sevenven的個人專頁

本身已經一早打電話諗住去book枱，然後佢話俾我聽唔可以book枱，因為星期日太多人，叫我Walk in咁我就問佢會唔會好多人㗎，佢話好多人㗎早啲去啦。結果我星期日過去諗住攞位拎枱，點知成班姐姐企埋喺度一齊攞，老闆又唔派飛又唔安排好位，又叫我企喺出邊排隊，結果個老闆完全冇望過我，啲姐姐全部見到位就衝入去，我白白曬咗30分鐘企喺度等，有位又唔通知我明明我係最早到，個老闆出到嚟仲要講印尼話又唔係講廣東話，我點樣知幾時到我個位？又冇飛又冇排隊？幾好食都假啦，完全唔招呼香港人！…查看更多

每個侍應都態度好，其實對一間餐廳嚟講算係幾高難度，叫咗隻雞，兩個人share食其實唔係好夠。隻雞一搣開爆曬汁，啲皮超級脆，雖然食完覺得有少少油，但真係好值得食，到底點樣可以整到成隻雞好脆好多汁，so far已經翻桌咗兩次！可惜佢個牛扒就一般，un咗少少，個汁都唔係太好食，不過就幾大塊。.建議淨係食雞，仲要係一人一隻如果淨係食雞嘅話佢呢個價錢真係CP值超高我諗我會返去食第三次！btw, 唔好外賣走，啲雞新鮮即刻現場食會好食啲。…查看更多

前排去挑戰佢個大胃王明明寫係飯丼，但煮好整好哂，擺出黎先話係烏冬！煮個陣已經見到，我以為唔係我嘅碗野？？？.唔理係咩原因啦你突然將個飯轉做烏冬，都唔問過人，真係好差。.仲有！碗入面仲係浸哂水一路食，d烏冬根本一路吸哂d水，好唔fair...一定超過佢本身嘅白飯重量！而且個烏冬唔彈牙，食得出係劣嘅烏冬仲要冇調味...感覺超差！！！好似比佢呃左 400蚊去挑戰咁。。。如果係我自己因為個飯量食唔哂，係我自己嘅事丫，心甘命抵呀，但突然轉烏冬唔通知人仲要咁多水係碗底，真係唔係太合理！.我最後連個alarm 未響就已經走左，因為個烏冬太難食，然後我去左食甜品.好差嘅體驗！要咁樣呃客人，真係不知所謂！…查看更多

買外賣早餐，沙爹牛公仔麵+炒蛋+午餐肉+方包+奶茶正價$36外賣就+$2.拿 外賣如果係需要分湯或者方包炒蛋擺埋，我理解嘅。但最有趣嘅係...如圖！see!!!!炒蛋同餐肉擺入個沙爹牛公仔麵入面，1兜過！點樣計+2蚊外賣呢INTERESTING~~~膠袋又另外收1蚊？okay 你話事啦..講返d嘢食，公仔麵仲未煮散，脆口嘅！我以為食緊媽咪麵啊真係好有脆嘩潮流嚟㗎？由於滑蛋同午餐肉已經浸咗係湯喇！冇理由濕林林咁拎返出黎夾入塊方包㗎...所以結果個方包齋啪囉，好乾架，都照啪囉唔係點呀，啲牛油又冇味🤷🏻‍♀️…查看更多

的確周圍幾靚，有個人工湖？應該係人工湖，見到有班鬼佬家庭釣下釣下d魚毛仔好high咁，有個小風景都好岩hea時間。嘢食我都直接問staff，都係攞貨嘅，不過不失啦。雖然風景靚但坐個位置岩岩係正後面，超多港女打卡位包抄成個風景，阻住視線。坐足一個鐘，就見足班港女影足一個鐘，真係擔心佢部機會著火架個蛋都炒得幾好，係偏濕潤。蝦包就一般，d蝦唔會霉但又唔係好夠seasoning。現場熱到hihi所以勁快啪咗杯野飲落肚另外既係如果叫雪糕要快食，太熱好快就變左湯…查看更多

精彩呀呢鑊！本身諗住求其入間野食就攪掂一餐，原來嚟咗間好有病嘅餐廳。-首先嚟咗碟鹽焗雞，斬到甩頭甩骨咁款，廚房連雞都唔識斬，真心廢。椰子雞湯好似水咁然後，叫左杯話梅梳打，一個成身紋身+mk頭嘅肥佬侍應擺低罐已經嚴重變形嘅罐裝梳打水，因為罐蓋變哂形，已經完全打開唔到，我就叫個侍應幫我打開就ok，然後佢拎走罐變形梳打水，我已經話唔洗換，打開到就ok，佢就好堅持話要換2罐新嘅，原來想整蠱我。一打開新嗰罐梳打水，即時狂噴泡，好彩冇噴到身，但就噴到隔離成凳都係，正正常常一罐岩岩新拎出嚟嘅梳打水點會咁樣爆泡出嚟？9成係比個陰毒侍應搖過，咁幼稚嘅mk行為，係幾好笑，張凳濕哂係邊個抹啫？又咪佢自己抹。間野睇落想執笠㗎喇，咁陰毒啲人係呢個場都唔知幾時吐口水落你碗野，真係唔好去食喇。…查看更多

