yui.foodies_的個人專頁

好耐無返大埔，難得返嚟就試吓有咩新嘢食，見到呢間都幾吸引就入咗去試啦，一坐底職員都好快遞茶比我哋，好快我哋都揀好咗食物，我哋分別叫咗個鰻魚盛合丼同主打帆立貝嘅天婦羅冷喬麥麵（確實名字唔好好記得），食物一嚟到，我已經比鰻魚吸引住，雖然鰻魚唔係好出眾，但整體感覺唔錯。但我個人極力推薦天婦羅嘅食物，認真唔油膩，唔多粉，佢真係鬆脆可口，但因為我本人極少食天婦羅的，所以可能有其他更加好食的都不出奇，但我個人幾欣賞呢個天婦羅，真係好好味，整餐飯我都食得好滿意，服務亦都好好，會再嚟試多次…查看更多

食過n咁多次，呢間手撕雞飯都算唔錯，唔好睇佢係街市入面，佢的確幾好味，水準嚟講都keep得唔錯，今次我食冷烏冬，配菜種類唔多，款式亦都只有來來回回數款，但都係好食嘅。會繼續再支持…查看更多

第一次食呢間，對佢有少許失望，首先因為叫外賣關係，飯盒係痴實啲飯，令到飯同紙盒一齊食，飯比較硬身，所以我個人就唔喜愛，沙薑雞係好味道嘅，無骨唔錯，但紫菜豆腐雞湯我就覺得不過不失，樽裝烏龍茶👍🏻下次可以試下其他，話唔定會有驚喜…查看更多

呢間聽得多，我都是第一次試，門面裝修已經見到好日系feel,門口睇到嘅食物都好精緻，入去一坐低就見到餐牌上好多款式可選，今次我哋叫咗鰻魚飯同海鮮飯，再叫咗帶子刺身同墨魚小食，好鮮甜嘅海鮮飯帶子刺身好味道鰻魚飯比預期嘅結果都唔差太遠，但墨魚小食就比較略微無咁好味，但都好好食的，整體我對呢間店唔差，但因為我哋2個人，所以並唔可以叫太多來試，期待下一次再可以來試多次，下次我應該會試佢哋嘅壽司，海膽，刺身盤，應該都會令我有所期待的。…查看更多

今日lunch諗住試下呢間外賣啦，之前試過堂食唔差，就諗住試下叫個外賣試下，今次叫咗吉列雞扒拼牛肉壽喜燒便當，配埋芒果乳酸特飲，正呀，雖然外賣無堂食咁吸引，但整體來說都唔錯的，仲有唐揚炸雞呢款小食，不過外賣可選款式唔多，都係豬牛雞揀，下次可以試下滑蛋豬。…查看更多

認真估佢唔到嘅係巴辣仔嘅米線仲出色過好多米線舖，今次叫咗2碗，分別係豬雜冒菜同牛肉冒菜，再加配咗個小食麻辣豬肚絲。豬雜冒菜同牛肉冒菜嘅配料都好足同好夠飽，我哋叫咗bb辣已經好惹味，再食埋豬肚絲簡直係絕配，不得不說巴辣仔除咗雞煲烤魚之外，米線都係我最愛嘅食品之一…查看更多

大年初二又嚟食，今次叫咗炸雞髀，唔需要等20分鐘已經即刻有得食，好味道呀，大大隻雞髀，不過都唔夠豬手咁出色，豬手真係好鬆軟，入口即溶個種，起初我比佢賣相呃咗，以為好普通，點知一食就愛上，手搖飲品就唔多說，因為都係叫咗好普通的，下次再試其他先…查看更多

午餐比較鍾意粉麵嘅我，又用平台訂餐，今次打算試吓其他米線，見幾吸引就叫嚟試下再外加咗1碟皮蛋，老實講皮蛋我唔建議大家叫，唔係味道差，味道係好食嘅，只係好唔完整地夾到，所以唔推薦大家，個粉麵係好食嘅，好味道不過我覺得青瓜太大舊，可以的話切細小小會更易入口…查看更多

