buzzkathy的個人專頁

而家去完海洋公園唔洗特登出返金鐘或旺角先有野食由海洋公園站搭去黃竹坑就有野食喇今日黎到 Golden Monkey 試下佢有越菜又有新加坡菜，仲有珍珠奶茶！ 首先試試好多人話好味既海南雞雞肉好嫩滑，有雞味個黃薑飯就一般般但湯就幾清甜整體來說都還可以！ 另外點左一個新加坡肉骨茶嘩勁大份D排骨成條咁上，好多肉但湯底係好淺色的，同係新加坡食既好唔同完全無藥材味，只有好濃既胡椒味同埋太多肉好有油膩感！整體而言食物水準一般般，不過餐廳夠大又闊，夠乾淨，環境係ok gei！ 去完海洋公園唔想行咁遠食野，呢間係幾好既選擇:)…查看更多

趁今個星期有2日假期係大嶼山的長沙住1晚relax 下長沙真係好安靜，無咩人黎係沙灘見到的多數係外國人不過個沙灘就唔算太靚，因為沙是黑色的！ 長沙泳灘旁邊都有幾間餐廳我地揀左long island 試試 BBQ Pork Spare Ribs ($188)燒豬肋排呢個菜可以話非常穩陣醬汁點食都係呢個味😂😂呢間餐廳的豬肋排比較大舊同好厚肉食落都好腍同夠哂味！ 配上幾舊炸洋蔥圈，洋蔥圈炸得好脆好香炸漿應該本身有調味，唔洗點醬都好好味！ Healthy breakfast ($88) 額外加左2款野食，茄汁焗豆同西蘭花🥦（每款加$10）煎蛋🍳煎得好靚，牛油果，焗豆煎蕃茄呢啲就係正常standard 野 👌👍🏻😋值得一提既係Yogurt 係原味無糖乳酪（omg你點知我要減肥走糖架😂😂）原味無糖真係好難食！如果有少少生果就會好點😭 Long Island Special ($88)個味係酸酸地咸咸地佢仲加左黑椒添唔識形容但個人黎講就覺得一般般 餐廳環境都ok gei不過唔會話好decent 咁，係屬於有風味果種望住個沙灘食野都幾開心relax 同埋人少少，去靜靜地渡下假係唔錯既選擇…查看更多

夜晚係沙田睇完戲，周圍行下發現呢間新開既日本餐廳見有燒海鮮又有魚生丼就試試佢平日晚上七點等左2張枱就入得了，大概十分鐘 呢度自助下單好方便呀！ 野食係用食物輸送帶送到過黎的！ 好先進😂👌 帆立貝2件 （$68）係自己燒的，好開心即燒即食！ 帆立貝算好新鮮連埋舊牛油大火燒5分鐘反一反再燒一陣就食得！食落好香牛油味唔錯 炸明太子餅（$48） 即係炸年糕入面夾住明太子醬亦都配有一碟明太子醬的年糕炸到好軟👌少少甜配埋咸咸地既明太子都ok 唔錯既 大漁海鮮丼（$168）有6款魚生再加埋海膽飛魚子同蟹肉夠哂足料！刺生都夠新鮮肥美😋😋😋價錢合理👌 火炙鯖魚（$58）用火槍燒到半熟的鯖魚因為半熟所以帶點腥味但配埋酸酸地既蘿蔔蓉味道都👌 Overall 係抵食既食物都算多款式但燒物就暫時只得海鮮貝殼類服務都不錯可以一試😁 …查看更多

大埔開左好多新冰室聽聞呢間都唔錯，今日中午就去試試佢的常餐十一點半去到唔洗等位🤞 入面都坐得舒服既唔會迫迫夾夾，不過就要搭枱 餐牌選擇都好多！ 常餐（$42） 沙嗲牛肉公仔面湯底好濃，好勁沙嗲味！牛肉正正常常，無咩特別普通茶記水準 常餐的奄列同多士厚多士超好味！外脆內軟上枱時仲係暖暖的😍😍好想食多塊😂 吉列魚柳XO醬撈公仔麵（＄42）魚枊較為薄身，好在炸漿唔會太厚味道還可以:)但撈公仔麵就無咩特別不過勝在麵煮得剛好唔會一pat咁！ 服務唔錯嘅上餐夠快👍🏻😁…查看更多

