肥兔子的個人專頁

今天突然想起了這間很久沒有光顧過的食肆，於是放工就去了買外賣。因為這間食肆的座位偏窄同埋食物一般，每次叫燒雞唔知點解仲是有一半沒有了皮，而湯亦會在運送中浪瀉好多出黎，我覺得略欠誠意，所以只會很久才光顧一次。不過，不可一提的是小南洋的熱鴛鴦同埋熱咖啡真係值得一讚，調得幾好味。我是第一次光顧這間外賣的，但發覺原來現在更加無誠意，雖然係下午茶啫，但飯份量少，同個膠盒比例就睇得出，雞無味道之餘連醬料也沒有隨餐。我和我的家人已經決定以後不光顧這間下午茶了。今天我選了海南雞滷蛋飯配熱檸水，燒雞滷蛋碗飯配熱鴛鴦，南洋咖喱牛腩飯配熱檸茶。海南雞滷蛋飯，雞沒有味道，飯超少，想起現場食午餐，雞既份量都係差不多，也是沒味道，但自己可以用隨餐的醬料，蠻可以的。燒雞飯，也同樣無味道，連雞皮也沒有一半，亦沒有醬料隨餐，哎！只是隨餐的滷蛋有醬汁，較有味道。南洋咖喱牛腩飯，咖喱好有椰香味，送飯一流，但牛腩就比較少同韌，唔夠淋。這個咖喱牛腩飯如果午餐食，熱辣辣的，雖然牛腩都唔係淋，但熱辣辣食又另有一番風味，午市堂食是值得推介的。最無誠意既係飲品，當我拿著外賣袋行了一會後，望望個袋，原來其中一杯基本上係由我開始接手時已經瞓底左，好彩既係，杯蓋有蓋實同埋每杯係獨立用小背心袋袋好的，這是一杯熱鴛鴦，已經有些微漏了。我快快手拿好，但沒有察覺到原來仲有一杯仲嚴重。回到家時，發覺除了杯熱檸水沒出意外，杯熱鴛鴦都係些微漏，原來杯熱檸茶基本上沒有蓋好蓋，應該說是基本上無可能蓋得好，原因係個杯邊已經出現問題，那可能蓋得好呢，結果就好似飲泰國用袋裝的飲品。水吧沖茶的，無可能唔知個杯邊有問題的，應該給些誠意，不要把這些杯給客人啊!…查看更多

