jap.foodie的個人專頁

餐廳位於Hysan 13樓既開放式位置，環境寬敞坐得又舒服，食物種類都好多，同一大班朋友黎一定岩食。今日無叫dinner set, 散叫左幾款特式食物三文魚扒配自家製薯蓉及沙律 $168三文魚扒煎得好香脆，熟度岩岩好，自家製薯蓉好香好好食，如果有多啲就更好😂😂軟殼蟹蕃茄意大利飯 $174番茄味好濃厚，意大利飯軟硬適中，好入味🤤軟殼蟹炸得好鬆脆，好大隻仲有少少蟹膏，好好食😋烤卡津雞肉薯粒鑊仔 (細) $94叫左細份量都幾多配料，有雞肉、車厘茄、西芹、洋蔥、水煮蛋，仲有好多脆卜卜薯仔粒同熱熔芝士，配搭層次好豐富，好正👍🏻👍🏻…查看更多

見仲有啲coupon未用，鐘意食海南雞飯既我就黎呢到試下。餐廳裝修得幾靚，座位都好寬落舒服。海南雞飯拼喇沙米線 $138海南雞肉質好嫩滑，份量都好多，雞皮同肉中間仲有層啫喱，點埋甜醬油同薑蓉perfert match。油飯粒粒分明，好香雞油同香料既味道，夾埋一齊食個味道更昇華👍🏻 👍🏻 仲有碗細喇沙，湯底好濃郁好香，有陣陣既椰香同微辣，入面有蝦、豆卜、魚蛋、半熟蛋。新加坡炒粿條 $128呢個炒粿條好夠鑊氣，用甜醬油炒甜甜地好好食，粿條滑溜，加埋麵條有兩種口感，入面有蝦、臘腸、芽菜、花生粒，而旁邊個辣粉都幾辣，好惹味。蝦肉好新鮮彈牙，唔係用急凍蝦👍🏻 👍🏻 新加坡古法炒蘿蔔糕 $96蘿蔔糕都用左甜醬油去炒，都幾惹味，仲好飽肚斑蘭咖吔多士 $36多士烘得好脆，入面塗滿左斑蘭咖吔醬，再夾住厚厚既牛油 ，好邪惡好好食海鹽雪糕椰汁珍多冰 $42海鹽雪糕好食，同椰汁又幾夾，好飲…查看更多

去左最近係將軍澳新開既漢堡店，店內既彩虹佈置好colourful，環境裝修幾好炸魷魚叫主食追加1份$28，原價$38炸粉漿好薄身，炸得好鬆脆，魷魚圈都幾厚身，新鮮彈牙。再加埋個秘製醬汁，係柚子味同蟹籽，味道幾清新蒜蓉法包叫主食追加1份$9，原價$15法包焗得好脆，有啲薄身，蒜蓉牛油都好香夏威夷鳳梨黑豚堡 $72黑豚扒超大塊，外皮炸得好香脆，肉質幾淋好易就咬開，唔會好乾柴加埋甜甜地既菠蘿、青瓜絲同微酸既日式炸豬扒醬汁，估唔到又幾夾幾好食喎呢個組合幾清新，食完唔會覺得油膩，而跟餐既薯條都好食咖喱蛋包飯配炸雞 $78咖喱係日式甜咖喱口味，滑蛋整得幾出色，重點係個炸雞炸得香脆，雞肉好juicy，味道好入味好香抹茶Latte跟餐加$26抹茶味香濃，牛奶香滑，幾好飲…查看更多

龍蝦湯配牛油果大蝦稻庭烏冬 $128龍蝦湯用壺裝起，可以按自己口味倒入龍蝦湯，龍蝦湯味道濃郁，但食得耐就有啲咸。仲有3隻爽口大蝦，牛油果好靚熟得岩岩好，稻庭烏冬都好彈牙，所有野一齊食好夾味增蟹醬蟹籽蟹肉意粉 $128第一次食味增醬汁意粉，估唔到又幾好食喎，味道甜甜地，啖啖都有好多蟹醬、蟹籽同蟹肉，好好食海鹽焦糖雞翼 $68係單骨雞翼，食起上黎好方便，雞翼炸得好香脆，甜甜地又幾好食平日晚上黎到都full house ，每檯客人都打卡影相，好岩文青黎打卡…查看更多

