alto.foodie100的個人專頁

.👣Chill inn九龍灣展貿徑1號E-Max 國際展貿中心地下21-23號舖.Chill Inn 係一間係九展既fusion 菜(東南亞西餐)同寵物友善餐廳，淨係呢兩大賣點已經好值得黎試下，而且價錢亦都非常親民，陪完愛狗去啟德郵輪碼頭公園或者係E-Max睇完戲經過都好值得黎試下！.🔸Tropical - 熱情森巴果碗 配 Espresso Tonic($78 + $24)果碗係健康潮食之選！😆呢款果碗材料有熱情果，芒果，椰子片。香蕉就同奶混合打碎做Smoothie，亦都加入亞麻籽，蝶豆花，薄荷菜等點綴，同樣令到菜色更清新健康！飲品方面，☕Espresso Tonic類似係Espresso 加入梳打水，係一種幾特別既咖啡飲法，鐘意齋啡既朋友應該會愛上呢個配搭。.🔸三文魚籽蟹肉忌廉意大利飯 配 派對白桃烏龍茶($82 + $24)西式既意大利飯配上東南亞既留蘭香葉味道，效果非常有驚喜🤯！留蘭香葉既清新令到蟹肉味道更突出，而三文魚籽大大增加飯既口感；再加入青瓜，露荀，蘑菇，車里茄等配菜，健康得黎味道更豐富💁‍♀。唯一挑剔既地方係飯粒偏硬，始終意大利米喜歡既硬度因人而異。🍵至於白桃烏龍茶偏淡，茶味就無話好突出。.食物好味道：7/10環境舒適度：8/10整體值回頭率：8/10…查看更多

.👣細味館觀塘成業街19-21號成業工業大廈1樓26室🔸重慶麻辣雞煲 ($178 半隻雞)🍲一上煲已經流哂口水等開餐，用瓦煲熱住，愈煲愈出味！今次試左小辣，辣椒、洋蔥、蒜、薑、花椒等一齊炒，超惹味而且愈食愈辣，略厭差左少少麻的感覺，半隻雞的份量二人食剛剛好，仲加左豆斗、芫茜，吸哂雞油同配料既味道，愈食愈過癮！🤩🤩🤩🤩🤩🤩.🔸火鍋配料推介😎食完雞煲當然唔少得再加湯打邊爐，一次過滿足兩個願望！.👉雜丸拼盤 ($48)雜錦包括牛丸、豬肉丸、深海魚丸、墨魚丸，全部都係手打製作，每一款的味道都好突出！小編最鐘意食牛丸，堅爆汁！！（📣爭咩呀，溝埋做瀨尿牛丸呀笨！）.👉必食魚腐 ($38)魚腐的口感同一般火鍋店食到既好唔同，軟稔稔仲索埋D湯底，變成湯包魚腐，一咬爆汁😋😋😋😋😋！💁‍♀環境好有家庭式既感覺，唔似一般食雞煲既餐廳坐得咁逼，大家有興趣食記住打電話預約先，確保一定有得食！食物好味道：6/10環境舒適度：8/10整體值回頭率：6.5/10…查看更多

👣味力冰室鰂魚涌芬尼街2D號僑英大廈地下3號舖..🔸茶餐廳必叫之選：常餐 ($45)豐富既常餐包括味力叉燒湯意粉、火腿北海道牛奶煎雙蛋、牛油厚多士、奶茶.常餐無令人失望！意粉爽口，湯底唔會太咸，多士就烘得岩岩好！唯一美中不足既係炒蛋牛奶味道唔太出，下次可以試下黑松露炒蛋🍳😋😋😋..🔸OL健康推薦💮：牛油果、炒蛋、配農夫包及沙律菜、配飲品 ($58)超級食物牛油果🥑！唔係少少，而係一整個比哂你！農夫包小麥味重🥖，而且好鬆脆，平時好驚D包硬板板又無味，呢個就咁食個包已經好好食，加埋牛油果真係不得了，成個套餐既配合超級健康而且營養豐富，個人認為係減肥之選，抵食😄😄😄..🔸椰汁雪糕紅荳冰🍹 (套餐+$15)呢杯唔係普通大集團紅豆冰，佢除左係大大杯，包你飲飽之餘，仲要係味道上好有心思配搭，底層係好厚層既紅豆，軟硬非常好，唔會太爛亦唔會太硬，帶出紅豆香味，椰汁的香滑加上雪糕的冰甜，撈埋一齊甜味剛好，而且好有層次既口味，真心係店舖之選.一出鰂魚涌站就已經到達，方便快捷，有興趣不妨一試！😎食物好味道：9/10環境舒適度：9/10整體值回頭率：9/10…查看更多

