tamtszwang的個人專頁

🥰 話說幾年前 喺 “岩浪” 初嚐 天婦羅廚師發板, 驚為天人, 靈魂人物 “榮師傅” 幾個月前 自立門戶 “天御”, 一直都係 “預約困難店”, “虛擬情人” 強力推介. 今晚機會嚟嘞!🥢 餐廳設一張L型壽司吧枱, 全院滿座, “榮師傳” 一打十四. 晚市套餐 $798+10%, 包括八件天婦羅, 玩追加.🍥 南瓜豆乳蒸蛋. 我唔鍾意食南瓜喎.🦐 蝦頭. 夠脆!🦐 熊本花竹蝦. 我覺得個炸漿腍咗少少嘅?!🦑 鹿兒島新魷魚 (墨魚幼體). 第一次食, 有驚喜.🦑 鹿兒島新魷魚腳. 爽脆!🤗 靜岡芋頭仔, 石川小芋. 我唔鍾意食芋頭, 太齋了.🐚 海膽. 點解會有紫蘇葉?!🐟 秋刀魚. 熟嘅秋刀魚唔滑, 真係有點失望.🐚 鮮蝦海鼠子釀海參. 鹹咗少少, 但係海參做天婦羅幾有趣.🍒 愛知縣無花果, 配豆腐醬. 屈機醬完勝.🐟 鰆魚. 魚味係幾香嘅, 但又係熟咗唔好食.🦀 毛蟹天婦羅腐皮卷, 配意大利黑醋. 好食嘅, 可能期望大, 有點失望.🤗 熊本栗子. “虛擬情人” 推介, 還好.🤗 銀杏, $25. 我又唔覺佢好夾天婦羅.🐚 磯煮鮑魚, $110. 以前係岩浪食過榮師傅手勢, 仍舊出色.🥦 西蘭花, $20. 一陣燒燶嘅苦澀味道, 今晚最有驚喜嘅菜式.🥰 鱈魚白子, $80. 白子甘香, 今晚第二最愛.🥣 麵豉湯. 我都係覺得個味怪怪哋.🍙  天婦羅飯. 材料豐富, 炸蛋果然名不驚傳.🍑 甜品: 柿子, 無印象了.🤗 總結: 炸漿真係有點過薄, 冇咗 “鬆脆” 嘅口感, 去到追加嘅白子正常番. 今晚部分食材唔啱口味, 包括芋頭, 另我覺得 秋刀魚 同埋 春魚 唔夾天婦羅. 西蘭花 同 白子 最出色.…查看更多

🥰 “皇仁書院舊生會” 算係 “預約困難店” 嘅佼佼者, 今時今日都要等六個月, 仲要只接受 “皇仁” 校友預訂, “算了吧, 如無意外”.🥢 天有不測之風雲, 人有霎時之禍福, 今日掹老友 “肥強” 衫尾 參加江湖大佬飯局. 室內格局就係老牌中式飯店或者會所, 少少似 “香港大學同學會” 或者 “昌哥”. 我事前唔知道食乜, 張菜單嘅 “書法” 原來都係呢度嘅招牌.🦪 糖桂花餞桶蠔. 桶蠔啱啱熟, 桂花味道頗有新鮮感. 🤗 原盅花膠響螺爵士湯. 味道濃郁鮮甜, 材料非常豐富, 充滿驚喜, 當服務員收走湯渣嘅時候, 大家都好唔捨得. 我覺得係全晚最好食嘅菜式.🐟 大海斑雲耳蒸斑球. 陳皮味道出色, 但我食咗兩件都唔夠滑.🦐 白胡椒焗中蝦. 用白胡椒粒炒, 惹味而不膩, 創意十足.🐂 鮮茄紅酒燴牛尾. 炆得好腍, 底汁非常平衡. 另外蒜蓉包都係大受歡迎.🐟 大海斑蔥油炒斑腩. 香噴噴.🦀 荷葉肉餅拼膏蟹. 賣相十個讚, 蟹算係大隻多膏有肉, 可惜肉餅唔係好吸到蟹味.🐢 脆皮炸子雞. 普通, 非常普通.🍄 雜菌干燒伊麵. 飽了.🫘 腰果露湯圓. 我鍾意呢個腰果香味, 如果甜多少少就更好.🍉 西瓜. 話梅粉塞咗, 可惜.🤗 總結: 大廚烹功超水準, 菜式甚具創意, 有緣再戰!…查看更多