終於食到了！ 久仰大名的 Cheesecake Factory！ 辛苦了朋友幫手排隊拎飛由排隊到入坐足足等左90分鐘！不過可以試到地道美國菜又係值得的🤩 真係打哂蛇餅的...排完呢條隊拎飛仲要等多50分鐘先可以入坐 首先係好多人話好味既餐包可以的話淨係要啡色果舊就夠了啡色好香黑糖味，又唔太甜但外面係好硬的白色完全無特別，外面好硬！唔好哂左個胃quota Crabcakes ($188） 炸蟹餅一切開幾乎成舊都係蟹肉蟹餅入面釀有碎青、紅椒，有咬口得黎又夠哂香口再配埋酸酸地既 tartar sauce 好match ！好好味！ 😋😋😋 Wellness salad ($158) 清新喚顏沙律呢個係屬於super food 系列除左個salad dressing 有添加糖之外全部野都係健康食物！ 其中有羽衣甘藍，西蘭花🥦同埋牛油果🥑，加埋好多生果，同埋檸檬藍莓醋酸酸甜甜又多汁，岩哂中和返食左咁多咁heavy 既野減低罪惡感！一碟都好大份量，呢個價錢算非常合理！健康之選！ Chicken Madeira ($258)馬德拉酒雞肉🐤第一次試呢個菜，焗芝士雞胸肉上面有芝士蘑菇同蘆筍❤️雞胸肉黎講佢一點都唔鞋，仲好滑添因為佢切到好薄去煮，岩岩熟哂之餘仲保存到肉汁，值得一讚係佢無雪藏雞扒味！ 呢個菜既靈魂除左雞肉外，相信就係個醬汁，佢個 Madeira sauce 係酸酸甜甜的酸甜味非常獨特一查之下原來煮Madeira sauce 的馬德拉酒係葡萄牙酒出名在於酸度同甜度既平衡！所以好難形容醬汁既味鍾意試新野既朋友值得一試😂（但我地都覺得唔係一般香港人會好鍾意既口味）而配菜係超大堆薯蓉（薯蓉迷表示高興😊）食完已經飽到上心口 Grilled steak tacos （$218）墨西哥燒牛扒夾餅👍🏻👍🏻👍🏻牛肉燒完都仲有肉汁流出來配上既新鮮蕃茄蓉、牛油果同埋洋蔥粒等一啖咬落去層次非常豐富微微帶點辣味，按個人喜好可加點青檸汁中和油膩感旁邊個黑豆焗完好腍好似紅豆口感好有墨西哥風情莞薾飯落左好多莞薾之餘亦加左好多herbs 一入口充滿香料味 Four Cheese Pasta ($168)芝士四重奏長通粉用左四種不同的芝士去煮出奇地唔太膩長通粉軟硬度亦剛好中間包裹著滿滿既芝士！ very rich 👌👌👌不過呢碟真係要襯熱食一凍左芝士會變左一舊舊無咁好味 Original Cheesecake ($75) 原創芝士蛋糕🍰嘩！又係一試難忘軟綿綿既蛋糕質地再滲出淡淡奶香同雲呢拿香味，芝士味偏淡，唔怕肥可加一口cream口感會仲滑而且唔會過甜一口氣食左半件！ 但個人覺得芝士味重返少少會更好更完美Craig’s Crazy Carrot Cake Cheesecake ($78)Craig’s 克雷格瘋狂紅蘿蔔芝士蛋糕 底層係普通芝士蛋糕🍰上面混埋紅蘿蔔蛋糕最上層有一層薄薄的icing 甜到漏，食幾啖已經放棄嚐甜者可挑戰下 餐廳內好大環境都ok，適合一大班人慶祝生日或者朋友聚會 服務還可以出餐都好快總體而言今晚既dining experience 係唔錯😊😊😊好想再去試埋其他菜式…查看更多

Lunch 想試試新野食揀左呢間八一零四生活盒子試試睇相好似幾有特色，有一種舊舊的感覺都係工廈入面的餐廳地方唔大（好彩book 左位）Lunch time 都full full 地 店內除左餐廳之餘都有出售一些小雜物有佢地自家制既梅酒（一小瓶都係六十零蚊）仲有不周國家進口既朱古力，咖啡豆，茶包等全部都係公平貿易的！ 手撕雞茶飯（$65 set）套餐跟芥茶湯，烚菜芥茶湯真係好有呀媽既味道！烚菜完全無加醬油，又一啲都唔油，同屋企食既一模一樣😂女仔好岩食！菜飯就煮得太爛，菜切得唔夠細粒好似太早放落去，煮到好腍好爛無左口感不過味道係ok gei手撕雞味道都係偏清淡，唔錯既👌👌 店內環境一般，未算好有特色午餐餐牌選擇不多服務算幾好但由佢餐單到店裏售賣物品睇得出餐廳既經營理念👍🏻價錢中等食物都好健康所以都會繼續支持小店既👌😆…查看更多

