JoJo C的個人專頁

見未開門就已經排長龍 以為一定好好食排左成個鐘 先排到真心失望 唔好食的😑個雞蛋仔食落粉粉地 似係落得太多發粉不夠蛋香 最後結論係 點解咁多人排？只因為「平 」十蚊一底 如果對雞蛋仔係有小小要求嘅話就唔好浪費時間去排隊了後悔🙃格仔餅比雞蛋仔好起碼醬料充足但不會再幫襯 排隊排太耐了去隔離食炸雞髀好過好多人見排得耐都走左去隔離買甜品D西米係好味的但好多人都話落單嗰個人態度很差不會再幫襯睇嚟都只係KOL效應大家都係湊熱鬧先嚟幫襯…查看更多

見天氣幾好 難得唔熱 想坐出面d位 個兩個reception 掛住同賣雪糕個個女仔傾偈 求其望下booking 本薄就話無位 問佢會唔會等下有枱 佢就話唔知架 好難講 然後繼續傾偈 對客人極不尊重我望下 出面其實有幾張枱無人的 起碼有4張 就問下佢地 個女仔就施施然行出去話 d客係咪岩岩埋左單走左？ 然後就俾枱我真好笑 客人要自己搵枱 再話番俾佢聽服務差過茶餐廳 咁既工作態度 根本不適合做服務行業餐廳食物ok 招呼客人既waiter & waitress 服務都超好唯獨個reception 就好似成間餐廳既曱甴屎一樣…..…查看更多

這是我食過最難吃的炸雞🤮🤮🤮食落雞肉超不新鮮 有陣怪味 一係d油唔靚 一係就d雞肉臭了 如同其他「雪雞」比較 連鎖嘅炸雞店比他好吃 但價錢是連鎖的幾倍 如你係想吃好吃的炸雞 千萬不要食呢一間你會後悔的！！！！！！！！我是超級炸雞控 吃過多間韓式炸雞 這份炸雞真的不合格 我吃完嘔了🤢🤢🤢真的嘔了 🤮真後悔無睇清楚其他食評就入左去食如你係唸住入去飲杯咖啡傾傾計 打個卡係可以的杯焦糖燉蛋咖啡 好飲既 咖啡上既公仔都幾可愛…查看更多

咁岩經過元朗 友人好好掛住細個成日食嗰間雞粥 咁我就同佢去回憶一下啦 我就第一次幫襯 招牌貴妃雞粥, 粥綿 雞的味道很鮮 肉有彈性味道剛好 炸大腸 爽脆 不油 份量足夠 抵食 ！蜆蚧鯪魚球係我最欣賞嘅 鯪魚球炸得好鬆化 真係好好味一定一定要食👍🏻👍🏻👍🏻👍🏻👍🏻係我食過最印象深刻既鯪魚球豉油王炒麵一般般啦冇乜特別加$3就有一杯凍豆漿 好抵飲懷舊小店 用心經營 有機會一定會再幫襯試埋佢其他特色小菜😊下次要試下佢既乳鴿先！…查看更多

環境舒適 係同朋友一聚傾計既好地方同友人一人叫一個lunch set 磨菇湯香滑 啖啖磨菇蓉係口中 個麵包就麻麻地叫左個 Lasagna 同ravioli 兩樣個味道都正常 但係唔熱既個ravioli 直頭入面係有d凍同侍應反應左佢地好好咁話拎入去幫我地加熱隔一陣 佢俾番兩碟好似新既俾我地誠意十足不過都係唔熱既😏Pasta 個人認為真係要熱辣辣既先好食唔熱扣晒分Lasagna 如果係焗完先拎出黎 無可能唔熱....Ravioli 淥熟加汁就拎得出黎.....🤷🏻‍♀️…查看更多

阿姐誠意推介我地飲佢地自家制既飲品有清熱既功效正👍🏻👍🏻👍🏻我地叫左一jar 好味😋 不過我唔記得咗叫咩名 😁蜜汁义燒細細粒 肉質鬆軟 泡椒乳鴿 D尖椒係幾辣 不過同啲皮蛋同乳鴿又幾夾乳鴿好嫩滑黃金蝦 個米通超脆 個蝦都炸得好好味 不過我地兩個人 一人兩隻 食完有d飽焗蟹蓋 足料 👍🏻啖啖蟹肉🦀絕不欺場 個肉絲炒麵 個炒麵超出色夠乾食 又脆 一d油膩感都冇 仲熱辣辣 係我食過最好食嘅炒麵Very impressed 😌食物真心高質 份量都幾大份一行四人會比較適合 可以食多幾款服務周到 有機會會再一試兩個人大概食左千五蚊不算平 不過食物有呢個質素 都值既😊…查看更多

