eddiechma的個人專頁

本人叫了一個豬扒炒烏冬及星洲炒貴叼下午茶餐。烏冬麵非常硬及凍，炒貴叼非常之鹹。相信係即刻炒，但係都唔知點解等咗成20分鐘個烏冬都係凍嘅。其後更換了一份雞翼薯條，薯條全部炸燶晒。分明整蠱！完全唔知道佢點解可以有三百幾個好評!!?服務態度奇差。不如所謂！一男一女坐收銀位，貌似老闆及老闆娘，不聞不問。女的裝聾扮啞，支吾以對，男的只顧不停食嘢。唔信自己去試吓。包保你後悔。我真係未食過咁難食嘅茶餐廳。如果呢啲叫中環高質茶記，我真係冇嘢好講。可能我唔好彩啦。…查看更多

每星期平均幫襯一次堂食，最近抗疫期間經常買外賣，已經第三次發現以上情況，外賣叉燒燒鵝瀨粉剩係得骨頭（見圖），上兩次啲燒鵝已經係燒濃。外賣同堂食一樣價錢，為何外賣嘅質素爭咁遠？唔好因為外賣冇得check而俾一啲咁差啲嘅食物俾顧客。希望餐廳能夠注意。…查看更多

幫襯過三次以上，食物質素一般。今次幫襯我哋一肚氣。一行三人坐在近窗邊卡位，曾經向三位員工分別起碼五次反應出風口出風太勁，要求較細少少個冷氣。第一次一位着藍色恤衫嘅女員工，充耳不聞，只用眼尾稍左我哋一眼，然後離去。第二位男員工相信係主任或經理級人員，向我們表示其他食客可能會受影響，不至可否會較細冷氣。第三位員工，於我們預訂離座時間45分鐘前要我們埋單，我也表示可否關細點冷氣。最後冷氣並沒有任何改變，我們唯有離去，因為實在太大風。其實當晚並不滿座，員工如果覺得較細冷氣是不可能的話，我們願意更換座位。但沒有一個員工提出可以幫我們換位。離開時亦聽到一男一女員工正在埋怨我們麻煩。但實際上佢哋並沒有做任何事。佢哋服務態度奇差，星期日晚上亦不滿座，食物質素好一般，當晚嘅牛肋骨亦不新鮮，呈瘀黑色。佢哋個個員工口黑面黑，愛理不理。老土啲講句，今時今日咁嘅服務態度，點可以咁樣！冇下次！…查看更多

唔知啲正評喺邊度嚟。杯芒果沙冰擺咗5分鐘變咗咁水還水，冰還冰！完全冇芒果味叫做芒果沙冰！叫咗豬頸肉同蝦餅，茶餐廳質素如果你前世未食過泰國菜可以一試。服務垃圾。完…查看更多

如果可以寫無星，我會揀無星，食物垃圾，我叫佢哋開爐，佢叫我地收聲。不知所謂！成個環境好似打仗咁。團購食物特別差隔離枱散叫好啲啲。團購應該停止售賣該餐飲優惠，因為該酒樓不能負荷太多客人。佢哋根本上就應付唔到。海鮮無限量添加任食: 蘇格蘭大聖子、紐西蘭大青口、爽甜貴妃蚌、時令貝殼類、生猛大海蝦、中山白鱔片。 團購條款上列明部份海鮮，例如聖子，可以無限添食。但去到部長話不可以。 完全貨不對辦。每位大概$280，出邊可以食到更好。唔好忘記除咗團購價錢，每位仲要再比$70加1服務費。 食物差，環境差，想去受氣不妨一試！…查看更多