擁有大埔小泰國之稱既大尾督內有幾間好味既泰國餐廳而且附近風景不錯，好適合weekend 入去行下食下野！今日黎到呢間泰太廚房位置比較入而且又暗暗地，之前一直以黎都未有機會試試佢 今次一試好驚喜因餐廳環境設計同味道都做到十分泰式🍴食物味道不錯份量比真正泰菜大碟少少唔洗驚唔夠食！ 泰式燒雞（半隻） （$138）即叫即刻係門口個燒烤爐度燒好香！好好味！隻雞本身醃左先拎去燒唔洗點醬都夠唒味！但雞皮就太肥，食唔到🙈3個人食左半隻，份量非常足夠 泰太咖哩蟹肉焗麵包（小霸王） $168呢道菜我係泰國未食過😂所以唔知正唔正宗，但係就非常好味！一上枱侍應就會幫你切開佢咁個包就唔會太腍喇食落去仲係脆卜卜的，但又唔會太硬咬唔開！👍🏻👍🏻👍🏻入面既咖哩蟹肉非常足料食到尾都仲食到好多蟹肉😍😍😍 蒜蓉炒泰國椰菜苗（$98）味道係ok 的，不過就偏咸蒜味夠香，椰菜苗都好爽口不錯既但炒菜黎講呢個價錢有少少貴 最鍾意呢間餐廳既環境氣氛做到真係好似去左泰國小店咁無論擺設同裝飾，甚至播埋泰國電視劇 忍唔住講返句I ♥️ Thai 😂😂…查看更多

好似都有好一段日子無去過旺角既樓上cafe 因為覺得質素太差，同埋太無特色不過今日黎到茶聊一試即刻對旺角食肆另眼相看！ 🤩🤩🤩 芝芝莓莓（$42）都唔錯既，同坊間既芝士奶蓋系列差不多喜歡芝士既朋友可以一試夾埋士多啤梨味道非常穩陣👌👌 鰻魚玉子芝士包（$98）呢個包一試難忘甜甜地既鰻魚配上滑蛋同一細片薄芝士令個包外脆內軟既口感更豐富真係好好味！ 伴碟有炸薯角同蘿蔔😃一份絕對夠哂飽👌👌都幾抵食！ 蟹肉龍蝦包（$158） 呢個都好食蟹肉多到流哂出黎🤤🤤配埋好有咬口既龍蝦肉大滿足（呢個麵有配薯角架） 藍青口辣蕃茄醬天使麵（$78）呢個麵好抵食青口煮得好好食，又唔會太辣不過就比較普通左點包類會好味點！ 總括黎講呢度出名食龍蝦包，但我地試過後都一致覺得鰻魚玉子包更勝一籌！ 成日都想再去食多次耐何真係太多人唔想排隊呢🤪🤪🤪 餐廳環境都好乾淨同埋唔會迫迫夾夾不過有少少嘈既價錢都唔貴但係就要自己order 食物，同埋食物選擇唔算好多Service ok 唔差overall 都係幾好喎👍🏻值得一試再試😋😋😋…查看更多

好多年前試過呢間餐廳感覺還好抺茶色既裝修主調令人感覺好舒服餐牌都設計得好好服務不過不失但總係唔想再返轉頭食因為食物始終係餐廳既精髓呢度既食物（除左抺茶飲品同甜品外）真係非常一般不過佢勝在價錢夠親民唔知食咩好又唔想等位，都係一個好既option 成餐飯最高分係呢杯白玉紅豆牛奶抺茶（$39）🍵🍵🍵濃濃既抺茶香味再配埋牛奶香滑口感令抺茶無咁苦又中和左牛奶甜味兩者真係好夾！不過一杯細既都已經好膩仲有紅豆同三粒好大粒丸子細杯都飲唔哂呢🤭 柚子蜆肉烏冬（$64）呢個抵食呀🌟水準平平穩穩，柚子配落烏冬度又唔會好奇怪，感覺幾新鮮同埋令湯底清新左岩哂唔想食得太heavy 既人同埋蜆肉都好多呀烏冬不是稻庭，但都夠爽口彈牙👌👌 黑麻油叉燒拉麵（$69）非常極級普通得幾滴黑麻油2片叉燒其實無咩味又唔夠腍 嗯... 都係果句抵食既，但回頭率真係非常底 …查看更多