我們到達這旋轉自助餐廳時剛剛是黃昏，乘觀光去自助山還可以看到香港的日落，真是很美，打卡一流。👍🤩差不多夠鐘時，大家排好隊給員工檢查完安心出行後，就陸續乘再上自助餐廳了。上到餐廳，再有員工很有禮貌地帶領我們到個半月前經電話訂枱後被安排的位置。離遠望見到有兩張好大的枱，心想如果是安排給我們的就好了。嘩，好開心呀！真係心想事成，真係安排給我們這8位朋友的😍。 員工還很細聲溫柔地告訴我~這兩張枱是本餐廳的最佳位置啊！未開餐時，有很多客人企係我們枱的窗邊打卡呢！坐在椅上看出去又不禁內心稱讚~香港黃昏真漂亮 😍😍轉到馬場位置時，我們異口同聲地說，如果今日是星期三就可以多看一幕賽馬表演了，可惜這是星期五呢！😆😆坐下一會兒後，有員工會問客人要鮮橙汁還是蘋果汁，我們全部選擇了橙汁，很受歡迎啊!😋😋這杯鮮橙汁，真係好鮮😋，飲完好想再飲多杯，無奈每人只供應一杯😊 還未開始時，我行了一圈，真係環球美食，食物有很多款式選擇，我打完卡之後再同朋友分享時，她們才發覺錯過了很多美食，要搵日再去過 😆😆。準6：30，自助餐就正式開始了 😋。我第一時間去了海鮮房，這房內有很多新鮮的海鮮選擇，有鮮帶子，龍蝦鉗，青口，海螺，蝦，大蜆，當然少大了阿拉斯加蟹腳，鱈蟹腳，龍蝦，還有大大隻麵包蟹 😋😋只要妳告訴或指給員工要甚麼海鮮，他就會立即夾給你，好服務👍。阿拉斯加蟹腳略咸，大蜆很鮮甜，龍蝦鉗很易拆，肉很鮮，龍蝦肉很彈牙，麵包蟹隻隻都很多膏，肉也鮮甜，食完要再添。這餐廳是不停添的不會只得一兩轉就唔添，要讚吓。 👍除了海鮮，還有其他環球美食~~海鮮意大利飯 ，略乾。~燒美國肉眼扒 / 燒羊脾 / 燒羊架，還有幾款醬選擇 (鹽岩/香辣海鹽/蒜香海鹽/海鹽/薄荷醬/英式芥苿/ 芥苿醬) 肉眼扒基本上同其他自助餐一樣，我選擇配了蒜香 海鹽加芥苿籽醬，又幾好食喎 😋。~印式烤薄餅 / 印式香炸咖哩雞~泰式冬蔭功湯，很香很濃，仲有大大隻大頭蝦好好 味 😋。還有泰式木瓜 / 泰式海鮮~西班牙海鮮沙律~日式，當然有各款刺身，有甜蝦，帶子，深海大地 魚，吞拿魚，油甘魚，三文魚。日式冷麵 / 雜錦魚 生飯。款款刺身我都有食，全部都很鮮甜😋😋。~中式及港式款式更多， 燒味~有乳豬，油雞，义燒等。還有港式湯麵。 點心~小籠包(大隻兼皮薄)，海膽花枝丸，蝦餃， 燒賣。 一定唔可以錯過限時限取既海參花膠扣鮑魚，算是 足料，不錯 😋😋還有大人小朋友一樣愛的，就是員工在棉花糖機前用一枝閃光棒為你製作棉花糖，很精緻啊！真係又有得睇又有得食，又有得玩🤩👍。 烤和焗 ~ 烤和牛，炸天婦羅，芝士焗龍蝦等，雖然 當日無生蠔供應，但好彩有白汁焗蠔，都 是一款美味的食物選擇 😋👍。各式沙律 / 甜品 ~ 海鹽蛋糕鹽鹽地又幾知味😆 榴槤焦糖燉蛋/糯米糍 😋 班蘭千層蛋糕我就覺得麻麻地 🤔 拿破崙蛋糕 😋 朱古力噴泉 噢！我錯過了炒雪糕，不知味道如何呢！有機會下次再試吧！太多美食，食唔切喇 😂每人除了有一杯菓汁外，還有一杯餐飲的。收碟的員工很快會清理枱面的東西，都值得稱讚。還有食到中段我見到有射燈從好遠的大廈天台射出來，還會擺動，我朋友說是幻彩詠香江。咁啱我們轉到這邊，可以一邊食一邊睇，👍還有一件很窩心的事，我聽到隔離枱的父親與經理說，當日是他兒子的生日，可否有蛋糕贈送，經理當刻話要訂枱時說明，因為要時間預備，但過左一段時間後，經理拿著一個小蛋糕出來並同小朋友說聲生日快樂，好窩心呀！說說笑笑食食時間又到了，大家又期待下次美食的共聚。最後，提提大家走的時候要預備手機或相機，要搭觀光呀！因為香港的夜景真的很美啊！ 😍😍**搭往17樓再轉觀光上，就可以飽覽香港景色 了。 😍😍👍👍 …查看更多

我們朋友三人都是第一次食Hightea ，在網上看到茶園食評很好，又可以有一人的Hightea，於是大家都想試，但是在官方網站訂不到茶園Afternoon Tea，朋友們話改食其他東西，因為這是我第一次食Hightea，訂唔到覺得好唔甘心，在我和朋友出發食其他東西的前一日，我試著用電話親身打去詢問，結果係一個好消息 👍。應該有客棄枱，所以我們有枱了😘當日去到Grand Hyatt的大門前，有一個笑面迎人的工作人員開門給我們，就連洗手間內的嬸嬸都是笑面迎人兼幫我們開關門，這真是待客之道，值得一讚 👍排隊入座是必定的事，但一邊排隊一邊聽到真人彈琴及拉小提琴，也很舒服啊！茶園的地方也頗大，因為我們是後補的，但我要求要梳化位，他們也盡量幫我們安排了，太好了。由於位置較近樓梯，我覺得冷氣有少少不足，但環境已經好好了🤩安排坐下後，員工有禮貌的遞上Menu ，並表示會即將送上層架甜品，另外還有其他食物任取，例如水果，雪糕，夾餅，班戟等，還可以隨時落menu上的飲品一杯，但由於天氣太熱，所以我們有兩人要了凍檸茶，另一位朋友menu上的飲品唔啱心水，於是要了熱檸水。哈哈，大家都沒有試menu的茶 🤭層架未送上時，先送來大蝦沙律杯&咸點~芝士火腿牛角酥，跟著1人&2人的層架送上了，由於我們是第一次食Hightea，我們都覺得很漂亮很精緻😍但甜點較甜😝而煙三文魚卷都不錯啊 😋😋我們的座位離開任取食物的餐桌都頗遠，行埋去就見到有十款雪糕&雪葩任選，今天沒有咸蛋雪糕，之前我食過茶園的自助晚餐有試過，味道很特別的。但今次我試了新開味~芒果糯米雪糕，但是我覺得沒有芒果味，差左少少，而雲呢拿味，海鹽焦糖味，朱古力味雪糕就很濃很好味，我唔太中意食雪葩，所以沒有試。另外還有小裝飾~糖/朱古力片，可以自己配。還有熱辣辣的夾餅和班戟，可以配雪糕放上面食，好味。如果只係要雪糕，他們會有靚靚玻璃雪糕杯上，好有feel 👍🥰😋另外還有水果選擇，也是任吃的。不要錯過不同顏色不同味道的馬卡龍，還有雖然係甜d，但是好好味的松露朱古力😋原來夾餅，班戟的各款醬料放在馬卡龍的附近啊！哈哈，我突然想自製一碟屬於自己的甜品，於是自己弄了一碟，好開心呀！真是又有得食又有得玩呀！…查看更多

