CindyWingSzeCheung的個人專頁

上個月男友生日帶左佢黎這間貓cafe，可能因疫情關係，人比較少，一開始我地好似包場咁樣，環境唔錯，地點都算方便，食物整得幾靚，味道唔錯，但份量一般，生日當然要有蛋糕啦，我係其他地方買了蛋糕，店員為我們點起蠟燭送到我枱上，很細心，又不用切餅費，整體ok，一定會再黎!…查看更多

今次在觀塘揾食，約了2位舊同事，想食得有特色，結果選了這間日本餐廳。餐廳位於工廈，因可能是晚上，入去時要登記。一入去餐廳，感覺好家庭feel，好舒服。食物方面比較少選擇，但賣相不錯（我都是因為看了別人的相被吸引了），份量適中，味道也不錯，叫了明太子蟹肉炒飯，明太子味不算太濃，另外叫了一個豬軟骨鍋，豬軟骨好淋，味道濃郁，有菜及粗粉絲，串燒雞翼感覺貴了點，還有燒鯖魚，感覺一般，整體不錯，不過價錢不太值，食裝修及環境，鍾意靚野的朋友可以一試。…查看更多

昨晚約了阿姨到尖東晚餐，之前一直經過都好想入去試下，阿姨又鍾意飲啤酒，所以帶她來，估唔到有驚喜，以為飲品已經好驚喜，點知食物重驚喜話晒是酒吧，酒當然是一般酒吧價錢，見到一杯的價錢不平， 索性叫枝Tower(2L)，見到咁大枝真係幾驚喜跟住叫了幾碟燒物，因為張枱太細，食物一次過來得太快，跟本食唔切，之後就決定續樣續樣叫，講返食物，我地首先叫了燒菠蘿，鹽燒秋葵，日本枝豆，燒粟米，燒日本蕃薯仔及明太子雞翼，來得快，食得急，不過味道唔錯燒菠蘿好甜好香，個樣都幾靚最驚喜是鹽燒秋葵，在秋葵上竟然有木魚碎，我地坐入面有風扇吹的位置，有侍應拿秋葵來的時候，風扇一吹，木魚碎散落我們身上小朋友可能會覺得好開心，好似仙女散花咁唔知以為是特別效果，好彩都重有部份還在碟上，味道不錯，估不到有這個配搭(可能我少食)枝豆都是一般整法，沒有特別，特別在夠大碟燒粟米好香好甜，重有濃郁的牛油味，一個字，還有明太子雞翼，一碟2隻，2隻都好飽滿明太子餡不算太鹹，咬落juice，不錯之後坐下hea下再叫，叫了燒生蠔拼盤，味道不錯，不過生蠔不算太新鮮，即刻扣了分，再叫了一碟牛油果軟殼蟹卷，這個更驚喜，只是$79，都有唔少件，但件件都好大件，一口食唔晒(可能我口細)，但比起一般的壽司店大，味道也不錯，在卷的底部有 醬汁，這醬汁很甜很好味，個人覺得這碟是最好食，最後叫了碟甜蝦刺身，個樣就好靚，但唔新鮮，整體來說，燒物及卷物可以再食，海鮮就免了，店內還有其他種類的食物，打算下次再試。不過環境不是太好，不明白為何將飲酒同唔飲酒分開，不是將食煙同唔食煙分開，飲酒的不代表會食煙，相反，食煙的不一定飲酒，我們坐的位置左邊及後面的人都食煙，好彩是對住風扇，可以吹散味道，下次再食會選擇訂枱，希望會好少少。…查看更多

今晚和同事相約在這小店食晚飯，因之前她提過想吃壽司，而她對食一向有要求，我就想起這小店之前曾經有朋友帶我來吃過，都好一陣子，感覺很好很回味，特別是蟹膏壽司，少有壽司店有這款壽司，就算有也未必好味或腥味重，這間是我食過的數一數二，真的一試難忘而香港人最鍾意食的三文魚刺身，好鮮甜而且肉厚，抵食還有海膽壽司，海膽同樣鮮甜，入口即溶刺身還有甘海老(即甜蝦)，老闆娘很細心，將蝦頭不能吃的部份取走，剩餘蝦腦(好似係)是可以吃的，我沒有吃，但望落去好靚，銀色的重有手卷，我吃了明太子沙律手卷，明太子的份量都幾多，咬落去好有口感，不錯最後吃了烏冬，是稻庭烏冬，及吃了豬軟骨，烏冬都是一般的稻庭烏冬，當然好食豬軟骨就麻麻地，我和同事都覺得太濃味，如果送飯應該唔錯，整體來說，一個字一定會再食，而且老闆娘很友善，服務及食物質素都很好，值得一試!…查看更多

上個再上個星期日，如常到教會崇拜後午餐，這個位置之前都有不同的餐廳，轉過幾次手，竟然開了韓國餐廳，實在太吸引了😍😍我很喜歡食韓國菜，最驚喜的是韓國餐廳的侍應們都是韓國靚仔😍😍我地一行8人，其中我和3人見到部隊鍋，一致決定share食，正呀！再加了炸雞，部隊鍋內有豬肉，香腸，年糕，韓國麵，芝士，最好味是鍋邊的蛋，有粟米放入去，好香好好味蜜糖炸雞炸得很香脆，不油膩，加上蜜糖，正呀另外姊妹食的豬肉飯，用個鐵盒裝住，好得意咁，但味道一般，個汁有點怪，我沒有試過，所以不知道另外墨汁烏冬賣相唔錯，姊妹說味道也很好，烏冬特別薄，幾得意石鍋飯的賣相也不錯，很香今次食飯時沒有詳細看餐牌，下次再食會比較詳盡😂😂…查看更多

