Cotai Strip Gourmet Dining的個人專頁

新鮮發生的。剛才同太座出去食飯，見呢度推介就試吧。叫了生牛肉河，豬扒金邊粉，炸蝦餅，牛油雞翼及青檸可樂。 我吃的生牛肉河落單後五分鐘已上，吃了十分鐘後其他野仲未黎，咁見間餐廳咁多人烹調要時間都冇問題照等。但到隔離枱叫的蝦餅話賣晒，但都冇侍應都未埋黎交待，我就即時追單，侍應先講冇蝦餅，其他仲要等！！！落左單30分鐘先黎冇？？一早講冇轉第二樣都冇問題，其他點菜唔黎加售罄點做野？可憐一班有禮的侍應被冇責任的廚房拖累而中鎗。…查看更多

剛落船又肚餓,本來今次係住威尼斯人而唔係住附近的皇都,但都要特登黎食~~叫左呢幾樣:1馬介休球一向的好食,上碟唔油膩仍然熱騰騰,但太太話水準好似差D咁.2.燴牛胸肉煮得腍有牛肉味冇肉腥味,伴菜係薯仔及白菜,都很腍,唔錯~3.西洋臘腸炒飯個飯我就覺得OK,但太太話D臘腸粒好咸,爭D~~或者下次食焗飯~~4.無花果茶味道帶點甜,但我覺得無花果味不足,減少少糖水會好D.5.凍檸檬茶檸檬新鮮冇苦澀味,OK.6.餐包好奇怪每次黎都會食,包夠熱,就算冇飲湯都要食~總括黎講,水準保持一貫~~仲有,我睇到其他食家食評,話服務態度唔好,又話馬介休球有骨等等,我響度提醒一下大家:1.有骨,代表係真係鮮魚肉混薯蓉炸,如果冇骨咪代表佢用雪藏魚肉整,咁仲駛乜黎食,食麥記魚柳包都得啦~~2.服務態度,成日走黎問你食乜,香港茶記咪仲催得勁,佢黎問你食乜,你咪話一陣先囉,佢咪唔會埋黎住啦,呢個方法萬試萬靈喎~~3.嗌寫野冇人理,我去左咁多之都未試過,但總觀環境,會見到好多葡人響度食野,佢地有習慣係坐隔離枱會照大聲傾計,試問大家響香港食記咪又係嘈嘈閉先,我認為大家都係茶記,唔好有雙重標準啦~~~D野其實唔算平,但澳門的茶餐都係葡菜,本身響大餐廳食會好貴,相對番格局,我認為算抵食,所以我就會繼續幫襯了~…查看更多

剛剛新婚,但諗住下年先蜜月旅行,所以就黎澳門小休兩天,住威尼斯人~~早下食左酒店自助餐(另文講述),中午坐左好耐巴士到呢度諗住食午餐~~入到去有個阿姐問要咩茶,之後就行開左,我走了一圈才發現點心車就放響收銀位對面,樓梯旁,我睇唔到既原因係因為架車仔得番寥寥數籠點心,冇得揀下拎左以下三様:1.咖哩鳯爪我太太好喜食鳯爪,但佢竟然話味道唔錯,呢個我有點意料之外,因為食慣港式豉汁,對咖哩會否接受到很成疑問~2.山竹牛肉呢個係我每次飲茶必叫的,今次冇喼汁我都可以接受到,但有點乾,可能放得太耐了.3.馬拉糕好硬,冇味道可言~~茶錢12蚊位,炒粉麵飯成50蚊過外一碟,心裏真係打個突~~總括:以各方面黎講,呢度會係我地最後一次黎食~~…查看更多