HiuYanChong的個人專頁

經過石硤尾準備返屋企，望到一個周圍都係車房既地方中間有間外表裝修好靚走日式木系風格🪵呢個環境之下非常突出行到門口睇下menu見到選擇都幾多就決定入去由於嗰陣已經5點半所以只好外賣我嗌左•羅勒忌廉蟹肉意大利麵•同•蜜糖烤雞翼•店入面擺滿各種文具玩具擺設等等售賣一個日本小雜貨舖咁等外賣嗰陣可以消磨下時間店內設有堂食但位置不多，只在靠窗的4個位置但絕對是個打卡位外賣由下比錢到外賣到手總共30分鐘，個人認為時間尚可接受但如果係lunchtime 時段可能未必適合返屋企大概15分鐘，外賣仲係微溫但蜜糖有溜汁既情況出現•蜜糖烤雞翼•蜜糖甜度剛好，雞翼都大隻•羅勒忌廉蟹肉意大利麵•擺盤好靚但個外賣盒有啲細，一開始量多既時候容易跌都叫足料，蟹肉都唔少，但麵可以多少少油或汁，個面頭略乾，啲油起曬底，但外賣盒太細要摷底有難度整體來講尚可接受，但有改進空間…查看更多

之前試完尖沙咀分店，生酮緊既我實在唔知可以食乜，就諗起川婆婆旺角同尖沙咀最大分別係旺角冇個櫃睇到啲野食，感覺比較衛生啲。尖沙咀係到收銀嗌要啲咩，而旺角係用落單紙自己剔✅感覺上比較清晰同方便旺角開起旺角中心入面，人流好多，但依然好有效率落完單等5分鐘左右就有，旺角設有堂食有張小枱仔但埋等既時候有兩張櫈仔。但地方就比較迫，人流多既時候會擔心比人撞到我嗌左同上次尖沙咀同一樣野食，六餸，不過今次嗌左bb辣，小辣辣得濟bb辣又唔夠味但足料好多食完夠飽肚…查看更多

生酮緊唔食得飯既我經過麻辣燙啱曬我之前都有食開旺角中心嗰間，今次第一次試尖沙咀分店今次我依然都係嗌淨餸🥬套餐F有六個餸$45蚊。我揀咗蓮藕、羊肉、雞柳、萵筍、芋絲、煙肉片，以我經驗酸辣比較好食之前食過麻辣太油同得死辣今次嗌左小辣🌶由落完單到拎得外賣前後五分鐘都唔洗確係幾快返到屋企食第一舊芋絲已經覺得好辣明明我嗌小辣，下次應該嗌bb辣每樣餸都得三舊左右，食曬成確都唔夠飽份量太少，希望下次份量可以多返啲，我揀呢個已經係最多餸既套餐黎…查看更多

釣魚釣天光，7點幾諗住飲個早茶黎到油麻地富記美食，舊式平民點心舖好多街坊隔籬鄰舍同個老細打招呼，好有人情味。一坐低就嗌左我最愛必食既鳳爪排骨，仲有潮州粉果、山竹牛肉球、叉燒包同北菇棉花雞鳳爪唔算太大隻中等size，其他嘢都不過不失。本身諗住嗌金錢肚牛柏葉同最想食嘅咖喱魷魚🦑但老細話因為琴晚禮拜六比人掃曬一問先知原來好多人黎呢度食宵夜，星期五六更加旺場老細話晏啲中午先有，依加太早未整得切阿~唯有下次食試其他！埋單兩個人食左$155，食到好飽既情況下覺得價錢親民性價比高…查看更多

生酮緊既我搵食係每日最難既事今日好好彩經過尖沙咀愈到生酮人士既恩物由沙律到飯意粉🍝、漢堡🍔、野飲🧋、甚至甜品🍰全部都有KETO簡單一應俱全開心死我我揀左雞肉漢堡配芝士牛油果大啡菇兩塊厚實既雞肉取替漢堡包，中間既芝士同牛油果多到瀉出黎，大啡茹非常多汁juicy，成個漢堡用錫紙包住拎上手熱到辣手添叫左主餐牌上面野食加左$15蚊配電解質飲品，問過職員呢個電解質飲品都係Keto無糖，味道有少少似橙汁🍊，以呢個價錢我覺得性價比非常高最後當然唔少得甜品🍮揀咗佢哋其中一樣精選甜品係個生酮蛋卷伯爵茶味非常之出，對於生酮人士簡直係天堂價錢方面起尖沙咀黎講算差不多，價錢同食物既質素合理見到佢地有個Keto台式珍珠奶茶好吸引，但怕太飽冇嗌到，留返下次再試！…查看更多

