ilmarecandy's Profile

上星期二適逄哥哥學校查卷日，我約左朋友去食烤肉傾下，談下心，化悲憤為食量……最後，我們去左 荃灣 美食雲集既 大鴻輝中心 被喻為「肉食控天堂」 既 「安平燒肉 」！60分鐘燒肉半放題，低至$85！主食有肉、有海鮮選擇！套餐自選三款鮮肉，更可享用超過三十款自助區美食。點完餐，即刻出左去整 #安平櫻花蝦飯！有櫻花蝦、香蔥、海苔或秘製的滷水汁，自由按口味配搭！配烤肉食一流！飲品方面都有好多選擇，多款罐裝飲品，仲有自家無糖冷泡茶！冷凍櫃仲有多款蔬菜以供選擇！我就飲左 百香果茶，酸酸甜甜幾開胃！整完 櫻花蝦飯，拎埋飲品，返到去已經擺滿晒叫既食物，我開始擔心食唔晒🤣🙈我最推介 當然係 牛肉！由M5和牛、安格斯牛肉、美國SRF極上牛肉、安格斯牛板腱… …多款牛肉都入口鬆化，牛味香濃！另外，特式小食 「小枕頭」 好可愛，烤既時候會變得脹卜卜，沾上煉奶，香甜煙韌可口！最後，食埋雪糕，晝上完美句號😍，然後又要去接放學了😩🤣🤣…Read More

#齊柏林 既「牛丼家」GYUDONYA開張！咁岩牛魔王哥哥開始放暑期，美食第一擊就試佢啦！哥哥當然點「#雙重芝士牛魔王飯」 ，和牛漢堡扒，因為即叫即煎，所以要等10-15分鐘，煎得好脆，牛味幾濃！雙重芝士即係有兩款芝士，芝士份量都好多！配埋重點既 #牛魔王汁（和牛牛油加柚子醋），食落一啲都唔油膩！我就試左 #鹽醬汁豚肉飯，煎香脆既豚肉片，配上 鹽醬汁，幾好送飯！我仲加左$10，轉左套餐，一個配青菜、冰紅茶；另一份就加左$15轉套餐，配炸公魚仔、白桃汁！飲品好夠冰，好夠凍、夏天好重要‼️餐廳樓底高，好舒服，仲有USB充電位，仲有bb highchair，下次同埋二寶黎都方便！試業期間，仲有$100/5碗 #當家牛丼(M)優惠券，爸爸話可以買定，暑假同小朋友出街食好方便好抵！ #GYUDONYA #牛丼家 #GYUDONYA牛丼家 #牛丼家GYUDONYA #牛丼 #牛魔王飯 #牛魔王汁 #丼飯 #豚肉 #和牛…Read More

哥哥每次考完試，我都會同佢食餐好！考試放11點，一於去食哥哥想食好耐既 All Day Breakfast，順便扮下文青！放學坐幾個站港鐵，去左位於 荔枝角工廠大廈入面既西餐廳 Pause It!雖然位於工廠大廈入面，但係裝修好簡約清新，有日系清新既感覺，令人好舒服，打卡一流！哥哥點左 AllDayBreakfast (全日早餐)!有 法蘭克福腸 、煙肉、炒雜菇、煎蕃茄、沙律菜、酸種麵包、茄汁豆，蛋仲可以自由選配 煎蛋/炒蛋/水波蛋，哥哥選左 「水波蛋」！水波蛋時間控制得好好，流心好靚！法蘭克福腸又唔會好咸，哥哥一個人食晒都唔怕！沙律菜好新鮮。我最欣賞係麵包！餐廳選用左酸種麵包，口感真係特別唔同，別有一番風味！炒雜菇份量好多，多到我哋食唔晒！歎早餐，點可以無杯靚飲品？ 呢間餐廳有拉花飲品 架！基本上有奶既飲品都可以拉花！哥哥就點左杯 NonCoffee系列既 朱古力！拉花圖案隨機，咖啡師整左隻「可愛小浣熊」 ，難度比一般心心拉花高好多架！哥哥勁開心，不停話好可愛，唔捨得飲！我自己就點左burger 「牛肉煙肉漢堡芥末蛋黃醬配薯條」！成份餐都好厚！包好厚，好軟熟；漢堡扒一樣好厚好大塊，剛好熟，好jucy多汁！煙肉好脆，唔油膩，配埋勁大份既薯條，我未食早餐，食完都好飽！原本哥哥仲想點小食，好彩我制止左，因為我哋2份餐，1杯飲品，都食剩少少！下次同埋爸爸，二寶黎，再試小食同意粉！埋單姐姐俾左張印仔卡我，原來仲有其他分店，可以儲印仔呀！溫馨提示：我哋走果陣，剛好係lunch hour，差唔多坐滿餐廳！如果唔趕時間，避開繁忙時間，靜靜食野，享受下一個人既時間都唔錯！…Read More

