。仲有燒羊架都係任食㗎！喺同區嘅日式串燒店，每串價錢由幾十蚊起，而家只要揀升級版放題就可以任食，當然要食番夠本啦😆😆▫️ 松葉蟹舞茸五島手延烏冬 - 以五島手延烏冬為麵底，麵條口感順滑。日本原隻松葉蟹鉗肉夠晒鮮味，配上熱辣辣嘅濃湯，非常暖胃。甜品▫️ 北海道葡萄酒雪葩最中餅 - 葡萄酒雪葩係來自北海道，用兩片最中餅夾住嚟食，滿足感爆燈！甜品只限每人一件，我覺得真係唔夠喉囉😂呢個放題雖然係有限時，但90分鐘絕對夠時間食。落單後上菜快同埋冇漏單嘅情況出現，呢點值得一讚。…Read More

新開嘅cafe位於大型住宅屋苑內，營業時間都幾長喎。提供早午晚三餐，啱晒住喺附近嘅人啦。兩個人食咗超過$400 (連加一)，食物OK，同價錢嚟講意粉比鰻魚飯好好多….. 嗰杯斑蘭拿鐵我真係唔識欣賞🤦🏻‍♀️甜品屬於正常水準。▫️咖啡湯力(HKD45)▫️斑蘭拿鐵(熱/HKD42)▫️鰻魚飯定食 (HKD108)▫️茄汁虎蝦扁意粉(HKD108)▫️黑熊餡蜜 (HKD78)餐廳不設洗手間，要去廁所嘅話就要過條馬路去酒店廁所?!…Read More

KIN Food Hub我之前去過好幾次😆😆喜歡嘅原因係全場設有超過200個座位，地方夠大又坐得舒服，仲不時同其他品牌合作推出期間限定新菜式，有別與其他食堂嘅營運模式。非常迎合我鍾意試新嘢嘅我🤣前幾日我又去幫襯啦，因為上次淨係食咗兩姊妹「麻辣蒟蒻涼皮配手撕走地雞肉及有機雞蛋」，仲有其他菜式我仲未試呀。▫️(可持續)海鮮雜錦壽司 (HKD148) - 呢碟壽司用嘅魚類一啲都唔普通㗎！三款可持續海鮮 - 帝王三文魚、油甘魚及海釣黃鰭吞拿魚均來自紐西蘭、澳洲及菲律賓認證養魚場。質素一定有保證👍🏻但養魚場於水產養殖期間對環境負面影響係有一套準則要遵守㗎。主菜：▫️越式番茄蟹肉湯粉 (HKD98) - 呈現鮮紅色湯底係由番茄同埋螃蟹製成，味道濃郁鮮甜。配料有蟹肉、扎肉、魚腐、豬肉碎等，非常豐富。甜品：▫️ 純素宇治金時新地 (HKD65) - Matchali出品一直都係我杯茶。以京都宇治抹茶製成嘅抹茶雪糕口感軟化滑，軟綿綿嘅白玉團子加紅豆蓉呢個配搭真係冇得輸！成杯雪糕仲係「不含動物成份」呢。▫️朱古力夾心布朗尼配燒椰子雪糕 (HKD58) - 賣相非常掂👍🏻兩件厚厚嘅朱古力布郎尼中間夾住一件厚身燒椰子雪糕，呢個組合真係夠晒特別。布郎尼味道唔會太甜，同椰子雪糕一齊食味道啱啱好。飲品：▫️梅酒高球 (HKD68) - 其實KIN係領有酒牌嘅，就算唔去開餐都可以同朋友一齊去呢度飲番杯！最近天氣悶熱，飲呢杯梅酒高球就最好不過啦！用梅酒代替威士忌，味道酸甜容易入口，好啱女仔飲。…Read More

Lifetastic 憑西瓜蛋糕打出名堂，分店遍佈港九新界，想食西瓜蛋糕嘅話無論外賣或堂食都非常方便。 餐廳Lifetastic Bistro (銅鑼灣及將軍澳店)於上個月推出全新單點菜單，由頭盤、主菜、沙津、意粉都有。在同一個地方可以享用蛋糕及主餐，唔洗嘥時間諗去邊度食飯後甜品呀。▫️椒鹽炸粟米 (HKD58) - 餐牌上唯一味道帶點辣嘅前菜。見到圖片幾吸引咪叫嚟試吓啦😆原條粟米切開一件件，容易進食。粟米條面層鋪滿辣椒絲及椒鹽，香脆惹味，真係忍唔住一條接一條咁放入口呢。▫️生酮忌廉金目鱸魚 (HKD168) - 近年生酮飲食備受注目，估唔到Lifetastic Bistro新推出嘅菜式都包含生酮概念。魚皮煎到又香又脆，嫩口魚肉配上生酮忌廉及燈籠椒汁，亦有蔬菜拌碟，係一款比較健康嘅菜式。▫️明太子軟殼蟹意大利粉 (HKD158) - 軟殼蟹一分為二再放喺意粉上面，好似一座山咁高😆意粉上有大量明太子，鹹香十足。▫️咖啡湯力 (原價HKD55，半價後HKD27.5) - 一邊飲住呢杯coffee tonic 一邊食椒鹽炸粟米真係好爽。想知道點解杯飲品係半價嘅話就繼續睇落去啦。一場嚟到Lifetastic Bistro食晚餐冇理由唔點一件蛋糕做甜品嘅😆件裝蛋糕有超過10款，無麩質或含麩質都有，真係顧及食客唔同嘅需要。▫️芒果西瓜蛋糕 (HKD78/件，半價後HKD39) - 之前食過機次「招牌草莓西瓜蛋糕」，今次就試咗有芒果嘅西瓜蛋糕喇。芒果跟西瓜配搭比士多啤梨清新更多，芒果肉非常滑溜。蛋糕口感濕潤，倍感滋味。晚餐時段提供嘅優惠真係幾抵食： +$15有是日餐湯、任何飲品(沙冰除外)半價，連Lifetastic 最出名嘅蛋糕(任何件裝)都享有半價優惠呢！…Read More

