美味小羊的個人專頁

近期在此餐廳的經歷真係令我非常失望。我哋一行七個人，早一個星期已經預訂，當晚提前五分鐘到達，但餐廳竟然安排我哋分開坐，前後兩張四人枱。如果係咁嘅安排，在預約時是否應該先話俾我哋聽需要分枱？好彩我哋向餐廳反映不滿之後，佢哋有幫我哋安排番一張可以坐七個人的大枱。接下來的點餐過程也很慘，我哋點了兩個兒童餐，經過三次催促，最後等了整整一小時，兩位小朋友從七點幾等到八點幾，非常肚餓。整體係食物質素普通，性價比低。絕對唔推薦。…查看更多

同老公兩個食放題👫 之前已經試過大喜屋同極上大喜屋，今次終於有機會試吓殿大喜屋😊 尖沙咀嘅分店環境舒適，座位寬敞，有好多卡位。總括而言，食物質素好高，係以往食過嘅日式放題入面最好嘅其中一間，而且食物款式多。❤️最驚喜嘅係海膽好新鮮❤️所有用到蝦嘅菜式亦都好好味，例如天婦羅炸蝦同蒜蓉芝士燒蝦❤️花膠好肥美❤️甜品款式多，可以去自助區攞❤️雪糕亦有三個品牌任選 - Haagen-Dazs, movenpick, milk top. 平時食自助餐同放題好少食到milk top嘅雪糕，所以今次試咗佢個海鹽雪糕，真係唔錯👍🏻總括而言，呢間絕對係值得encore嘅放題😋Ps: 下午同夜晚嘅食物係一樣，所以如果想來試下午會抵啲…查看更多

之前去中環一間餐廳試過龍蝦包，一試難忘！今日心血來潮又想食龍蝦包，上網搵到呢間餐廳嘅食評幾好，於是就黎試吓。我哋係假期嘅晚市時間嚟到，餐廳都未滿座，唔知同落雨有冇關係。本身見到餐廳人唔係好多仲有少少擔心，不過我哋叫咗兩款菜式都係好味嘅！首先我當然有試龍蝦包啦，$188嘅套餐係會有薯條、蕃薯條，同沙律。龍蝦包嘅麵包係我鍾意嘅軟包 (最怕啲硬包食到牙肉痛)。食得出麵包揸咗牛油，龍蝦撈左啲沙律醬。咁嘅配搭真係好正！另外我哋叫咗個龍蝦芝士燴飯。龍蝦湯底好濃郁，飯中混合左少少龍蝦肉，再加上有隻蟹鉗，飽肚又滿足。未試過嘅我會推介你來試吓！我會再搵機會試吓其他餐廳嘅龍蝦包做比較…查看更多

喺希爾頓行完傢俬舖，想搵間坐得舒服啲嘅餐廳傾吓計，記得之前已經見過呢間Cafeholic，今日終於有機會試吓下午茶供應時間係2:30-6:00，我哋五點幾入座，有得試佢哋個下午茶餐。下午茶餐嘅選擇都幾多，有甜品、沙律、意粉等，仲可以加湯同埋包嘢飲。我哋叫咗個雞肉醬扁意粉，卡邦尼煙肉忌廉意粉，同士多啤梨雲呢拿雪糕窩夫食物賣相同味道都比預期中好雞肉意粉的茄汁甜甜哋，好開胃。窩夫亦都達到預期。總括來講，都係一間性價比高嘅餐廳。想食得平平哋又坐得舒服，Cafeholic 係幾好嘅選擇…查看更多

放工同老公去AEON買嘢，順便食埋晚飯，本身都未諗好食咩，經過西佑見到入面都坐滿人，但係又咁啱唔使排隊就入去試吓啦。鋪頭環境舒適乾淨，店員亦都好主動。食物價錢唔貴，平均一樣嘢$70至$80。我哋叫咗個滑蛋豬扒飯定食、雜錦魚生飯定飯同一客炸雞做小食。定食會包沙律、湯同飯。滑蛋豬扒飯中規中矩，豬扒略嫌個炸粉有啲厚，但整體味道唔錯。雜錦魚生飯主要係三文魚、蟹柳同魚子，魚生略嫌偏少。最出色係個炸雞小食，雞無雪藏味，仲好juicy！總括來講，晚市用呢個價錢食到唔錯嘅日本定食，性價比都係高嘅，未試過嘅可以嚟試吓…查看更多

之前喺銅鑼灣同朋友食過Mee lemon grass，見megabox 開咗分店，所以襯lunchtime 同朋友過黎試吓。午飯時間都有啲人等位，我哋兩個人等咗大概10分鐘。下午時間有lunch set Menu，我同朋友都係毫不猶豫揀咗到呢度嘅海鮮喇沙呢個喇沙真係幾出色同正宗，湯底濃郁、麵底有粗麵同幼麵、海鮮多、好足料！Lunch set 仲有嘢飲同甜品包埋𠻹😄 食完仲送咗張$20優惠卷可以下次用。可以encore的餐廳…查看更多

星期日同朋友一行七人想BBQ，但係第二日要返工又唔想去咁遠嘅燒烤場，上網搵到呢間皇后BBQ，於是就決定試吓啦！地點方面好方便，喺佐敦地鐵站行過嚟約15分鐘。環境亦都十分舒適，每台客有一個爐、一張枱仔、同一張可以容納10個人嘅大枱。燒完嘢食就可以坐返埋枱傾計。最好係喺室內落雨都唔驚。至於主角食物方面亦都滿意。食物嘅種類算多，最正係有海鮮同蔬菜！皇后BBQ亦都非常貼心，準備咗錫紙同調味料任用。有蒜蓉、牛油、辣醬、豉油同咖喱醬。所以我哋可以整牛油蒜蓉金菇、蒜蓉蝦、蒜蓉帶子！ 唯一要彈嘅係雞翼太鹹。計埋加一每人二百幾蚊，同平時嘅任食BBQ差唔多。計埋地點方便程度，呢間野可以encore…查看更多

第一次食桃園眷村係喺上海，當時試咗佢嘅鹹豆漿真係覺得一試難忘，而且價錢非常公道。之後喺朗豪坊見到佢開咗，雖然標價貴上海一倍，但由於掛念鹹豆漿的味道，所以都試吓啦！今日同阿妹一齊早放工，所以帶佢過嚟試吓桃園眷村，我地叫咗鹹豆漿、肉操滷蛋飯團，同豬扒蛋燒餅。今日鹹豆漿唔知點解味道偏酸，唔係幾啱阿妹口味。飯團同燒餅就唔錯。總結: 香港嘅桃園眷村係冇上海咁好味嘅，不過香港而家已經好少搵到好味嘅鹹豆漿同豆花，所以未試過嘅都可以試吓呀！…查看更多

今日同老公去太子睇裝修用品，所以喺太子附近搵嘢食，見到初心餐廳喺OpenRice 嘅評價唔錯所以諗住試吓，結果真係好失望。我哋叫咗兩個lunch set，跟餐湯同餐包。忌廉湯味道唔錯，餐包亦都好貼心地係暖的。去到主菜，賣相好好，滿心期待心諗今次揀啱咗啦！點知... 牛扒餐的牛扒好多筋亦都好硬... 唯一可取係薯條份量幾多。咖喱海鮮蛋包飯就真心差... 蛋好老、無蛋味，飯無味、而且得好少海鮮料。總結，唔會再來。…查看更多