Central_OL的個人專頁

大家好！隔咗一排冇寫食評，今次嚟到中環蘇豪區覓食，係出哂名嘅「鼎點1968」同平民麵檔「民園麵家」隔離，開左間中西合璧嘅中餐館，中文叫「口利福」，英文就玩英文粗口諧音"Ho Lee Fook"... 聽聞係同「住好啲」合作搞出嚟嘅「花臣」(fusion)中餐。係門口就見到開放式廚房，見到幾個廚師好忙碌咁不斷切菜，水吧就用上麻雀做裝飾，頗有心思。餐廳座位係地牢，燈光幽暗有啲入咗遊樂場鬼屋嘅感覺，配合唔知點解要咁大聲兼強勁節拍嘅音樂，我同男朋友要求坐到一個比較寧靜嘅角落（只係相對上）。打開餐牌，都只有英文，款色不多只有大概16/7樣菜色。我地因為唔係太肚餓所以只點咗「怪味雞」同「辣魷魚」，同叫侍應俾兩杯冰水...埋單$266總結：+ 食物味道唔錯，定價可以接受，音樂過份嘈吵X 清水同服務費佔咗$62，係隔離民園或鼎點足夠食一餐。…查看更多

星期五食乜好？中環啲外勞(aka xPat)好興講 DimSum Friday，我地就叫點心啦∼ 一邊食一邊開會傾宏圖大計同事介紹咗蘇豪呢間老師傅坐鎮嘅傳統點心舖，話唔花巧同價錢公道，就即管試下！實在太恐怖，一話叫點心啫，所有中英美法日嘅同事都話要... 埋單成40樣嘢.... 剛好$1000!!! 平均每人$100，中環飲茶算平啦∼ 睇吓啲嘢食點先.. 等咗35分鐘，有個後生女攞住兩個類似麥麥送保溫箱入嚟，打開啲點心用錫紙盒裝同仲係熱嘅，同其他地方用發泡膠盒裝倒汗水... 簡直冇得比！一如以往，我同同事夾份叫：鼎點酥皮焗叉燒包 - 簡直係無得鼎！超好味，鬆化得嚟又軟熟足三兩蝦餃 - 懷疑唔止三兩，勁大隻，皮薄多蝦，抵食！賽螃蟹春卷 - 未食過要試吓，幾特別蟹粉小籠包 - 上海傳統味道，肉湯保留到係湯包內，堂食應該都係「無得鼎」.... 掛住食，完全忘記咗影相... >_< （不過賣相同官網啲相有得比）下個禮拜補返先！…查看更多

岩岩放左勞動節假期，發現都好似好耐冇食印度野，所以就問下印度同事係中環有邊間印度野比較正宗。可以選擇嘅都唔少，不過要數比較歷史悠久同埋乾淨嘅就有呢間Jashan，上網睇下佢地個menu，啲嘢食名都係用印度嘅英文拼音，不過有好詳細嘅英文介紹所以要選擇食乜嘢問題都不大。最後我就選擇左以下呢幾樣：燒雞串燒大大份，有小小辣不過味道就好好值得一試。食印度野必定要叫嘅蒜蓉包，不過個感覺就同我地食開嘅蒜蓉包有好大分別啦。佢地個麵皮比較厚，如果冇牙都唔知點食，不過如果同咖喱配埋食就啱啱好。最後試咗同事叫嘅一個多食飯，味道就比較特別，未食過嘅可能會覺得有啲怪。可以試吓不過我個人就比較喜歡食普通炒飯或白米飯。埋單每個人大約$100，要試印度野呢間都算係唔錯。…查看更多

唔知老闆系中咗六合彩定轉性，突然之間話請全team人食飯- 平時我地做到暈，今次有機會我地當然唔會放過啦，再加上佢話食乜都得，我地一定唔會同佢客氣有同事話不如望吓Wagyu個Menu，平時見客就去得多，叫外賣就比較少有，甘就決定試吓佢地外賣。同平時一樣，會同同事兩份分，所以就叫咗兩道菜：和牛串燒超好味，一定要點埋秘製Bundaberg rum BBQ sauce，色香味都齊！薩拉就普通，不過勝在生菜夠新鮮，加咗燒雞就更加一流，價錢唔平，不過份量都唔少，兩個人分就剛剛好。埋單肆佰大圓，不便宜但可以接受。今日寫住甘多先，下次有好野再同大家[分享]！哦，因為老闆請 下次都係食翻茶記...…查看更多