朋友剛去完日本，約了食下午茶見面及比手信，我們一行4人，下午茶時段不太多人，下午茶的餐牌唔太多選擇，幾款食物都是併薯條，食到有d驚😅😅，不過都幾好食，叫左燒雞翼和蒜蓉牛油雞翼，每款都是3隻，感覺上燒雞翼的味道好過蒜蓉牛油雞翼，燒雞翼好香，皮跪，真係好似去BBQ燒的一樣，但蒜蓉牛油雞翼不太感覺有蒜蓉和牛油味，而且皮是炸，感覺好熱氣😥，另外叫左蘿白糕，切成細細粒好易食，好味不過太油，還叫了蝦卷，皮跪，肉質彈牙，唔錯👍👍最後，朋友話要食菜，所以叫左主餐牌的蟹肉扒西蘭花，不過唔醒起，這個價錢做得海鮮，應該唔會太新鮮，果然蟹肉真的不新鮮，不過還可接受，整體感覺唔錯，對食的要求不高的朋友是不錯的選擇…查看更多

今晚父母不在家，又約了阿姨食飯，臨時臨急唔知食咩好，阿姨在尖沙咀返工，他說佐敦比較多選擇，因此坐車去佐敦，原本打算到恆豐樓下食拉麵，點知關了門，不知是否已結業，一上正門，鈄對面就是莊士倫敦廣場，阿姨話唔太舒服，不想食火鍋或燒烤等食物，離遠望過去，這廣場內不是火鍋就是燒烤，然後往下一看，看見一樓有間花園餐廳，打算入去試下，這個時候不太多人，一入去已有位坐，價錢不算平，但食物一流，好味之餘又靚，而且坐得舒服，環境唔錯，這個價錢值得食，下次即興約食飯又多一個選擇了!我地叫了豬扒併虎蝦及豬手併帆立貝，這些都很好食，一定會再來食!…查看更多

這間餐廳之前已經食過，因為好姊妹以前住耀東邨，經常帶我到西灣河吃飯，食過午餐，覺得唔錯，剛巧昨日阿姨找我吃飯，皆因我上次曾經帶過她去食，剛巧那天餐廳關了門，所以她想起這間餐廳，便揾定位等我放工，很期待再次來食，我地沒有叫套餐，因為覺得不太值，又未必可以食晒自己想食的食物，所以決定散叫，叫了生菜包，生菜新鮮，餡料有少許辣，但不太咸，食落感覺好清新，天氣熱食這個一流，另外叫了一碟炸蝦餅，炸得剛剛好，不會太多油但又跪口，肉質彈牙，美味之選，還有咖哩倉魚，咖哩汁好香好好味，十分足料，有蛋花，配3色椒及洋蔥，誠意之選最後就是小菜，我地叫了介蘭草菇炒雞柳，賣相一般，但美味可口，整體來說這間是有誠意好味的泰菜，我地堂食，雖然餐廳內人不多，但一邊食一邊都見到很多人叫外賣，證明很多人都欣賞這間餐廳的食物，但都有需要改善的地方，就是坐得不舒服及員工態度比較差，個個黑口黑面:(:(…查看更多

今晚父母約了人吃飯，我和細佬決定來這裡吃飯，我地食了一個pizza,4隻雞翼，一個沙律，一碟魚塊，後加了一個漢堡扒，一個芝士薯角及甜品，漢堡扒及芝士薯角忘記影相，但真係好好味，漢堡扒厚身多汁，配煎旦及薯角，簡直完美，另外芝士薯角不得不吃，薯角面有濃濃的芝士，再配上香脆的煙肉，一個字，正呀！，重點係，只係10幾蚊，抵呀Pizza細細塊，剛剛夠2人份量，雞翼有4隻，每人2隻已經好夠，因為重有其他食物，三文魚塊好香脆，內有流心餡料，好驚喜，會經常來吃。…查看更多

自從返了新工之後，認識了同樣喜歡食野的同事，有一次同事send whatsapp比我有關牛扒先生的半自助晚餐，好平好抵食，決定揾日放工一齊去食，6月頭打算打去book位，點知原來7點至9點只有walk in,不能book位(沒有記錯好似係)，7點前可以book位，但又怕趕不切7點到，所以沒有book位，那天星期五，我地就去walk in，出面好多人等，不過都不算等得太耐，我地等左7個字就有位，主菜不錯，任食的有沙律及甜品等，但不是樣樣好食，不過整體唔錯，只能說，這個價錢去邊度揾呀，抵食!主菜我食了燒春雞，我同事食雜扒，淨係賣相已經夠靚，味道也不錯，燒春雞嫩滑多汁，當然，雞胸一定有少許鞋身，雜扒最抵食，有4款食物，牛扒厚，羊架香，好味。…查看更多

本來打算去小豆島食早餐，但因為經常食，打算試其他，其實一直都不太喜歡入去食野，因為在街市隔離，食野時會有街市的腥味，感覺不太良好，不過在附近沒有太多選擇，我和細佬都想食通粉早餐，因此打算入去試下，點知，我入去叫雞扒通粉，佢話睇錯單，煮左麵比我，算，唔想浪費食物，但看餐牌是有菜的，出來當然一條都沒有啦，個麵不知是什麼牌子，好淋之餘重要無味，雞扒又細件，食左都唔飽，杯檸茶沒有茶味，只有檸味，食物質素實在太差了，我不會再去食。…查看更多