.👣香港仔魚蛋王葵芳盛芳街25號地下.口痕痕落街想食碗魚蛋粉，就遇到魚蛋王！小食勝在可以叫大/小碟，小胃王可以就住自己食量，唔會食唔哂..🔸招牌魚蛋粉 $33 / 潮州紫菜四寶米線 $40🍜叫得招牌一定要試下！一碗有魚蛋，魚片同埋魚片頭魚蛋夠彈牙要一讚！但略嫌偏咸。而湯底就偏淡，不過溝返蔥蒜就岩岩好。四寶除左魚蛋魚片，仲有紫菜、魚皮餃、同埋墨魚丸，份量足夠，一定夠飽！.🔸炸韮菜餃 $18(細)🥟炸雲吞就食得多，炸韮菜餃真係第一次食，炸粉炸到脆卜卜，配上甜酸醬，食落去減少左油膩感，鐘意食韮菜餡就唔可以錯過！.🔸香茅雞翼 $23(細)🍗金黃色雞翼面上灑上拍扁的香茅，一上枱都聞到香味，咬落去皮脆肉嫩..P.S.聽聞夜粥仲好食，有機會再黎試下！食物好味道：5/10環境舒適度：7/10整體值回頭率：6/10…查看更多

.👣鼎尚棋哥燒鵝湯館九龍尖沙咀柯士甸道西88號戲曲中心GF-05號舖.見疫情稍有好轉，好想去遠D望住個靚景食餐好既!兜下風就黎到戲曲中心，起左咁耐都係第一次黎，無咩人又有D海風吹下，吹走哂D煩惱，加埋呢餐超水準，已經心滿意足！.🔸燉湯呢度燉湯價格中上，但確實真材實料！飲得出係真真正正既原盎燉湯！👍三菌螺頭燉烏雞湯 (羊肚菌、姬松茸、蟲草花)據說羊肚菌係珍貴食材，非常有益，亦係四大野生名菌之一；螺頭令湯鮮味更出，清甜得黎唔會過咸！烏雞連雞骨亦燉得軟腍，證明夠曬火喉！👍螺頭黨參五指毛桃湯呢款湯比較藥膳，五指毛桃唔單止健脾補肺，更令到湯水有椰香味！加埋黨參令湯味道甘甜，鐘意藥膳湯水既朋友唔好錯過！.🔸燒味飯高質燒味飯著重用料要上乘！桂香切雞皮滑肉嫩，醃料帶出與別不同的味道；秘製叉燒肥瘦適中，入口甘香，仲可以轉我至愛既湯瀨粉，簡直係絕配！.🔸脆皮燒腩仔例牌燒腩仔係最有驚喜！皮脆係基本，但佢脆得黎皮唔厚先最難得！食落肉質腍嫩，皮脂相當分明！食曬都唔會覺得膩，係必點之選👍🏻.🔸外賣樽裝港式奶茶 食正宗中餐唔能夠缺少一杯飯後既正宗港式奶茶！茶夠香夠濃，奶夠滑，而且甜度剛剛好！好滿足！.好欣賞呢間餐廳由外到內都好古式古香，由裝飾到餐桌擺設都好有舊香港既懷舊風味，值得再回來！.食物好味道：8/10環境舒適度：8/10整體值回頭率：8/10…查看更多

.👣85°C油塘高超道38號大本型1樓.個個都係屋企整400次咖啡，我又好想試但又的唔起心肝整😂，咁岩就見到85°C新出左400次焦糖咖啡！之前飲佢個黑糖珍珠鮮奶都覺得算係信心保證👍，就試下你啦！.🔸400次焦糖咖啡 $31超乎想像的好味！本身唔多飲咖啡，呢杯咖啡對新手黎講應該會好喜愛，可以當佢係咖啡奶蓋！甜得黎帶有咖啡香味，溝埋鮮奶有種好幸福既感覺出現🥰.佢仲有400次朱古力咖啡選擇，下次又再試下先！.飲品好味度：8/10整體分數：8/10…查看更多

👣高麗軒韓國料理尖沙咀金巴利道46-48號地庫Again~疫情下去唔到旅行, 又想食韓國野, 呢間平民韓燒一次過滿足哂食所有韓國菜既願望!🔸韓燒放題任食任飲晚市 $248超誇張地多款式！肉款多款到食唔哂！燒烤肉有豬、牛、羊、海鮮，特別推介：豬頸肉、多春魚、黑毛豬腩、特級牛頸肉！唔想食燒肉，仲可以食韓國菜，韓國湯、炒年糕、泡菜煎餅......想一次食哂所有韓國特色菜，呢個價錢超值！食物既質素亦不錯！🔸升級推介　另加$68　帆立貝其實唔加錢都好夠食，不過又好想試下燒烤帆立貝，6隻$68完全唔貴！鮮味充滿味蕾！完全超值！呢到唔似一般韓燒有一個抽油煙機係燒烤爐上面，亦唔覺得好油煙，而且平時有部抽油煙機吊係枱中間，反而好嘈同埋好阻住傾計食物好味道：6/10環境舒適度：6/10整體值回頭率：5.5/10…查看更多

