muni1215的個人專頁

This restaurant is a nice place to have a meal! The service is is ok and there were many customers to have meals. However, there weren't many staffs..so it took me some time to get the foodsthe marinated foods were sweet and delicious but the portion is less.The side-dishes were ok Octopus had some smell but it was alright…查看更多

之前都有同朋友食開呢間7080但今日上到去話改左名做平昌 menu都有D唔同左 咁就好奇佢D野食變成點同新野好唔好味啦 佢D野食的確係唔同左 有D真係好味左既佢唔知係味轉左供應商定點 D豬燒起黎冇以前咁痴板同埋我個人覺得口感方面好左佢D牛利真心正 唔好燒太熟既話 真係有彈口既感覺牛肋骨都好好味 梅頭我就覺得冇之前咁好味 呢個係小小既缺點佢轉左公司之後燒酒都多左味揀佢呢隻我極推 我本身唔鐘意像燒酒 但呢隻我真心覺得好味 淨係飲到好香水果味 58蚊支 完全唔貴 呢隻味係雜果味…查看更多

身為半個台灣人，成日都心思思想家鄉菜，就算係台灣人開都未必做到正宗既台灣味! 依到呢... ...我會話有一半台灣味啦! 今次外賣左鐵路便當、牛肉麵、蚵仔麵線和珍珠奶茶。首先，個飯好正! 個瀂豬扒好入味，又唔會好老好硬，就算係甘都好，完全食唔到梳打粉味! 而個瀂肉都好OK，唔會好油或者好鹹。個牛肉麵就一般啦! 個麵好厚好硬同好少! 我覺得食完一碗係唔會飽。個麵線就最差，唔會再食! 好難食，點講呢,,, 好似... 食緊潮州粥甘，而個味絕對唔係台灣味! 杯野飲都好OK，珍珠有煮透，唔會硬心或者霉! 茶味都好香好夠! 如果下次再食，我會食返便當!…查看更多

朋友介紹依到正宗同好食，雖然服務好一般，但都心思思想試。一睇食評好不得了，講到個阿朱媽同朱女好可怕，開始有D驚… … 去到竟然有醬蟹，真係好令人意想不到! 自從係韓國食過之後，成日念念不忘，甘都俾我盲中中搵到黎食! 我無留意到供貨來源，應該都係韓國入貨，佢再拆開黎賣。所以味好正宗，同係韓國食到既一樣，好鮮甜美味。個醬唔會好濃，用黎撈飯真係岩岩好! 都幾多膏，好Creamy! 腳就無咩肉，只係吸佢D汁；如果唔係太飽真係好想食多幾隻!  突然間覺得為左隻蟹入到元朗，真係好正確既決定。( 雖然事前唔知有，哈哈)…查看更多

元朗愈來愈旺，好多人特登入去搵食。我都唔例外，食完正餐點都要食埋甜品先可以收手。揀咗個基本Waffle+Ice Cream，簡單擺盤，Waffle加上一球雪糕同朱古力醬。Waffle唔喺我喜歡嘅香脆口感:(，佢比較似咖啡弄果種，實dicdic既口感，同埋有小小淋，唔夠軟熟。個雪糕就一般般! 唔會特登為咗佢而入元朗食，但如果經開或者住元朗都可以去食下!…查看更多

真心講，唔係真係甘好味，但因為係同大學既集體回憶，所以耐不耐聚會，都會心思思去返去食。而且，黎我依到食，依要預左服務唔好先! 唔係會食到一肚氣。好似我地果日甘，食食下，傾得太高興，無人食野，突然有個阿姐過黎，叫我地起身，話唔食不如起身俾其他人食，有人排緊隊，但… …我地坐低唔夠1個鐘><講返野食先，個朱古力係必飲! 因為平時飲係無CREAM，得夜晚先有! 另外個雞翼同沙拉骨係必叫! 個沙拉骨好入味，同好香口。D沙律醬唔會好多，令人覺得好膩!個雞翼就炸到好脆好惹味，中意雞翼既人唔可以錯過! 仲有個麻婆豆腐都好好送飯，唔會好水，小小辣味唔識辣既人都食到! 不知不覺1人食左1碗飯，太罪惡啦!…查看更多

