老鼠大王的個人專頁

早餐A：蒜蓉多士，烘得脆，蒜蓉不多不少岩岩好炒蛋，真係好好食，又大又厚，老闆非常之慷慨，非常抵食！沙爹牛肉麵，用心製作，牛肉份量夠，沙爹味香，麵煮得岩岩好，吾淋又爽口！熱奶茶：吾好講笑，真係好好飲，茶奶混合得非常好，奶味很香很有層次，和味不澀高水準埋單時抬頭一望，原來2013年贏過金茶王比賽果然功夫了得！…查看更多

今次去到呢間新開幾個月既茶餐廳幫襯, 感覺不錯!以下午茶來講, 25蚊一個雞比薯條+凍奶茶唔算貴~雞脾薯條: 由於我上次食過雞脾, 裡面還有DD血水, 今次我叫師傅炸熟少少~~結果原來更脆口, 更好味! 雞比一D都唔鞋口, 又夠大隻~ 薯條份量完全滿足我, 不會覺得太少~!付加青瓜番茄, 可見師傅出品真係好有HEART! 抵讚!凍奶茶: 普普通通, 不過不失, 一定唔會難飲~個肥仔(應該係經理)好有禮貌, 感覺上整間餐廳既伙計都好有禮貌, 以茶餐廳來講真係做得好好~! :) 鋪面新裝修, 冷氣夠, 又有電視睇, HEA時間一流!…查看更多

今日口淡淡, 想食D味道濃既野, 就唸起呢間十幾年老店~鋪面普通, 店入面好大陣咖哩味, 睇落好似麻麻地...不過咖哩味道十年如一, 辣與不辣任君選擇~我點了個咖哩雞扒米+凍奶茶做下午茶咖哩雞扒米: 咖哩湯香, 洋蔥番茄配料夠, 米粉爽口, 炸雞扒非常好味~ 整個米粉用咖哩湯浸著, 香而不辣! 凍奶茶: 你會想像唔到, 咖哩店的奶茶竟然有那麼高的水準! 茶味夠, 奶味撞得岩岩好, 一D水既感覺都冇! 個阿姐(可能係老闆)非常醒目, 聽到個客想飲咩野就自己去水吧沖定~我由開鋪幫襯到而家, 真係由細食到大, 健康又愉快~!…查看更多

新店開張, 給客人的第一印象很重要...然而這是個不好的開始先說說我吃了什麼我點了個午餐:肉醬會意粉: 難食到暈...肉醬撈了粟米, 裡面有未煮熟的蒜茸...味道非常唔夾...好明顯個大廚好冇HEART地試味...仲有係D肉醬好水唔入味...羅宋湯: 超難飲...落左美極鮮醬油, 真係廢解...飲品是凍奶茶...我覺得水吧完全唔識沖奶茶, 沒茶味, 勁水, 得個甜字服務很攪笑, 伙記好生手, 目無表情, 將食物掉在客人面前, 不說一聲就走...店的定位很怪, 餐廳不夠水準, 茶餐廳又不夠多元化...:(…查看更多

星期五同朋友去試下呢間高評餐廳, 點知冇咩驚喜,,,我地一行四人冇訂位, 八點三開始等位, 九點半先有得入座...:(坐底之後覺得唔係好對路, 間食店開恆個喇叭播D ROCK音樂...真係嘈到爆炸...我覺得食飯食成咁...真係有D受罪...:(想清清靜靜食餐飯....免!餐牌有三句野, 真係好離譜, 內容大致如下:1) 訂台時間下午二時至五時, 其他時間我地會好忙, 唔會有人聽你電話2) 食物要等三十分鐘, 肚餓就點D小食食住先3) 開瓶費30蚊, MUST CHARGEWA! 咁寸爆既野都寫得出, 真係一D都唔客氣...今時今日咁既服務態度, 我睇到真係唔會再幫襯佢!!!懶係巴閉咁...我地點左五樣野食1) 風沙雞...$110半隻, 脆皮, 不過肉質鞋口, 冇咩驚喜...:(2) 荷葉飯...$80足料, 有荷香, 入味, 好食3) 魚湯浸黃牙白...$68, 味道OK, 不過份量唔夠...唔抵食...:(4) 沙拉骨...唔記得幾錢, 得骨, 完全冇肉, 只係食個味, 不知所謂!!!5) 椒鹽鮮魷...$68...OK, 冇咩特別, 同出面大排檔冇分別:(藍妹啤25蚊一支...最攪笑係佢比個叫做『戰鬥碗』既碗來飲...攪到我地無LALA劈左兩支...+5%小費....離譜!總括來講, 貴夾唔飽, 嘈到頭痛...…查看更多