.👣甜入心沙田橫壆街1-15號好運中心地下L8F號舖沙田區想食甜品, 本身就唔好抱太大期望, 但都好想闖一闖, 點知一切只係幻覺....🔸戀上椰皇子 $53呢個甜品鋪對改甜品名係花左D心機既, 不過當名字唔配合味道, 一切既幻想就會破滅, 樣子很討好, 有芋圓小丸子同埋湯丸好足料, 但襯埋一切就好一般, 加埋燉奶直頭係太膩....🔸烏豆桑寄生蛋茶 $29料少厭貴, 用烏豆烏豆煮看似好健康, 但味道一般, 變左好重涼茶味, 呢款中式甜品本應係好家常, 唔會想用呢個價值再翻炒多次....明白限眾令同1.5米的限制, 但此店既環境不太,加上4人枱要2人2人搭枱坐, 中間仲要加FOAMBOARD, 坐得極度唔舒服...SOSAD.食物好味道：4/10環境舒適度：4/10整體值回頭率：3/10…查看更多

.👣寿司九州市場沙田沙田正街2-8號新城市廣場3期2樓A236號舖.疫情初時都唔太敢食海鮮, 怕生冷又有菌, 但一諗到可能有排都無得去旅行, 實在忍唔住!橫死掂死點都食埋先死啦!.🔸極上蟹拉麵 $88超超超多蟹膏!!!好鮮味又唔腥, 雖然佢係湯麵, 我當左撈麵咁食, 將麵沾落蟹膏入面!堅正!.🔸大漁海鮮丼 $168一次過試哂9種海鮮, 刺身新鮮不過薄左D, 如果厚返少少多返個口感都好D, 呢個價錢有埋海膽本來係幾抵既, 可惜海膽味道怪怪的....🔸磯燒帆立貝 $68你可以揀自己燒或者店員幫你燒, 即燒即食! 鮮味完全保留!.🔸炸墨魚軟骨最鍾意食呢個! 平時食得多雞軟骨, 墨魚軟骨比雞厚肉, 肉爽而且帶有鮮味, 炸粉剛剛好, 好食!!日本九州市場海鮮出名平靚正!呢間香港版確實做到價廉物美! 想吊下口癮都可以過黎嚐嚐! 環境氣氛佈置都好似日本, 1.5米的距離更令你坐到好想停留係呢個空間多一陣, HAHA...不過都幾多人等位架.食物好味道：8/10環境舒適度：9.5/10整體值回頭率：8/10…查看更多

金拇指餐廳.土瓜灣馬頭圍道37-41號紅磡廣場地庫80-81號舖.疫情下大家都唔敢外出食飯.但小編係無飯家庭.唯有疫情下繼續同大家試食😂..🔸香茅雞中翼/雞排大婆上海菜飯 $40小編最愛香茅味！香茅雞排好好食！一上枱就聞再好香香茅味，咬一啖又脆又嫩，好高質！配埋自家製甜酸醬，口感好新鮮！菜飯係用薑同蒜頭炒過，好香口！不知不覺就食哂成碗了！.🔸沙爹金菇肥牛鍋 $46超級足料既沙爹肥牛鍋，重點係佢入味得黎又唔會太咸！連蘿蔔都煲得夠軟腍，入曬味，而粉絲又入味得黎唔會煲得太腍。食得出係逐樣食材分開放入去煲先做到既效果！食曬成鍋都唔會有口渴既感覺，好高水準！.食物好味道：8/10環境舒適度：6/10整體值回頭率：7.5/10💁‍♀疫情下上下一心，飯餐米線外賣送熱飲，外賣亦唔收盒錢，唔知岩唔岩無飯家庭既你地呢?…查看更多

👣老鳳冰室深水埗基隆街216號 晨早流流到深水埗返工，唔食好d對唔住自己，呢間冰室講中我心中個句：星期六返工，老鳳架嘛？！！！歐陸早餐 $48 🤩超級推介🤩🔸黑松露炒蛋一上枱已經好香黑松露味，佢完全唔吝嗇，勁足黑松露醬，每一啖食落口都好香好正！炒蛋又勁滑！超高水準！👍🔸咸蛋牛油多士普普通通一塊多士，揸左咸蛋牛油香勁多！佢同普通牛油唔多，佢多左一份超香咸香味！👍🔸早餐腸我好怕早餐食超咸腸，呢到佢用台灣腸，咸咸甜甜，好鍾意佢就算係條腸都真係有設計過👍🔸肉醬焗薯泥薯泥打得好蓉，配埋肉醬好夾，不錯吃👍呢到裝修都好有特色，有舊香港既味道，入到黎你會覺得去左呢一個時空，略嫌呢到座位較窄，不過都可能係配合舊香港既感覺😂食物好味道：9/10環境舒適度：7/10整體值回頭率：9/10好想下次黎試下佢個中菜，唔知係咪都同樣好食呢😋…查看更多

