背脊向天都食（除左車）的個人專頁

在星期六，本身打算食一間好吃的燒肉餐廳，但去很多間也是很爆，不論最新的安平燒肉、牛角也是沒有任何位置，最後在經過朗豪坊，看到水牌上有寫上有燒肉，決定一試。前言: 店員在進場前，先給我們選擇，分別是一個488的2人18款牛的餐，以及每人250元左右放題的餐，但我見到放題的肉質素比較差，又想吃一些質素好的肉，所以決定叫餐吃一些比較好的肉，但進場叫餐才發現還有別的餐可以叫，叫人幫忙也是十問九不應，服務十分差(只有一個比較年齡較大的男店員態度差，其他沒有大問題)。先不論裝修，一般在朗豪坊這種大商場高人流的地方也不會差，但可能客人比較少吧，所以整個店也顯得很奇怪。分數: 3/10分先來一個牛骨湯，圖片與餐單不符合，完全走清淡路線，一點味也沒有。分數:7/10分再來一個和牛醬薯條，整個餐單最好吃的一道菜，薯條軟身，我比較喜歡，和牛肉醬沒有特別，跟一般肉醬沒太大分別，以薯條來說不錯。分數:2/10分這是十八款牛的主打，當中少了數款是因為餓了吃了，相片可以影得不錯，這是因為我手機質素好，不是他肉質好，燒出來完全沒有油脂超乾，只有2-3款是有水份。這是大部分燒出來的感覺，不要說我燒的技巧不夠好，在旁邊棚的牛角任何一款胡亂燒也比他好。分數:3/10分最後來個錦上添花的拌飯，全部沒有味道，只有肉有少許味道，沒有加醬油的話跟本是白飯一碗。分數:3/10分飲料就叫了青檸梳打，青瓜水也比他有味，醬料也看到只有醬油跟辣醬，雖然韓國菜沒有很多醬，但這是基於肉質好的情況下不用太點醬。整體而言，服務不好、裝修不錯，食物不好，不知如何晉身於朗豪坊，連一般任食的韓燒甚至Pepper lunch的肉也比他好，起碼份量會吃得痛快。我不知這一間為什麼會有這麼多好評，可能是質素下降了，反正我是不會再來的。…查看更多

在屯門行街時經過一間的餐廳，小休一下吃個下午茶，不過不失。叫了一個雞脾薯條以及一個蜂蜜西多士。花蜜味太重，有點接受不來，但多士的口感不錯，他有原味的西多士，相信會好很多。炸雞脾的肉質不錯，不會炸得太老，但也沒有很多汁，但覺得已經算是不錯，而薯條就是波浪薯條，分量夠，也炸得很脆，但看每個人的口味吧，我比較喜歡炸得軟少少的，但整體不錯。整體上，雖然未去到必食，但如果是行街餓了而吃一個下午餐是不錯的選擇。這個餐廳主打應該是裝修吧，雖然我也沒有拍照裝修，但氣氛也是很有舊式茶記感覺。…查看更多

在網上見到大埔有一間有情調的地方，所以在午餐時分決定一試。地點上比較偏僻，沒有太多人流，反之就比較少人去，算是隱世小店吧。分一樓跟二樓，兩層裝修也十分精緻，可能一試來打卡，而且因為人流比較少，拍照也比較方便。地下的裝修十分精美，枱之間的空間也十分足夠。這是樓上打卡的其中一個位置，但不知可不可以坐在這裡。很有貴族的風味。整個氣氛也是很放鬆!之後我就點了兩個套餐，分別是豬扒跟薯蓉 以及 雞扒跟薯仔，餐有南瓜湯以及飲料、甜品。先上了一個南瓜湯，口感不錯，很蓉，但味道上有重肉桂味，不太夾，而且這個盤也太大了吧，雖然很有美感但不太方便進食。分數:7/10分這是雞扒配薯仔，味道跟口感都不錯，以這個價錢，說真的，很高水準，但這個汁調得有點奇怪，覺得味道有點複雜，我覺得簡簡單單一個咸味的汁就可以了。分數:8/10分豬扒配薯蓉，豬扒熟的程度剛剛好，不會太過硬，如果再厚一點口感會比較好，汁同樣有同樣的問題，太過複雜的口味，而薯蓉就沒有薯粒在中間，少了一些口感，但問題不大，而這個薯蓉正因為汁有點複雜所以配合的味道不太好。分數:8/10分飲料方面，就叫了凍檸茶，以及熱檸茶，沒甚麼特別。分數:7/10這是甜品，一個簡單的Brownie，味道好吃，只是盤太大而顯得細，有點搞笑。分數7/10分整體方面，這個餐廳的味道跟價錢符合，性價比甚至有點高，氣氛、味道都做了很多高級餐廳都做不到，所以我覺得這個餐廳我可以給一個很高的評價，只是這個餐廳的定位有點古怪，以他的氣氛、裝修、餐具，只要改一改餐單就可以變成一個高級的餐廳，我覺得改高一點價格也無坊，始終地理位置上，也很少人會中午經過食一餐，不如改一改定位，變成會預訂位置的比較高級的餐廳，不過可能我未有在晚餐時間過去試食，所以實際上也不清楚。這個餐廳如果經過時，務必試一試這個餐廳，打打卡也是個不錯的選擇。…查看更多

