食得是福也的個人專頁

（1）收銀胖胖女職員唔會回應客人、黑口黑面、唔想做、唔想答、掉個餐牌俾你。（2）四眼男人：「我知你留左餸、咁你加咩呀、講啦」又晦氣、態度又差、仲以為我欠左佢。（3） 樓面金毛短頭髮中年呀姐、最不知所謂、扮好態度咁講野、再西口西面執碟、d碟再大大力掉落個桶、真係不知所謂。依間餐廳完全搞壞香港飲食業、只係食左一個鐘、真係好受氣、終於明白點解香港人要返大陸食嘢、就係因為哩d餐廳搞衰香港飲食業、大家可以去嘗吃一肚氣。另外成間餐廳煙霧離漫、食完成身煙味。食物完全無特別、就係一間大排檔菜式。…查看更多

當日店舖一d都唔多人、純粹食飯時間要等一張枱就入到去。當日真實情況如下：一位很有禮貌帶微笑既男客人問拉麵師傅對話客人A：師傅 近日d筍唔靚有渣喎師傅：哦、唔好意思（頭都無望一眼）隔一陣客人A：今日你得自己一個都忙喎師傅：一個入廠、一個放假、咪咁之類客人A：我之前嚟食過個飯真係一流、所以再返嚟食架、念念不忘。師傅：咁你一陣食完叫（當中聽唔清楚）但師傅係無正面望過客人一眼、亦都一副唔耐煩嘅樣子。📍這位客人沒有叫飯、最後2人超黑面離開了📍另外小小建議：會否參考日本餐廳、可以寧靜一點、員工們高談闊論盡量都細聲一點、因為店面都很細小、沒有客人想知道何時返工、放假、拉麵哥哥今日黑面唔玩得之類。其實3-4百蚊加壽司加魚皮加雞、食2碗拉麵時間很短都希望給一點服務要求。廚房方面檯面真係好污糟、檯面有食物碎、好似牛什檔感覺。PS:我和朋友食完當晚零晨有肚屙、攪肚痛情況。希望貴公司睇到留言、員工們都請嘗試坐在客人坐位上設身處地感受一下。支持香港飲食業、支持餐飲業有基本服務態度。…查看更多

成日都經過這間小食店、望落去門面乾淨企理整齊完全沒有大大濃煙臭味、因為限聚令所有都無堂食所以買返屋企慢慢品嘗、原來老闆係用新鮮食材即叫即燒、所以都要等左一陣都買左多串食物、雞翼同雞翼尖真係超好味外脆內嫩又多汁真心推薦其次就係安格斯牛粒🐮濃濃牛肉味好Juicy🥰順帶一提個老闆超級有禮貌不過海鮮類就比較小、可能因為環境問題、附近酒吧又唔開、老闆唔可以大量儲食物浪費、所以希望環境復原可以提供更多海鮮款式！加油加油💪🏻支持小店經營…查看更多

原本唔打算去哩間，一落巴士有個女仔派傳單，又有85折所以就即管一試。入座後有個職員已經好細心講解價錢分別，原本想㨂$248,但係多$50即係$298就有埋燒爐燒肉，一開始肉到檯個男職員又講解一次怎樣烤，服務真係好細心啲肉件件薄切、烤或者碌都好香好好味、只要十幾秒已經可以入口、由於第一次去不知道原來海鮮太濕爐細烤唔到、個男職員見到即刻講解仲怕影響我地之後燒肉既質素、所以即刻換一個新爐俾我地、真係好讚食物方面除左牛肉和海鮮比較好、其他火鍋料都係普通貨式、刺身就真的非常一般（好腥、感覺不太新鮮）只吃了一轉、甜品有小量同埋有雪糕、雪條、氣水任飲任食、我只推介大家㨂$298（有燒爐）牛肉質素十分好因為掛住食所以只影左小小相Ps:如果有牛舌更好…查看更多

從來無諗過會有一間咁差既自助餐，食完都覺得浪費錢，浪費時間，完全無心做既自助餐，一間餐廳，熱區同凍區行好遠，海鮮只有手手腳腳，無龍蝦假廣告，壽司區刺身蝦又不新鮮又臭，餐檯面十分污糟、係無廚師加食、一個個吉盆、甜品最極品最差槳胡吉仁湖，熟食蒸得耐唔會更換、任由食物蒸乾、唯一係雪糕好味、因為唔駛廚師整、不過手快有手慢無、食物質素十分差，不專重客人不專重食物。樓面員工傾計、傾計同埋掛住傾計幾佰蚊食到一肚火…查看更多