好友4人晚上Gathering選擇去試業中的蝦蝦燒，由於一早訂枱，所以唔使擔心。當日去到門口樓下，沒有人招待，只好自行上去，不過大家請注意，這裏的樓梯每級都很窄，上落務需要小心😊原來上到去才有人招呼的，眼見地方很大，食物選擇也很多，很不錯。取得枱號後，一邊行才發覺，原來只得近門口的雅座比較舒適，入面大堂都比較擠迫。我們被安排坐係大堂最入的角落，取飲品食物都超遠，不過，好彩蝦蝦燒的食物新鮮，行遠d都算啦。😋😋當大家一坐低，員工很快便捧來一盆送的新鮮鮑魚，厚切鰻魚串燒同埋大頭蝦 😋😋同埋一隻吉碟出去取食物，但只得一隻碟，可能係試業啦，我光顧過另外一間係尖沙咀的燒蝦店，他們供應兩隻碟的，這間已經要行得遠，仲只得一隻碟，真係要改善吓🤨我們又發覺枱上原來已經有幾款調味料供應，又幾好喎😊👍蝦蝦燒的海鮮選擇都算多，既新鮮又不停補充，生蠔、鮮帶子、鮮元貝仲不停開，這個真係值得讚👍仲有螺、大眼雞、大蜆、鮮魷魚等，之後還有其他魚供應的 😋😋當大蜆彈開個殼時，那種新鮮既感覺真係要即刻食左佢。朋友真係好，燒完條大眼雞，幫條魚脫皮後仲分埋魚肉比我地，正 😘😘還有串燒、醃製好的食物、熟食、飲品也有很多選擇啊 😋😋串燒款式頗多，雞腎、牛柳粒、义燒、腸仔、。。。醃製好的魷魚、雞翼、。。。等，真係太多喇，不能盡錄 😂。仲有菠蘿、原條茄子等，朋友把原條茄子中間剪開燒，再自己調味，很好吃啊 👍😋😋甜品仲有雪糕、雪條 😋😋海盬味的杯裝雪糕又幾好味喎 😋😋可能因為還在試業，我有個提議希望蝦蝦燒可以注意吓椅子的整潔，因為我們的椅子都頗為油膩，還有黑點，雖然自行處理，如果眼不見，便坐了下去，會弄污衣物，這個雖要注意吓😊努力，希望下次光顧時，會有改善啦！還有，要讚讚員工把骨筒清理得很快，讓我們經常都有吉的骨筒用👍另外，想講講由於地方太擠迫，大家的椅背都會緊靠後面枱的椅背，我們不幸地遇上後面枱的4名自備啤酒兼飲大左的女仕，她們的大呼小叫兼撞櫈背，其實都有少少滋擾，不過我地諗住大家都係出黎食好野兼Gathering，所以無投訴佢地。如果唔係因為太擠迫，這裏真係好理想的Gathering 地方😆…查看更多