年三十晚食團年飯，選擇來這餐廳食，之前成日經過都無入去試，就一心抱住同屋企人嚟試下也無妨，餐廳嘅氣氛燈光比較暗淡，感覺令人覺得有點神秘，我哋一行4人被安排咗於門口入少少位置，menu 比較精緻，細細本紙質好特別。我哋叫咗1個推介～鰻魚玉子蓋飯，2個新年限定～大蝦波菜汁扁意粉同和牛漢堡蛋包飯（名字可能有少少記錯，但大致上都係咁），食物一到，我哋比蛋包飯吸引哂，真係好出隻，一𠝹開個蛋，裡面就流哂出嚟，雖然飯比較少（因為漢堡關係）但好味道，鰻魚就有少少失色，可能我鍾意入口即溶化嘅鰻魚，感覺呢條比較需要咬口，但都好味道，最後就係大蝦扁意粉，呢個對比起前面我覺得有少許失色，味道好味嘅，但我略嫌個汁比較多，令到食落去時醬汁多過頭，但整體來說，食物質素係好味的，會再嚟幫襯…查看更多

今日試咗外賣燒鵝髀瀨粉，平時一碗實在太貴，今次試用外賣平台用優惠嘗試叫一碗來試試，雖然打開隻燒鵝髀係斬好晒，賣相來講唔係好吸引，但味道係好味嘅，佢唔肥唔係好油，整體食完都會有陣燒鵝嘅味道停留係度嘅，不過價錢嚟講如果無優惠的話，老實講未去到必試類別，之後有機會再試其他。…查看更多

第二次嚟食，好味道呀，今次都係叫咗1個pizza同1個意粉，再叫咗薯條做小食，真係好好好好好味，薯條嘅辣粉雖然蓋咗薯條本身味道，但配埋黑松露醬又出奇地出返嚟，配茄汁又係意粉親比較硬少少，可能我比較鍾意爽口少少嘅質感，但配大大隻蜆，再加擺盤嘅設計真係加咗唔少分，pizza方面簡直好出色，配料好足，唔係厚批，明太子醬嘅配搭好好味😋，連我屋企人唔鍾意食明太子都覺得好好味，呢間嘢真係每次嚟食都好令心驚喜，同埋水準不變…查看更多

今次同朋友嚟食，搵個地方坐下chill下，因為上次無嚟試甜品，所以今次嚟試吓，可能太晏關係，人流唔係太多，再加上我哋時間都比較尷尬，1坐低即刻叫咗2杯飲品，1個甜品~珍珠鐵觀音雪糕吐司😋😋好味道呀，值得一試…查看更多

今日放學嚟食呢間，之前已經食過好幾次，職員安排座位方便都好貼心，見有小朋友都會安排座最入面位置，食物方面無需多講，最出色一定係蜆肉意粉同雞翼，蒜蓉包今次有少少失色，唔係好大問題，都係好好食😋，不過失望都有2款食物，田螺比我想像中唔太好，八爪魚粒橄欖又係有失望，不過可能唔同人口味，其他都好食嘅，整體嚟講，算唔錯，價錢反應一切，我都會繼續支持。…查看更多

估唔到食呢間2次定3次，但今次就嚇親我，本身都唔為意，但點知一見到就嚇親😵‍💫本身我同屋企人打算是但搵一間餐廳入去食下午茶啦，見到呢間上次食過唔算差，價錢又唔係話太貴，但入去食啦，入到去我哋如常坐低叫餐同餐飲啦，但點知一送餐飲嚟，噢，不太衛生，我屋企人一見到就即刻叫個服務員嚟啦，服務員一眼望見只係同我哋講咗句換過杯比你啦，就走咗去，我同屋企人就成餐飯食到膽戰心驚，好驚會又見到啲咩啦，快快脆脆食完就走啦，呢間野再無食過啦之後😵‍💫😵‍💫…查看更多

第一次嚟食呢間，本來都抱住滿心歡喜，見門面好靚，甜品好精緻（本人唔食甜品的）但都好想一試，可惜，落單漏單，等到其他人齊餐都未見有，一追問先知落單時撞機，漏了單，但職員態度有少許不友善，算都不要緊，到食物來了，認真食物唔差的，只係未去到預期之中太吸引，或許是多士關係，所以我覺得如果叫海南雞飯會比較吸引🤩，而黑糖泰式珍珠奶茶，感覺好飲的，甜品我就無試了，希望下次再有機會品嘗一下，整體我覺得下次可以試夜晚或中午，感覺應該會好過下午茶時段。…查看更多