nikilmy0410的個人專頁

行街見到間小店個名幾特別好奇心驅使下行去睇下 原來係茶飲小食店 買左幾款嘢食飲品試下❤️🔹腸粉三寶腸粉算係滑身 豉油，花生醬同甜醬落得幾足魚蛋同燒賣就係街邊小食正常水準 可以過下口癮🔹炸物拼盤拼盤有齊燒賣、台灣腸、蛋餃、花枝丸同鹽酥雞炸得唔會太油 最出色係鹽酥雞 幾香口花枝丸同蛋餃都唔錯 台灣腸就係平時食開嘅味道🔹彩虹草莓多多賣相幾靚 飲落草莓味幾清新 同益力多嘅味道都幾夾 酸酸甜甜咁加埋彩虹寒天好有咬口🔹檸檬話梅冰話梅味夠濃 帶出檸檬嘅酸味飲落幾開胃 甜度都適中🔹芋香奶茶加布丁奶茶嘅芋頭味算自然 淡淡既奶味加左布丁口感豐富左 如果芋頭味再濃d更加正呢度嘅小食同飲品都算穩陣 價錢合理路過可以一試👍🏻…查看更多

近排係social media見幾多人講呢個懷舊套餐心思思去試下 尋晚終於約到朋友一齊去食❤️呢個套餐主打懷舊菜 整體食落係穩陣幾道菜都有驚喜👍🏻《1933流金歲月》情懷套餐 $428位🔹蜜汁叉燒 － 做得唔錯。肉質軟腍，蜜汁香甜適中，唔會太甜。外層有少少焦香🔹煎大蝦碌 － 蝦夠大隻，食落新鮮爽口。煎得火候幾好，有蝦嘅鮮味，調味亦簡單得宜🔹上湯魚肚 － 湯底清，飲落舒服。魚肚處理得乾淨，冇異味，口感滑溜🔹雙鳳朝陽 － 即係雞肉&乳鴿肉。肉質嫩滑，味道唔會太濃味，係幾特別既菜式🔹蟹扒菜苗 － 蟹肉分量合理，味道鮮甜。菜苗嫩口，兩者搭配幾好，芡汁唔會太厚🔹羅漢齋麵 － 材料豐富，味道清淡。麵身吸咗湯汁，食落幾入味，作為最後一道菜幾合適$428呢個價錢，食物質素對板，能夠食到幾款傳統手工菜，都算係合理。適合想靜靜地食餐飯，試下懷舊風味嘅人💗…查看更多

今晚同老公去拍拖食飯我地分別嗌左兩個dinner set❤️💗晚餐套餐一🔹招牌原木煙燻美國豬肋肉骨豬肋排有淡淡既煙燻香氣，肉質燉得軟爛，輕鬆脫骨。調味係經典既甜口醬汁，食起黎唔膩🔹甘筍湯湯餐係順滑既甘筍濃湯，味道清甜🔹熱檸檬茶熱檸茶普普通通，茶味算濃💗晚餐套餐二🔹香烤挪威三文魚扒配芥末橘柳忌廉汁三文魚扒火候控制得唔錯，外皮微焦，入面肉質依然濕潤。搭配既芥末橘柳汁好清爽，帶點微酸，可以提升魚肉既鮮味🔹黃金洋蔥圈洋蔥圈炸得金黃酥脆，口感不錯🔹蜜桃紅茶蜜桃紅茶有淡淡的果香，甜度適中，比較解膩🛑期間限定：百福椒鹽豆腐煙燻菠蘿莎莎夾餅椒鹽豆腐外脆內嫩，同煙燻菠蘿莎莎醬幾搭。醬料酸甜微辣，令夾餅整體既風味更有層次兩個套餐主菜都處理得幾好，豬肋排和三文魚值得一試。限定taco組合也幾有新意…查看更多

