ZoeHui2495的個人專頁

平時返工經過，見永遠都冇人，都想試吓，後期知道佢有得畫碟，啲小朋友開心吓，前幾日專登book咗去荃灣廣場食。啲員工服務態度非常惡劣，小朋友叫橙汁冇得走冰，唔知係咪見我哋有小朋友，食食下粒聲唔出就收哂啲餐具怕小朋友玩，大佬呀講一聲都可以嗎？上餐又唔知點解極唔耐煩，西哂面咁。老實講我哋作為客人一直好好態度，但唔知點解啲店員態度咁差。其實啲食物正常嘅，如果唔係啲態度咁差，都有下次。原本一家人好期待佢個畫碟，最後決定嗱嗱臨食完就走，唔想再受氣。…查看更多

下午4點去完婚禮，諗住求其食啲嘢。兩個大人加一個B 一坐低就有個廚房佬(應該係老闆)走過來話我個B:[張凳係用嚟坐，佢唔坐其他人要坐嫁，叫佢除鞋企！]我個B得歲半，去餐廳如果冇BB凳，都係企喺度食。咁我哋講唔好意思即刻同BB除鞋。想叫崩沙腩個落單阿姐勁細聲話冇，完全聽唔到，搞到我哋落單都對峙咗好耐。BB想玩筷子，我哋已經即刻阻止。但係收銀個阿伯大大聲聲，叫阿姐:收起佢!全部收起佢!嚇到我哋嗱嗱臨攞咗兩對筷子，就比佢哋收起晒啲筷子醬油。。。想試吓佢哋啲辣椒醬都冇得。啲嘢食未到已經一肚氣，啲嘢食點食都好都唔會有下次。…查看更多

等左大半個鐘先知漏單，跟住仲要等多足足一個鐘未煮好，俾錢買難受！已經唔係第一次，堂食都好慢。姐姐態度又差，冇諗過幫你追單。譚仔唔知點解越做越差。打緊食評期間仲等緊…查看更多