同朋友九龍城食完飯, 食碗糖水開心下~我地二人點了兩個糖水凍綠豆涼粉:我食過很多間糖水鋪的綠豆沙, 這家是最足料的~ 有蓮子, 百合, 綠豆真的起沙, 一點也不水, 十分足料~ 涼粉很爽, 不錯~熱白果腐竹蛋加清心丸:整個糖水很清甜, 白果煲得很林, 很香口, 烚蛋也帶有甜味, 可惜清心丸味道比較淡, 整體也不錯~中式糖水鋪老鋪, 很有保證:)…查看更多

今天跟朋友專誠到九龍城試試這間清真老店~我們二人點了個128二人餐加一客羊肉春卷~酸辣湯: 很惹味, 比較辣, 足料辣子羊片: 筍多, 羊少, 份量太少...麻油雞: 很香, 去骨易入口...可以份量太少...牛肉餅: 多肉汁, 香口, 很好味~羊肉春卷: 羊肉味很重, 可惜不夠脆每樣菜式都很快就送到, 奉送香茶一人一杯...人多太迫食完趕你走~:(建議散叫, 點多幾款小食, 套餐份量太少唔抵食~…查看更多

今日同個同事去食晏, 佢話呢間餐廳d人講話好好食, 結果就差左隻腳入去試下...去到門口, 見到入面人山人海, 張張台都坐爆, 心唸應該好食先有咁多人幫襯...等左大概10分鐘, 終於有得入去坐...間野可能真係太多人, 坐得好迫夾...一d都唔舒服...最難頂係有個勁大聲既阿姐,,,企響我身邊勁大聲咁叫水吧整野...真係想死...佢係可以完全唔理客人舒服唔舒服...好心佢就行多兩步入水吧落order...我叫左個排骨煲仔飯...$38, 凍奶茶...$13....total $51....成條蘇杭街我食勻晒, 係呢間野最貴....心唸貴野應該會ok..點知...我等左差唔多25分鐘先有飯到..:(打開煲蓋, 真係so far so good la...同一般既茶餐廳既煲仔飯完全冇分別飯底一般, 太濕爛...排骨都ok林, d汁就太少...唔落豉油真係唔好食...個飯冇菜, 賣相冇咩特別...:(只係個飯整出來都幾香豉味...色香味緊緊合格...冇驚喜...:(凍奶茶13蚊...普通水準冇咩特別...食食下, 坐對面個人叫左個炒米...點知個阿姐同佢講『午市加兩蚊』,,,嘩! 駛唔駛咁老土ar...真係越食條氣就越唔順...人地d老店, 招呼到, 食得又開心...呢間野自詡上環煲仔飯一哥...我就唔會再幫襯la...仲有, 我門口等位時見到出面有d剪報介紹呢間野話點好點好我見到個價錢, 大大隻字寫住係$28, 本身我以為真係咁平先去試下點知入到去就變左$38....食完出返去睇真d, 原來係99年既價錢....總括來講, 用51蚊食餐咁既午餐, 以同區來講真係非常多選擇仲要上菜勁慢, d客勁等...如你得一粒鐘食飯我就建議你去第二間...只係覺得呢間野...言過其實...…查看更多

