Hinson Chan 0716的個人專頁

本來黎想食點心，點知話冇點心紙冇做，我覺得如果冇，點解招牌要寫住有，奇奇怪怪。唔該如果係冇既，就唔好係個招牌寫出黎誤導消費者比較好，我諗點心對於香港人黎講，不外乎燒賣蝦餃，連呢啲都冇，個招牌就唔該改一改。…查看更多

今日經過見到多人食，又見食評唔錯，就同朋友走入去試下啦，我地簡左一個意粉同一個焗飯，分別係 「香草烤雞雜箘蕃茄意粉」同埋「蕃茄芝士海鮮焗飯」。「賣相」就唔評論，預左唔似Menu。首先，由個意粉講起，一上枱「水」得黎醬汁唔「掛」麵已經扣分，跟住就覺得「分量」真係略嫌少左o的（已經加左大都唔係好覺得加左），但味道真心一般，一黎烤雞完全唔似烤雞仲要冇雞味（仲好似烚咁款，連煎都冇煎過咁款），而且冇拎煎過雞既雞油去整意粉既汁已經可以話輸哂，冇哂flavour之餘。另外，雜菌⋯⋯（究竟煮左幾耐，有冇炒過都成疑問），至於蕃茄醬就冇乜香料配搭，冇層次感，所以各個食材味道可以話全部分開。至於個焗飯，真心覺得某某連鎖薄餅店，都大份過佢，好食過佢。「賣相」今次有比較啦，完全唔係個回事，上枱個時都係水水（明明係焗架，比個藉口自己可能海鮮出水）。「味道」，芝士還可，蕃茄好明顯又係蕃茄膏就咁擺落去（其實只需要加蒜片牛油炒過，再拎去攪拌，味道已經唔同），海鮮預左唔海鮮所以唔評論。最後，我個人意見書認為上多層去某某大字母台灣餐廳食既意粉都好食過呢間任何一款意粉，起碼上枱都似番menu個樣，又唔會好似食湯意粉先。…查看更多