難得又到Happy Friday 一定要去食餐好野開心下🤤搵左呢間觀塘工廈入面既日本餐廳 餐廳內環境不錯有點日式居酒屋既感覺坐得都舒服既今晚黎食飯都幾full 不過service 都ok wor，落左order唔洗等太耐侍應都算有禮貌，加多點笑容會更好🤗🤗 叫左3款壽司🍣呢度野食一點都唔平架普普通通都要$2x 一件但係係新鮮既三文魚腩夠哂肥美咬落口充滿魚油香味火灸三文魚都ok 鰻魚都好厚切好肥嘟嘟屬於中上質素壽司既魚比飯大件令成個口感滿足好多👍🏻 鐵板黑毛和牛飯 （$228）呢個係幾好食但真心唔抵鐵板和牛上枱時仲係生的侍應捧到過來時會即刻幫我們撈利用鐵板既熱力煮熟薄薄的牛肉片👍🏻但個人覺得佢唔值呢個價😂個飯撈完太濕太多汁🤭但牛肉片係好食既，牛肉新鮮，又唔會太熟口感剛好👌 第一次食西京燒吞拿魚（$108）原來係咁香咁好食西京燒原來係一種醬料味甜甜咸咸咁燒完既吞拿魚好厚實，但唔會太硬不過略嫌佢咸左啲，送白飯或送酒就岩同埋邊邊位燒燶左少少，如果唔係會好高分💕總括黎講呢度既環境同服務都合格既食物屬中上不過價錢有點overpriced 呢個價位可以食得好點唔嫌貴的朋友可以一試:):)…查看更多

同朋友慶祝生日，因為佢有discount就Book 左holiday inn 試下 餐廳環境都幾好唔會太嘈太多人我地坐到最入自成一閣咁幾好傾計大聲啲都得😂 服務都好好收碟收得好快同埋都有禮貌 一人一盅鮑魚燉湯好好味，好鮮甜同埋入面有成粒鮑魚仔又有花膠同雞肉超足料仲要每盅的用料份量都一樣的👍🏻👍🏻Nice 第一round 食下沙律同冷盤有幾款用鮑魚做既凍點都好好味有驚喜👍🏻沙律未算太多選擇不過都夠食👌👌醬料都夠多 輪到海鮮平時見到既都會有生蠔9:30 （定係十點🤔🤔）前係即開的不過都有啲唔係太新鮮所以只係食左2隻其他海鮮還可以 熟食都好多野揀（不過掛住食唔記得影）熟食都係好食既但佢個蒸鮑魚一出就比人拎哂出左去4次都拎唔到一隻 so sad 😭😭😭 仲有好多壽司同天婦羅🍤 甜品都好好食👍🏻👍🏻👍🏻個人最鍾意芝士蛋糕🍰仲有Haagen Dazs 雪糕杯👌😋有discount 真係好抵食…查看更多

大埔廣場地下有一間日式餐廳食飯時間長期好爆今晚夜左經過咁岩唔洗等就去試試 餐廳坐位較窄，同隔離枱好close 😂服務就麻麻地不停聽到佢地係度嗌不過食物都唔錯，而且價錢吸引屬於比較抵食 三文魚海膽丼海膽比預期新鮮好味👍🏻👍🏻三文魚腩都非常肥美😋😋帶子都好鮮味係啲飯唔夠乾身帶少少太腍 泡菜豚肉烏冬呢個非常普通湯底無特別豚肉，泡菜同烏冬呢3樣野好分離可以的話唔洗試呢個好似係串燒拼盤呢個都唔錯，幾好食燒得夠哂香👍🏻👍🏻 Overall 值得推介的係魚生飯刺身好新鮮串燒都ok ，好抵食但就唔洗試烏冬咁抵食，會再去食的…查看更多