終於約到朋友到這間食肆共晉這個午市打邊爐套餐了，在一個大商場裏以98元一個打邊爐套餐算是便宜了。雖然不是放題，但食物質數不錯啊！👍😊這間食肆鋪面頗大，放了很多枱都不覺擠迫，蠻舒適的。👍😘由於疫症，沒太多食客，我們被安排坐下後，發覺我們這邊就只有我們一張枱，很靜很舒服。坐好後，看看午市打邊爐套餐餐牌，雖然套餐選擇不算太多，但都足夠大家選擇😋😋，睇啱心水後就用二唯碼自己落單。首先選湯底，一人一鍋，可以選鴛鴦鍋，我選了皮蛋香菜/蕃茄湯底，曉宇嫩牛肉跟配菜，再配出前一丁，然後來一杯冰凍洛神花茶。而朋友就選了重慶麻辣/山珍菌湯底黑豚腩肉跟配菜，再配曉宇苕粉，同樣飲冰凍洛神花茶跟著就開始期待上枱了。😋😋🤩🤩在等的時候，發覺原來醬油同埋蒜蓉，蔥粒，自助清湯，清茶，都已經係齊枱面，還有圍裙，又幾齊全喎。很快，兩個人的湯底便送上，未滾都已經聞到很香，跟著嫩牛和黑豚腩肉跟配菜亦上枱了，原來苕粉很似苣蒻的。那些配菜都頗多款，有兩隻超新鮮的蝦，午餐肉，芝士腸，蟹柳，腐竹，菇，金菇，粟米，丸仔，仲有新鮮蔬菜，最值得一提係嫩牛，既新鮮又滑溜，黑豚腩肉反而沒甚麼驚喜，就像普通豚肉，可能出場時還未解得切凍啦!如果再去，我會再選嫩牛，我覺得真係好我還自製了一碗大蝦什菜一丁麵，好治癒呀！最後飲埋杯冰凍洛神花茶，簡直係享受呀！另外，除了出前一丁，苕粉，還有白米飯，烏冬麵可以選擇。除了洛神花茶，還有羅漢果茶可以選擇。…查看更多

Lunch 和同事選擇了到這間都有一段時間沒有光顧的日式餐廳 ~ ABURI-EN(ST)炙·宴。餐牌雖然沒有點變，但有加入新食材，就係是宮崎和牛芝士黑咖哩飯喇初初在餐牌上見這款新名稱及相片時，我就知我今日要食甚麼喇這是我第一次接觸黑咖哩好期待，唔知辣唔辣呢？卒之等到上餐了，當侍應經過我身邊並遞上這個黑咖喱飯時，我已經聞到好香好香既咖哩味，放下時，我見到個賣相仲好靚呀！黑色既咖哩好似識閃動啊！香噴噴熱辣辣的黑咖哩加芝士不單只唔辣，配埋入口即溶既宮崎和牛加白飯，簡直一流食材滿滿的蓋著白飯，令每一啖都有食材，平時唔會食晒整碟飯的我，也忍不住口，一啖一啖全部食清另外的叉燒海鮮濃湯麵，湯底比較咸，拉麵個外觀比我既感覺好似某牌子既上海麵，彈牙的也好吃，但海鮮唔多，有兩隻大蝦同兩大片叉燒希望下次光顧時，再有新菜式吧！:)…查看更多

哈哈，一星期前經電話，手機apps甚至親身行去訂枱都訂不到的好一間 *穴居酒屋*，4人再約今日walk in 攞枱，幸好抱着不到黃河心不死的情神，今日卒之有先頭部隊攞到位喇，讓我們可以食到午市套餐 ~ 吉列黑豚御膳，燒鯖魚御膳😘有湯有白飯有前菜又有蒸蛋仲有甜品 😋😋吉列黑豚烏冬就只有前菜同甜品 😋先來個前菜 ~ 什菜配沙律醬，中華沙律，普普通通啦！吉列黑豚御膳 ~ 豚肉炸至金黃色，外觀已經好吸引，一啖食落去，外表不單至脆，內裏仲好juicy，加埋醬汁送那碗軟綿綿的白飯，真係一流，連平時不大喜歡吃白飯的我也全部食晒吉列黑豚烏冬 ~ 豚肉當然同配飯的一樣啦烏冬好彈牙，湯底唔錯，但鳴門卷就略嫌失色了，口感不不大好，朋友吃了一片就放棄其他了燒鯖魚御膳 ~ 鯖魚肉厚，燒得又香皮又脆，再配醬汁，都是送飯的好餸，有了這條鯖魚，當然朋友也將一碗白飯食晒落肚了御膳的蒸蛋，蒸得剛剛好，滑滑的，好有口感，好好味，我好欣賞御膳的飯後甜品，紅豆蓉水晶糕，唔係太甜，但夠凍都唔錯㗎我見到隔離枱食天婦羅餐都唔錯下次再光顧時，我要試吓再者，可能人手不足，員工對客人的態度還有可以再改善的空間吧:)…查看更多

