FatChoc的個人專頁

今日一個人在PP搵食, 突然想起在網上睇過超多人讚的車仔麵店就在PP3附近. 比起在大商場比8-90蚊食個wrap, 行多兩步食車仔麵絕對是更好的選擇!! (事實穿地底行過去約十分鐘).約一時正去到門口, 約有12-15人排隊. 還好阿姐手腳超快, 不到十分鐘麵就到手了~!!!! 因為想試傳說中的風味, 選了在後巷立食. (其實那條後巷都算乾淨). 食車仔麵必食油麵, 叫了出名的魷魚, 酸斎和車仔麵不可少的豬血. 湯底- OK, 就是一般車仔麵的湯, 加了咖哩汁變得更好食麵 - 正常魷魚 - 招牌餸, 其實都幾入味幾好食..但係...點解我見其實人的食評魷魚份量是正常的, 我的這份只有三塊(就是圖中見到的三塊) .....份量少得離譜酸斎 - 都是招牌餸, 這個我只覺得是普通, 不特別好也不差豬紅 - 呢個反而有驚喜啊, 雖然都係交貨來的料, 但佢煮得幾入味阿~ (已經決定有機會再黎的話會encore)整體言這家的水準不差, 以這一區來說價錢算平, 只是它太有名了, 抱住超大的期望來食難免有點失望. 在天氣不太熱的前提下應該會返吃的. …查看更多

七一午餐自己一個在旺角搵食，旺角區公眾假期午餐時間都唔洗等就知有問題，但既然到左就試下啦，叫左個雞絲粉皮加一客小籠包。雞絲粉皮：差！本身是無可能出錯的菜式，衰在佢用左日式的沙律麻醬，令人超失望。明明係上海菜的店，正正經經用芝麻醬調個汁都懶，唉。小籠包：不過不失。上台夠熱應該即蒸的，皮不算厚亦算有肉汁，但又唔可以講叫皮薄餡靚，好似$3X，雖然唔算好貴，但賣差不多$8一隻小籠包，應該要更好的。,水一杯：免費的，自己睇↓水雖然唔收錢，但隻杯污糟到咁阿姐都可以當睇唔到照比人！？阿媽教落出街食野唔好叫人換野，所以最後我無飲到(佢一來就半滿了)食的期間聽到搭台的情侶食生煎包一邊食一邊大讚好好食，可能到出名生煎包的店唔叫生煎包係我的錯。最後，當日三十幾度天氣，間店冷氣唔夠我又坐近門口。餐廳的衛生同環境都差，食物亦唔見得好，應該不會回頭了。…查看更多

其實我家住附近，一開張時一個月都會來食1-2次，貪佢近、平同快，但佢真係愈做愈差，回轉帶無食物，D野又差污槽！呢間壽司店開時大排長龍，但之後一直都無客，少生意到有大約1/3的店面係封左無開。客人少，回轉帶上的食物更少，帶上2/3是空的，有野果1/3大部份都係D轉左N世連紫菜都淋埋的不知名軍艦！店方都知帶上冇咩野食，所以提供order服務，所以都算啦。佢但最最最大問題係店內的衛生好差！壽司蓋摸上手痴笠笠，不免令人懷疑由開店以黎都無洗過的！咁岩今次我拎左兜內最後一隻杯，一睇，嘩！放杯的兜污槽到！ 有圖↓所以，我不會再來了。…查看更多

本人係麵包fans，早兩日食完飯經過發現呢間新麵包店已經即時入去行左個圈, 等到今日終於有機會去買包包做午餐了!!其實我係非常非常鍾意食麵包的，但自從醫生下令減肥後才發現麵包的卡路里真的很高. 小小一個腸仔包就260(我試過一次食3個)，就算係無油無糖的傳統法包，中型的都有400。唉......講回這家店，店子很小，店內的店員卻不少，包的選擇不是很多，有好幾種包有放細細塊的供試食。我一開始試了個好似是蕃茄香草包的，少少酸酸地幾好食感覺上又健康，正打算買佢時又試左個柚子牛角包，咁就出事啦！雖然只試食了一小塊，但已經覺得牛角包同清新的柚子好夾啊！正當我站在牛角包架前警告自己牛角包好多牛油的時候，唔通氣的女店員可能見我猶豫太耐，在身旁同我講『呢個仲可以加柚子cream架』。我被打敗了。在店在轉多了兩個圈後我決定了買一個柚子牛角包同一個小芝士包做午餐，正打算下手夾牛角包的時候，眼睛看了一下同一個架最下的黑麥包，就係呢個時候又有把男聲說『呢個好健康架！』就係呢句話提醒左我，快又要見醫生了。最後，就買了店員大哥推薦的黑麥朱古力包($20)：這個黑麥包並不算特別有麥香，也不是很濃朱古力味，但口感超級好的！外脆內煙韌！這種外皮脆到一路食一路跌的麵包配上一柸熱茶就係個完美的lunch啦！試完呢個包之後我想下次應該會試埋佢的法包，口感應該會一樣咁好的。(不過去到可能又會被牛角包吸引住)。…查看更多