由於我朋友住呢頭附近，所以對於呢間麵包店已熟悉不過呢度既法式麵包布丁🍮大家已不陌生，紅到每個人都會慕名而來不過留意返，以前叫嘉多利，但依加改名嘉多娜餅屋每日400個，以前每日5點都會見到大排長龍，依加改用拎籌方式先叫做好啲，但依然人流不退！新鮮出爐，無添加任何防腐劑、漲粉，布丁奶香濃郁甜度剛好口感細滑非常creamy，重點是賣15蚊一個出賣普通一個crème brûlée都起碼60蚊以上，呢度用料講究，用心出品，價錢親民，想必這一定是他如此爆紅的原因無論係以前定而家食，味道都冇因為佢既人氣而失水準，依然都係非常好味題外話，上年全城撐買蘋果日報既時候，佢地買左一大疊放左起麵包舖，交低一句有需要既人免費自己拎，冇講其他野在心中，一個字，帥氣…查看更多

星期三朝早9點左右諗住食下點心🧆見到間寫住海鮮點心小廚，就滿心歡喜諗住入去食起門口有張寫住精美點心既餐牌📋揀左幾款心頭好，其中就有黑金流沙包同有機栗子焦糖蛋。行到入去收銀同個阿姨落完基本嘅排骨鳳爪之後，同佢講要焦糖蛋，佢話我地冇焦糖蛋，我追問係其他甜點都冇定淨係冇焦糖蛋，佢回覆係我地一直都係得桂花糕我嗌流沙包佢又話冇阿食奶皇包啦之後起收銀隔離有啲外賣紙我就拎黎繼續睇下仲可以嗌咩，見到寫住牛栢葉我就叫啦，佢話：咩牛栢葉，我返工咁耐都冇聽過有牛栢葉咁我指比佢睇，佢話你唔好睇呢張囉跟住隨手拎左其他人既落單紙比我睇最後求其嗌左個金錢肚就算態度好差餐牌上面好多野都冇又唔熟手要係咁問人呢樣係咪有架擾攘左勁耐…查看更多

有朋友住渡船角，以前已經聽過好多好野食，不過黎左之後發現好似係我期望過高一向鐘意食車仔麵既我見到一間麵麵館入面除左有車仔麵、飯餸、仲有好多小食未食晚餐既我地就入左去試下我朋友嗌左個”豆角肉碎菜譜炒蛋飯”，雖然賣相一般般，但正所謂飯不可以貌相，食落又幾好食好夠味，啖啖都食到豆角同肉碎，但食到後面可能冇炒暈有啲鹹:(，我就揀左車仔麵，有米粉、山根、生菜、蟹籽丸。湯底清清地唔算好濃，另加左菜譜之後成件事即刻好味好多其他餸都係基本發揮正常操作冇咩特別。只係最好係佢有得坐出面食煙，不過可能街坊舖頭，出面同入面既衛生雖然稱唔上好但都叫可接受程度。總括黎講係可以再返去再食…查看更多

夜晚諗住去西貢釣魚，點知未食野，見附近好多餐廳都收曬😢見到有間麵檔未收，就拿拿聲衝入去食餐牌上面見到有個牛雜飯好新奇決定一試，上菜時送左碗紫菜湯牛雜同飯分開上首先牛雜好足料每個內臟都有兩件湯汁亦好夠味，鐘意有辣吊下味既朋友都可以加啲辣椒油，味道會更出紫菜湯亦好足料好多紫菜，可惜冇肉碎欠缺一點點🤏另外我再嗌多左個麻辣皮蛋小食本身我係好鐘意食皮蛋，呢個麻辣皮蛋一睇以為好辣，但食落又可以接受到，唯一缺點就係太過油，啖啖都係油有啲蓋過左皮蛋本身隻味不過以20蚊黎講可接受程度…查看更多

相信呢間意大利餐廳大家一定唔陌生未聽過就要快啲去試下由兩年前呢間餐廳仲未出名前已經多次食過，望住佢由得上環一間到依加有三間分店，自己都鄧佢開心好幸運地呢次星期六黎都唔洗等位，之前就算平日夜晚黎都要等，可能最近開左分店人流分散左，不過入面既staff都依然態度好好無論黎幾多次都必食藍芝士蘋果薄餅🍕唔好以為素食主義者就冇野好食，第一次因為老闆推介下嗌左，之後每次黎都一定會嗌未食過既朋友可能以為芝士加蘋果會好奇怪🤔但食過之後包你返尋味除左芝士加蘋果冇諗到意外地夾之餘，蘋果淡淡地甜味加上芝士既鹹味啱啱好，配搭新鮮人手搓既薄餅，熱辣辣脆邊簡直冇得輸另一驚喜必食之選就係忌廉蟹肉大通粉啖啖蟹肉超足料加上忌廉呢個組合簡直係無敵口感cramey濃郁，一舊舊既通粉中間吸曬啲汁好入味，食完唔會覺得膩，兩個人食完全輕鬆搞掂餐牌上仲有好多菜式都想試，無奈兩個人食唔曬太多，下次一定會再去試其他…查看更多