韓式炸雞食得多，由韓國人炮製嘅炸豬扒就真係少見。呢個品牌仲要係由韓國過嚟香港開分店，喺當地於短短幾年間已經發展到有超過80間分店，實力確實不容忽視。餐廳以提供豬扒定食為主，亦有四款小菜提供。每份套餐價錢由HKD178至HKD198，對一間位於中環蘇豪區餐廳嚟講定價不算太高掛。▫️芝士吉列豬柳套餐 (HKD198)▫️吉列豬柳炸蝦套餐 (HKD188)每款定食配上椰菜絲、鵪鶉蛋飯及冷麵。呢三款係無限添加嘅，個人認為冷麵喺三款裡面比較吸引，外面天氣熱，食碗味道帶酸嘅冷麵夠晒爽丫。除咗配菜另附上豬扒醬、黑松露鹽、日本芥末等為炸物添上味道。要數餐廳嘅招牌菜應該非芝士吉列豬扒莫屬啦。水牛芝士香氣濃烈，不過炸豬扒溫度唔夠熱 (其實我哋覺得兩份炸物都唔夠熱)，冇咗好澎湃嗰種流心芝士嘅感覺，加上芝士唔夠熱，影兩張相後要盡快食用，否則芝士及炸豬扒就會變硬，影響口感。炸豬柳水準就比較穩定，肉質非充滿肉汁嗰隻但起碼唔會太乾，咬開豬柳後唔會出現外層麵包糠及豬肉分離嘅情況。餐廳不設訂座，想食嘅話就要早啲到喇。以而家咁熱嘅天氣要我企喺餐廳外排隊等食飯就咪搞我。…Read More

旺角最近有間新開樓上cafe成為熱話，原因係店內有超過40隻貓咁多；印象中其他寵物cafe都冇咁多。今次約埋我嗰位有養貓嘅朋友一齊去，食完之後佢話呢度啲貓貓好得意，第日可以再去食飯玩貓呀😆進入餐廳前先要穿上鞋套同埋消毒雙手，目的係要盡量維持環境衛生。店內裝潢簡潔，牆上有關於貓嘅掛畫同埋圖案。最令人矚目一定係俾貓貓玩嘅設施啦。帶有粉色及不同形狀釘係牆上面嘅爬架，見到啲貓喺度爬嚟爬去真係極chill！窗邊有三張榻榻米枱，應該係全場最舒服同埋最接近貓貓嘅地方呢。店內有超過40隻貓貓陪你玩，原來每一隻貓有不同嘅性格，想搵答案就要睇掛喺貓頸上嘅顏色繩喇。我一直都覺得寵物cafe地方唔會乾淨同埋周圍會好多毛。不過凡事都有例外😆呢間cafe 比我想像中整潔，食飯嘅時候亦唔見有貓毛喺度飄飄吓😆😆▫️香煎大蝦辣番茄意粉 (HKD118) - 番茄醬好惹味，意粉又夠彈牙，大蝦煎過後香味十足，我同朋友都好鍾意食。▫️煙鴨胸青醬意粉 (HKD108) - 食物擺盤一哋都唔求其，廚師將啲煙鴨胸排到靚靚先上枱。雖然我哋兩個主菜都係叫意粉，但味道明顯唔同，鴨胸鮮嫩多汁，經過煙臐後已帶有鹹嘅味道，混入淡淡嘅青醬就係最好嘅配搭！▫️Oreo曲奇雪糕窩夫 (HKD98) - 賣相色彩繽紛，對唔想食太多甜點嘅我哋份量剛剛好，切開一半兩個人分啱晒！熱辣辣嘅窩夫配上cookies and cream 雪糕，一冷一熱融合一齊再配埋Oreo餅乾一齊食，超滿足呀。想餵貓貓嘅話可以經店員購買貓零食(HKD18)一份，只要有零食喺手，啲貓就會好自然地撲向你度㗎啦！場面好壯觀！好多食客都即時拎起手機拍片呢。…Read More