Ling22112017的個人專頁

大埔既朋友推介! 話就算九龍既朋友(我)去到都一定唔會後悔，食完後真心超推介👍呢個價錢既放題通常好少有海膽呢啲高級野，漁屋就有齊晒，海膽，三文魚子，鵝肝的有🤤最推介既係鵝肝多士，鵝肝有大大粒，入口即溶，超juicy, 多士都係哄到脆脆的，好夾唔油膩花子戀竟然仲有金箔😂 雖然食唔出，不過夠晒華麗，呃like 一流海膽唔算特別出色，不過以呢個價既放題黎講，有得食已經算偷笑，無限encore🤣一般大路既刺身都有齊晒，推介赤貝及甜蝦，好鮮甜😍長腳蟹其實非常不錯，可惜佢有時黎蟹腳，有時黎蟹鉗，我又唔太識食果啲部位🙈仲有我鐘意食既榴槤波波，同埋Hagan daz 雪條做甜品，大滿足，走前仲夾走左一小包糖比小朋友做手信🤣 平。靚。正👍…查看更多

去完南朗山睇日落，行到攰近近去去熟食市場食泰菜，點知有意外驚喜先黎個開胃既柚子沙律，酸酸甜甜，好開胃，好fresh, 有少少辣，不過辣得黎好好味嘩，個農夫包份量非常足，面包香脆，咖喱食得出加左唔同既香料整成，非常香又唔會死辣，面包點完咖啡食到停唔到口再黎一個海鮮咖哩，賣相一般，不過用料好足，有青口，魷魚，蝦，另外叫左個薄餅黎點，都好好食炸魷魚一般般，食落有啲油膩膩既感覺，魷魚都炸得有啲過老了推介! 生蝦大大隻，爽口彈牙，蝦頭都炸完比返我哋，個蝦頭仲食到蝦膏架超鐘意食魚既我緊係唔少得叫返個魚啦條魚好滑又無咩骨，個湯超正，煮埋啲配菜食，金菇索晒啲汁，一邊叫好辣一邊食到好滋味總結： 食物質素非常好，可惜無冷氣，但價錢反映返，非常抵食! …查看更多

星期六一早同阿爸阿媽去飲早茶，揀左呢間價錢唔平既翠園，諗住食好少少第一碟黎到既係鮑魚撻，推介，個撻皮做得非常好，有牛油香味，面且好鬆脆，唔係死實實果種脆，鮑魚下面有啲肉粒，同有調校到岩岩好既味道，成個撻都好出色有一小塊金華火腿點䮕，顯得精緻，魚肚無咩點炸過，食落唔會成口油，唔錯餃類就比較差了，餃皮太粉，太軟，唔彈牙，食落黏口，雖然入面啲料都算新鮮，不過餃皮扣晒分了牛肉球可以的，肥瘦適中鯪魚球值得推介，魚肉爽口彈牙，係自家製的，而家唔會覺得腥出面比較少有得食，所以雖然奄春雞比較高膽固醇都要食下，又唔錯喎，豬肉唔會太肥，肥瘦適中，雞蛋細細粒，配埋個豬肉岩岩好💪總結：食物質素ok, 不過價錢偏貴，而且環境一般，啲枱擺得好密，而且睇得出佢啲餐具，桌椅，係有不同款式，啲櫈既款式高達5款，格調即時下跌左唔少。…查看更多

愛好日本料理既我今日專登黎到屋沙灣搵食，日本料理健康之餘又好味，絕對岩識食既你😊 今次有口福，食到呢間價錢平之餘又高質既日本餐廳。嘩，一上到黎個感覺就係咁，條鰻魚好大大阿，而且燒得好香，醬汁既味道岩岩好，唔會過濃，鰻魚亦都無咩骨雖然啲蠔細細粒，但絕對鮮甜，唔知係唔係因為size 較細既原因，餐牌寫4粒，但黎左5粒比我，而且上面有大量櫻花蝦同三文魚唔同，佢既油脂比較少，食落無咁膩，但係魚味好濃，點少少豉油好囉，唔係就會蓋左個魚既鮮味😊呢個絕對推介，其貌不揚，不過好好食，年糕外脆內軟 (要做到呢點一啲都唔易), 一咬落去，芝士就流出黎，好耐未食過咁高質既年糕了炒雜菜偏向有啲遜色，覺得有少少咸最後，溫馨提示： 記得訂位，我聽到隔離有人話等左成個鐘先入得🤦…查看更多

