chima5936的個人專頁

點左5樣野有穩陣派腐竹糖水店長之選既糖水佬奇妙之旅實無死既水果特飲平凡既大粒西米溝涼粉同泄凱琪既糖不甩^_^5野都各有特色！腐竹糖水我無食，但見我朋友食淨一半。奇妙之旅，本人飲既，飲垃圾汁一樣，椰汁唔似椰汁，中間又有d西米，硬硬地甘。面頭加幾塊唔新鮮既生果，可以話係等於食神入面，5種魚，一面蒸一面炸，10種唔同食法既多舊魚一樣。水果特飲，我另一朋友飲既，飲左一啖，嘩左一聲，面都青埋。西米溝涼粉，咪就係烚d西米加d涼粉，無味架，你仲想點？糖不甩我食過唔少。但又濕又唔煙靭，又唔香甜既糖不甩我就真係第一次食。總括呢間糖水鋪都算係糖水界既明將！歡迎各位勇者前往挑戰。…查看更多

下午1420開始排隊，排第20位左右。我係排1500入座食限賣30份既招牌吐司。搭正1500，開始入座。問題出來了，佢係逐枱客按排入櫃枱點餐，之後按排座位俾你，一枱客點完餐就到下一位入內點餐，大約每用3至4分鐘點一個餐。期間又不斷有其他客直接walk in入去買麵包。呢d入去買包既客同排隊入大堂食野既客係共用一個櫃枱，而呢d walk in客係唔洗排隊，直接可以去俾錢，形成對係門口排隊既客人不公平，排勁耐都入唔到去坐同點餐。我之前有19個客，加上不斷既外賣客，就造成我明明1500可以入座坐定定點餐但到最後1545先入到去。而1500至1545呢段期間d座位係空曬係度。呢個入坐安排十分失敗，唔知有咩用意，可能希望製造人龍，引人注意，希望快d改善。食物質素:麥穗煙肉蝦包-好硬，小d牙力都出事，但味道尚可。無花果芝士裸麥包之屎唔係好夾個包。d裸麥幾好食。總括一般補充，其他好小小既麵包店既包都好食過佢French Toast:即製！好新鮮，好香，外脆內軟，熱辣辣！個味似憞蛋。值得一試。入座安排影響了心情，麵包可以不試Toast就可以一試。P.s下午茶時段係無其他食物可以買，係無！一樣都無！不值得排個半鐘。…查看更多