上星期同八婆團飯聚，有人想食雞亦所以就揀左呢間。入到場，好得book左枱，入面唔係多客，而係離奇地細，全場大約10枱客都冇，斷9估全場坐滿約30人。所有人都坐到好好好逼，我地八婆團三條友就坐左張2人枱，然後搭多張圓凳......猶如置身係市政大廈嘅大排檔🥵加洲雞亦係推介🥳不過所有辣嘅雞亦都辣麻麻地，唔係因為辣而唔好食，而係個辣，係似偏墨西哥個種帶酸味嘅辣。叫左一個dip係cheese口味嘅，可惜淨係食到cream cheese嘅味，亦冇其他醬調配過，係失望架，因為咁樣唔叫dip囉，只係一pat單純地融化左嘅cream cheese...冇意思冇誠意囉，㗩。仲有，呢個價錢係呢個環境+食物質素，完．全．唔．值．囉。…查看更多

前排放自己一日假，諗住休息下，出去休休閒閒食下野。叫左碗皮蛋瘦肉粥+炸兩，點知就出事。個阿姐落單勁冇禮貌黑口黑面都算（都預左d人冇文化），拎碗粥埋黎掉係我面前，係"掉"，因為係o拍一聲！我都忍！！然後！最嘔心係我食到一半碗粥有塊痴埋左嘅膠布！係已經痴埋一個圈咁嘅膠布！即係咩？即係應該係用過！懷疑係曾經痴係手指嘅膠布！dklmh!!!!!胃已反，我沉住氣推開成碗粥，我冇投訴，因為我知同佢地理論係廢嘅。但當下真係作嘔左出黎。個碟炸兩隨後送埋黎，膽粗粗諗住食埋就走，因為真係好餓。點知！！一拎起d調味樽，成大隻小強超快爬出黎！！！！！！！大佬，呢野真係哽唔落。秒埋單。…查看更多

上OP睇menu, 明明係一set dinner, 入到場變左任diu餐。算數，我催眠自己應該好多種類揀。Wa diu, 點知一去拎野食，見到d野食擺出黎賣相超差，牛既堆埋一堆，豬既堆埋一堆，乜野"豬羅紀" 乜野"牛魔王"，你露尾，唔講以為係廚餘日。有時諗，如果人類冇味覺，都幾冇life。但食左一啖我就覺得自己真係冇左條life...d 肉乾嘅，芝士乾嘅，沙律菜水浸嘅，甜品甜到糖尿，連最正常嘅檸檬茶d味都唔係正常。所謂6折都係假嘅，去到就話已經折左🥵而家我另一半食完又痾又嘔，呢間野可以搵食環check check!…查看更多

呢間野，報導到幾咁出名幾巴閉，咁岩又經過，咪諗住試下。點知中伏。埋去收銀叫杯波霸黑糖厚奶，要少甜話唔得，好啦我當你d黑糖唔L溝得水，跟手連少冰都話唔得個下我真係企L左係度，我就老虎蟹唔q信你杯杯d冰一樣咁多呀。收銀仲要講野冇尾音，個下已經著著地。通常其他珍奶店都會有d令你好心情愉快嘅售後服務，例如係問你係咪而家飲，幫你篤埋丫，差在未餵到落嘴。而呢間呢，特別與眾不同嘅，偏偏冇售後服務之餘再令你扯火d。我拎完杯珍奶，口渴就緊係隨即拆開個條咁嘅又環保又衛生嘅飲管膠套啦係咪先，平時d珍奶店都會有個位擺人棄置嘅膠套，咁我見佢冇擺出黎，我都以為佢係拎左去清理冇擺返出黎，跟手我就擺個條環保膠係枱頭，咁一般情況下d職員都會直接拎走。就係個刻，黎料喇，阿職員就極差態度話：唔可以擺係度架喎。喂，即係咁，我唔係話你收得錢就一定要幫我清理，但都可以選擇有禮貌返少少話我聽你地冇處理垃圾嘅空間，而唔係黑口黑面一句得埋黎話：你唔可以！我當下知道d人冇禮貌可能係父母教到咁叻豬啦，所以冇鬧冇小返轉頭，不過呢，呢間老虎仔我就唔會幫襯架喇，我唔想糖尿亦唔想比錢買難受，d職員咁唔想做野我都無謂逼佢做丫，下話。…查看更多