放學經過見到 #波仔 開左新門市，好大間，好多食物，有波仔系列飯盒，款式越出越多，有埋港式、韓式、日式，總有一款岩口味！除左「波仔飯」，仲有糖水、碗仔翅、pizza、沙律等等，考試考足一星期，日日食都唔怕悶！另外，波仔增添熱食檔，有熱辣辣飽肚蒸飯及足料燉湯外，亦有燒賣、魚蛋、茶葉蛋等多款街頭小食！蒸飯我哋試左 #蓮藕肉餅蒸飯 ！肉餅好淋，最重要無咩肥肉，我個人好怕出街食肉餅，肥肉多過瘦肉！特飲有燕麥奶特調系列，但我哋點左 #白桃粒粒茉莉花茶，十分清爽，仲有粒粒白桃果肉，又唔會好甜，夠健康！小食我哋買左 #粢飯，糯米軟硬煙韌適中，唔會太淋/太硬，入面材料有榨菜肉鬆，哥哥大愛！我另外買左 #芝士泡菜雞粒炒飯、#乾炒牛河、#日式照燒雞扒意粉、#魚籽豬肉燒賣 返屋企做考試週儲糧！有飯有湯，連返屋企翻熱既時間都慳返，真係幫輕左我好多！…Read More

5月份除左係母親節，仲係我同唯爸既結婚週年紀念，襯星期五哥哥家長日放半日，我哋入左白石角探朋友，順便係附近食晚飯，朋友介紹左我去 逸瓏灣II期既西餐廳Seek!我哋一家四口，叫左3份晚餐，1份兒童餐，最後再叫左2件cake，全部套餐包嘢飲，又大份，食到好飽！爸爸點左 #果味BBQ豬肋骨配薯條套餐（包小食同飲品$148），豬肋骨好入味，好淋， 連二寶3歲都食到！前菜點左炸蠔，有2件，鬆脆可口！哥哥點左 #紐西蘭草飼肉眼扒配新薯及菜套餐（包小食同飲品$248），鐘意食牛既哥哥，一去到就話點牛扒，因為小朋友食，我點左well done，但牛扒一啲都唔韌，12oz牛扒哥哥一個人食左2/3，大叫飽飽，連跟餐前菜雞翼都食唔晒！我就點左 #香煎海鱸魚配日本南瓜薯蓉套餐 （包小食同飲品$148），我鐘意食煎魚，但係屋企好懶，嫌麻煩，出街點就岩晒！ 兩大片魚，加埋日本清甜南瓜蓉，同埋小食炸蠔2隻，份量好足！魚仲煎得好香脆，大家記得襯熱食！二寶就點左份車車餐盤兒童餐 有 #7寸自選材料pizza半份、配菜 三選一 我哋選左 #雞翼，配 牛油粟西蘭花，果汁（蘋果汁/橙汁）1杯！ Pizza我原以為係餐牌現有款式，原來可以自選材料3款，同醬汁，我選左菠蘿粒、白菌、雞肉，配意式蕃茄醬，新鮮焗起，好好味！原本叫飽既小朋友，最後又話要食cake，我點左 藍莓cheesecake，茘枝玫瑰cheesecake！為結婚週年紀念晚餐畫上甜美句號！…Read More

復活節同左2兄弟入We Go Mall，去到兩兄弟話肚餓，要即刻食野！於是去左係地下既 #都薈廊Metro Cafe’ !其中一個被吸引既原因係餐廳好高既樓底！感覺好似酒店果種西餐廳咁，好開揚，好舒服！我哋選咗落地玻璃窗邊，對住馬路，因為兩個小朋友話要睇巴士！我同爸爸每人點左一個正餐！#石燒安格斯西冷牛扒定食、#京都炸豬扒定食 ！哥哥就點左個 #兒童餐，選左-卡邦尼貓耳朵粉配雞翼薯條 伴啫喱糖 配果汁（蘋果汁）！二寶就話要食cake，於是我點了一件 #蘋果鬆餅 ！哥哥份兒童餐最先送到，份量都ok！我試過味，唔算好濃味，幾岩小朋友食！二寶既 蘋果鬆餅，有驚喜！口感軟硬適中，好香肉桂蘋果味，但唔會好甜！現場見好多人都有點西餅，同外賣西餅，相信甜品西餅質素好好！兩同爸爸2份正餐都好大份！牛扒好重油香，豬扒都好厚身！食完飽飽好滿足！跟餐送既甜品…Read More