姐姐手上有一些團購的現金卷, 剛好我會在約了老爸打邊爐那天經開旺角, 就交由我是買點飯前小食回來吧!周未的旺角超級多人, 店子小小的, 一個收銀counter, 一邊是賣puff一邊是賣mochi的. 我決定了買什麼後就到收銀排隊. 到我下單時剛好有個帶著拖o急的大媽在puff櫃前揀好東西, 一下子攝到我前面直接比錢. 當我提出叫大媽排隊時(排後面的人也有支持我啦) 店員居然當聽唔到睇唔到照收大媽錢!而我肯定她們是聽到的, 因為在一邊本來在包東西的店員回頭同很不滿的目光瞄了我一眼, 好像我是在她家搞事的樣子!! 要不是應承了姐姐買回去, 我應該當時就掉頭走了. 到我下單了, 本來是想買八個Mochi的, 但店員(當然係黑口黑面, 語氣很cool)對我說她們只提供六個和十二個的盒子, 買八個的話有兩個會只得紙套包住. 想到Mochi這又軟又脆弱的東西怎能沒有盒子保護下迫地鐵.... 我只要了六個..一盒六個Mochi (約$14-16each)講返Mochi的味道, 因為買的比預期少, 所以我只食了一粒(榴蓮). 味道還可以的, 裹面包的不是榴槤果肉而是榴槤Mosse, 所以果味不夠. 外皮正如其他食評所講有點厚, 但亦算軟綿綿的. 食物整體來說其實不是很差, 但只是中規中矩，如果是以正價買的話我覺得不值. ($16一件甜點我會買同店的Puff啊~!!)加上買東西時的不愉快經歷和那兩個黑口黑面的店員 (食甜品不是為了開心嗎? 為什麼要客人受氣啊?). 我應該不會再光顧了!…查看更多

事隔兩個月才寫食評：九月時同事報料開了間蒸包店, 某日食完飯一齊去睇睇. 店舖開了在中環中心旁一條小巷內(真不明白佢當初點發現的). 正好午飯未食得太飽, 買左個素菜包食(好像是$7). 已是兩個月前的事了, 記憶中素菜包有點白菜有點木耳糸的, 味道不錯啦. 印象最深的是包拿到手時還是熱熱的, 不像某些連鎖蒸包店明明是蒸櫃拿出來卻只是微溫的. 之後在十月中又幫親了一次食蒸飯, 好像是$28吧. 沒影相印象也不太深刻, 應該算是fair吧. 總的來說, 這家蒸包店的價錢和質素跟連鎖的唐X和XX先生差不多吧, 可能比他們還好少少. 考慮到中環地區物價的話, 其實他性價比很高的 ! …查看更多

It’s not my first visit here, but in the past, I always ordered avocado, cheeses, chicken, hams or Caesar/Blue Cheese dressing with my salad/wrap. After some comments on my weight from my doctor which are not very nice, I decided to change my lifestyle and to eat healthily.I have kissed those fatty toppings/dressings goodbyes and hence today I ordered a custom wrap with: wheat wrap, Iceberg and Mesclun, Broccoli, Chicken Leg mushroom, white mushroom and artichoke heart. No meat, no cheese and have it just mixed with lemon juice.In conclusion, the wrap tastes light and refreshing, the greens are fresh, the portion is quite large that you can really feel stuffed and it’s reasonably priced too. (consider $5x-6x for a lunch in Central).I will definitely come back for more healthy lunch!…查看更多