今日食 品越因為早餐食得太飽，所以午餐就打算食少D。叫咗三份串燒​​，牛豬雞各1份（每份兩支，盛惠$32）新越離我公司只有兩分鐘路程，但係攞到返公司既時候已經凍凍地。高質量外賣盒，可以再用果種，應該可以放入微波爐叮串燒豬頸肉+雞肉+牛肉，我同同事分，每樣一串，味道唔錯，但三選一就會系豬頸肉，多汁惹味。總評：價錢公道，乾淨企理，可以一試！…查看更多

今晚黃色暴雨，好多地方大雨之外仲要落雹，打爛哂啲商場玻璃，本來打算去又一城同媽媽食飯，好彩最後去返屋企附近搵食。因為想食蒸魚，但得兩個人所以最後去咗太古城附近太康樓嘅太興。叫咗冬菇蒸龍躉球，蒜蓉炒菜心 同楊州炒飯。值得一提，呢間分店樓面地方寬敞兼且樓底特高，座位亦舒服有別其它分店，落本裝修讓食客舒服用餐，抵贊！埋單 $210 ，價錢公道，如果同另一大集團翠華比較，呢間太興舒服同感覺企理好多。…查看更多

星期日下晝諗住去上海街睇下啲裝修嘅嘢為新屋準備，點知去到嘅時候好多野都冇開門，咁又有少少肚餓所以就周圍去搵下睇下有乜食。行左出去彌敦道，抬頭見到一個好大嘅點心廣告叫做《功夫點心》，之前都有聽過個名但係就無試過，就跟住個路牌入返去砵蘭街度搵哩間點心連鎖店。入到去裝修都幾特別不過就真係逼咗少少，一坐低就先叫壺香片，茶係用茶包沖嘅，味道就當然冇咁好，不過就勝在方便企理。既然嚟得呢間連鎖店就當然要叫下佢嘅招牌點心：之後果兩樣應該係佢哋嘅招牌菜，但我就彈多過讚...…查看更多

尋晚打算同爸爸食西餐，下午4點打去訂位，接電話果位女士非常唔耐煩，不斷重複餐廳有既定用餐時間（7-9pm or 8:45-10pm)，因訂位緊張，除了以上特定時間外訂位都不會受理等等；本打算訂7點半但最後決定改8：45。提早 8 點鐘已到達餐廳，服務台禮貌表示有數個空位，不用等可以立即入座，訂位時要求較安靜位置：沒可能發生！整個晚餐範圍就非常吵鬧，絕對不是一個能靜靜用餐的好地方，坐到外面酒吧區可能更安靜一點。坐低後點咗一份羊架(Lamb Chop) 及安格斯肉眼排(Black Angus Rib Eye)，分別都是半生熟，另加一份Sauteed spinach with mushroom。因下午茶已食得太飽，所以沒有點前菜及湯。但如果有胃口，他們的Crab Cake 是非常值得一試。兩樣食物都燒得剛剛好，尤其牛排肉汁口感值得一提，感覺比實際12安士大份，可能是肥肉多的緣故。Spinach & Mushroom 就一般般，還是Creamy Spinach 加 Wild Mushroom 比較好。最後埋單接近1千大元，價錢算合理。推介到酒吧區Happy Hour，維港景半開放式值回票價！ （他們灣仔分店正正是相反維港景，極力推介)…查看更多

小妹第一篇食評，請各位大哥大姐高抬貴手 =)由於工作關係（中環銀行），每天上班時間都不能夠到外用膳，所以一星期五天都會叫外賣，中美意法日韓星馬泰樣樣試齊。今日叫盛記，其實呢間一個星期至少都會叫一次，因為貪佢地菜色多同分量公道。但緊記要少油同走味精！今日叫咗四道菜四個人分：1/ 咕嚕肉- 細細粒唔太肥同麵粉用量適中2/ 豆士鯪魚油麥菜 - 鯪魚份量抵贊3/ 西蘭花炒雞柳- 西蘭花新鮮爽口，但雞柳一般（可能油膩咗少少）4/ 叉燒炒蛋- 非常家庭菜色，叉燒份量足，有蔥花都幾好味，必須重複走味精及少油總結：可以一試，菜色選擇多，外賣效率良好。…查看更多