一直都唔中意食有湯既米線，特別係夏天，真係好熱好難入口。朋友介紹依到有拌米線後，佢就成為我想食米線時既飯堂。我明白物價上升，但從前涼拌米線係有辣炸醬做配菜，依家竟然要當一個餸嗌，太過份啦! 無炸醬點叫涼拌呀! 腩肉同豬軟骨，加加埋埋又四十幾落樓，都幾貴! 花生香小小脆, 小辣加埋酸菜酸味, 米線滑溜有小小彈。今次D腩肉太肥，有2/3係肥膏；但個味好好，小小辣好惹味。豬軟骨就不過不失，如果可以再淋多小小會好D，依家有小小硬，同D軟骨係食唔到!…查看更多

食小曼谷都食左有10年，由佢第1間舖得2張摺檯食到依家同1條街有3間舖。由2個職員食到數唔到有幾個職員，食物水準仍然KEEP到，但服務差左價錢都貴左好多! 我建議想食既可以食LUNCH，佢星期六日都有LUNCH SET食，抵好多! 照舊點我最受既炒金邊粉同鳳爪。炒野好有鑊氣，但鹹左小小，如果唔好落甘多味精會好好多；個炒菜反而唔OK，太油啦! 條條都好似俾油浚過甘；依到既鳳爪一直好心得我心，雖然附近都有得買，仲平好多，但唔係太酸就太鹹，都係依到酸辣適中，而且都算多鳳爪，唔係得配菜。LUNCH SET 可以加8蚊轉沙冰，我最中意椰皇沙冰，不過唔係個個打都好飲，有D人打會偷工減料，搞到好淡味，所以要睇彩數! 今日個甜品竟然係椰汁糕，太好啦! 好濃既椰汁味，好滑，又食到一粒粒既芋頭，一個未字!  正!…查看更多

唔記得係邊到睇到話不論部隊鍋定韓燒都好，都好正宗同好好味! 於是朋友生日又同朋友仆到上去幫襯。上到去職員話好FULL，得返一張檯可以坐,,, ,,, 心諗特登黎到，算啦! 點知,,, 張檯係一張摺檯! 仲要開係部LIFT 對面, 即每次開LIFT 門都要同D乘客SAY HELLO! 都唔緊要! 如果D野好食!先講個部隊鍋! 朋友出名重口味，但連佢都話好鹹!係呀! 我食唔到辣味，淨係得味精雞湯既味，我好懷疑佢係咪無溝水。 前菜好食，但無得Refill! 一食完就有人即刻收起個碟，驚死你再問佢。肉方面就點左雞扒同五花肉。五花肉好薄， 做唔到大啖大啖既口感，而且佢個爐好唔正宗，食得好唔過癮，配埋張摺檯，真係好有屋企FEEL。肉質尚算新鮮，加埋個麵豉醬都可以! 但我個人認為五花肉要厚厚地先好食! 佢仲薄過埋豬扒! 個雞扒真係唔好叫，成件事好碎好薄好唔識形容。疑似有調過味，但完全無味! 都係要加麵豉醬食!係有好多韓國客，係咪正宗我唔知，但加加埋埋所有野，我唔認為會再幫襯。…查看更多

食炸雞，不是李家就是紅雞?! 甘就錯啦! 係諾士佛臺開業左快10年? 9年?既狎鷗亭，原來都有炸雞食! 仲要意想不到既好味! 一直都知道狎鷗亭D韓菜好正宗，次次唔係部隊就牛肋骨，今次再去見到好多人黠炸雞，恐唔執輸，我又點埋一份。因為朋友唔中意有醬，而我就為左個醬而食炸雞，餐牌上無話可以MIX叫，好彩問左職員話有半半叫，唔係就要同朋友大打出手! 之前一直都係李家個FANS，佢個醬深得我心，可惜對我黎講，有小小辣。而依到就唔會，好岩食，真係酸酸甜甜。脆脆既皮配埋個醬，好正!其實好怕食無醬既炸雞，係因為怕好乾好”鞋”口，朋友係甘話依到唔會，叫我試一件。又真係wor，雖然個皮好脆，但D肉唔會好乾，仲有小小肉汁，好正! 如果可以，可唔可以整埋蜜糖炸雞呀?而且就算只係點炸雞，仍然有好多前菜免費任食，價錢比李家貴小小，但肉比李家新鮮同環境好! 又可以訂位唔駛大熱天時排長龍。下次想食炸雞，不妨黎狎鷗亭試下!…查看更多