自從二寶開始返全日，我多左時間同哥哥獨處，放學可以同哥哥悠閒地食個下午茶，再接二寶放學。剛剛星期一，我哋去左 #荃灣 #越男仔 食越式下午茶！由於我未食午餐，我點左個#古法烤牛配香茅燒汁焗飯 配 #椰汁紅豆冰！哥哥點了#胡志明市紅蕃茄札肉湯檬粉 配 #水果茶，另外點左一個小食 #法式芝心蝦多士 配沙律！雖然話下午茶時段，但份量同午餐無分別，好大份，好夠份量！焗飯既烤牛肉好淋好滑，香茅燒汁，充滿粒粒香茅碎，喜歡香茅呢種香料既朋友不妨一試！我個人食焗飯，最怕就係飯底太淋，溝埋醬汁就好黏口，但呢間店既飯底粒粒分明，唔會好淋，溝埋醬汁食剛好！ 下次想試 #鮮菠蘿雙豬紅蕃茄焗黃薑飯呢！呢個焗飯味道濃厚，配上 #椰汁紅豆冰 中和味覺，椰汁份量好足夠，滿腔椰汁香，好舒服！哥哥叫既#胡志明市紅蕃茄札肉湯檬粉，蕃茄湯底好好味，甜酸適中，飲得出係花左時間同洋蔥一齊炒透再煮出味既湯底！哥哥雖然食唔晒碗粉（真係好大碗），但湯佢差唔多飲晒！配上新鮮 #水果茶，新鮮菠蘿、青瓜、簿荷葉，店主特別提示，記得「吉」下青瓜，將青瓜味釋放再一齊飲！果然，比平時飲既果茶多添了一份清爽！最後，每次去越南餐我必點既 #蝦多士，今次仲係 #芝心蝦多士！一碟四件，但滿滿既蝦膠，芝士，絕不欺場！蝦膠調味不會過多，配上芝士咸香，即炸，鬆脆香口，絕對值得一試！食完蝦多士，食沙律，減低一點罪惡感😂😂荃灣越南餐廳唔多，越男仔開左荃灣分店，對我黎講，又多一個飯堂選擇！…Read More

我好鐘意食泰國🇹🇭菜，但自從生完小朋友就無去過，因為總覺得泰國菜香料比較多，怕小朋友未必鐘意食。最終，早兩星期終於俾我係沙田發現一間岩小朋友食既泰國餐廳喇～就係「Another Hound Café」！全間餐廳淺木色調，係摩登的曼谷氛圍，與傳統泰國餐廳佈置大不相同，係輕鬆既渡假感覺！最後，我哋一家四口點左，2個午市套餐，2個主菜，1個小食，1件甜品！（到上菜果刻就發覺，點得太多了）泰式海南雞飯(套餐)、泰式豬肉丸湯河粉(套餐）、泰式檸檬香茅蒸原條爐魚、泰式炒三文魚意粉，(+$39)鮮芒果酸辣鳳爪，(+$28)抹茶千層蛋糕！套餐頭盤包餐湯/沙律，諗住試晒2樣，所以我哋每樣要一個！沙律好新鮮，最驚喜係餐湯「蘑菇湯」！一整碗，滿滿都係新鮮蘑菇打成，味道口感都十分濃郁，絕對比自己做更足料！原本諗住2兄弟每人一半，結果二寶一個人飲晒全碗，然後二寶就飽左一半了海南雞飯爸爸同二寶share，雞肉好淋好滑，油飯好香濃，份量都大碟，男士食都夠飽！豬肉丸湯河仲有豬肉片，係好闊身果種河粉，哥哥一個人食唔晒碗河粉呢！我就襯爸爸係度，點左新菜式「泰式炒三文魚意粉」同樣有驚喜wor！微辣，好香香料味，但又唔會蓋過三文魚，平時食三文魚，食到最後凍左會有種好油既感覺，呢個意粉唔會，我真係一啖接一啖咁食晒，好似只係俾左一啖唯爸試味重頭戲，「泰式檸檬香茅蒸原條爐魚」送到上枱，哥哥：「媽媽，好大條魚！」真係好大條，唯爸好努力都食剩1/4條，如果share食，我覺得5-6個人share會好啲跟餐加錢既千層蛋糕，係哥哥點既！原本諗住試原味，但賣晒，轉左抹茶味！我同哥哥都幾鐘意，唔太甜既甜品（奇怪的人），呢件蛋糕微甜正合我哋口味，雖然係千層蛋糕，每層中間都有cream，但又唔會「好漏」既感覺！只係加$28，好抵！總結：心情：好滿足，好多年無食泰國菜了！特別喜歡菜式：蘑菇湯、泰式炒三文魚意粉、泰式檸檬香茅蒸原條爐魚、抹茶千層蛋糕點菜tips：菜式都幾大碟，如果好似我一家四口同小朋友去，真係唔好好似我哋咁點咁多！我哋大人負責包底，食完飽到晚餐都食唔落餐廳主打新派泰國菜，仲有一啲西餐，倒如三文治、漢堡、意粉，岩晒小朋友口味，咁大人就可以盡情享受泰菜，唔駛就住小朋友口味啦～今次仲有好多鐘意既泰國菜未試，冬蔭公湯、咖哩蟹、青咖哩、炒金邊粉、火山骨等等，我諗住約多幾次朋友一齊去encore呢Another Hound Café地址: 沙田正街18號新城市廣場一期1樓103A號舖…Read More