沙田新城市廣場最近開了這間新鋪，於是相約同事一齊去試試。午餐選擇唔係太多，由於限聚令係2人，本來我地4人想坐隔離枱，方便叫4款，大家分享吓，嚐嚐新菜式，但最後被安排隔好遠，於是各有各叫，只可選兩款了。我同同枱的揀左藜麥平鐵牛扒沙律，牛扒切粒，煎得好嫩滑，咬落去仲有美味肉汁漏出，好美味再配什菜同藜麥，唔錯另外點了大菇打扁漢堡，嘩，熱辣辣的大菇又大又多汁，再配芝士同免治肉與另外一間同樣有大菇漢堡的店舖相比，這間好食好多。汽水有支裝可口可樂選擇，另外加錢可以有自家靚湯或薯條，我們選擇了自家靚湯，當日係蕃茄湯，一粒粒蕃茄好有口感，但可惜較咸再者，可能係新鋪，期待員工的表現努力改善吧。由於限聚令係2人，我們4人要求安排坐附近枱，但最後被編配了距離較遠的枱，都不打緊，但係落單後，有員工過黎同我講出面有兩大加一個bb，想安排坐我張4人枱，跟著指住我另外同事隔離張枱話會轉我地過去，我開心地表示太好了，坐我同事隔離，這時員工跟著話我地做咩唔早d同佢地講，會安排我地坐近d，真係無眼睇，由門口攞位到轉位都係尼個員工，真係好笑仲要比佢話…查看更多

這次是我的第12次到 The Lounge 食Tea Buffet 喇!但是這次才寫食評是由於真心想讚吓這酒店餐廳的防疫措施做得好好外，更想讚吓員工每次的禮貌態度仲有每款食物都用蓋蓋好，衞生非常好由我第一次朋友介紹，踏進這間我初初以為只得蛋糕甜品既下午茶到發現原來有很多款式選擇開始，之後如果同朋友閒聊，聚會或介紹，我都會選擇這間酒店餐廳。我知我的朋友都有介紹自己的朋友啊！這間餐廳樓底頗高，座位舒服之餘個環境好正，仲可以一邊食一邊伴有真人係閣樓彈奏鋼琴，真係讓人有種好舒暢嘅感覺係朋友聚會休閒談之選經員工禮貌地安排好座位後，夠鐘開始，榴槤控的我第一時間衝去攞榴槤班戟，還可以同姐姐講要多榴槤蓉啊如果唔中意榴槤蓉，還有花生椰絲可以選擇。有時counter 要排隊啊！這個榴槤班戟也是推動我到這餐廳的其中一個動力啊各款菜類，丸仔(牛丸，龍蝦丸，墨魚丸等等)同配菜，仲有我最愛的大蝦雲吞，隻隻雲吞入面都唔止得一隻大蝦㗎，又爽又彈牙真係淥食物首選。自己揀好想淥嘅食材交由員工淥熟，之後再憑卡号去取食物兼選湯，通常都有兩款湯選擇的這個下午茶自助餐好唔簡單，冷葷除左有刺身(螺肉，象拔蚌，三文魚等)外，仲有香芒大蝦卷 三文魚卷，煙三文魚，自製各式蔬菜沙律。熱葷仲多選擇，有迷你版蝦多士，夠熱夠脆可配甜酸醬炸饅頭可配煉奶今次有西式湯，龍蝦仔伊麵，之前幾次我有試過大蝦燜伊麵都唔錯㗎，大蝦都係好爽好彈牙，今次D龍蝦仔就比較咸略遜色。日式煮大蜆，超級大隻，今次最尾時仲改做避風塘炒大蜆，可惜唔夠味豉油雞翼，炸乳鴿，迷你漢堡，印度咖哩雞，炒時蔬今次係炭燒豬頸肉，有時係好嫩滑嘅燒牛肉，燒買，粒粒都有大大隻蝦南乳豬手，中式包，仲有熱粥，有幾款餸揀，有次有龍蝦肉呀！芝士都有好幾款呢！蛋糕甜品水果都好多款式，這裏有自家控制的新地筒，有得玩又有得食，今次的軟雪糕只得奶茶口味，唔錯有時會有兩至三款的，有榴槤口味㗎，今次沒有了一盒盒迷你裝的哈根大師了，改為人手幫你了，免費的只有4款，其餘的最便宜都要18元一個球呀！下午茶自助餐有送一杯飲品，首選凍檸蜜，因為會隨杯跟一少樽蜜糖，好好味呀！由於限聚令，正傍晚6點，員工就有禮貌的請我們離開了。以這個價錢真係值得一捧再捧場嘅下午茶自助餐，有朋友已經相約好10月再捧場喇，又可以再享受環境同美食喇**有時仲有信用咭優惠㗎…查看更多