聞說有間好出名既迴轉壽司 就同屋企人黎試下我地有備而來 攞完飛要等百幾個號碼 去UNY shopping 一下 大概一個鐘後有位講真食落真係麻麻地 睇落平 但質素很一般款式又唔算多海膽壽司直頭有中伏既感覺帆立貝壽司一客有兩粒 但帆立貝係一分為二 比較吝嗇 真心不推介比較特別的係佢有白子同安康魚肝 其他香港既迴轉壽司未必有 但味道一般大toro 可以接受蒸蛋ok炸雞一般我地4個人 食左五百幾蚊唔算貴 都係個句 如果要等位等咁耐呢個價錢 去元氣好過試過一次就夠了…查看更多

黃金蝦大大隻 好好食 配沙律醬好好味👍🏻👍🏻👍🏻👍🏻👍🏻蟹都有半價 肉蟹啖啖肉絕不欺場👍🏻👍🏻👍🏻👍🏻豉油王帶子 ok黃酒煮雞好好味 個侍應去到最尾見到我哋飲剩啲湯 話幫我哋返熱再飲 推介我地黃酒煮雞對女士補身好好 服務一流💯Bb 豆腐 外脆內嫩 熱辣辣 正話梅涼瓜 稍嫌甜咗啲整體來講成餐都好滿意食物好食服務超好價錢抵 值得推介👍🏻👍🏻👍🏻👍🏻…查看更多

一早book左枱 唸住試下佢個蒸鍋套餐點知食到成肚氣個侍應過黎話無晒蝦 椒鹽蝦變椒鹽鮮魷????我個餐都無椒鹽蝦我地食蒸鍋喎然後佢哋話冇晒蝦叫我哋揀另一樣嘢個賣魚嗰個話轉刀貝俾我地我地唔想食刀貝寧願轉雞算佢一份蝦散叫$78 半隻雞$65我叫平d既都算啦佢地竟然好大反應咁話唔得搞左勁耐 個阿姐又話佢話唔到事話到事既經理就龜縮唔肯行埋黎 最後我都係叫個經理過黎 問佢轉雞得唔得 佢就話得 然後走咗 (????) .......搞咗好耐終於有嘢食D 鮑魚好似無洗過咁用紙巾輕輕一抹 張紙巾都會變黑色的再抹成隻鮑魚都係泥 根本無洗過同個阿姐投訴 佢竟然俾兩張濕紙巾我 .......無言=_=‘’其他食物OK 鱔係好食的但服務超差唔會有人service 你佢地放低d食物之後 你就自己黎自己蒸 同無人換碟既 不過我唔介意 我費事要再洗過d碟呢間酒樓既服務真係超差衛生更差D碗碟係油笠笠的海鮮又污糟 個蒸鍋海鮮餐係平但都唔會再幫襯服務同衛生都太差勁了👎🏻…查看更多

好多年前試過 當時覺得好好 之後一直以為間餐廳close 左 最近搵番 唸住回味下 睇到全是好評 以為有信心保證 但真的很失望 叫了一杯白酒 一杯紅酒 原本食蠔唸住叫杯Riesling 個點知waitress 話當日無Riesling 介紹左另一款white wine 就聽佢介紹吧！點知...太甜 ！ 我係鍾意飲甜甜地 但飲落像一杯葡萄氣酒 沒有層次 有點失望好彩杯紅酒算不錯洋蔥湯 -不過不失 生蠔 - 正常牛扒 - 不錯燒鱒魚瀨野 ！ 原本唸住食魚無咁heavy Order 既時候無無睇清楚係咩魚黎到見到 心知不妙睇落似三文魚 侍應話不是呢款肉質比三文魚好無懷疑之下就信了切開一睇 入面係生的由於不太熟既關係 食落係好滑 但呢種溫度同生熟程度好易有細菌 而且無乜魚味 亦無乜味道我唔識欣賞但我都係食左算了番屋企唸唸下唔對路 記得之前睇過新聞話d鋪頭用鱒魚扮三文魚 鱒魚多數為淡水魚 不宜生吃我個人認為唔應該煮到半生熟 總之....食三文魚好過.....餐廳寫明係鱒魚 係自己唔細心 😟成晚個肚都唔係好舒服 希望只係心理作用飲左杯不合心水既酒加上main course 也不滿意.....已經無興趣叫dessert 了總括 呢個價錢 出面可以找到更好的…查看更多