今日同朋友兩個人黎澳南呢邊搵野食，見到呢間燒雞幾抵食就入黎試下，唔洗諗叫左個二人餐$168，有半隻燒雞、Pizza、沙律或雞翼、蒜蓉包同兩杯飲品。燒雞簡左自家燒烤醬，好惹味，雞肉好嫩滑。薯條係粗薯，炸得都好香脆。蒜蓉包都好香口薄餅8吋 OMG Spicy Pizza有六款口味簡，OMG Spicy Pizza好足料，鋪滿左雞肉、辣肉腸、意大利臘腸，批底係厚批，批邊幾脆口，都唔錯食左咁多肉，所以簡左沙律中和下，估唔到個沙律咁大兜，仲好多料，沙律汁仲好開胃另外仲加左個炸雞軟骨$36，幾香脆夠味不過就唔係好夠熱原來澳南呢邊新開左好多野食，下次可以再黎試其他，食完再去埋Donki…查看更多

經過銅鑼灣見到呢間新開既台灣古早蛋糕，咁岩新鮮出爐所以買左2件細蛋糕試下，分別係原味同柚子蜂蜜味。店員介紹古早味蛋糕每日新鮮出爐，每底蛋糕用上70隻雞蛋。每日不同時間會推出不同口味，睇你好唔好彩撞岩你心儀既味道阿里山原味道蛋糕 蛋糕鬆軟香滑，空氣感十足，好有蛋香，甜度岩岩好，拎上手唔會好油，好好食。店員提議第一日可以放室溫，第二日要放雪櫃，需要係3日內食完。日本柚子蜂蜜蛋糕蛋糕用左日本柚子皮舖滿左蛋糕面，柚子皮食落有小小回甘，好清新，蛋糕一樣都好鬆軟回彈。…查看更多

今日黎到淥鼎記打邊爐，下午5點半就可以入座，7點半前埋單仲平幾十蚊，可以食足2個鐘有3款套餐可以簡，今次試左最基本既「小寶套餐」，有美國和牛，安格斯牛肩胛，鹿兒島夢幻豚，另外可以加28蚊升級雞煲、酸菜魚或者烤魚，但我地兩個人食唔到咁多所以冇叫到湯底都有好多選擇，我地簡左鴛鴦鍋，花膠美人鍋同菠蘿沙嗲鍋。湯底好足料，花膠美人鍋有好多舊花膠、紅棗杞子，而沙嗲鍋係好重花生味既沙嗲湯底，加埋菠蘿仲香甜肉類同熟食係用手機掃QR code落單，上菜速度幾快，有美國安格斯牛肩胛，肉味濃郁；美國SRF和牛片，肉質鮮嫩；鹿兒島夢幻豚，脂肪比例適中：手打鯪魚丸好彈牙好食。熟食有鹽酥雞，岩岩炸起超香脆多汁，好食到encore左兩碟蔬菜、丸類餃子同麵食都係出去自己攞，款式都好多飲品方面都有好多唔同種類既汽水、果汁同茶，仲有自家製涼茶竹蔗茅根，可以清清熱氣總括來說，食物質素同價格好相宜，味道都唔錯，可以一試…查看更多

今日中午黎到中環其中一間必到既4層高打卡Cafe，地下係bar檯+用餐區二樓 賣衫同精品三樓 廚房+用餐區天台 露天用餐區南蠻炸雞便當 $88便當用左日式和風便當布包住，擺係到已經好靚，慢慢拆開入面係一盒木製便當盒，有三文魚飯糰同糙米飯糰、溏心蛋丶醃青瓜同芽菜。雞肉炸粉厚度適中，幾脆口，雞肉好嫩滑，加埋上面大量既沙律醬，整個便當配搭得好好食煙三文魚牛油果蟹子沙律 $98沙律有煙三文魚、牛油果、生蛋黃、番茄、蟹肉同蟹子，配上薄脆法包一齊食，好正愛爾蘭咖啡 (含酒精) $72咖啡上有一層濃厚既Cream，下面就係加左愛爾蘭威士忌既熱咖啡，酒既味道都幾濃烈，唔會蓋過咖啡香味，飲完個人好暖金絲黃菊雪梨茶 $88可以按自己喜好加入材料到玻璃茶壺，再加入熱水後焗8-10分鐘。沖出黎淡黃色既花茶有淡淡既菊花香，微甜既雪梨同杞子，非常清潤…查看更多

