bobnpat的個人專頁

突然想食金邊粉 一於去九龍城搵小曼谷要了一份金邊粉 朋友要了白咖哩豬扒飯 最可惜係冇生蝦刺生金邊粉好正 酸酸甜甜 宜家諗起都留晒口水加埋d花生碎 簡簡單單但係就原汁原味 正隨午餐附送的龍眼冰就...麻麻囉 免費丫嘛haha下次要食到佢地的生蝦刺生…查看更多

偷得浮生半日閒 宜家週末要晌香港市區搵個舒服岩坐又唔多人嘅地方真係唔易Caffe Habitu灣仔店一直係我心水店 可能係地點問題啦(要由金鐘/灣仔地鐵步行5-10分鐘先到) 呢度好少會爆場的今次都係坐返餐廳尾嘅梳化位 佢有免費wi-fi所以我地帶埋部電腦黎用因為過左lunch time 所以只係要左杯Lemonade同一份Snack Platter 第一次晌Caffe Habitu飲咖啡以外嘅飲品 估唔到杯Lemonade都做得幾好wor!唔會太甜太酸 又夠凍 夏日炎炎好消暑 正呀反而個Snack Platter就認真麻麻喇成碟除左個Garlic Bread之外都唔多好食腸仔太硬太實 唔夠爽脆 雞翼最O咀 比兜Buffalo Sauce就當係Buffalo Wings 仲整到淋"bad-bad"Potato Skins有兩隻味 一個紅一個白 不過只要用刀輕輕切一下 就成塊散晒從未食過咁濕嘅Potato Skins 差!!!不過嘛 黎呢度嘅人都係食佢嘅氣氛同裝修 咁嘅收費黎講 Habitu算係做得好好了成間餐廳比人感覺悠閒得黎好有文化氣色 好多人會留晌入面用電腦同睇書同埋呢我留意過大部份人都係用Mac機的!B先生用部netbook真係失禮死人最後Encore多件"Temptation" 35蚊黎講 算係咁啦…查看更多

除夕想食好d 之前食過yamm的lunch buffet 第一次感受到半自助的buffet 上次仲有個好熱情的staff同我地介紹左好耐佢地嘅buffet有幾好 一直等機會食佢地的dinner以為會好難book但又唔係wor 提早兩三日都OK了我地食第一輪680 第二輪要880 但開過食物係一樣的好早就去到 d蛋糕岩岩先搬上架 全部造形都好得意 睇到人好開心因為係除夕 每位客人都有新年禮物 好貼心呢 是晚仲有特色果汁/cocktail送其實唔係食左好多野 因為想留肚食甜品不過嘛海膽生豪魚生蟹腳都好新鮮 好食 =)是晚主攻魚生壽司及燒物 和牛海膽和鵝肝都encore左幾次是晚由一碟滿滿的甜品做終結 完美的一晚 =)…查看更多

因為有9折coupon所以黎食 事前冇check過openrice 咁就出晒事首先間野開晌重慶隔離個地下商場 本身樓底係極極極"高" 咁都算 唔關佢地事只係想講出坐晌入面果種壓迫感 同埋你預左為邊食邊有路人行過再望下你環境已經唔好 服務更加麻麻有好多十幾歲的0靚仔 個個面上冇丁點笑容 唉最後到最重要嘅食物食完第一道海鮮拿破侖意粉嘅第一啖已經冇晒心機個名整到咁靚 咪又係普通肉醬意粉少左肉醬!?海鮮唔算少 但係預左每款得一兩件 portion好細 仲feel唔到任何鮮味仲要一d都唔平 無論味道 環境 同服務都麻麻想行高檔CAFE路線?hmmm RICKY哥係時候做下野喇…查看更多

行開世貿想搵到地方坐底 決定來agnes b食件cake得返一張吉"木台" 可惜上面留有上一手食剩嘅野我先行去買cake 想說買完返黎d staff應該會清左張"木台"要左Lola同Chloe 每件30蚊Lola係香蕉朱古力 Chloe係Hazelnut加朱古力買完我捧住兩碟cake返到張"木台" 點知仲未有人執"木台"hmmm 有d唔合理囉 我張"木台"係起正個cashier前面當時有3個staff晌cashier入面 果陣仲要只係得一個人負責serve客有冇可能唔知有張"木台"要執??定係3個staff互推唔想執??最後都係要行過去同佢地講 先肯即刻出黎執左佢蛋糕方面:件Chloe很不錯 一層一層的唔同口感 有sponge cake,mousse,和底層的脆脆不過真係好好好細件Lola則一般啦 面果浸朱古力太膠太甜了要想晌銅鑼灣搵個安靜嘅地方食tea傾計 呢度的確係唔錯嘅選擇不過服務還是有待加強 30蚊一件cake話平唔平話貴唔貴 但水都唔提供一杯嘅時候係咪至少都要勤快小小執"木台"俾客人呢??…查看更多

