Shirleyyb的個人專頁

去到拉麵店，除咗主打嘅拉麵菜式，小食亦都係不能忽略嘅。你要明白，一間餐廳唔可以淨係得主打菜式好味，係要有多元化嘅選擇先可以滿足到好似我呢啲咁麻煩又為食嘅客人。其實我早前已經喺其他分店試過佢嘅拉麵，湯底係值得讚許嘅，會令人食過翻尋味嘅。再次光臨反而想試下『叉燒飯』同埋『大阪燒餃子』。明知佢嘅拉麵幾大碗吓，我索性叫返碗『叉燒飯』配小食。叉燒有一片片亦有碎上，烤得幾香口但有小小乾身。小食『大阪燒餃子』一碟六隻，屬迷你版餃子，送來嘅時候餃子都被滿滿嘅醬汁同木魚花蓋住，見到已經心心眼，真心推薦呀！                                                               題外話，發現佢會大部份嘅分店都喺新界區居多，希望將來有機會開拓至香港、九龍區，咁就夠晒方便啦！…查看更多

本身唔諗住買嚟飲，等位食飯時又俾我見到呢間舖頭喎。佢係有唔少特色啲嘅茶，我呢就揀咗桂花烏龍，然後配芝士奶蓋係必然嘅。芝士奶蓋有全脂同低脂嘅選擇，不過飲得芝士奶蓋就唔好顧忌肥唔肥呢個問題啦。利申我有喺大陸飲過喜茶，好自然會攞咗嚟比較。茶本身擁有桂花嘅香氣，另外奶蓋嘅面頭灑咗少少抹茶粉，為賣相加添咗少少分。但芝士奶蓋嘅芝士味唔夠濃烈，同埋唔夠厚身，主打產品未做到最好係有少許失色。除咗紅茶、綠茶等等，佢仲有多款時令水果茶，裡面係有生果架，都可以俾多次機會佢下次試下嘅。…查看更多

呢間嘢根本上就係吉野家同 Pepper Lunch 嘅混合體。話明係吉野家同 Pepper Lunch 嘅混合體，運作基本上同吉野家 ＆ Pepper Lunch，屬半自助形式，自己買飛、搵位、攞餐等等。 食過佢好幾款，so far 發現泡菜唔係咁好食，麻辣又唔夠辣，其他都滿意嘅。今次食鐵板餐 － 麻辣牛肉飯（小辣），醬油同七味粉就可以喺 condiment corner 自行添加。牛肉嘅份量的確比飯類嘅多，呢方面令我非常滿意，味道亦值得讚許。價錢幾抵，食鐵板餐 ($49) 計埋熱飲 (+ $2) 都只係 $51，作為 working day 嘅午餐係唔錯嘅選擇。…查看更多

講到港式扒房，你第一時間好可能會諗起花園餐廳，但其實名寶石餐廳都唔差架。首先送來嘅麵包係暖笠笠架，啱啱熱好嘅口感係最好，而且呢個溫度先溶掉搽上面嘅牛油。主菜嘅選擇係牛脷同牛扒，本身想配薯菜，但係薯角我就真係麻麻地。配白飯喇，佢用碗上再放喺碟上，極度搞笑。試過朋友嘅牛脷的確係幾嫩滑嘅，我塊牛扒都好正，中間仲係粉紅粉紅呢！最後有布甸送，幫我加埋花奶真好。跟同類餐廳相比，我覺得呢度環境比較乾淨企理，仲有甜品附送，呢方面算係比較優勝。…查看更多

葵芳新到步的日式西餐廳 LDK UFUFU 名有点奇，排隊入座後，見到桌上的水壺內浸着'備長炭' (淨化水質),便覺得餐廳好细心當晚一家三口响餐牌內點左有的小吃、主菜和甜品…… 餐牌內食物選擇也算豐富，環境色調柔和，但枱與枱之間比較窄不消一小時，仔已吃光了枱上的食物，不停說好味道，嚷着下次要選吃其他的主莱和甜品…查看更多