餐廳食物係唔錯嘅，係新鮮同夠鑊氣。但係老闆啲態度就認真好差。我哋一行四人點咗蒸鱔、水蛋、椒鹽鮮魷、乳鴿、蒜蓉炒菜心。首先嚟咗個乳鴿，熱辣辣都好juicy，但係好奇怪係辣嘅，不過只係微辣，咁我哋不以為意，以為係呢間餐廳嘅特別味道咁樣啦。跟住嚟嘅餸都冇問題。最後嚟咗個蒜蓉炒菜心，又係辣嘅，可以話有譚仔五少辣咁辣。咁我哋都算啦，又唔係食唔落，所以都照食晒。去到最後咁好奇問吓老闆點解啲嘢係辣嘅，個老闆嘢態度係唔相信，反而反問我地乳鴿點會辣，仲話炒菜心係因為蒜蓉辣。有冇搞錯！當我哋白癡？以為我哋分唔到咩係蒜蓉辣？講講下又自打咀巴話啲油啱啱吵完辣野，再攞嚟炸乳鴿同炒菜咪辣囉！痴線，明知炒完辣野就唔好攞返同一兜油嚟炒其他餸喇！個老闆仲要問同樣食緊乳鴿嘅另一枱辣唔辣，咁另一台就話唔辣，可能有啲人食唔慣咁。個老闆聽完就無理過我哋。其實我哋唔係要求啲乜嘢只係想反映下，咁個老細其實自己都知個問題係邊係咪應該講返句唔好意思？佢冇講！反而係覺得個客係講大話咁。好hard feeling。幾好食都無用，態度咁差，以後都唔會幫襯！…查看更多
聚會小廚雞煲火鍋
2021-10-02
以上食評乃用戶個人意見 , 並不代表OpenRice之觀點。
2
用餐日期
2021-10-02
用餐途徑
堂食
人均消費
$150