尖沙咀棉登徑有唔少高質日本餐廳，今試黎到呢間出名食丼飯同串燒既小店，裝修好有日式居酒屋既感覺。鮑魚雞翼 $78雞翼入面釀左鮑魚，好特別日本雞軟骨 $28雞軟骨燒到好香又脆口極上海之幸丼 $258鮑磯煮好入味，彈牙鮮甜；大拖羅肥美甘香，入口即溶；海膽味濃鮮甜；日本牡丹蝦好大隻新鮮；白身魚、深海池魚、蔥花吞拿魚蓉同三文魚籽都好食，全部都好新鮮，味道同係日本食既一樣咁鮮甜。一碗丼飯可以試哂咁多款，好抵食黑松露帆立貝丼 $188帆立貝好大隻又鮮甜，加埋黑松露食好香好正！！左口魚邊燒完油香十足，入口即溶，有啲醋味啫喱酸酸地平衡返油膩感。仲有松葉蟹肉同三文魚籽撈飯食，大滿足！成餐既食材都好新鮮，又高質，十分推介要黎呢到試下呀！…查看更多

好耐之前就去過係觀塘以創意卷物聞名既「古今」，今日同朋友再黎試試位於銅鑼灣既分店。餐廳環境係簡單既日式居酒屋，仲設有吧檯同獨立房。胡麻豆腐沙律 $78沙律菜好新鮮，豆腐嫩滑，大大粒魚籽，加左大量日式胡麻醬，好難唔好食龍捲風沙律 $78有超多新鮮生菜同中華沙律係底，上面舖上大量蟹柳絲、蟹籽同脆片，配以蛋黄醬同日本燒汁，食落酸酸甜甜，仲有小小wasabi辣，好開胃雜錦天婦羅 $58有2隻炸蝦、冬菇、茄子同日本甜薯，炸漿好薄，炸得好香又脆，炸蝦肉質爽滑彈牙，日本蕃薯好甜，冬菇大大粒好多汁，茄子超大舊午夜牛郎 $88午夜牛郎係炸左既反卷，包左牛油果、芝士同三文魚，外層炸得好酥脆，外脆內軟，第一次食炸反卷，好特別忘不了您 $88忘不了您入面有芝士同炸牛肉，上面舖左士多啤梨薄片，配搭甜甜地幾好食…查看更多

🏮環境舒適居酒屋-今日中午黎到長阪燒食日本菜，價錢都幾相宜，環境又舒服是日小食係雞腎，甜甜地幾好食🥗沙律菜番茄配上沙律醋，好開胃蜆肉麵豉湯 $22蜆肉份量好多，好大隻又鮮甜，加埋麵豉湯一齊飲好正😋😋茶碗蒸 $18茶碗蒸入面有雞肉、蝦同冬菇🍥 蒸蛋好滑，味道好鮮味👍🏻👍🏻汁燒霜降和牛温泉蛋 $168 和牛粒牛味好濃好香，撈埋温泉蛋一齊食入口更滑溜🤤🤤另外仲散叫左啲壽司🍣 有藍鮨拖羅 (1件$32)、立魚 (2件$16) 、劍魚腩 (2件$18)、日本芝士蟹棒(2件$18) 、蒲燒鰻魚 (2件$28) 、蔥粒呑拿魚蓉小卷 $18壽司整體味道都唔錯，藍鮨拖羅入口即溶，立魚同劍魚腩都好新鮮，蔥粒呑拿魚蓉小卷好香😍-📍長阪燒旺角砵蘭街189號2樓-…查看更多