🥰 話說 Mosu 因為 “黑白大廚” 而 聲名大噪, “預約困難” 了. “紅猴” 推介另一間韓國餐廳 Hansik Goo, 食物水準更高, 味道更體現韓國文化. 晚餐 $1,388+100%. 美酒配對 $888+10%, 共六杯, 三杯葡萄酒, 三杯韓國酒. 餐廳裝修 簡單平淡, 格局少似 Whey 及 廚魔.🦑 Cuttlefish Seasoned with Salted Clam Sauce. 墨魚唔韌喎, 出色嘅一體感.🐚 Samhap - Pyeonyuk, Oyster, Aged Kimchi. 泡菜冇搶味, 蠔味緩緩滲出, 不俗!🦀 Snow Crab, Summer Vegetables, Corn Pine Nut Sauce. 韓式沙津, 汁底一流!🐂 Morel Mushroom, Stuffed Lotus Root, Abalone, Eel, Beef Tendon, Beef Broth. 韓國牛骨湯, 熱辣辣, 好好食.🍙 Jeju Abalone, Glutinous Rice, Neungi Mushroom, Perilla Seed. 聞落一陣陣飯焦味.🐟 Seasonal fish with Seafood Stuffing and Fish Broth. 魚肉實淨, 配汁效果出色.🤗 Doenjang Marinated Lamb Chop, Jepi Lamb Jus, Korean Zucchini Rice. 羊肉粉嫩, 掂!🍯 Lime Ice-cream, Grape Granita, Sauvignon Blanc Jelly, Basil. 呢個清下口.🍨 Brown Rice Ice-cream, Buckwheat Chip, Rice Cream, Caramel, Pear Puree. 我麻麻哋甜品.🫘 Doenjang Creme Brulee, Ganjang Pecan, Gochujang Powder. 味道少少似爆谷.☕️ Yakgwa, Heukyimja Dasik. Korean Mulberry Leaf Tea. 甜點唔甜, 合格. 另外, 茶一杯, 唔記得咗乜味.🤗 總結: 菜式充滿驚喜, 又具韓國特色, 係溝通少少難攪. 真心推介.!…查看更多

🤗 今晚相約老友 “甘仔” 飯聚, 初訪位於上環孖沙街嘅 Reveri, 樓面設一張L型八人吧枱, 望住開放式廚房, 另外兩三張方枱, 點咗 Tasting Menu, $888+10%, 五道菜, 配酒三杯, $548+10%.🐂 Beef and Shiso Tartare. 調味不俗.🦐 Japanese Ama Ebi. 甜蝦他他, 屬屈機菜式, 可惜麻油重手咗.🧀 Truffle Brioche. 甜西多士配芝士碎, 有點驚喜.🍅 Tomato and Burrata Salad. 真係用嚟清下口, 普普通通.🦞 Lobster Risotto, 另加$98. 冇乜驚喜, 而且鹹咗少少.🐂 Hay Smoked Ribeye. “甘仔” 話有煙燻味, 我覺得好弱, 服務員建議三成熟, 肉質口感偏嫩, 合格吧.🍨 Caramel Custard Pudding with Lemon Honey Sorbet. 一個沒有印象嘅甜品.🤗 總結: 地方老遠, 定價有少少優勢. 菜式相對普通, 完成度有待改進.…查看更多