本身經過附近又肚餓就同女朋友是但搵間餐廳食下，咁上網睇相就睇到d野食幾靚，就走入去試下，點知一試就中伏。1）餐廳裝修 5/10分 算係裝修得幾靚，但係唔係好實用。 I) 枱就木紋枱，有凹凸放唔平d野，放杯水都怕佢跌。 II) 放餐具既筒係陶瓷黎，放到好邊，唔小心撞跌一定整爛哂。 III) 燈罩超低，我個人唔高都撞親個頭。2）餐點質素 2/10分 我分別叫左前菜、意粉、肉類、南瓜湯 I) 前菜：芝士黑松露薯條 4/10分 薯條還算可以，夠脆夠分量，不過d醬就似沙律醬多過黑松露醬，薯條上便有黑松露粉加芝士碎，叫做有d味，叫咁多野最好食算係佢。 II) 意粉：蜆肉既蛋意大利麪 3/10分 分量少、個蛋意大利麪無味又煮到勁淋蜆肉算新鮮無特別，但成道菜就似伊麪多d，個汁完全無味。 III) 肉類：吉列豬斧頭扒配冰梅汁 0/10分 D吉列皮一切就散哂，個肉質勁差，好鬆散，咬落去梅既d肉，食左幾舊試真d就無再食，唔好叫依道菜，食過最難食既豬。 IV) 湯類：南瓜湯 ?/10分 由頭到尾都無到過。 V) 飲品：香檸梳打3/10分柚子梳打6/10分 香檸梳打就似咸檸水，完全同我期望唔同，就算當佢咸檸水咁飲都只係一杯咸既梳打水。 柚子梳打就正常發揮，應有既柚子味同甜味都夠。3）服務態度 2/10分 店內都唔算多人、我入左門口企係路中心幾十秒先有人出黎講野，之後就有店員黑哂面咁同我講，麻煩出便等。我出到去先見到有張紙寫住唔好自己入去，咁依樣係我問題。 等左唔算耐，幾分鐘後入得，有個店員擦緊另一張枱，叫佢又扮聽唔到，叫多幾次先至過黎點餐。 我中途起身唔小心整跌左佢個餐筒，好彩我接得住，唔係一定碎哂，咁餐具跌哂係枱面，佢諗都無諗就插番哂入個筒到，無衛生既概念。 上菜個陣，我見到個意粉好似唔對樣咁，諗住睇睇個餐牌有冇黎錯（事實上只係外觀樣衰左d，並無黎錯），我同個店員講要睇睇個餐牌，睇下有冇黎錯，個店員第一反應就係講「下，Last order左喇wo」，我覺得如果真係上錯左，Last order你都要搵方法去解決，而唔係咁既回答，最後都係無比餐牌我。 到後尾，食到尾先發現佢個南瓜湯都上過，但因為前面既食物質數太差喇，所以都唔想試埋佢個南瓜湯就無要到。4） 總結： 裝修華而不實，其實睇落去好睇，但坐落去唔舒服。食物質素十分差，豬直頭放唔到入口。服務態度都係好細微既事，但太多細節位都令人好反感，所以我先覺得好差。 最後埋單503蚊，晚餐黎講兩個人食唔算貴，但咁既質素，300蚊我都唔會再試。P.S. 因為本身都真係好肚所以無相機食先，係食到一半好嬲先影幾張相留底，所以無食物上菜既樣。 …查看更多