$108任食五花腩! 睇落好抵，不過究竟你可以食到幾多呢(？)叫左個$108 五花腩另加$80牛舌，平心而論五花腩都算ok, 第一碟超肥，第二，三碟肥瘦適中，不過有部分筋，肉類又唔算太濃，只能話ok. 不過我哋两個人去，食三碟已經食到盡! 不斷肉肉肉，太難受了， 雖然唔係太飽，但一啲都唔想再食了。最尾加左個沙律同雜菌，食返少少菜感受先好啲，埋單每人二百幾，其實一啲都唔平，下次都係單點好過。而且感覺服務好一般阿，水要問才有，不過環境尚算可以的。…查看更多

去左附近踩單車，踩到mega box順便放低食野，共享單車真方便🙌 去到茶木見到有撈起，即刻被吸引💓 新年緊係要食意頭麻💪個撈起非常好味，而且顏色吸引，有四色面條，材料亦都唔係平野，有帶子同三文魚，簡直睇得又食得，配埋個芝麻醬，味道岩岩好又好fresh。反觀另一個芒果芋圓就有啲失望了，睇落好大碗，但有大半係冰，而且唔係刨冰，而係完整的一粒，想整碎佢撈埋啲紅豆芋圓食都唔係咁方便，而且個芒果好酸，不過個黑糖同個涼粉既味道好夾，算攞返啲分🙆…查看更多

之前有朋友推介呢間海南雞飯，話好多人特登入西貢都係為左食佢，今日難得經開，就緊係黎試下…叫左海南雞飯，配例湯… 個湯真材實料，有紅蘿蔔同瘦肉，足料唔係味精湯。之後個海南雞飯都到埋，好好食，雞件非常滑，食海南雞，個醬汁都好重要，佢配左姜蓉，酸甜醬同醬油，三個醬汁都好好味，姜蓉個味好特別，同出面既唔同，應該係自家製。最出色既我覺得係個飯，我好多時好怕海南雞飯個飯太多雞油，但呢間做得好好，好香滑，佢加左一粒粒好香脆既配料, 好正，未試過食飯食得咁開心!…查看更多

前排勁凍勁凍果日，入到黎元朗搵食，朋友推介呢間，正丫。離地鐵站有啲隔離，可接受，入到去第一感覺就係好溫暖，大枱旁有勁大支暖爐燈，嘩，感覺好warm.而食物質素都好好，又有特色，推介客家蛋卷煲，好特別，個湯又可以飲埋，另外客家釀豆腐同埋酥炸大腸都好好食，個大腸配上個醬汁同菠蘿，超夾。金銀蛋菜苗都好好食，啲菜苗好幼嫩，個湯好清甜。叫埋個蠔仔粥代替白晚，超滿足，個粥超多蠔仔，食落唔味精，勁大煲，基本上碟碟份量都好大，價錢又唔貴，推介…查看更多

黎到附近行山，行完超級肚餓，隨便搵左間餐廳就入左去，下午茶好抵，三十蚊左右，有一碗札肉湯粉，又有火腿蛋同面包。札肉湯粉清清地，但又唔會無味，味道可接受。火腿蛋就真係無特別喇，面包有烘底，幾好。紅豆冰略嫌太重椰奶，不過本人不拒抗椰奶，所以還好。友人點了豬扒湯粉，話豬扒唔新鮮，係醃左勁耐，醃到實晒黎保存，所以佢成塊無食過。反觀我個餐平過佢，但質量都算ok! 關鍵係行完山太肚餓了。茶餐廳價錢，服務都唔要求得咁多。…查看更多