🥰 今日相約 “小秘書” 食飯，嚟到 天后 “如心酒店” 嘅 “阿翁小館”. 點咗 “鮑魚美食套餐”, $398+10%, 茶錢位位 $30, 小食 $30. “小秘書” 又要飲可樂, 一罐$50, 哈.🍱 精美點心拼盤. 六揀三, 好彩樣樣啱食.🦀 蟹皇燒賣仔. 肥瘦均勻, 簡單而出色.🤗 蜂巢荔芋角. 芋角都幾反映點心師傅嘅實力, 炸皮鬆化, 一流!🦐 晶瑩海蝦餃. 餃皮冇出事, 不過不失.🥣 阿翁靚湯. 夠熱贏一半.🐚 吉品鮑鵝掌時菜. 鮑魚汁味道濃郁, 十個讚!🍙 迷你瑤柱鮮蝦荷葉飯. 好味道.🍯 美點雙輝. 合桃酥, 鬆脆!🫘 馬豆糕. 平價產品, 但就係好食.🤗 蛋白杏仁茶. 即叫即製, 唔會渴撻撻, 杏仁味跑出.🤗 總結: 坐位舒適, 服務殷勤, 大廳空間較迫, 聽到隔籬枱講嘢. 食物水準之上, 勝過好多大品牌, 期待再訪.…查看更多

🥰 老友 “意大利長介” 識飲識食, 相約師弟 “村井” 同埋 “一清” 江湖飯局, 嚟到 “志成飯店”, 聽講大廚師承 “全家七福”. 🥢 餐廳裝修簡陋, 設六張中細圓枱, 大排檔格局, 另設包廂, 今晚 “長介” 負責點菜! 自攜三支酒, 開瓶費全免.🐚 沙薑蟶子皇, 每隻$88, 共4隻. 蟶子新鮮厚肉, 沙薑提味唔搶味, 啱啱好, 十個讚!🐚 冰鎮南非鮑魚, 每隻$88, 共4隻. 鮑魚爽彈, 配川辣味道, 我非常鍾意呢個溫度.🤗 豉油皇鵝腸, $188. 狀似闊條麵, 冇乜脂肪, 略嫌唔夠爽, 合格!🥣 花膠杏汁白肺湯, 每位$88. 燉盅上, 熱焫焫, 味道香濃吸引.🦐 粉絲中蝦, $680. 蝦膏爆滿, 粉絲又入唒味, 掂! 有點貴, 哈.🐟 海斑兩食, $680. 第一食, 粟米斑塊. 炸粉極度鬆脆, 放咗一陣都冇出水, 魚肉夠熱夠滑, 我以為粟米汁係搞笑, 夾埋真係好好食喎.第二食, 陳皮蒸頭腩. 啱啱熟, 肥美!🐟 陳皮豉汁蒸大鱔, $228. 彈牙, 又少刺, 一流!🍉 生果拼盤. 免費贈送, 完美結束.🤗 總結: 用餐環境普通, 但菜品高質, 烹功火喉出色, 服務有溫度, 期待下次再訪.…查看更多

🥰 話說早前係 “大坑” 尋找 “清淹”, 路過 “北角” 嘅 “曦”, 開心大発現, 兩間姊妹店對調, 大坑嘅 “鮨辰” 去咗 北角, 今日初訪, 用番原本裝修, 設一張十二人L型壽司吧枱, 全院滿座. 午餐廚師發板, $420+10%, 包12貫壽司.🍥 茶碗蒸. 暖暖哋, 合格.🐟 真鯛. 魚肉口感煙靭, 壽司豉油甜甜地, 不俗!🐟 鱆紅魚. 肉質緊緻, 口感出奇哋澎湃, 越嚼越有味.🐟 池魚. 薑蓉太重手, 扣分!🐟 煙燻鰤魚. 煙燻味道溫柔, 餘韻悠長.🦐 赤蝦. 有陣甘味, 麻麻哋.🐚 帶子, 配紫菜. 鹹咗少少, 紫菜唔夠脆, 敗筆之一.🐟 木魚, 配蒜蓉. 太重蒜蓉味, 唔鍾意.🐟 大拖羅. 鮮甜, 肥美, 挽回唔少分數.🐟 燒右口魚, 配紫菜. 油份迫晒出嚟, 又就係鹹咗少少.🐚 海膽. 第一下嘅甜味冚到怪味, 還好.🤗 三文魚子. 又過鹹, 搞乜鬼.🐟 鰻魚. 應該係我食過最好食嘅鰻魚壽司, 溫度同味道都可以前後呼應.🍙 吞拿魚蓉手卷. 好食, 就係魚蓉凍咗少少.🍥 玉子燒. 太濕了.🥣 麵豉湯. 味道濃郁, 依舊出色.🍨 開心果雪糕. 好味道.🤗 總結: 環境都係嘈吵, 魚料比 “曦” 多花款, 但表現似坐過山車, 主要係調味太重手, 某幾件過鹹. 我知道我要還枱, 但師傅好趕, 睇落有點焦慮, 冇乜機會交流, 哈.…查看更多