觀塘區既工廈出名多隱世餐廳，原來牛頭角都有間性價咁高既西餐。星期六夜晚黎到都差不多滿座，餐廳環境幾大，坐得又舒服。坐低唔洗諗直接叫左個2人Set Dinner $548，另外再加多左個小食麵包麵包焗到微溫，外脆內軟，入面有小小番茄乾，茶埋香草牛油食更香。餅乾條好脆身，有好香既香草味，得一條食唔夠喉凱撒沙律羅馬生菜好新鮮爽脆，每塊都沾滿凱撒醬汁同巴馬臣芝士碎，仲有脆口既烤麵包粒羅宋湯一飲就知道用左好多香料同材料去煮，味道酸酸地，有好濃厚既番茄味蒜蓉牛油雞翼 $88外層炸到脆卜卜，有好香既牛油味，仲有超多蒜蓉舖面。單骨雞翼好方便易食，好快就食哂煙三文魚薄餅薄餅皮好薄好脆，每塊都有超多超大片既煙三文魚鋪面，醬汁又多好好食炭燒安格斯西冷牛扒牛扒叫左5成熟，火喉控制得岩岩好，燒到有好香既炭燒味，肉質嫩滑，肉味香濃充滿肉汁熱水果茶 (+$24)青蘋果梳打 (+24)青蘋果味幾香幾清新Brownie有好濃朱古力味，質地濕潤軟黏，但甜左小小…查看更多

Double Cheese Burger $148麵包好鬆軟，夾有雙層4安士既漢堡扒，漢堡扒煎得焦香，肉味好濃仲有超多肉汁，熟度岩岩好，中間仲係粉紅色。加埋雙層芝士、酸瓜、洋蔥同生菜一齊係完美既配搭The Gold Standard HK$164[Double 4oz beef patty。double cheese。bacon。pickles。onion。lettuce。House Sauce］Gold Standard 係比Double Cheese Burger 多出煙肉，加上香脆鹹香既煙肉，口感更豐富Cheese Fries $58薯條炸到金黃香脆， 芝士醬融化係香脆既薯條上面，味道香濃，超級好食Sweet Potato Fries $38番薯條份量好多，超厚切大大條，外層炸得金黃酥脆，番薯味濃、香甜又軟滑…查看更多

星期日係中環行過就被掛滿玻璃杯既櫥窗吸引住，所以就入左去呢間咖啡店。店內既擺設充滿好濃厚既vintage味道，有黑膠碟機、海報、懷舊唱片等，好有藝術氣息。仲有一排復古衫同古董杯碟可以買返屋企，鍾意復古風嘅朋友一定唔可以錯過。所有食物都會放係古董杯碟上，擺盤更加分Avocado, Salmon & Cream Cheese Bagel $98三文魚好鹹香，牛油果軟滑，而Bagel質地較硬身，比較有咬口煙韌，夾埋cream cheese非常好食Grilled Mushroom & Cheese Sandwich $78烤蘑菇芝士三文治賣相好靚，蘑菇同芝士既份量好足料，旁邊有新鮮沙律菜，可中和返芝士既油膩感Green Tea Latte $45以店舖Signature既翠綠古董杯奉上，抹茶味好濃郁，甜度岩岩好，入口香滑Iced Chocolate $45凍朱古力味道香濃，入口甜味適中…查看更多

店內既環境同擺設好有台灣味道，播既歌都係台灣歌，菜單都好有台灣Feel，好似真係去左台灣咁。價錢唔貴，服務同食物質素都唔錯塔香鹹酥雞 $38薄薄既一層炸粉，炸得好酥脆，咬落好嫩滑、鹹香多汁，呢個必叫！超濃芋泥蛋餅 $38食台式野必定會叫既蛋餅，蛋皮薄餡料足，入面有肉鬆、大量芝士同埋芋泥，芋泥味道好香，唔知係咪凍左，芋泥唔算軟滑大腸麵線 (小) $28麵線係台灣既味道呀！！但擺耐左先食變得有啲稀滷肉飯 (小) $30滷肉好腍好入味，醬汁較多，有好多膠質漿住個口，細碗份量都幾多秘製麻辣牛筋麵 $62湯底好濃郁較杰身，麵條彈牙掛湯，麻辣味好正，牛筋軟腍彈牙入味珍珠鐵觀音奶茶 $24茶香濃厚，奶茶香滑，珍珠Q彈，叫左微糖都較甜百香綠茶 $22好清新既百香果味，酸酸甜甜幾開胃…查看更多