本身計劃跟女朋友元朗行街之後隨便食的一間餐廳，見馬田路的主店很多好評就打電話預約，老闆電話回覆說只有分店有位，所以我就預約了一間比較小的分店。去到第一感覺是很小，但很乾淨，座位也很闊，大約有5-6個枱，一般兩個人食是很闊落，而餐具也很美感。點餐方面，老闆很推薦他的蠔，也介紹最好食的蠔比我跟女朋友，我點了一個餐是帶子跟豬鞍配甜品心太軟，另外叫了一個卡邦尼意粉跟6隻蠔（3款各2隻），但因為我揸車不能飲酒想叫一般飲料，但老闆說沒有soft drink（老闆當時好好人咁話比私人珍藏既可樂比我飲，我拒絕左😂）。食物方面，老闆很著重上餐次序，也會留意我們進食的速度而避免桌上太多食物前菜為牛油果帶子粟米片，味道帶酸，開胃，份量足夠，口感都十分有趣。分數8/10。生蠔叫左三款，全部都唔差，唔重鯹味，最左邊個種比較岩新手食，另外兩種重味d。分數8/10。意粉就好掛汁，個汁就做得好完美，無野可以彈，建議黎到一定要試卡邦尼，只係份量比較少，味道可以話無得彈。分數10/10。豬鞍就比較乾身，某幾個位比較乾，有另外上個類似紅酒汁同鹽，鹽就好咸唔建議點，汁就睇個人口味，個味唔洗點任何野都好味，應該就係個扒本身品質好。（隔左兩日再去食豬鞍，係多汁既，幾講手神）分數：7/10。（第二次食：9/10分）心太軟就無特別，會有個雪糕，唔太大驚喜，但都算好食個種，可能叫得野食多所以飽得濟，無點特別覺得出色。分數：7/10。最後賣單就900幾，兩個人食叫埋生蠔差唔多，我覺得依個質素依個環境係值既，我會再黎，美中不足係無Soft drink，對於揸車既人可能要飲水，如果大家要試的話，記得訂位，本店我無試過，因為訂唔到，但西菁街個間都唔差，所以第一次試可以試西菁街個間，聽老闆講可以包場聚餐，我覺得都唔差，小型生日派對可以係到搞。順帶一提，事後我第二次去，水準穩定發揮，豬鞍比之前仲好食，鯖魚刺身都試過唔差。建議大家真係去一次試下，唔好比咁有水準既店執笠。（豬鞍心急得濟忘了拍照）…查看更多

先講左結論先，係我最伏的一間台式火鍋，伏到我要開新一個帳號去比負評。早幾日，係網上睇到九龍灣德福廣場有間新開的台式火鍋，就打算去試試，但又驚夜晚多人，所以就係下午時段試下。咁講下有咩特點喇:1)打電話想Book位，線路繁忙。2)1點左右去到拎位，要等40個號碼，但有得上網睇番現時排到幾多號。3)2點50分入到去，先同我地講唔會食足90分鐘，因為4點要清場，無事前同我地講。4)本身好期待有夜市小食，點知去到想叫，佢話晚餐先有，出便個牌我睇唔到有講過晚餐先有，可能我無留意到喇。5)位置方面比較闊落，算係坐得舒服。6)侍應既態度好似欠左佢咁，黑口黑面。野食方面:1)配料大約要既都齊2)野飲係台灣罐裝飲品無特別。3)丸就十款左右都無特別一般般無驚喜。4)有肉燥飯，但太甜，伏野黎。5)湯底，我就叫左酸菜白肉同麻辣鍋，酸菜個個料少，有陣膻味，試左一次就無再食；麻辣鍋就唔辣唔麻，要點自己辣椒先有味，似係落粉整出黎既鍋多。6)牛肉就係今次主打，叫左澳洲和牛M7餐，任叫，肉質係幾好，有牛味，但因為個鍋底本身差，哂左塊牛。7)本身見有Haagen-Dazs所以任食無仿，點知去到無，可能晚市先有，得番d雜牌雪糕，拎左個港式奶茶雪糕，雪得太耐所以口感變哂應該係二次雪藏所以改左個口感，好似食緊碎冷咁，個味就真心差到食唔出奶茶味。總體黎講，平就算平，200幾一個人食到咁既牛肉質數係唔差，但佢好多細節位都好伏，中午無小食又唔講清楚，雪糕又伏，最接受唔到個湯頭咁差，用水灼都仲好食過佢個湯頭，對於一間新開既餐廳係完全不能接受，一句講哂，唔洗試，等差唔多2個鐘試d咁既野，不如去食個牛腩河好過。…查看更多