🥰 荳子冰室, 長期大排長龍, 多番擦身而過, 今日早到, 等咗兩三張枱.🥢 餐廳位於商場一樓, 半開放式設計, 冷氣唔夠涼, 長方樓面, 設多張方枱卡位, 一眼睇唒, 靠門口 收銀櫃檯 售賣新鮮出爐麵包, 環境衛生企理, 播住懷舊金曲, 用餐時播緊 “其實你心𥚃有沒有我” 同埋 “每隔兩秒”. 今日點咗兩份經典早餐, 薑絲鮮牛肉銀針粉, $49, 同埋 餐肉粒鮮茄湯通粉, $42, 各配奄列或妙蛋, 配配多士, 或半價轉麵包, 配配配 熱飲. 🐂 薑絲鮮牛肉銀針粉. 牛肉正常, 冇瘀血, 湯底同銀針粉非常配合, 出色!🍅 餐肉粒鮮茄湯通粉. 我都係鍾意羅宋湯版本, 有誠意嘅, 但跑唔出.🤗 煙肉蘑菇奄列. 茶餐廳玩奄列已經贏咗一半, 但嫌蘑菇太多, 火腿太少.🥟 菠蘿包. 呢件唔係新鮮出爐, 唔夠脆皮, 正常吧.🧋 凍伯爵奶茶. 餐廳冷氣唔夠, 加5蚊轉凍飲.🤗 總結: 服務有溫度, 食物水準之上, 唔駛排隊可以再戰.…查看更多

🥰 同事 “范閑” 推介 廚師發板 “清淹”, 今日相約老友 “意大利長介” 初訪.🥢 餐廳位於 “大坑” 商住大廈地舖, 由天后地鐵站行十分鐘左右, 室內裝修簡樸, 其實有點殘舊, 設一張L型八人壽司吧枱, 座椅比較細小, 今晚全場爆滿, 坐得相當逼夾. 聽講大㕑兼老闆 “楊師傅” 從業三十餘年, 經營 “清淹” 十餘年, 今晚一打十. 冇餐牌冇價錢, 埋單位位 $1,400+10%, 另外清酒亂飲, 合共 $1,100+10%.🍀 前菜: 靜岡蕃茄, 白梅貝, 明太子玉子燒🤗 刺身鮟鱇魚肝鮑魚象拔蚌深海池魚蠔牡丹蝦海螺手釣池魚北寄貝九州福岡鯖魚鰹魚大拖羅海膽花咲蟹蟹膏🍳 熟食串燒拖羅筋鱧魚天婦羅清酒煮沙白燒帶子麵豉湯🍣 壽司小肌大拖羅吞拿魚醬油漬吞拿魚蓉手卷🍨 甜品: 芝麻雪糕 🍀 前菜: 靜岡蕃茄, 白梅貝, 明太子玉子燒. 菜唔夠新鮮, 扣分.🤗 鮟鱇魚肝. 入口即溶, 出色.🐚 鮑魚. 師傅話唔好點豉油, 果然食出鮑魚味.🐚 象拔蚌. 鮮甜.🐟 池魚. 腩位, 夠哂肥美.🦪 蠔. 滑溜.🦐 牡丹蝦. 口感充實, 蝦味濃郁, 今晚驚喜之一.🐚 海螺. 爽口.🐟 手釣池魚. 冇薑蓉爭少少.🐚 北寄貝. 又係鮮甜.🐟 九州福岡鯖魚. 味道太單薄.🐟 鰹魚. 一般般.🐟 大拖羅. 師傳建議加多少少芥末, 果然平衡到肥膩感.🐚 海膽. 我都係食到怪味.🦀 花咲蟹, 配海膽, 三文魚籽. 海水味湧出, 十個讚!🤗 串燒拖羅筋. 師傅話要賣好多大拖羅先有條根, 只會安排俾貴賓食客, 驚喜之一.🍣 小肌壽司. 我確定我唔鍾意食小肌.🐟 鱧魚天婦羅. 炸粉攪唔掂, 一件半件還好.🍣 大拖羅壽司. 同刺身果件差唔多, 壽司飯果然名不虛傳, 哈. 🦪 清酒煮沙白. 味淡.🐚 燒帶子, 配紫菜. 帶子過熟了, 紫菜又唔夠脆, 扣分.🍣 吞拿魚醬油漬壽司. 食唔到期望嘅甘香.🦀 蟹膏, 配青瓜. 味道不俗, 但青瓜太大.🦐 麵豉湯. 用牡丹蝦頭出味, 誠意十足.🍙  吞拿魚蓉手卷. 唔夠味喎, 扣分.🍨 芝麻雪糕. 完美結束.🤗 總結: 論食物, 以刺身爲主, 簡單調味, 壽司飯搞唔掂, 哈. 驚喜位包括 鮟鱇魚肝, 鮑魚, 象拔蚌, 深海池魚, 蠔, 牡丹蝦, 海螺, 非常鮮甜出色, 串燒拖羅筋 真係一絕, 麵豉湯 用牡丹蝦頭出味, 誠意十足. 師傅有講有笑, 鍾意食嘅嗌 encore, 師傅送多件俾你, 用餐體驗愉快.…查看更多