呢間餐廳, 已經幫襯左好多年...次次食完都覺得好滿足~今日照舊都係食招牌菜"番茄牛肉麵"~其實碗麵咁多年來味道如一, 好鮮甜, 足料, 可以話係必食~($23)我仲叫左個油占多~ 佢同一般茶記唔同, 就係得一塊薄多士~ ($6)凍奶茶...唔知點解我對玻璃杯既感覺得別好, 雖然杯奶茶d奶多左少少, 不過我都覺得特別好飲~($11)service...老實講, 呢間野做街坊熟客...一定係冇service可言...粗粗地係正常總括來講, 響尖咀想食到好味又平既野, 首選星座~:)…查看更多

今晚舊同學聚會, 去左fat angelo's 試下~~感覺都幾好~先講地點...唔係大街大巷, 有少少難搵...環境都幾好, 好有情調~我地九個人, 坐低冇幾耐waiter就捧左兩壺冰水比我地, 當然就係自己斟la...不過都好, d waiter鬼死咁忙, 都唔會得閒幫我地斟水la~之後就來左兩籮包~ d包好大隻, 以女仔來講, 食得晒一隻已經好叻~所以餐廳可以整d細包, 唔同食量既人都可以任君選擇~之後來左個salad, 都幾好食ar~ 我地點左幾個main dish, 詳情如下:頭盤係炸魷魚...幾好食, 不過就有d似街邊既味道~ 先來左個千層麵~ 冇咩特別, 味道適中, 唔太咸都ok la~之後來左個ribs(家庭size), d芥末汁好好食, 不過個ribs味道就普通, 肉既份量加大左都唔太夠...:(大pizza, 都係幾普通...如果係咁既價錢就叫做唔抵食烤羊架(家庭size)~ 其實好好食, 好有羊味, 可惜份量唔太夠:)最後來左兩個tiramisu, 好soft, 唔錯~最後講講service, 其實真係好慢...d野飲要refill, 都要5至10分鐘先有, 呢度真係要改善下...上菜都真係好慢, 我地坐低左差唔多一個鐘, 先上晒所有食物~不過佢都算有交帶, 話比我地知d野食要等耐d~好在係同學聚會, 大家傾住等就唔係咁覺~埋單$1350, 9個人平均$150, 都抵食既~…查看更多

尋晚阿媽生日, 大夥兒去稻香食飯...我地7個人, 叫左6隻大閘蟹($48/隻), 蒸一條細魚, 半隻鵝, 咕嚕肉, 豆苗, 魚香茄煲, 上湯龍蝦伊面...仲有壽包...先來個咕嚕肉, 算係好食既~半邊鵝...真係麻麻地, 翻熱的...太肥...價錢仲....水準比它好的多的是...魚...fair la, 不過$68蚊又算抵食既大閘蟹...小弟唔食蟹既, 但見我阿媽食到jap jap聲, 應該係好食, 同埋都算平~豆苗....竟然比我食到有發泡膠粒?!! 好明顯係洗得唔乾淨...真係想死...:(魚香茄煲...太太太多油...老人家及肥胖人士不宜...極品龍蝦伊面...點解極品呢...蝦肉少, 冇味, 肉地鞋, 極之唔新鮮...上湯伊面唔好食到不得了野食真係普通, 冇咩驚喜, 不過有一樣野真係要我比個喊佢...呢間稻香個service真係麻麻...叫白飯, 叫左15分鐘先到, 仲係我催左兩次先到...叫汽水, 又係等左15分鐘左右先到, 呢鋪就催左3次個壽包先頂癮...個阿姐拎到埋來, 問我地打唔打開個籠, 當我地話想開時候, 個阿姐話開左會好快凍...我都算幾醒目咁打開望下...點知...籠包係唔熱的......wa~!! 有冇攪錯....好明顯係籠包造起好耐灘凍左...個阿姐真係勁唔老實lo...當然緊係叫佢再蒸返熱la~ 蒸完, 開籠蓋先叫做似返個樣~埋單, 又係等左大約15分鐘...慢到暈....總共$1120...咁既價錢, 咁既水準...難怪酒樓食市不景氣...…查看更多