又同朋友去食屯門呢間日式放題由頭飽到落尾 款式多到選擇困難症發作🤣刺身陣：新鮮抵食三文魚厚切 油脂甘香；甜蝦大大隻，蝦頭爆膏；帶子鮮甜爽滑；仲有北寄貝、八爪魚、希靈魚，款款都咁新鮮，一啲都唔霉壽司/手卷：創意十足除咗常見款式，池魚皇壽司入口即化，油香爆燈；左口魚邊油香滿溢；黑松露油甘魚壽司香氣逼人手卷方面，海膽同三文魚籽都係回本之選炸物/天婦羅：香脆熱辣天婦羅即叫即炸，蝦天婦羅脆漿超薄，蝦肉彈牙；炸蠔大大隻， juicy 唔乾身；仲有脆皮炸奶流心效果一流，邪惡但好難停口！燒物：香噴噴燒羊架係必食之選，肉嫩多汁；燒牛舌厚切有嚼勁；燒菠蘿清甜解膩；仲有燒雞軟骨同燒鯖魚，全部燒得恰到好處，送酒一流！小食/主食：驚喜不斷花雕醉鮑魚細細隻但好入味；清酒煮蛤做前菜好開胃；如果仲食得落，可以試埋酸菜魚或者蟹粥，一樣咁正。甜品/飲品：完美句號任飲櫃檯有齊汽水、果汁、啤酒、清酒。甜品除咗必食嘅Haagen-Dazs雪糕，仲有糯米糍、奶凍、生果，真係由頭滿足到落尾。二百零蚊位，食物款式多到兩個鐘都試唔晒，質素對得住價錢。無論係大食朋友定係想慢慢歎，呢度都絕對滿足到你！係屯門區性價比極高嘅放題選擇！…查看更多

中午同幾個朋友去咗試呢間火鍋放題任食四個鐘 時間好充裕 可以慢慢食慢慢傾湯底揀咗鴛鴦鍋：🍅 蕃茄豬骨湯：味道清甜，唔會好鹹，用來淕蔬菜同豆腐好夾。🥥 椰子雞湯：椰香味幾出，湯底有幾件鮮雞，幾嫩滑，飲落好舒服。重點推介：🐍 鱔片：係其中一個回本位。切得夠薄，淥十零秒就食得，口感爽脆，冇泥味，我哋encore咗幾轉。🐦 乳鴿：估唔到放題都有乳鴿食。雖然唔係話極之肥美，但即炸出來皮脆肉香，以任食來講收貨有餘。🍨 Häagen-Dazs雪糕：甜品係Häagen-Dazs，食完火鍋整返個雪糕，完美。其他配料都唔錯：· 手打蝦滑：幾彈牙，食到蝦粒。· 牛小排：脂肪分布幾好，唔似一般放題咁薄· 炸魚皮：即炸，好脆身，就咁食或者放湯淥正· 炸枝竹：吸湯力強，點蕃茄湯底好夾· 白鱔片：除咗普通鱔片，呢款脂肪多啲，更香口· 自助飲品櫃：有汽水、紙包飲品，啤酒環境坐得舒服，收碟速度合理。以呢個價錢，有齊鱔、乳鴿同Häagen-Dazs，款式算多，係一個幾穩陣嘅選擇。如果想搵個地方同朋友消磨下中午，可以試吓。…查看更多

一直以為生煎包得中午/晚市先食到，原來依家堅信號都有醒晨早餐食喇！有11款套餐選擇，價錢由$29-$58仲可以用優惠價加配食物。今次我就嗌左上海鹹豆漿 + 生煎包。鹹豆漿口感綿滑，配料足，有榨菜紫菜油炸鬼。而生煎包貫徹皮薄底脆，一咬湯汁爆出，肉餡鮮美，果然係招牌！凍檸茶茶底濃郁，檸檬清新，甜度適中。另外，私心推介幾款每次必點既食物💗🍚 秘製豬扒菜飯豬扒醃得入味，煎得外香內嫩，菜飯清爽唔油膩🍚 上海排骨菜飯排骨炸得金黃酥脆，肉質保持鬆化🥬 上湯火腿娃娃菜娃娃菜煮得軟淋清甜，上湯有火腿鹹香🥢 胡麻醬雞絲粉皮粉皮爽滑，雞絲嫩口，胡麻醬香濃醒胃…查看更多

今日同朋友試咗間泰式小店 果然有驚喜！🐟泰式明爐烏頭條烏頭超肥美！魚肉嫩滑，酸辣湯底好開胃，仲有大量香茅同肉碎，越煮越入味，正！🦐蝦餅即叫即炸，外脆內彈牙，蝦肉爽口，點埋甜酸醬食，一口一件停唔到口🥥椰汁雞湯椰香味超濃，酸辣度適中，雞肉煮得啱啱好🦀蟹肉炒粉絲粉絲炒得乾身，蟹肉份量都算足，好惹味✨優惠滿$300，加$1就有咖喱炒青口！青口大大隻，咖喱汁勁香，撈粉絲/飯食一流🍹飲品凍泰式檸茶茶底夠濃，必叫！芒果沙冰$28咋！勁大杯，芒果味香甜，抵飲到爆！人均$250左右，仲要唔使加一，真係平民泰菜食到捧住個肚走👍 重點廚師係真•泰國人…查看更多