🥰 話說噚日睇完 TVB “虛擬情人” 大結局, 今晚冇嘢做, 決定相約 “虛擬情人” 出嚟搵 “廚魔” 食飯, 嚟到 久仰大名 嘅 星級餐廳 Bo Innovation. 裝修走藝術風, 其實偏平民化. 晚餐 “家常便飯”, $1,280+10%, 配酒 $580+10%. 以 “耳熟能詳” 嘅菜式名稱, 用另一個手法呈現出嚟.家的最愛H2Egg煎釀三寶冬菇蒸雞古法蒸魚蔥爆牛肉叉燒蝦仁炒蛋腐竹白果蕃薯湯圓🤗 [家的最愛, Home favourites]豆豉鯪魚油麥菜, Chinese lettuce, douchi, Dace. 用菜打成綠色嘅汁, 另外炸鯪魚, 玩埋個經典罐頭.梅菜扣肉, Mui Choy Kau Yuk. 醃菜加泡沫, 裝滿迷你雪糕筒, 不俗嘅一體感.豬油撈飯, woba, soy, egg, pork fat. 羊奶芝士味帶領.🍳 . Chawanmushi, beurre blanc, caviar, conpoy. 日式蒸蛋, 對唔住, 超級鹹, 唔關魚子醬事.🐟 [煎釀三寶, The precious 3]Red pepper - Chu toro. 吞拿魚, 正常發揮.Tofu - fennel. 豆腐, 夠滑.Eggplant - anchovy. 可樂餅, 鯷魚, 茄子做餡, 好食.🍄‍🟫 [冬菇蒸雞, Fungi Chicken] Matsutake, chicken wing. 釀番冬菇係雞翼𥚃面, 食落普普通通.🐟 [古法蒸魚, Fish the good old way] Nuodeng ham, turbot noodles, mushroom extract, aged mandarin peel. 魚麵, 配雲南火腿, 有趣.🐂 [蔥爆牛肉, Beef, leeks in a shell] leeks, beef, oyster sauce. 兩條蔥, 幾好食, 底層嗰坺醬食唔到牛肉味喎. 🍟 [叉燒, Char Siu] baguette, Mee Chun pickles. 用燒味紙袋上菜, 少似越南法包, 叉燒夠肥, 相對出色.🦐 [蝦仁炒蛋, Elevated Shrimp Omelette] Langoustine, ceps, beetroot. 蝦質有點散, 配蛋黃醬.🍯 [腐竹白果, Home Sweet de night] Ginkgo nut, soy, kiwi. “虛擬情人” 話食唔出腐竹味喎.🍯 [蕃薯湯圓, Potato meet Monchi] Yam, stem ginger. 蕃薯雪糕, 配汁帶薑味.🍪 Petits Fours. Macaron 比較甜, 食唔落. 最後俾個新年大全盒, 任攞糖果, 哈.🤗 總結: 有趣嘅菜式名稱同食品設計, 烹調水準合格, 但食落冇驚喜, 冇米芝蓮星嘅霸氣. 下星期開始追人格分離嘅 “刑偵12”, 再見 “虛擬情人”.…查看更多