疫症下，唔敢去到好遠食lunch，於是一家三口就決定去酒樓食點心。由於疫症所以無人等位之餘即刻有位，還被安排坐梳化卡位，不過枱隔離有個櫃，櫃上面係放左其他食客洗完杯碗既小筒，再加上張枱布好似唔係太乾淨，感覺麻麻地。但係都係食野啫，費事調黎調去喇，點知之後會變左要食快餐呢見到枱上有張做梗點心大特價既傳單，每款點心都係17大元，仔細d睇細字，係話指定點心至可以有此優惠。不過應該係全部都係17元，因為我們點左9款唔同價錢既點心，埋單時全部都係17元，除非咁啱我們的全部都係指定落單唔使5分鐘，已經有點心到。首先到的三款是唔熱的點心，都唔知點解咁求其我地費事叫佢地整番熱，因為疫症下唔知會唔會加料咸水角 ~ 唔熱，不過皮脆菠蘿义燒包 ~ 微暖，义燒淋，外面個菠蘿包都算 ok，如果熱仲好紅油炒手 ~ 微暖，皮既味道怪怪的，可能唔夠熱， 帶唔出個麻辣味唔使幾耐，熱辣辣既蒸點心到，大家諗住可以慢慢食慢慢嘆之際，原來已經有幾隻烏蠅仔係附近俯視著。我地起筷時，有兩隻已急不及待，係食物上盤旋梗，我地趕佢地時，另外兩隻已經飛到個籠邊，結果被殺了。本來我地諗住轉枱，但係咁轉黎轉去，當中其他鳥蠅仔可能會飛去未搬得切既食物上，之後我們選擇快快食，一路食一路趕，仲唔知要快，真係食得快好世界，好似食快餐咁之後臘腸卷皮同一隻蝦餃皮保護失手被踏上了，結果尼兩隻都被殺了不過講真佢地d蒸點心又真係好熱好吸引既。鮮蝦餃 ~ 皮薄，蝦鮮臘腸卷 ~ 卷皮甜的，臘腸太肥，唔香，但臘腸卷唔 係間間酒樓有得食懷舊豬肚雞扎 ~ 炸鮮腐竹裹著豬皮、芋頭條同埋滑 滑的雞件，唔錯鮮竹牛肉 ~ 有4粒，如果無喼汁係完全無味鮮蝦腸粉 ~ 蝦鮮，腸粉滑，正黑椒金錢肚 ~ 金錢肚好淋，仲有豆腐泡塾底，勁黑 椒味可能癖鬆肉粉味食完埋單時，我同員工表達左嗰張枱有好多烏蠅仔，員工說唔好意思佢地會注意吓，希望佢地真係會注意吓清潔啦！尤其是而家，我諗我地要等疫症過後再耐d至會再光顧尼間了:(**突然諗起之前有次食晚飯，咁啱坐係尼張烏蠅枱隔離嗰張，點了一款推介湯，飲飲吓，成隻大烏蠅好似投江自盡咁，直插入去，跟著我地叫換，等左好耐，要再問完又問，佢地至話賣晒，都唔知點解無交代，要問完又問至答。當晚我地同隔離烏蠅枱都點了有魚的套餐，佢地落單先過我地好多，但我地有得食先過佢地，佢地亦都係一樣，追完又追，問完又問，結果發火至有員工話可能漏單，佢地仲話以後都唔幫襯。結果到我地幾乎食完條魚，佢地條魚至到。不過，佢地（酒樓）個套餐蒸既魚又幾好食既 …查看更多

團年飯大多數人都愛吃中式，不過我地8人就相約於這間在沙田新開的西式餐廳食團年飯，順便試新野當天，去到餐廳附近，係好遠已經見到好多食客等梗位，好彩我地早一星期已經電話訂枱，所以有位。餐廳好大好寬倘，雖然有圓枱但係我地被安排了長枱，故此傾計便要大聲好多了Set Lunch 既選擇都有好多款，每款都跟餐包，餐湯同蔬菜沙律，餐包又暖又軟，再配牛油，仲可以無限添食，正可能漏單，其中4份蔬菜沙律同餐湯要崔左幾次至有得享用，蔬菜沙律同餐湯一般，餐湯唔夠熱。不過由於餐廳係新開張所以我地會體諒的可能太多客人，我們都等左一段時間，主餐才出場烤美國帶子白汁燴飯 ~ 大大粒帶子被煙肉包著一齊燒，好香好爽，白汁燴飯雖然一般，但係好夠熱，賣相好靚我覺得被煙肉包著的帶子，係最好味的燒盲槽魚柳 ~ 魚柳燒得恰到好處，外脆內軟，再配飯，都幾好味烤肉醬味烤雞 ~ 可能仲未能掌握到時間，烤過火，皮雖然脆但雞肉超乾，唔係太好食，這個都是配飯的燒肉醬味豬肋骨 ~ 豬肋骨燒得好好，好juicy ，好香，好味，唔錯再配酸菜同薯條，薯條炸得好脆賣相都唔差仲有餐飲試完這次之後，我會繼續去惠顧，我下次要試吓其他款式，因為我見其他食客既餐好似都好好味:)*** 員工好好，由於係美國餐廳故此賬單是用英文表達的，我講笑話唔識睇，個員工即刻番易中文比我聽，真係好，值得讚揚。不過可能係新開張，如果員工能夠有d笑容可能仲會好D。…查看更多