It was a hot busy Saturday afternoon in Mongkok. I discovered this restaurant when hanging around the woman street in the two-hour gap between appointments. The shop is not full as it’s already tea-time.They provide menu ( I have forgotten to take photo)that have set around $5x-7x, just make it simple it’s different types of curry with chicken/beef/lamb/fish, etc. The set comes with a can of soft drinks which you can +$8 for a milk tea or +$10 for a Mango Lassi. I have ordered a fish curry ($70) with Mango Lassi (+$10).The drink came first. It tastes like mixing some so-called “juice drink” from the supermarket with yogurt. I don’t usually take sweet drinks, especially cold ones, so I found this one a bit too sweet.Then we had the meal, a small bowl of curry with a piece of naan, some rice and a roasted chicken thing on the side. The roasted chicken is nice, tender and hot. There were some 5-6 pieces of fish in the curry and the curry itself is very good. I really like the mixed smell of a lot of different spices in it. (unlike those curry provided in fast-food shop). Naan and rice are fair, nothing special.The place looks clean and the service is OK, despite that I never found the waiter smile to anyone during my stay there. However, I had mild diarrhoea that night. I ate my breakfast and dinner at home with family so I strongly suspected that it’s related to my dinning there. The problem was mild, so maybe it’s just because I am not used to yogurt drinks. But I don’t think I will re-visit the place.…查看更多

開在IFC 香港站中, 這一層好多食店(包括超多人食的添好運)但區外工作的人好多都唔識得呢度. 開在香港站, 定位應該算是高級一點又健康一點的快餐. 好多次經過都無開門, 後來才知這家幾乎係只做午市的. 今次剛好來到有開就試下啦. 餐牌方面(忘了影), 可能因為店細啦, 只供應十多款的午餐外賣. 餐牌上有no.有圖仲有小字註明"活力" , "瘦身"等.  正被醫生要求減肥的我就揀左注明"瘦身"的"燒春雞配法式炒雜菜", 不到3分鐘就有了. 返到office打開~嘩本來以為春雞好細隻, 點知....仲要有成半隻雞啊!!! 絕對唔係7-11賣的叮叮春妙雞比得上的. 烤雞除左大之外味道仲較得好好, 胸位多少有點o鞋但整體黎講算滑同有雞味. 下面的炒雜菜嘛, 一大半都係茄子, 還有點翠肉瓜同只得一兩塊的番茄同三色椒. 味道就是一點雞油加上一點茄汁味啦. 因為本人喜歡茄子, 所以覺得還不錯. 大大隻的雞加上油油的菜, 實在看不出如何"瘦身". 難道店家以為沒有carbohydrate就能瘦!? 不過因為佢味道不錯, 份量公道, 出餐超快, 我還是會給好評的. 不過要注意體重人士要小心了~…查看更多

第一篇食評就給這家我睇住佢開業又一直心思思想試冇試的Healthy Chicken啦. 最近在醫生嚴重警告下開始要食少D食健康D, 無奈因上班關係每日中午一餐一定是在外面食的, 只好盡量選健康D的食店, 所以就試左呢間烤雞沙律啦。店內座位得幾個, 雖然今日星期六OT來到發現只有一個客人在堂食, 但平日經過總係好多人, 所以星期一至五還是不要妄想有得坐低食吧. 是日因為趕工關係我還是要了take away. 食物就是烤雞餐. 價錢係根據你點的雞而訂的. 為了健康, 我揀左最少肥的雞胸($68). 一個餐除左雞之外還有一小份飯, 一份豆, 菜, 芝士同沙律醬. 飯可選白飯, 紅飯(番茄)同綠飯(波菜), 我揀左紅的. 菜有生菜, 菠菜, 番茄, 粟米粒同椒, 除左椒我全部都要了.圖中的雞都比菜遮住左, 其實雞的份量好多, 可能係部位問題, 有幾件都算滑有幾件就o鞋到痴牙(鬼叫你要雞胸唔要雞脾). 飯冇咩番茄味, 但我覺得可以接受. 至於雜豆可菜嘛, 其實雜豆只煮得夠淋菜夠新鮮就好食了冇咩特別技巧, 這裡的當然合格啦. 問題來了, 想真一點原來他們在賣的是Chicken Meal, not Chicken Salad. 一份雞(份量多啊)約380卡, 加上160的豆, 120的飯, 菜只有極少可以不計, 但那份芝士和醬. 這一餐幾乎有800Kcal. 醫生要我一天食1500, 它是我半天啊~!!~!!但我還是會比它好評, 畢竟是我第一篇食評, 而且整體來說它的食物很好, 份量夠. 加上問題其實在人家明明有很公道的把食物大約的卡路里寫出來, 是我自己貪心又為食店員問我要咩都答Yes. 我還是會回頭的, 不過下次試下叫佢唔好比飯同豆只要青菜算了. (芝士和醬好難介)…查看更多