今日咁啱起尖沙咀做完野，行下諗住睇下有咩食行行下黎到好出名既韓國街一向出名好鐘意食韓國野既我，注定今晚晚餐係要食韓國野🇰🇷沿住金巴利街行左一個圈，好多韓國餐廳但普遍都係差唔多同偏貴，糧尾既我想搵間又平又正既韓國野真係唔係咁易行多陣誤打誤撞行入左漆咸圍，起百利商場隔離有間外表好平民既小店吸引住我，款式亦都不小於外面大街既餐廳。我起眾多野食入面揀左迷你紫菜包飯，平時普通一大卷切開一舊舊既紫菜包飯就食得多，一條條真係冇食過，只係成日睇韓國綜藝節目見到，今次就黎試一試老闆係韓國人，落單既時候直接講編號或者指比佢睇，落完單之後望到佢即場包唔係啲一早包好擺到淋曬一份8條一個人食剛剛好夠飽，雖然入面材料簡單但好夠味，唔會太多飯，有機會行過會再買…查看更多

起八號風球底下🌪同個Friends兩個唔知食乜好，行過見到有間沾麵有開就衝左入去打風底下依然多人，登記完資料安排左我地坐靠牆既兩人位枱與枱之間都唔算太迫。好耐之前起灣仔有食過兩三次沾麵，反而我朋友就冇食過沾麵今次係第一次食我提佢最緊要麵底要嗌凍，咁先夠爽口，不過呢間略唔夠凍，少微溫，最推薦一定係個照燒餃子🥟一句講曬皮薄多汁扑扑脆，重點係份量唔多之餘又唔會好大隻，即使食完個麵再食都食得落總結食完個麵係夠味，但反而有啲太油膩，三重芝士我一個女仔食到3份2已經飽左兩個人兩個麵一份餃子total食左$286，呢個價錢略貴，人均143，性價比唔算高，但總括沒有太大驚喜。同埋可能嗰日多人(?)服務員有點急收盤，停手一分鐘都冇諗住飲啖茶再食多兩啖有個姐姐就拎住左我一半盤問我仲要唔要😅，咁我當然話唔要啦，不過下次唔好咁急會好啲，感覺似想趕客走…查看更多

要講漢堡包，Shack Shark一直都係我心目中既頭位之前一向買開外賣，已經深深愛上，但堂食真係第一次自己一個起IFC唔知食咩好即刻諗起Shack Shark第一次坐低食，唔行過真係唔知原來有個咁靚既海景咁Chill後來先知原來呢間係香港第一間店，我8點去到出面已經爆曬人，唯有坐入面吧枱一邊直播一邊食，都睇到少少景架haha如果想坐露天位就真係要早啲又或者要排隊等下，不過眼見吹住風望住海嘆住Burger真係幾寫意，下次我都要坐露天試下先…查看更多

同朋友突然想食燒肉，諗住行去創興睇吓有咩食，見到安平燒肉，之前想試好耐今次誤打誤撞就就上左去我地好趕夜晚差唔多九點先上去，唔使等位但見場內都好多人，我地兩個人揀左《澳洲M5和牛吃到飽》，之前食親其他燒肉放題啲肉都麻麻地，但呢間真係大讚僅次於入口即溶既口感，肉類或者海鮮選擇都好多，可惜既係佢地冇甜品不過食肉都食到好飽。值得一提既係佢地既飲品，除左汽水檸檬茶等等呢啲基本野之外，仲有玄米茶同果茶，啱曬我呢啲唔飲糖既人健康又消滯，剛好中和返食燒肉既油膩感…查看更多

本應月頭食既生日飯經歷兩次打風終於食到🌪朋友幫我搵左間好靚既餐廳🍴選用左雀仔黎做主題，一出電梯已經比佢播放既雀仔聲吸引就連吊燈既形狀都係雀鳥形好有心機🦉入到去安排左靠窗邊位置，成個造型都以雀籠為主，枱面唔算太大但勝在坐得夠舒服，成餐飯都食得好舒服好enjoy，好適合同朋友食飯傾計旁邊仲有張吊椅可以打卡😍坐多陣都舒服到差啲訓著嗰日平日去都好多人好爆，見到佢地做唔停手，亦見到好多人慶祝生日(眼見已經有5,6張枱唱生日歌)。一個非常chill既地方，無論撐枱腳或者一班人都好適合，浪漫得黎又輕鬆。食物方面更加有驚喜，完全食唔停口一個比一個更有驚喜，一個好完美既用餐體驗👍🏻…查看更多