晚上我們二人突然想起次次行經都見到好多人等候入座的餐廳~牧羊少年咖啡館，於是決心今晚排隊都要試。可能今日係星期一，唔係太多人輪候，服務員問是否已訂枱，我話無，佢話要攞飛，好好彩，服務員話我地係輪候第三張枱。噢！原來是可以訂枱的等候了約15至20分鐘，卒之輪到我們入座了，入面環境唔差，氣氛幾好，好多枱，地方尚算寬敞，行過時起碼唔會撞到人地張枱。我們被安排坐最入的卡位4人枱，這點我要稱讚這間餐廳，唔會因為係4人枱就唔按号碼叫座，2人都比坐。不過好好的環境被附近的食客打擾了，兩張枱的女仕們由我地坐低前高談闊論到我地埋單佢地都未講完，嘥晒餐廳氣氛:(坐下，看看餐牌，餐牌內既選擇都唔少，有pizza，有主菜，有......嘩，仲有扒。因為係第一次試尼間，我地卒之揀晚市套餐。套餐除左主餐仲包一杯餐牌內不含酒精既飲品同埋一件蛋糕。我地最後揀左明太子蝦意粉配凍原味coco朱古力，另外手工牛肉漢堡 + 薯條配菠蘿芒果沙冰。明太子蝦意粉~大大隻蝦，隻隻都好爽，好有口感， 明太子不是只係係意粉面，而係已經 與意粉拌在一起，啖啖都有手工牛肉漢堡+薯條~漢堡包既皮係竹炭飽，手工牛 肉漢堡唔夠淋，不過都煎得幾 好。薯條就比較炸得略嫌硬左 少少，有少少辣粉都唔錯凍原味coco朱古力~好香朱古力味，幾好飲，個賣相 都唔錯菠蘿芒果沙冰~賣相一流，飲得出菠蘿同芒果味，唔 似一般係街邊買的果汁，尼杯又幾好 味個餐牌本來寫套餐個餐甜品係芝士蛋糕，但可能好賣啦！變左做另一款唔知係咩既蛋糕，蛋糕唔太甜，夠凍，有朱古力碎係面，個底係朱古力餅，都好好食㗎，況且個賣相都唔差，再配合盛住佢嗰隻凍凍的碟子，簡直一流。仲有個溫馨提示，書架上外觀看似年代煙遠的旅遊書，有張貼紙寫住，要攞走要自律交10元比員工先。雖然唔好彩預遇到嘈吵的食客，但食物既味道同賣相都已經能蓋上她們的嘈聲了備註~原來這間餐廳沒有限定用餐時間的，可以慢慢 食，慢慢傾，超正，不過記得下次去時先訂枱 較好 …查看更多

這間在沙田新城市廣場的新開食肆，未開鋪時，同事們已經話食過元朗的永年，不錯的，估唔到沙田都開一間。當日Lunch 時間，我們3人去到差不多店舖門口，已經見到好多人等位，好彩我們用手機apps攞定号碼入座，都仲要等差不多十分鐘才入座。門口有雞蛋仔、菠蘿包、蛋撻等等賣，仲有雞蛋仔，菠蘿包試食，菠蘿包一少件熱辣辣好好食，雞蛋仔兩粒，雖然凍左，但食到好香奶味。好快我們被安排坐圓枱同人地搭枱，不過都好過坐高枱高櫈。餐牌好多選擇，有飯餐，有車仔麵餐，D名改得好搞笑，有男神麵，女神麵。招牌車仔麵套餐，湯可以揀唔辣同埋大/中/小辣，麵又可以揀粗幼麵，油麵，河粉，仲有跟一杯餐飲。我們分別揀左永年大碗麵同埋女神麵，其中一碗大碗車仔麵，跟油麵（爽），清湯走辣（雖然清湯但好濃並略帶甜味），餸有成10款（豬紅、雞翼尖、豬腸、紅腸、蘿蔔、豬皮、雞翼、魚蛋、魷魚、時菜），D餸都好入味3人都配杯凍奶茶，奶茶好滑，唔錯另外一碗大碗車仔麵，跟粗麵，清湯少辣（好惹味)女神麵，跟河粉，清湯中辣，餸有幾嚿大大嚿既鮑汁燜花膠、豬手、枝竹球、冬菇、紫菜、蘿蔔、時菜。另外，我們再點了兩款車仔小食，一款係南乳豬手（好夠味好多肉）一款係煎釀三寶（青椒，豆卜、苦瓜），當中苦瓜真係好甘，好正。我見之後再搭枱的兩位女士揀自選4款餸個樣都好似幾好味。##唔知係咪新開張，現場用手機落單，出去埋單時仲有95折。…查看更多