由於我同事係會員, 前日我地就去試下呢間會所既lunch...現場環境唔錯, 有個靚海景, 坐位舒適, 的確係有大酒店既水準~不過民以食為天, 食物味道同份量一定係評分既基準...講到呢一度, 我就真係有d火滾...menu好似有6款set lunch, $178, 頭盤有個salad bar, 特別之處係有三文魚刺身食,不過我冇試, 因為唔要頭盤可以平$30...海鮮湯, 味道普通, 唔叫做好飲, 亦都唔係難飲...真係普普通通lo...主菜, 我點左個鴨胸...wa...仲乾過燒味鋪既燒鴨...肉地鞋, 冇肉味, 醬汁又普通...可能我期望真係太高...呢個鴨胸真係好唔掂...普通餐廳分分鐘好食過佢...我心唸, 可能係我果個唔好食姐, 我同事點左個肉眼, 應該會唔錯, 點知...薄薄的一塊扒, 望落去已經唔好食, 切開發現冇肉汁, 咬感差...十足十大x活大x樂果d鐵板扒既quality...仲要成碟野都唔夠熱....食到都冇咩癮, 索性叫野飲...不過, service就真係抵讚既個captain知道碟野好唔掂, 就自願叫廚房再煮過...不過再煮過都冇用...唔好食就係唔好食...埋單每人$160, 只此一次, 下不為例...…查看更多

朗豪food court係得呢一間野有部大電視做宣傳...我同個fd都比佢吸引左去試下...由於係food court, 就冇service可言...我覺得呢間食店可以做多少少, 就係幫人客預備定d醬汁唔駛要人客自己用手去拎住支肥林林既醬汁, jit到唔拖唔水...:(我地兩個人叫左兩個牛扒, 一隻係霜降, 一隻係西冷...個鐵板jer jer聲, 煎扒diy的確係幾好玩~可能係第一次煎, 我就唔係好識得敏捷地反轉d肉去煎...味道一般...可能係醬汁問題...舊肉咬感還可以...如果佢真係霜降牛...咁就真係差到暈...:(份量更加唔駛講...舊肉我唸一定唔超過150g...:(果碗白飯就好襟飽la, 一定唔會餓親你...總括來講, 試下玩下都ok既...晚餐連野飲每人要八十幾蚊...以food court既quailty來講, 咁就真係非常唔抵la...…查看更多

今晚同幾個舊同學去打邊爐, 見d食評有讚冇彈, 結果就去寶哥試下, 睇下有幾好...一去到就聞到成間野勁大油煙...原因唔駛講la...環境裝修都唔錯, 算幾企理可惜個爐就....燒盤太細, 烚鍋又唔夠闊, 有點兩頭唔到岸...食物都真係幾好食, 有海鮮/牛肉套餐比你揀, 仲有甜品, 火鍋料任食不過, 牛肉套餐既份量真係少到無倫....幾粒肉, 幾片牛利, 幾片肥牛...對於一眾食肉獸來講, 呢一餐真係非常唔抵食...(每人$185)佢係就係有d類似韓燒果d煙肉片/五香牛肉比你食不過真係好唔夠食....六個人$1120埋單...我寧願比多幾十蚊食小x羊, 又或去九龍城d火鍋店食...…查看更多

大埔墟食宵夜, 陳漢記唔錯~推薦白灼鵝腸同埋白灼牛肉~上次食過炸兩...唔夠脆麻麻地...粥面17蚊比較貴~service快手, 伙計風趣食得幾開心~…查看更多