Sandymak16的個人專頁

朋友推介下試吓呢間蒸氣火鍋，一向對蒸氣火鍋感覺一般，怕海鮮唔新鮮，又怕環境污糟，但今次完全顛覆左我呢個感覺！為免人太多，下午兩點零就到餐廳，環境不太大但都有幾枱食客，完來除咗火鍋仲有點心食。我哋叫咗$318個豪華龍蝦餐🦞有8款海鮮+牛肉+八寶飯，份量好似不太多，其實係一定夠飽！全部海鮮都真係好新鮮，好生猛，鮑魚仲識郁！店員會幫你計時去蒸，夾埋俾你，所以去到只係負責食就OK😂壓軸個八寶蒸飯都係重點，可以任選8樣配料，蒸完個飯好入味！食完其實都9成飽，但又想試下點心，就叫咗個蝦餃+黑糖糕試下，竟然好有驚喜！下次可試下叫點心！…查看更多

🍧🍧🍧呢間刨冰店次次經過都好多人排隊，今日平日4點去食都要等，好彩等得唔太耐。原來間鋪頭好細，得大約十零個位，枱之間都比較迫，所以預咗食完就要走。排隊時已經要落定order，入到去坐低就要俾錢先，再等野食就得！揀咗芒果🥭乳酪味個刨冰真係好大份！忍唔住嘩咗一聲😂乳酪係另外細細杯俾你淋上面，芒果味又唔會太假，食到一半仲會有芒果肉係入面，同埋佢唔會溶得好快，兩個人share時間係啱啱好🥰食完成個人都好涼快🤣有食冰tips😛重點係唔好打卡打太耐🤣…查看更多

一向都好中意呢間戚風蛋糕店，味道款式多，價錢又唔太貴！細細個🎂基本上一個人食一個都食到😂戚風蛋糕最緊要夠鬆軟、唔好太甜，呢間可以做到啱啱好！今次揀咗法國玫瑰味，外觀一流，食落其實唔太feel到玫瑰味😅但都唔錯。最緊要佢中間啲cream唔係我哋平時食開嗰啲，佢啲cream 係唔漏，好soft 嗰種！…查看更多

西瓜蛋糕一直都聽咗好耐但就未試過，今次就趁屋企人生日買一個返屋企試吓😆😆佢有唔同尺寸俾你揀，同埋原來佢係有好多種味，但我都係揀咗個最受歡迎嘅玫瑰士多啤梨西瓜蛋糕🍰佢個外表真係好吸引，面頭有啲玫瑰花再加士多啤梨，中間係玫瑰忌廉再加一層西瓜，最底層係杏仁餅底！食落好有層次！雖然係好特別，味道都唔差，但都係試過就算，因為都唔平，未必會再買第二次🙃同埋值得一讚嘅係佢個生日牌寫得好靚！…查看更多

好耐之前已經食過呢間Zoe，事隔多年原來已經搬咗新舖頭，咁啱今日想食蛋糕就去買咗幾件試吓，入到去其實真係會花多眼亂😱每一款蛋糕都好靚好吸引🎈🎈全部都想試！店員都好好人，會主動介紹啲味道俾你！…查看更多

今日難得放假出去Bakehouse食lunch🍽佢個蛋撻同啲麵包都係好出名🥐一開門已經要排隊，排到你仲要未必一定有蛋撻賣，真係靠運氣😈因為一個人關係，等咗大概10分鐘就已經有位😆但蛋撻已經賣晒要等下一輪，就叫個set lunch食住先，佢個lunch可以揀兩道菜或者三道菜，有湯🥄沙律🥗麵包🍔飲品再另外加錢☕️本身想試埋scone，但已經好飽。。呢間餐廳仲要唔使+1 ，服務又好好，下次一定要再嚟！…查看更多