呢間茶木有別於一般既茶木呢間比較自助式食物同飲料既種類比較少 中午輕便d 可以食碗牛肉麵 或者一d台式便當由於係自助式 佢都係用即用即棄既餐具我最近愛上佢既豬軟骨便當$55好似仲有滷水雞翼 溫泉蛋 炸豬排可選擇我鍾意豬軟骨 夠淋 又可以補充一下骨膠原便當🍱仲包鹵肉飯 半隻溫泉蛋 加青瓜 青瓜好爽脆 食得肉多 再食粒青瓜 無咁膩呢超鍾意食佢個溫泉蛋 日日食都不厭😁飲品加珍珠份量都唔少 食完個飯 都好飽 次次都飲唔晒d珍珠.....又一簡單快食或買外賣既好去處…查看更多

最近見肥媽介紹惠東燒豬介紹得咁開心 我都好想食番隻脆皮燒豬 心血來潮唸起海福樓既乳豬好出名 一直都未有機會試 即刻book 枱訂埋食乳豬 準時坐定定 準備開餐🍴隻燒豬的皮塊塊都好脆 無乜肥羔 夾埋塊包食 正！阿姐仲會手撕d肉俾我地食 d 肋骨充滿甜甜既燒汁味 好惹味 不過食唔晒 拎番屋企炒飯食 唔好徙粉絲肉碎蝦煲粉絲好入味 個窩熱辣辣 d蝦好爽有蝦膏 不錯！黑椒野菌廣島蠔有新鮮感 唔駛次次薑蔥或砵酒西米焗芋泥布甸可能因為我好鍾意食芋泥 我覺得超好味呢😋所以野都好好味👍🏻…查看更多

見有咁多好評 又係米芝蓮 都抱幾大期望 諗住試吓有幾好味 點知....好普通....Lunch 去試左個最basic 既豬骨拉麵麵質偏硬 味道一般 沒驚喜隻半熟蛋味道不錯 但不算特別炸雞 夠juicy ! 好食！個人認為只係一般嘅拉麵店同日本嘅拉麵相比仲有好大嘅距離雖然店內有一位日本人 但見廚師同侍應都係本地人 最令人側目既係 煮拉麵既廚師同包餃子既員工 都無戴帽同口罩 工作其間亦不斷傾計 一路煮麵 一路講 一路包餃子 一路傾.....咁d口水......🤔亦睇住Refill筷子既員工 執完枱就雙手揸住的筷子去派 ....我個人比較在意呢d 始終眼不見為乾淨 眼見就......🤢…查看更多

原本唸住食隔離間當當屋 點知去到要攞飛等位 手多多去隔離㩒個制 點知即刻有位 咁就入左去..........雞翼撈公仔麵雞翼夠入味 但個人覺得太鹹 就咁食雞翼會好d 加埋成個麵都同一隻味就有d 膩....炸雞脾出色炸得夠脆 又唔乾 有肉汁 好好食 ！紅豆西多士有新意 有別於一般既西多用花生醬紅豆蓉甜甜的 同西多都好夾 ！叫左杯奶茶 夠茶香 但不算滑。餐廳內裝修別緻 牆上既畫都幾靚 服務都ok 兩個人4樣野食左$130 茶餐廳但無茶餐 要散叫 美中不足 無茶餐既茶餐廳…查看更多

今次係因為老公用積分換左張口水雞既coupon 仲要係就黎過期 所以先黎試下點知有驚喜口水雞半隻 原價$208 原本唸住coupon 換既 份量應該不多啦 點知黎到一大碟 仲幾好味 肉質也不錯再黎一個杏汁白肺湯 賣相精緻 飲落好潤咁 不過略嫌份量少左d 兩啖就飲完泡椒石窩桂花蚌 個石窩好熱 d蒿苣好入味 又不太淋 爽爽地 好味 ！炒土豆絲 有獲氣 🔥總括黎講 食物味道不錯 價錢唔算平 但份量足夠 服務都好好其實我仲有好多野想食 不過今次人少 食唔到咁多野下次會再黎 …查看更多