其實喺屋企食一餐飯有人好悠閒 有人好忙碌享受一家人坐埋一齊係一件幸福嘅事所以今晚揀咗岀街食😆可以唔洗咁忙碌煮飯今晚就係附近嘅千之味食日本🇯🇵菜坐卡位舒舒服服🫶🏻食日本野最好就係叫烏冬塞飽啲細路🫣✨燒汁牛肉手打烏冬套餐✨有埋汽水/湯$8追加螺肉及沙律又或者加$20有得7揀1款小食餃子/吉列炸蠔/三文魚/赤蝦等等⋯⋯壽司今次就叫玉子壽司🍣俾小朋友平時食開佢哋嘅壽司🍣都覺得質素好好今次真係第一次堂食覺得食物好新鮮⚡️大人就梗係食魚生飯😎⚡️吞拿魚蓉飯⚡️估唔到都有套餐我哋追加嘅三文魚$20 有三件都係肉質肥美🤣$20咋！⚡️角切魚生飯⚡️我叫呢個飯係因為容易筆入口😂因為另一隻手要捉住弟弟🤣入面有三文魚、好大隻蝦頭同魚子切開一粒粒好易入口一啲都唔腥!!!⚡️燒三文魚頭$48⚡️ 燒到脆脆地好香加上檸檬🍋汁成個魚頭味道都好夾不過我就鍾意食炸物多啲😂✨七味雞翼（4隻）$48✨天婦羅 炸蝦（3隻)$48✨軟殻蟹天㷌羅（4件)$68份量好大件，同小朋友食好開心我特別鍾意軟殻蟹，入面啲膏好正好好食!! 小朋友就鍾意食炸蝦🍤下次一定要試海膽😝…Read More

每逢星期二，哥哥上拼音班中會外午餐。剛剛的星期二就去了每天放學都經過我「炯記餐室」，入到去點了二人餐，食物送到份量大得過份，相信要爸爸在場，我哋一家四口先食得完！二人餐我哋點了：手撕雞 一碟、冬菇醬皇豬手 一碟、前菜：鴨腎、雲耳、太子鵝油撈麵、白飯、油菜、中湯 兩碗、餐飲 兩杯！主食：鹽焗手撕雞、冬菇醬皇豬手都超級大碟！！手撕雞有半隻、冬菇豬手呢，冬菇超過6粒，豬手都超過6件！就小朋友，招牌手撕雞點了鹽焗，好方便小朋友食啖啖肉，又滑，仲有芝麻香味，兩位小朋友食唔停口！哥哥一邊食，一邊不停叫「壽司雞好好味😋」🤣🤣連隔離枱姨姨都笑左出黎，我足足更正左3次，哥哥先講岩「手撕雞」🙈二寶就不停「雞、雞」咁叫住要食！我自己更愛另一皇牌「醬皇冬菇豬手」，冬菇同豬手都好淋好入味！每啖都滿滿骨膠原，好滿足！🥰必試既「太子鵝油撈麵」！雖然話「鵝油」，食落口充滿油香，就算食得慢，凍左都唔會覺得油淋淋，鵝油同麵配合得天衣無縫！前菜：鹽焗鴨腎、酸辣雲耳，份量多到好似主菜咁，真係多得有啲過分🤣🤣鴨腎連哥哥6歲小朋友都食到，雲耳既酸味，辣味幾平均，兩者唔會其中一樣太搶味道！中湯比我預期好飲，仲有湯渣、雞腳可以食，飲落都唔覺有味精！咁多食物仲有埋2杯餐飲，最後當然食唔晒，但我唔浪費既，包左返屋企晚餐繼續食🤣🤣走果陣，哥哥過下次要再黎！我都有此打算，仲未試燒鵝啊！但下次散叫，唔叫二人餐了🤣🤣，我今餐未食早餐去，一大兩小都食唔晒份二人餐啊～…Read More