今晚自己一個人打算hea食個晚餐，經驗老川皇，見到價錢便宜，就入去食碗麵，點個勁失望。叫左個鴨舌同埋擔擔麵，鴨舌叫左少少辣，但依家非常辣，辣到胃都痛埋，放棄。而擔擔麵就非常清，如圖所見, 就係一啲芫茜加辣椒，係我印象中，擔擔麵應該有花生粒，但果碗野真係好似一碗清湯陽春面，不過價值平，都算。最慘係坐正收銀隔離，有個阿姐坐係收銀台，有個阿姐企係堂中間，两個隔住我黎傾偈，嘈到呢，真係頭都痛埋，可唔可以細聲啲，雖然hea食，但真係嘈到一啲都唔想留係入面。…查看更多

嘩～ 呢間店真係人山人海，遠遠已經看見一條人龍，本來以為直接排隊，排排下先發現原來係拎飛仔，只不過大家好乖咁拎完繼續排。點了魯肉飯, 細細碗，岩晒一個人黎既我，可以試多啲唔同既野食，魯肉睇落好似好肥咁，不過食落就一啲都唔覺，好入味，好好食。喜歡試新野既我唔知咩係旗魚黑輪就緊係要試下，原來係魚膠包住水煮蛋，魚膠好彈牙，配埋個醬汁真係好得意，不過就炸得略為有點油。點左百香果綠茶，甜度1-10咁寫，真係好貼身，適合鐘意不同口味既人，推介。…查看更多

曾經是詠藜園既常客，事關佢既價錢十分親民，麵食比出面餐廳平近一本，不過最近一次食，水準好似略有下降叫左招牌擔擔麵，叫了最少辣，辣度剛好，花生味都好濃好香，但係麵質略嫌太淋，如果可以做到有少少口感，微彈牙會更好。另外點了過橋水餃，入面粒肉肥瘦適中，可惜不夠肉汁，主要還是靠配的醬料來調味。另外點了醉雞，酒味濃郁，雞件都爽口彈牙。總括之言，價錢平，十分抵食，食物質素ok, 有改善空間，座位略嫌迫，不過小店要求的是氣氛不是環境，還可以啦 …查看更多

之前去油麻地食煲仔飯，比朋友話不及西營盤的出色，今日難得黎到，一定要試下煲仔飯是即叫即煲的，大約要等25分鐘，我哋叫左两個煲仔飯加一個咸香炒芥蘭，個芥蘭極速黎到，不過雖然極速到，不過味道一啲都唔簡單，炒得非常香，熱辣辣，個芥蘭都好幼嫩，我哋好想等埋個飯到先食，但都忍唔住不斷食。等等等，25分鐘後啲飯終於到，不枉我地等左咁耐，個煲仔飯超級讚，啲飯好香，粒粒分明，好有炭爐煲出黎既香味。白鱔好滑好肥味，臘鴨就略嫌太咸，不過臘腸有好香既玫瑰露既香味，好味。…查看更多

近排喜歡上食點心，今日去到西營盤都不忘試一下這家點心，幸好來的早，不用排很久。每人點了一個set, 有两款點心，仲有跟餐飲。叫左叉燒包，鵪鶉蛋燒賣，鮮竹卷同鳳爪。叉燒包入面既叉燒肥瘦均勻，也沒有臭粉的味道，鮮竹卷及鳳爪也很入味，味道剛好，鵪鶉蛋不過不失。當然我地仲點左最出名既邪惡流心士多。超正，一切開，啲奶皇流心即刻流晒出黎，啲奶皇好香，有淡淡既蛋黃香味，配埋外脆既士多，好好味，不過如果自己一個人食晒成件都幾膩, 两人share一份剛剛好…查看更多

好鐘意食生蠔，但近排睇新聞睇得多，話生蠔食得多好易中毒，所以唔敢去任食去到呢間$130@6隻，法國生蠔，感覺價錢都幾抵，可惜去到時無晒芬大奇，只剩下另外两款，真可惜，不過一場黎到，唯有照食，果两款比較下，小珍珠的味道比較鐘意，喜歡那海水味及口感，不過略嫌細隻頭盤點了鵝肝多士同蜜瓜ham. 超推介，尤其鵝肝多士，鵝肝很肥美，不過配上青蘋果，味道立刻提升，消除了油膩感, 配搭得好好! 主食叫了羊架同意粉，意粉比較一般，羊架也很好食, 有少少羊蘇味，但又唔會太重，正。…查看更多