今晚去元朗食燒肉，質素唔錯，真係值得推介👍🏻大判燒黑毛和牛西冷嘅油花幾靚，食落軟淋，牛味都算濃，點埋溫泉蛋食仲惹味。跟住試咗黑毛和牛腹柳小排，肉質嫩滑，油份足夠，燒完幾香口。蔥塩味牛舌唔錯，口感爽脆，鹹鹹哋幾開胃。日本蠔都幾新鮮，燒完唔會太乾，保持到汁水。黑毛豚脛肉同日本產雞肉拼盤都係正常發揮。另外叫咗牛油男爵薯，外皮燒到脆脆哋，入面粉糯，加咗牛油幾香。KAKURA沙律同七味豆腐鍋可以清清味蕾。佐賀紫菜飯有大量嘅紫菜碎撈埋溫泉蛋食好正。飲品方面，橙汁同乳酸梳打都係預期嘅味道。甜品杏仁豆腐口感滑溜，雲呢拿雪米糍細細粒，作為一餐嘅結尾都幾滿足。今餐食得幾飽，食物質素唔錯，可以再嚟。…查看更多

去沙田行街，行過見到呢度出咗新口味雪糕即刻買黎食❤️❤️❤️❤️❤️❤️❤️❤️❤️🔹Tabasco雪糕味道比想像中特別一食落口已經feel到Tabasco味道辣度溫和 唔會好刺激感覺幾新奇 適合想試新口味嘅人🔹葡撻蛋球仔外皮脆身 入面係軟滑嘅葡撻餡蛋香味濃 餡料甜度適中食完成個都唔會覺得膩熱辣辣時候食口感最好🔹草莓甘露飲落幾清新 有草莓嘅果肉同酸甜味加咗西米口感幾豐富甜度調得剛好 幾適合天氣熱嘅時候飲…查看更多

🔹泰式豬手飯豬手滷到超淋超入味，啖啖膠質，個汁撈飯真係無得頂！份量都幾多啱晒鍾意食肉嘅朋友🔹鳳尾蝦炒金邊粉鑊氣夠晒足！金邊粉炒得乾身又彈牙，大隻鳳尾蝦爽口，撈埋花生碎同青檸汁，酸酸甜甜好開胃～🔹芭堤雅雞肉卷外皮脆卜卜，入面雞肉嫩滑仲有香茅味，點埋甜酸醬食，一口一件停唔到口！🔹泰式蒜蓉炒椰苗平時好少食到椰苗，口感爽脆仲帶啲清香，蒜蓉爆炒夠惹味，食完油膩嘢清下腸胃啱晒。🔹泰式檸檬茶 & 菠蘿沙冰檸茶茶底好濃，帶少少香料味，解膩一流！菠蘿味清新，仲有啲果肉咬口，爽！性價比高，味道正宗，一定會再encore！✨…查看更多

🔹醬油燒雞腿漢堡一上枱已經聞到好香醬油味雞髀肉大大件 燒到個皮脆卜卜仲有少少蜜糖甜味 啲肉幾juicy個包烘得啱啱好 外脆內軟仲有大量嘅青瓜生菜同蕃茄🔹草莓家族多士賣相好靚 多士上面有新鮮草莓、藍莓、草莓醬同cream 加埋雪糕食凍凍地 酸酸甜甜好開胃 勁好味🔹沖繩雜果梳打入面有雜果粒 飲落唔會太甜 勁解渴🔹博多甜王草莓梳打博多草莓真係唔同啲 味道較濃仲有果肉喺底 甜得黎唔假 唔係藥水味❤️❤️❤️❤️❤️❤️❤️…查看更多