🥰 老友 “安妮亞” 相約飯局, 搵咗 西灣河碼頭 新店 “Amphissa”, 聽講前身係跑馬地名店 “Pheromone”. 餐廳樓面呈L型, 落地玻璃望海景, 設多張長枱方枱, 容納12人左右.🥢 點咗晚餐 Full Experience, $980+10%, 包頭盤, 三道前菜, 湯, 主菜, 主食, 甜品. 細食嘅可以揀一道前菜, $780+10%, 或兩道前菜, $880+10%. 今次叫埋 Free Flow, $300+10%.🥐 麵包. 酸包合格, 滷水味嘅牛油十分有趣.🦐 Amuse-Bouche. 蝦肉口感充實, 底皮唔夠鬆化, 過關吧!🦐 Sakura Shrimp Salad, Japanese Sesame Sauce. 櫻花蝦帶領香氣, 蔬菜算係新鮮, 略配屈機醬, 掂!🐚 Abalone and Mini Tsubugai, Dried Seafood Broth, Tori Paitan. 好食, 但有點兒失去焦點, 飽魚冇咗霸氣, 湯底又唔夠熱.🥰 Chinese Marinade, Poached Duck Liver. 甘香軟綿, 真係繞樑三日.🐚 Seared Scallop, Black Soybean Paste, Fried Mung Bean Vermicelli. 交到功課, 但係冇乜驚喜.🥬 Chinese Watercress Thick Soup, Jinhua Ham, Chinese Almond Oil. 西洋菜湯, 中湯西化, 絕了.🐂 Steak and Side. 話說初訪大廚送咗豬鞍俾我哋食, 肥瘦均勻, 一流! 其後嘅牛扒真係唔識欣賞. 二訪補番數, 外皮香脆, 肉味濃郁.🍟 薯條. 大廚話舊舖做開牛扒薯條. 薯條好食, 份量多到核爆, 醬汁係靈魂.🍜 Starche. 冷麵, 我覺得唔夠香.🍯 Sweet. 效果係固體版蕃薯糖水, 甜品我就麻麻哋.🤗 總結: 地理位置少少難攪, 但係坐落環境舒服, 又有海景, 我鐘意. 定價具吸引力, 大廚蠻有心思, 菜式設計有驚喜, Free Flow 係絕對推介, 師傅會介紹下佢對酒嘅知識, 你未必會認同, 但係呢種交流十分難得. 用餐體驗愉快, 期待再訪!…查看更多