星期五放學同左2個小朋友出去旺角行街，經過見到Almond Dessert 杏甜品，見有啲口乾，冬天又天氣乾燥，食糖水潤下就岩！我點左3樣甜品：1（招牌 杏汁波波爽冰木蓮凍（加左$5 轉雙拼口味爽冰，芒果 拼 榴櫣）2）杏仁茶燉蛋白3）龍眼小丸子杏仁茶吸吸我食招牌 杏汁波波爽冰木蓮凍，送到上黎嚇左一跳，「超級大碗」！其實2個人食，都絕對足夠！有我最愛既4色小芋圓、4球雙拼爽冰，芒果同榴櫣味都好濃郁，食得出好足料去做！仲有養顏杏仁茶做底～最驚喜係「青鑽」呢種材料，第一次食，哥哥形容口感係「有啲野好似爆炸咁彈出黎」，我覺得食落好似裡面包左粒「薏米」咁！煙煙韌韌，外面包住透明既，真係好似爆珠爆開果種感覺！ 職員哥哥話，「青鑽」好高纖維，好飽肚，keep fit 食就岩，加上份量咁大，當一份正餐食都純對夠飽！哥哥叫左杯「龍眼小丸子杏仁茶吸」，估唔到龍眼 配 杏仁茶又幾夾，好清新既感覺！一樣有青鑽，同小丸子，又係好飽肚啊～二寶就叫左另一招牌「杏仁茶燉蛋白」！杏仁茶熱食比凍既更香濃更滑，食得出真係杏仁磨出黎，唔係用粉開果種，而係低糖，俾小朋友食我都好放心！呢餐糖水，不論味道，份量，都好滿足！店員都好細心，見我湊住2個小朋友，都好細心特別照顧！呢一點真係好貼心…Read More

講起葵興，好多人以為得KCC有野食，其實光輝圍附近都有好多少店，係搵食既好去處！約左朋友行街，經過發現開左新店，食台式鹽水雞，2位小朋友被可愛既招牌吸引，食物價錢相宜，決定入去一試！店鋪堂食坐位不多，剛好有張矮餐枱岩小朋友坐，決定堂食！鹽水雞我點左A餐，可以揀雞胸腿各一半/雞全翼3隻，指定配菜洋蔥，另自己配菜3款！我點了雞胸腿，貪無骨，同小朋友食方便，3款配菜，杏鮑菇、蜂巢豆腐、芋絲！不得不讚 雞好滑，連雞胸都唔鞋！配料方面，杏鮑菇，芋絲好爽口，蜂巢豆腐就吸晒汁料，好入味！套餐仲配左1款炸物，我點左紅豆餅，原本點俾小朋友食，結果，我同佢爭食🤣🤣因為即場炸起，好香口，但一啲都唔油膩～食完意猶未盡，再叫左台灣腸、芋圓同朋友share，全部都好地道台灣風味，又引起鄉愁，好想可以去台灣旅行啊～…Read More