同friend睇戲前係附近食咗間茶餐廳嗌到成枱餸🤣味道估唔到幾出色頭盤小食：· 海蜇手撕雞：必食！雞肉撕得夠幼絲，食落好滑溜，海蜇爽脆，撈埋啲麻油同芝麻好香· 泰式鳳爪 ：酸酸辣辣，非常爽口· 蜆介鯪魚球 ：熱辣辣炸起，外皮脆卜卜，點埋嗰碟鹹鮮嘅蜆介醬，風味十足· 炸大腸 ：炸得金黃香脆，一啲豬羶味都冇主菜粥品：· 黃鱔泥猛生滾粥：個粥底超綿滑，黃鱔同泥猛份量都唔孤寒，魚肉鮮甜· 豉汁蒸倉魚：火候啱啱好，魚肉嫩滑到夾都唔使點用力，豉汁唔會死鹹飲品方面:· 七喜龍眼冰：七喜加埋清甜龍眼肉，解渴又過癮· 泰式青檸冰：酸甜解膩，幾清爽· 熱檸茶：茶底夠濃，檸檬又夠新鮮今餐真係「食過返尋味」，樣樣都高水準，價錢又合理，一定會再嚟幫襯！…查看更多

朋友仔帶我食好野❣️一早預定左每日限量既菜膽鮮魚湯做湯底奶白色湯底 飲落去好鮮甜 魚味好出入面仲有大量豆腐索晒湯汁未打邊爐已經飲咗兩碗刺身方面都認真高質· 特瀛刺身：帶子又厚又甜 北極貝爽口 · 加拿大象拔蚌：爽脆鮮味 食落個口「索索」聲· 原條海石蚌刺身：刀工好 片片透光 非常鮮味必食推薦：· 椒鹽石蚌頭尾個魚頭同魚尾拎去椒鹽炸 香口到停唔到口· 鬼馬鴛鴦膠（油炸鬼釀蝦膠/墨魚膠）呢個超好食 油炸鬼脆口 裡面嘅蝦膠同墨魚膠又彈牙· 箱降肥牛肉碟牛一睇個油花就知靚 淥兩淥就食得 牛味香濃· 鮮蝦雲吞拼韭菜餃兩樣都足料 雲吞大大隻蝦 韭菜餃韭菜香噴噴飲品都唔馬虎：· 自家製洛神花茶：酸酸甜甜 打邊爐飲可以解膩· 手打蜂蜜綠茶：蜂蜜落得足 唔會太甜 · 咸檸七：經典！夠氣又解渴 打邊爐必備今餐真係大滿足！個魚湯底真心推薦 海鮮肉類全部新鮮而且仲有個兒童玩耍區咁大人就可以一邊食 小朋友係一邊玩樓上仲有幾問私人包廂 聚會岩晒👍🏻…查看更多

之前有朋友介紹過尖沙咀有間樓上餐廳食物幾好見咁啱喺附近整完嘢 一於去食吓意想不到質素幾高 而且環境都幾chill❤️🔹餐湯 龍蝦湯一嚟就聞到陣陣香味 飲落去超濃郁又Creamy仲食到啖啖龍蝦肉碎 真係足料🔹前菜 牛油檸檬香煎帶子大大粒 煎到金黃色 外面微微脆 咬落去鮮嫩彈牙加咗牛油同檸檬汁 香得嚟又清新 完全唔膩🔹主菜 香煎美國頂級肉眼牛扒叫咗七成熟 真係煎得啱啱好外面有少少焦香 切開見到粉嫩肉色 牛味濃郁 配菜嘅蔬菜都煮得好好味 薯條外脆內軟 🔹飲品 蘋果汁清清甜甜 可以平衡返啲油膩感🔹甜品 紐約芝士蛋糕芝士味超級濃厚 口感紮實得嚟又滑溜 甜度啱啱好呢個餐廳都高質 下次會約朋友夜晚飲杯嘢食吓野❣️…查看更多

曲奇童話係今年中秋限定推出新品‼️✨秋月佳人曲奇禮盒一盒有5款口味🔹玫瑰荔枝、咸蛋芝士、綠茶朱古力、蘋果肉桂、法國鹽之花曲奇曲奇牛油味香濃 口感非常鬆化❣️另外佢地都推出左經典奶黃月餅🥮師傅改良用左七十年代的奶黃秘方係糖既份量調整 變成低糖既配方奶黃餡料非常綿密幼滑 ❣️❣️❣️📍灣仔盧押道7-9號澳洲大廈地下B4店📍銅鑼灣軒尼詩道432號人和悅大廈地下3號📍尖沙咀加拿分道16號金輝大樓地下C舖…查看更多