🥰 早年對亞州菜 Fine Dining 十分抗拒, 直到遇上 Mosu 同埋 Seroja, 再睇埋 黑白大廚, 震撼了. 今日相約 “師妹” 嚟到 米芝一星新加坡餐廳 Whey.🏘️ 餐廳位於中上環商業大廈一樓. 大廳長方樓面, 格局黑鼆鼆, 設多張小圓枱小方枱, 零窗境.🥢 晩餐 $1,380+10%, 另加鮑魚麵 $298+10%, 貓山王榴槤雪糕 $168+10%, 配酒 $898+10%. 最唔順氣係清水位位 $38+10%.🦑 sotong tartlet. 青蘋果魷魚撻, 魚子醬舖面, 香茅味道跑出, 第一道菜充滿東南亞風情.🍘 bakkwa bao. 肉乾麵包, 煎堆皮, 食落泡芙口感, 味道就係 沙嗲牛肉包, 不俗! 前菜味道已經好濃.🐟 Lohei Yusheng. “撈起魚生” 早見於唐朝, 始於廣東省, 多用鯇魚. 今晚用上吞拿魚, 絕配酸汁, 攪掂! 當然完全唔似 “撈起”… 🥐 Whey’s Buah Keluak Mi Pau. 麵包, 夠熱夠脆, 呢個出奇哋有驚喜. 服務員亦將原材料粟子殼攞俾你睇, 哈.🐟 Sawara. 鯖魚, 配一片象拔蚌. 鯖魚唔鞋, 但冇乜特別, 象拔蚌唔知做乜.🐚 Asam Laksa Dry Noodles, $298+10%. 鮑魚玩到完全腍晒, 好食嘅, 亞蔘喇沙味道嘅冷麵, 幾有趣.🤗 Roasted Three-Yellow Ayam. 一如預期, 主菜就係普通. 雞算穩陣, 配菜帶苦澀味, 扣分.🦞 Nasi Ulam. 玩煙燻, 上菜煙霧效果又加分. 龍蝦肉分開上, 極優質. 印尼飯好食喎, 配辣椒醬真係一流.🍁 Starfruit Sorbet. 清下口.🥥 Coconut Ice Cream. 椰子味道唔算明顯, 一般般.🍨 Maoshan Wang Durian Ice Cream, $168+10%. 老實講, 魚子醬多此一舉, 用嚟托住價錢, 榴槤雪糕唔值咁貴, 不建議.🍪 assorted kuehs. 即係 Petit Fours, 完美結束!🤗 總結: 東南亞主題限制咗發揮, 但定價相對合理, 初訪可以考慮唔要加錢項目, 配酒六杯, 有心思. 用餐體驗合格, 值得一試.…查看更多

🥰 老友 “意大利長介” 請食飯, 選址 “鮨野”, 初訪. 餐廳間隔正方, 設一張瘦U型十六人壽司吧枱.🥢 今日點咗午餐廚師發辦, $1,080+10%, 包括前菜, 五款刺身, 五款壽司, 卷物, 熱盤, 湯, 甜品. “長介” 無酒不歡, 點咗清酒: 春鹿吟釀, $580+10%. 🍀 前菜: 沙律🍥 茶碗蒸🥰 刺身赤貝竹莢魚珍蠔毛蟹牡丹蝦🍣 壽司深海池魚真鯛甜蝦大拖羅馬糞海膽鯖魚🐟 熱盤: 鹽燒平政魚魚骹🍙 卷物: 吞拿魚蓉手卷🍮 玉子燒🥣 麵豉湯🍯 甜品🍀 前菜: 沙律. 幾好食, 正路.🍥 茶碗蒸. 夠熱, 經典嘅味道, 我鍾意. 鮑魚至中, 又唔太浮誇.🐚 赤貝, 愛媛縣. 瀬嘢! 赤貝十分爽甜, 竟然唔記得影相, 非常失策.🐟 竹莢魚, 靜岡縣. 即係池魚, 紫菜完全唔脆, 普普通通. 🐚 珍蠔, 岩手縣. 爽口, 出色!🦀 毛蟹, 北海道. 撈番蟹膏蟹肉係底, 鮮甜甘香, 一流!🦐 牡丹蝦, 北海道. 西式烹調, 配汁少少似龍蝦汁, 但冇咗日本牡丹蝦嘅感覺.🐟 鹽燒平政魚魚骹. 肉鞋, 完!🍣 深海池魚. 肉質緊實, 油份豐郁.🍣 真鯛, 昆布漬. 味道重身咗, 幾有趣. 🍣 甜蝦, 兵庫縣, 昆布漬. 蝦味濃郁, 冇怪味. 🍣 大拖羅, 十六日熟成. 肥美, 少少醬油甘香. 🍣 馬糞海膽. 還好. 🍣 鯖魚. 味道跑唔出喎!🍙 吞拿魚蓉手卷. 魚蓉香噴噴, 十個讚!🍮 玉子燒. 正常發揮.🥣 麵豉湯. 夠熱, 合格.🍯 甜品. 不知名甜品, 完美結束.🤗 總結: 老老實實, 食物質素一般般, 服務殷勤, 師傅介紹清晰, 但我掛住同 “意大利長介” 吹水, 忽略咗師傅, 冇乜交流, 哈哈.…查看更多