今日要去葵涌拎野諗唔到食咩，誤打誤撞去左哩間不太起眼既小店，估唔到選擇無錯，好彩無中伏、仲幾好味、所以同大家分享下！當時3點幾所以人流都唔多、所以好寜靜好舒服咁食左一個下午茶、先講店內感覺好乾乾淨淨、衞生情況好好、完全無一般壽司店既臭魚腥味超讚服務都不錯叫左壽司併盤好新鮮仲係即做既、飯既大細剛剛好一啖一件刺身叫左三文魚腩、係入口即溶食完好有滿足感既最後叫左個燒尤魚筒、一啲都唔乾、鮮鮮甜甜幾好味列入有下次…查看更多

看見網上推介這間新開特色火鍋店、就即管去試一試、一入去既感覺裝修好有心意、好靚好特色、最特別有樂隊唱歌仲可以點歌、令用餐時感覺氣氛好好、好輕鬆！任飲任食黎講都可算超值🎉！火鍋爐係外圓位火鍋而中間可以蒸海鮮既有「蜆、花甲、青口」、麻辣都好香不過唔夠辣、強烈推薦「麻辣牛肉」「手切肥牛」「滑牛」「鯧魚」超級新鮮、「醉酒雞翼」好香好入味步步高即係四色丸就普普通通沒有特別、餃類都比較好食、有自設魚缸海鮮區（另收費）、有個大酒吧（另收費）好多選擇而最想不通「紅糖糍葩」就是一粒炸米飯、所以可以不用再試！員工十分有禮貌Ps:希望增加更多食材：豬紅、鴨血、雞子、豬腦！…查看更多

之前係B仔食糖水順便買左哩間酥金茹試下、點知一試愛上、香、鬆、脆、無油益味、又可以打定電話轉頭拎、所以我覺得宵夜小食首選、臺灣風味不過一定要即食、費事走左氣好味道…查看更多

朋友介紹就去試下，雖然比一般放題貴、但食物係回本既「海膽手卷」「拖羅」「和牛薄燒」最最最好味「芝士玉子」食物種類超多，掛住食都唔係影好多相，食物味道都不錯，雪糕全部日本牌子，不是牛奶公司貨式，甜品有個甜品雪櫃最正「榴蓮糯米糍」！至於環境方面，唔會迫到行都行唔到、同員工服務係最最最讚既我隔離枱有3個外國人、有一個稱1號職員全程都好幫忙好好服務態度，感覺係全程真心幫忙、令客人感覺好好、好開心吃一個晚餐有一個實習長髪妹妹執枱時、聽到我話凍、仲超窩心問我需唔需要披肩…查看更多

一年一度生日飯好多謝姊妹們一番心意，知道我喜歡食海鮮，所以專登㨂左哩間有自設魚缸火煱店，價錢好合理經濟，火煱後同店主傾左幾句，原來係家庭式生意，店主好有心機由去㨂魚養魚成個魚缸自己搞掂🐠每個家庭成員不同崗位👭👫感覺好家的愛,內裡裝修好有獨特風氣，又有型又帶點古色古香，感覺好好，乾淨舒服一行六人，今晚點左個海鮮4人套餐（有幾多野食相片自己睇）好多蝦上檯仲跳下跳下既，啲水餃、雲吞、九菜餃食得出自己包既條魚無得輸呀超甜囉（不過唔記得咩名)豬、牛、羊都有後加小食「鬼鬼馬馬」後加一份超大桶蠔（超肥，滾完唔縮水）套餐仲有蝦滑，魚滑，再加小食（香口豬軟骨，仲有三文魚刺身，黎個前菜沙津，仲有4罐汽水送，真係超勁，問你夠未成個套餐連埋後加生蠔，烏東，鬼鬼馬馬小食，仲有幾支啤酒，都係一千蚊左右咋，堅抵到爛囉原來店主話新開，所以都係想薄利多銷，贏口碑。所以我同姊妹們都會再支持。…查看更多

網上見到推介就去試一試、結果味道不錯、魚肉新鮮甜美、生蠔大隻厚肉鮮甜、手切牛厚薄剛好肉質鮮嫩、最值得一讚員工禮貌很好、由訂座電話溝通至到用善時間、每個員工禮貌都好好、下次會再大顆兒一齊去再試其他食物！但有一缺點就是漏單情況、建議員工：用紙寫低落單！…查看更多