今日4人Lunch Gathering 食這間新開的韓國BBQ鋪頭，可能因為係新店，雖然店內有好多位，但我地同埋其他客人都係只有等，等左起碼10分鐘，所以安排入座都差D。希望可以改善吓啦！因為咁樣可能會流失好多客人的。我地因為等得耐已經睇定食咩！套餐都有幾款揀，飲品可以揀百事可樂，七喜，健怡可樂同埋熱茶。我地有2個揀海鮮湯麵，1個揀香辣海鮮豆腐煲，另外1個想食脊骨土豆鍋配飯。入座後落單，好可惜脊骨土豆鍋配飯係無得賣既，連配餐飲七喜都係無既。跟著改左要海鮮湯麵。好快就呈上3小碟，我留意到無論幾多人都係只得3小碟，這3小碟都唔錯不過份量好少，但幾好味，我們的分別有沒橙色外觀但好濃烈泡菜味既泡菜，有碟好似係魚腐咁款，甜中帶咸，唔錯，仲有碟係蒜芯炒火腿，好味，但略咸。我見到隔離枱有款係好似炸麵包粒咁，好似幾好味跟著，香辣海鮮豆腐湯麵最先到，好香，降落枱面時已經聞到辣辣地既香味。但3碗海鮮麵等左好耐都未到:(卒之等到海鮮湯麵喇，降落枱面時聞到好香蝦味，跟著我用筷子夾吓D麵，陣陣湯既香味傳出來，麵淥得唔錯，有咬口，但最令我估唔到既係這個海鮮湯麵原來只有一隻有鮮味既蝦，一隻扇貝同埋少少冬菇碎，麵又少，要賣78大元仲要加一，唔係幾抵，仲要最主要係唔飽 😑反而相同價錢既香辣海鮮豆腐湯麵，又有蝦，又有扇貝，又有蜆仔，又有蝦仔，仲有豆腐，湯底仲好味D。哈哈，下次都係唔好叫海鮮湯麵喇 🤣🤣 要讚吓個男服務員，我埋單既時候，曾查詢點解海鮮湯麵只得兩款海鮮，他表示因為自己唔係廚師，所以唔知，不過佢好貼心，佢問我要唔要佢去問吓，我話唔使。但佢之後又再返回再問多我一次，真是好難得的好既服務態度。…查看更多

試過這試業一次之後，下次再消費都可能要考慮吓酒店門口細，到大堂要上斜路或搭唔起眼既。坐位設計都唔太好，大堂係長型設計，只係近食物枱既枱比較方便，其他枱都要行好遠。果然係自助餐，連要一杯水都要自助㗎一入餐廳門口，左手係攞雪糕，有自家制搞搞雪糕，有幾款味道，居然有榴槤雪糕，而盒裝Movenpick雪糕要問員工攞。甜點都有幾款選擇。但蛋糕款式唔多，當日都係得3款切粒水果（蜜瓜，西瓜，哈蜜瓜）海鮮區有凍蝦，無味的長腳蟹，龍蝦（不過中段改了龍蝦鉗再好後期至再出龍蝦），麵包蟹（細隻兼初初攞出黎係無羔的，好耐之後再添的至有羔），仲有翡翠螺。今日既生蠔好似無寫由邊到黎，有d尚算肥美，不過都係要睇開蠔的員工開到肥定瘦爐端燒都有幾款選擇，有牛肉粒，雞腎，雞軟骨等。有壽司有刺身（三文魚，帶子，希靈魚，八爪魚，吞拿魚等），鴨肝煎得脆，香口，不過略嫌切得細件有斧頭牛扒煎得都幾淋，仲有粥，有粉麵，過無介紹既流水麵。燒味有义燒，燒肉，兩者都一般，乳豬皮唔脆，片皮鴨要自己處理，皮唔脆兼肥膩乳鴿細隻開4份，好彩皮脆肉嫩有燉湯（花旗參燉瘦肉)，唔覺有味精都幾好味仲有pizza熱葷只有幾款，其中魚只出過一次。奶茶同咖啡自己沖，另外有無咩味既生果茶係門口（都係唔多覺既位置）由於坐位離攞食物偏遠，每攞一次都要行好遠，感覺唔多好，今次因為係試業價，以這個試業價都算值，但原價就。。。所以下次在此消費都要考慮吓…查看更多