Funayama的個人專頁

今次第二次食，諗住比第二次機會。價錢偏貴，但質素普通，唔好有期望會好啲。壽司師傅態度好好。反而係收錢嘅女仔問5句先答一句，成日掛住撳電話。俾張印花卡你又唔講有咩用！問佢，佢就用個頭望一望佢收錢嘅位出邊(意思即係叫你自己睇)。當我個外賣可以拎得，佢都冇叫我。嗰陣完全唔忙，得我一個。好彩我自己間唔中望吓，冇顧住玩電話。當然我唔係期望有咩服務。但係我覺得基本嘅禮貌同對話，係需要有😂！平時行過都見佢喺度，唔知道佢係老闆個女定係老闆嘅朋友，但係我覺得咁樣真係唔太好。…查看更多

今日難得去元朗食野，本來想食天鴻燒鵝，去到原來今日休息冇開。因為已經3:45分，唔想周圍行，所以就去咗對面食呢間野。當日呢個時間，佢哋一個客都冇，就只有我同我老公。我哋叫了一份burger 同all day breakfast. 真係冇講大話！冇誇張！我哋四點鐘落order, 等到四點半, 都冇嘢食！ 當時間鋪冇其他人，只有我同我老公兩個人。但係個女侍應見到咁耐冇嘢食，都冇幫我地去睇吓發生咩事！但係個女侍應係冇其他野做，好得閑，禁吓電話。直至到要我地主動問佢，佢先話幫我地睇吓。有一個唔知係咪老細嘅男人，之後行咗出嚟，跟住我哋問佢點解啲嘢食咁耐， 已經等左半個鐘，跟住佢就笑笑口，話👉🏻係咩？👈🏻，跟住就走咗入廚房睇一睇！我覺得呢啲服務完全唔得！！結果係4:40至4:45分才有嘢食。可能我哋黑仔啦！間鋪得我同老公兩個人，又唔係多人，其實冇可能會漏單囉。野食又普通，總之唔會再有下次！…查看更多

連Do姐都有介紹，應該知道都係好味道既^_^知道終於開喺香港喇，喺Pacific Place， 地點方便，當然要一試啦。喺2樓已經見到一個大大個既黃色招牌，十分搶眼易搵。因為已經過咗lunch time, 所以我只係買咗No.1 Caramel Beurre Sale, 因為其他都冇晒喇。正宗法國甜品，一般都較為甜。之前喺Anglina食既Mont Blanc, 就真係甜咗d.但係呢個又ok喎，入面既cream好滑，個泡芙軟硬度剛好，因為係即買即食，好新鮮。面上仲有d好似爆炸糖既糖粒，感覺又幾match喎。完全會再去試食其他款式。10:30am開始營業，唔想白行一趟，就要早d喇。 …查看更多

Holly Brown其實都喺香港開咗一段時間啦。每次未到食飯時間又肚餓既時候，佢都會係我其中一個選擇。👀對於我嚟講，炒雪糕...純粹係gimmick嚟既，我真心唔覺得炒完，真係會分別好大，尤其係咁既價錢。所以我第一次去食既時候，純粹係普通去食甜品既心態，並冇因為係炒雪糕而有所期待喔。每次我都會食<黑武士>同<藍星魔力>。利申:我係可以食得好甜既，所以<黑武士>對我嚟講係甜味剛好。👉朱古力味雪糕加朱古力碎再加上朱古力味蛋糕👈。今次就食咗<藍星魔力>，相比起市面既雪糕，佢既vanilla味比較重，雪糕本身也好creamy，再加上糖針同星星脆脆，口感一流👍。仲有底下既窩夫餅，每次都係新鮮整完，脆脆既，非常香。一個女仔食完，真係剛剛好。一分價錢一分貨，其實都係可以一試再試㗎。…查看更多