型棍的個人專頁

如果口渴又唔想飲heavy野的話，植作茶真係不二之選。嗌咗茶露，啖啖都係黑木耳碎，甚至覺得太足料😂佢收銀位仲有個版寫住唔同體質岩飲咩，不過我都係從心多過從身🤪…查看更多

收到外賣個下太驚喜，居然唔係用普通膠袋裝住，而係用保溫袋袋住個餐，仲要野食野飲同甜品係分開兩個保溫袋，完全keep到個溫度！然後打開食個蟹肉意粉，忌廉味道唔會話好漏/膩，足料蟹肉同蟹籽令到食落都好有口感。野飲嗌咗紅棗杞子黑糖薑茶，天呀居然唔係沖劑！打開杯野飲係足料見到紅棗同杞子，我見到嘅係煮食嘅用心！到甜品木糠布甸亦唔會太甜，食到個乾爽嘅層次感，而唔係一pat野。整體黎講好好味呀🥰係值得大家多支持嘅小店！…查看更多

閒日晚市入去得兩枱客，原來係有原因的。原本係比門口多款丼飯嘅poster吸引入去，點知入去scan QR code睇Menu係見唔到嗰啲丼飯，牆上嘅poster亦都冇寫明係幾時供應，問職員先知原來係lunch set，已經失望咗。到散嗌壽司，首先一望個色澤已經唔吸引，而入口係沒有鮮味的，個感覺就好似食緊超級市場嘅壽司，友人甚至覺得爭鮮都可能好食過佢。到唯一一款晚市可以嗌嘅丼飯，首先個擺盤已經唔吸引，食材上海膽好明顯係苦嘅，隻蝦都係苦嘅，壽司飯嘅醋味係好古怪。我未試過食日本嘢會食唔晒或者餓着咁離開，食呢一間就體驗到了。PS到埋單嘅時候行去Cashier，店員掛住玩手機，係另一個職員嗌佢佢先施施然咁抬頭收錢。…查看更多

喺呢個經常會中伏嘅年代，本身都只係抱住但求唔好難食嘅期望，點知今次有驚喜！全場近9成滿，但上菜速度都算快，整體食評如下：1. 冬陰功湯偏酸唔夠辣，但多料2. 串燒個豬頸肉燒得好香口，醬汁幾好3. 生菜包雖然其貌不揚，睇個樣以為無調味，但係好好食，個辣度好正4. 馬拉盞炒通菜惹味5. 明爐烏頭肉質鮮嫩，但味道偏淡，唔夠泰式個種酸6. 冬陰功雞肉炒河粉menu上有個推薦符號，但係伏嘅，雞肉無味Overall黎講就係，可以encore嘅😂…查看更多

6個人食 - 嗌左6個送, 8碗飯, 12杯野飲. 埋單每人$54個個飽到捧住個肚走雖然話就話茶餐廳, 但絕對拍得上出面大排檔d水準可惜做埋星期一就結業, 永遠懷念…查看更多