🥰 早前 “虛擬情人” 推介 天婦羅廚師發板 “次郎”. 今日終於初訪, 午餐 $880+10%, 包括前菜, 茶碗蒸, 八件天婦羅, 天婦羅飯, 雪糕. 餐廳設一張L型壽司吧枱, 師傅位置非常狹窄, 又人手過剩, 睇見都辛苦, 服務員負責介紹食物.🐟 前菜: 吞拿魚刺身. 甘香嘅醬油鐵銹味, 不俗.🍋 調味: 黑松露鹽, 綠茶鹽, 海藻鹽, 辣椒鹽, 檸檬, 天婦羅汁.🦐 炸蝦頭. 算係脆嘅, 過關!🦐 簿漿炸蝦. 炸漿唔夠薄, 唔夠脆, 唔夠鬆, 蝦肉正常, 但炸漿埋下伏線.🥕 蘆筍. 一件沾海藻鹽, 一件沾天婦羅汁. 冇咗蔬菜天婦羅嘅驚喜.🐟 香魚仔. 我鐘意個賣相, 但食落有點苦.🌽 黃粟米, 小粟米. 一般般.🐟 沙錐魚. 魚骨沾鹽, 魚肉沾天婦羅汁, 還好.🍥 茶碗蒸. 夠熱夠滑, 紫菜湯汁略為甜咗少少.🤗 三文魚籽. 紫菜炸皮腍咗, 可惜.🐟 海鰻. 我唔識欣賞海鰻囉.🥔 番薯. 麻麻哋.🤗 天婦羅飯. 材料只有蝦, 冇乜誠意. 另一個選擇係茶漬飯, 分別唔大.🍨 甜品: 綠茶曲奇雪糕. 有點意思.🤗 總結: 價位唔平喎, 食材相對普通, 炸漿完全攪唔掂, 用餐體驗麻麻哋. 食完唔夠飽, 過咗隔離 "南記" 食春卷河粉.…查看更多

🥰 近期米芝蓮餐廳 ami 人氣急升, 今日相約老友 “甘仔” 初訪. 電話訂座, 接線生竟然知道我係乜水?! 哈哈.🥢 餐廳裝修暗黑, 經過酒櫃, 到達用餐區, 設半開放式酒吧, 另外五張 “半梳化餐枱”, 四張靠窗方枱, 仲有一間十人包廂, 玩圓枱.  室外露台 俾客人飲酒吹水. 點咗 “時令晚餐”, $1,080+10%, 葡萄酒配對 $980+10%.🥐 麵包. 我唔鍾意食酸包囉.🥧 amuse bouche. 印象一般.🥕 Loire Valley asparagus, slow-cooked egg mimosa. 法國露筍配慢煮法式香草蛋. 清新嘅組合, 不俗.🍄‍🟫 mushroom soup, shiitake and black pepper roll. 香濃蘑菇湯配香菇酥. 菇香非常澎湃, 絕配香菇酥.🍄 summer & winter black truffle, noirmoutier baby potato. 黑松露配法國小薯仔. 我覺得主角係薯仔, 出色嘅一體感, 我唔識欣賞松露, 哈!🐟 Murray cod. 墨瑞鱈魚配椰菜花. 法國菜真係搞唔掂條魚, 一般般.🤗 yellow chicken. 黃油雞配防風草及黃酒汁. 雞肉嫩滑, 水準之上.🥭 rum baba, mango. 芒果冧酒巴巴蛋糕. 完美結束.🍪 petits fours. 法式美點. 最後粒棉花糖同朱古力都幾有誠意喎.🤗 總結: 餐廳地理位置顯赫, 座位比較擠迫, 有服務, 冇溫度, 晚餐價錢唔算誇張, 反而配酒訂價進取, 整體表演穩穩陣陣, 少少驚喜位, 我俾半星.…查看更多