一向喜歡homeless 知道佢開左自家餐廳就來試試裝修留有homeless的低調型格 服務都好好 waiter們都很快手很有禮貌食物方面 只是還好foie gras香脆冇根 唔錯海鮮飯 用料不算很新鮮 飯也不夠香 一般羊架也只可以叫做above average有環境和服務搭救 有下次下次來要試試其他野食:)…查看更多

王菀之介紹過的A LA UMAI 試了很久 卻到今天才有機會來寫寫食評到達時已經係二點 上班族走晒 得我同B先生兩位落地大玻璃 陽光透入黎 就算唔開燈都好光猛 仲有份溫暖餐廳面積唔大 只坐到20人左右佈置大方優雅 唔作狀唔花巧 岩岩好我點了Q版和牛 嘩 好味得令我要合埋張慢慢咀嚼外面極脆 但中間卻嫩得很 一流其美味非筆墨所能形容 要自己試過至知 :)伴菜的北寄具沙律也是很不錯的而Bob先生則點了西班牙黑毛豬hmmm 一般啦有機會要來食晚餐 不過好像有點兒貴呢…查看更多

晚餐來到了銅鑼灣嘅Burgeroom對美式漢堡素來有好感 之前一路食開開平道嘅Shake'em Buns 可惜執左:(見Burgeroom咁近 openrice又幾多人讚 就黎試下...原來加路連山道有好多野食 真係唔行過去都唔知6點半左右到達 加埋我倆個就只係得三台人叫左Spicy Breaded Chicken Wings,Foie Gras Beef Burger,Potato SkinSpicy Breaded Chicken Wings細細隻 但係炸得好脆好多肉汁 小小spicy 好食!!!Potato Skin唔算突出 落得太多芝士同煙肉 反而搶左薯仔嘅味道Foie Gras Beef Burger: 有點後悔點左呢個Burger件鵝肝味道唔係差 但係同個Burger一齊食嘅感覺好奇怪...又一個將平民事Crossover奢侈野就即時聲價十倍嘅例子不過無可否認 佢嘅麵飽係好好食 好香好脆 又夠厚 比Shake'em Buns仲好生菜同蕃茄係食得到嘅新鮮 不過同B仔一致認為下次黎一定唔會叫呢隻Burger食完7點幾左右 間餐廳已經爆晒 仲有好多人"入左黎"排隊好彩食得快逃過同人搭台嘅命運 想食得舒服記得要早點到呀…查看更多

落住雨黎食嘉咸街的日食小店 - 森壽司小店真係好小 只可以坐10個人左右 不過環境算幾優雅舒服Dinner Set有5款 平均150蚊左右 每份仲另送凍三文魚同白蘿蔔兩份跟餐前菜都值得一試 好味又開胃 特別係白蘿蔔 軟硬適中顯功架同BOB先生分別要左: 魚生飯御膳同照燒牛扒魚生飯定食相量有分量 好多好多魚生鋪晌飯上面甜蝦鮮甜肥美 三文魚帶子油甘魚都令人愛不釋"口"尋日既海膽唔算好甜 不過鮮味同份量搭夠牛扒定食另跟一份魚生 都係128蚊 值得讚!!!半生熟既牛扒 一放入口已經想笑 因為好甜好感動呀牛扒燒得岩岩好 軟熟唔Un 而且好多肉汁 正!!!另外叫左海膽壽司 雞軟骨串 免治雞肉串 同牛油炒雜菌 唔算好驚喜不過見到海膽嘅份量 都感受到間餐廳嘅用心同誠意最後食埋佢地送嘅蒸蛋 嘩....滑到呢 飽到上心口都努力清左佢一間令人覺得相當幸福的小店 :) 一定有下次…查看更多