海景午餐是我的最愛（之一）😂陽光下望著波光閃閃，一邊同最愛享受美食真係生活中既小幸福💕 第一次黎到Harlan’s 係因為慶祝拍拖紀念日，同時亦慶祝埋畢業🎓yeah 今次用餐體驗非常好👍🏻星期六下午十二點半入座，客人未算太多又好多waiter serve 我地,接近一對一的服務要咩都完全唔洗等離開個位時侍應仲會幫你摺返好條餐巾 其實除左價錢，食物，環境，服務之外好重要既一樣野就係食客質素今次食飯見到同場都係慶祝生日，拍拖，一家大細，仲有一班 bride mates （恭喜哂）充滿住快樂同寫意既氣氛同場都食得特別開心relax 前菜拎左好多海鮮海鮮都ok gei 未去到非常新鮮都算多款式有龍蝦同蟹腳主菜French Spring Chicken 好好味黑松露薯蓉同埋羽衣甘藍作配菜佢個黑松露薯蓉超香再襯埋件咁嫩滑既雞口感好rich 不過雞肉就略嫌太淡，無咩味 US rib eye Medium rare 熟度岩岩好，仲好juicy好有咬口咬落好有脂肪香味，但一點都唔油塊扒唔算好厚，份量岩岩好 Semi buffet 食物都好多選擇 Parma ham 都好食，夠香密瓜都好甜👍🏻甜品就普普通通芝士都無咩驚喜 反而餐包超好食圓形果個勁香牛油味同口感超軟搽埋牛油💯 整體而言餐廳水準屬中上服務好好，環境同氣氛都好正👍🏻食物就可以再好少少今次係OpenRice 做緊promotion 有7折所以價錢都好合理下次都會再來的～…查看更多

新界人沿著鐵路覓食今日黎到大圍站，想食泰國野誤打誤撞入左黎 餐廳環境都可以，算闊落平日晚上唔太多人服務不算得好好，但都不過不失呀姐尚算有禮貌👌招牌滷水豬手飯豬手滷得好入味，口感都好好夠哂軟腍不過個人覺得佢偏甜左少少份量都好大碟配埋泰式香辣汁，都ok gei！咸魚炒芥蘭好咸！ 不過都好香！ 送飯就岩哂不過菜有少少帶苦味可能今日來貨唔新鮮？ 但係炒得幾好既唔太油又唔太乾小食拼盤呢個就非常一般春卷同米卷比超級市場熟食檔好食少少炸物尚可但都但水準一般可以唔嗌呢個 Overall 呢間泰菜都算抵食但味道認真一般絕對唔會係外面食泰菜果個水準…查看更多

銅鑼灣覓食～自己無睇清楚介紹，估計餐廳環境一定好靚所以走去食呢間一坐底⋯得任食火鍋🤦🏻‍♀️🤦🏻‍♀️🤦🏻‍♀️因為對任食火鍋既質素無咩信心食材通常都一般睇埋menu 都唔算平，要成400幾蚊一位不過餐廳入面環境都唔錯晚市又唔多人，咁就試試佢😂😂😂晚餐MENU 只得任食火鍋套餐（$428/位）包任飲但今日佢無酒供應，所以每位減左$50即（$378/位）但佢個套餐好少選擇因為一黎個煲入面已經勁多野食有好多都唔係自己想食既野我地得2個人食完呢煲野都想飽哂但又嗌唔到extra 想食既野🤷🏾‍♀️🤷🏾‍♀️🤷🏾‍♀️個煲一黎到就勁多料🤨🤨🤨又丸又菜仲有好多雞我地揀左台灣香辣三杯雞湯底係好味既但啲料唔太得雞無咩味，其他配料都係中等貨式未見太新鮮響鈴勁大舊魚皮都脆台灣夜市火鍋拼盤呢個都幾特別好似滷水拼盤咁全都是滷水：雞翼，雞蛋，豬腸，豬耳，牛肚等味道不錯，幾好食😋😋😋101特選手工拼盤肉丸幾新鮮個餃都好好食但最尾已經食唔落了🙈🙈🙈 汽水任飲火鍋拼盤每2位可揀一盤肉類我地揀左安格斯牛頸脊新鮮好味道最後仲有燒仙草甜品呢個味道唔錯唔會太甜打完邊爐食涼浸浸咁佢既前菜都好好味都係任食既總括黎講環境服務都係中上但食物就一半半所以覺得唔太抵食…查看更多