👣鮮芋仙荃灣楊屋道1號荃新天地一期地下G46號舖荃灣係我最愛行街地點，行下又可以食下野，見到香港開左鮮芋仙，就好掛住台灣芋圓，um.... 但你唔會記返係個個味道🔸招牌仙草4號 $45招牌既料有芋頭，紅豆，珍珠，我揀左熱既紅豆湯底，認真佢係足料既，但好唔好食就見人見志，佢有超超超超大舊芋頭，仲要唔止一舊，無切開上枱，真心食到濟，而且咁樣真係哂左料，我又無咁大個口，又好難咬，我就真係覺得一般般，佢個紅豆湯好稀，可能係一種特色，我食完都好疑惑自己食左咩🤨可能係仙先會明....好食指數：3.5/10（切合唔到個人味道都可能具偏頗既分數）環境指數：7/10（多人排隊，但我覺得坐得舒服既）…查看更多

👣煌極雞煲馬鞍山西沙路628號馬鞍山出名係美食沙漠，住馬鞍山想食個雞煲又唔想出咁遠，唯有有咩食咩😂，呢間之前見佢有一人雞煲都覺得吸引，今次就親身試下！🔸海南原味椰子雞煲 $168餐牌寫佢係用原味椰子水煲，係有用椰子肉煲，但欠缺椰子味，明顯係椰子水加雞湯煲，無左椰子香味，雞肉嫩口唔鞋好味，只可以話佢係一個平平無奇普通雞湯底既打邊爐，不能稱上雞煲🤦‍♀可能麻辣雞煲先係佢既招牌🔸牛頸脊 細$198牛頸脊係呢到必點！咬一啖好有牛味，叫一碟細都夠三人食，不錯吃！🔸桂花蚌 $98桂花蚌就差點點，雖然好爽口，但味道較腥不夠鮮味呢到有得點大大大杯檸檬茶，好正呀！真係勁勁勁勁大杯！放左半個檸檬，大杯過係一x雞煲👍👍，飲飽肚都仲得😂雞煲好味度：5.5/10環境舒服度：6/10整體分數：5.5/10…查看更多

👣一心素食觀塘鴻圖道30號鴻圖樓3樓聖誕節狂食，食到連呼吸都覺得自己肥，係時候要清清自己腸胃，食下素食當減肥😂，至少減左個罪惡感先，平時食開集團式素餐，今次突登揀呢間裝修幾靚，又幾好評既素食餐廳4人套餐 $518 （滿$2xx 可加$1多個餸）呢個餐勁抵食，1個湯，2個小食，4個主菜，仲有甜品送，加埋$1優惠，4人餐6人食完全夠飽👍👍🔸海皇金湯翅呢個湯好特別！飲落去好香蛋味，而且佢個翅亦好似真翅，食落去好有咬口，佢個湯底係羹，飲落鮮甜美味，抵讚係佢真足料足料！🔸黑松露釀茄子 雖然佢係加$1優惠，份量都唔少架，一黎到已經聞到好香黑松露，配上爽口茄子，味道好夾🔸炸三拼菇三拼有雞脾，白玉，靈芝菇，酥炸得黎不失水份，外脆內軟，雞脾同白玉菇較好味，靈芝菇較為遜色，乾身左d呢到裝修令人好舒服，成日都覺得食素要配合埋個環境，我鐘意呢到環境乾淨寧靜，樸素簡單，令人心感平靜💆‍♀食物好味度：6.5/10環境舒服度：8/10整體值回頭度：7.5/10…查看更多

👣 勝豐壽司馬鞍山港鐵烏溪沙站4A號舖晚飯一個人食都想食好dd，外賣壽司店係一個唔錯既選擇，快靚正，又唔使等位，你想揀咩款就揀咩，唔想諗亦有組合裝🔸特選壽司M $49外賣壽司店最大特點就是平，$3就有一件，當然$3既選擇就較普通，組合裝就較貴，但貴極都仲係比堂食平😂今次揀左個壽司組合裝，有三文魚腩 - 夠厚身，鮮甜又有咬口，三文魚子 - 夠多夠juicy，仲有帶子同埋蟹籽壽司，平均都係$6一件，味道唔輸蝕比堂食壽司👍👍呢間外賣店唔算多分店，味道上比起好多分店既爭x，我就覺得呢間新鮮d，之前口痕食過佢個加拿大海膽都係好鮮甜美味，不過唔係成日都有得賣架🤪食物好味度：6/10一個人的晚餐選擇度：8/10又係一個人食飯既你，可以諗諗佢😛…查看更多