維尼b好鐘意交通工具，所以我經常過海帶佢睇交通工具，今次放學約埋朋友仔，過海去信德中心海邊睇噴射船！去海邊之前，要買定外填解決午餐，邊睇船邊食野，媽媽們選擇左台灣品牌既老媽拌麵！我點左新品，私房花雕雞拌麵 $78，飲品，洛神花茶(+$15轉餐配飲品、油菜)！老媽拌麵，本身麵底夠咬口，口感好好，配上充滿花雕酒香煮既雞肉，有杞仔等配料，冬天食夠晒補身！濃濃既醬料，撈麵食夠晒入味！最重要係，有酒香，但食完唔怕醉，湊住小朋友食都無有怕！飲品點左洛神花茶，酸酸甜甜，食完濃味既拌麵，夠晒清新！油菜有驚喜，外賣焗住都唔會又黃又淋，保持爽脆，同生菜清甜既味道！朋友點左，金華火腿干貝雞湯麵 $88(仙草茶+$15轉餐配飲品、油菜)！我試左一啖湯底，好濃既金華火腿、干貝味，但唔會過咸，小朋友食唔怕！配上雞脾肉，啖啖啖肉，夠晒飽肚！仙草茶，朋友話仙草份量好多，好抵飲！總消費：$196呢個價錢係港島區黎講，算正常價，份餐男士食都夠飽，下次可以encore再試！題外話：隨左船，果日仲睇到直升機，小朋友喜歡睇交通工具既，不妨買份外賣去海邊坐下！…Read More

相信大部分既小朋友都鐘意自己食一份兒童餐，維尼b都唔例外，所以最近我成日留意邊間餐廳有兒童餐，搵機會帶維尼b去食「車車兒童餐」（佢以為所有兒童餐都要用車車餐盤裝）。今次去左荃灣廣場既翠華冰室，試下佢地既兒童餐！是日餐單：蛋撻去到冰室，點可以唔試蛋撻！一坐低，侍能姐姐好貼心話，仲有2隻蛋撻，要唔要幫我地留境，否則要等下一轉出爐！我都未答，維尼b就答：「好！」蛋香濃郁，酥脆酥皮，唔錯！兒童餐（栗米肉粒飯、八瓜魚香腸、薯條、大福餅、低糖益力多）兒童餐有意粉，有飯，我點左飯餐 - 栗米肉粒飯，仲係用維尼b最愛既車車餐盒裝住，見到未食已經興奮！味道我試過，比大人餐偏淡，配埋八瓜魚香腸都唔怕咸！薯條，小朋友至愛，仲要係我鐘意既「波浪薯條」，厚厚既薯仔質感，好滿足！大福餅雪得好夠凍，飲品方便，低糖益力多，相對健康，但細支唔夠維尼b飲，俾我拎左去用水開稀俾維尼b飲！淚光麻辣咸牛深海爆蛋號看似普通咸牛肉炒蛋潛艇，最特別係「麻辣」！麻中帶辣，微微刺激味覺，創意、味道十足！而且份量超大，配埋薯條，細食啲都食唔晒啊！唔止維尼b有兒童餐食開心，連我都食到好飽足！是日帳單：$104…Read More

初試南山冰室（銅鑼灣）唯唯媽呢啲新界人，除非做野，否則好少過港島區活動！係維尼b大左，開始識話坐船接爸爸，我地先多左係港島區晚飯，但要搵間小朋友坐到，又價錢合理既餐廳，選擇似乎唔多！早前唯唯爸就帶左我地去銅鑼灣新開既「南山冰室」！我地袋左好多野，3個餐，2樣小食，無錯，係3個餐！維尼b自己一個人食晒一入餐！馳名海南雞飯 $68呢份原本諗住同維尼b share食，我試食左幾啖，雞好淋，好滑，唔會太咸，俾小朋友好岩！油飯好香口，但唔會太濃味，最後，食下食下，我得返幾啖飯食，成碟海南雞俾佢食晒！招牌海鮮喇沙 $55黎到東南亞餐廳，一定要試喇沙，個麵底係油麵併米粉雙併，幾有口感，海鮮都多，蝦，青口，墨魚仔，配微辣湯底，幾開胃！肉骨茶（大）$38肉骨茶，味道不太濃，怕藥材味既朋友都可以一試！馳名咖央厚多士 $24好香脆，咖央香甜，維尼b都食左半件！凍咸檸雪碧 $12 （跟餐加錢轉）凍荔枝冰 $6 （跟餐加錢轉）加錢轉左2杯特飲，荔支冰最抵，加$6咋，好消暑！常餐：沙嗲牛肉撈麵，煎蛋，咖央多士呢個常餐係後來加單叫既，連侍應姨姨都好驚訝我地2大1小叫3個餐！沙嗲醬好香花生味，加埋淋滑既牛肉，特色之處配以粗麵麵底（雲吞麵果種粗麵），好滿足！食左咁多野，都只係$251！由於位於商業區備，晚上人流不多，同小朋友去食飯，可以慢慢坐，唔駛怕趕住交枱。唯唯爸將呢間冰室列入銅鑼灣區飯堂之列！由於今次消費滿$150，送左會員卡一張！…Read More