ctw888的个人专页

天氣凍咗就好想打邊爐，見呢間好似幾多好評就去試吓，點知就中大伏！！！第一，食物選擇非常之少，食物質素亦不好。第二，出面價錢寫住$238起，但其實正價時段是$268+$13再加一即$308起，呢個價錢咁嘅質素真係唔接受。第三，女店員十分不專業及無禮，未夠鐘就不斷叫我哋食快啲，逼我地加鐘，十問九唔應，態度惡劣。第四，店面好細又唔太乾淨，又唔通風，坐得唔舒服。總之，這是一個很差的經歷。絕對無下次，大家小心。…查看更多

We ordered Three Amigos Flat Tacos. We were shocked when the order came as it was TINY!!! It was so small that it’s not even mini taco. This tiny tacos costed $128. It’s not acceptable. Extremely expensive and taste was just very very normal nothing tasty. And there was male waiter who saw us asking him to take orders and still walked away for 3 times and he went to chatting with other friends. We waited for 10 minutes for finally another waitress to come around. …查看更多

大館新開印度菜，過咗7點都幾爆場，一定要先訂枱。環境好靚，適合特別日子黎慶祝/約會，價錢合理，一開始會有chef送嘅starters, 我哋再叫左2個starters,2個main 同3個side dishes, 全部都好好味, 特別推薦Paneer Tikka 同Somasa…查看更多

週末八點幾喺元朗搵嘢食，大部份想食嘅餐廳都冇位，路過見到呢間雞煲有位同埋openrice 幾多好評就入去試吓，一入去就真係中大伏。首先我唔否認佢雞煲嘅味道係OK嘅，唔難食，如果入去淨係叫雞煲，我覺得價錢都叫係可以接受嘅，但佢啲配菜就真係貴到離譜，份量極少，最瘋狂係佢嘅本地手切牛，$198 得勁少，切得又唔靚，仲要係tempo紙巾未打開嗰個size,我先不比較大陸牛肉火鍋呢個份量只係賣緊¥30-40，我就算去香港啲街市度買本地手切牛入貨，都絕對唔會賣呢個價錢，真係食水太深，如果唔係食水深建議換一換供應商，其他食物就冇咩特別，但都係好貴，唔值呢個價錢囉，未試過食雞煲食完之後都唔飽，印象中茶介好似都唔平，個人嚟講就絕對唔會再幫襯，重點係朋友食完第二日又屙又嘔🤮🤮🤮今次就當買個教訓，真係智商稅。…查看更多

返工咁啱黎開呢頭見幾多好評就嚟試試，舖頭唔大，大概10零個位左右，平日大概一點到，等咗唔使10分鐘就有位，入到去店員好有禮貌，牛油咖央超好食，椰奶湯麵都好好食，一個麵大概60至百零蚊不等，午餐嚟講唔平，不過味道的確唔錯，值得支持！下次如果咁啱黎開呢頭都可以再幫襯，支持一下小店。…查看更多

某幾位泰國服務員態度惡劣，特別係收銀嗰位，可能係老闆娘，講嘢非常冇禮貌又串，叫咗嘢食好遲黎，但準時一個鐘就趕人走，擺張單喺枱度叫你埋單，碟餸啱啱食到一半，都未食晒就話再黎趕人走，完全唔明白點解好多人肯排隊等，嘢食就一般冇話特別好食，同區九龍城有更多更好選擇，又唔係特別平，重點係態度趕客，如果係一大班人就千祈千祈唔好嚟，位又有排等，未食飽就俾人趕，好失望，本身一直覺得泰國人好友善，去完呢間餐廳真係嚇親，做生意唔使咁嘅，你不如等我慢慢坐低食叫多幾樣餸，咁嘅服務態度真係唔值得鼓勵。…查看更多

午餐時段去左幫襯，幾個人叫左幾個海南雞飯同芝士和牛餃子，全部雞都好老好難食，又要無味，懷疑擺咗成個星期，白飯又硬，啲芝士和牛餃子啲肉係咬唔開，仲要落咗好多胡椒落去但又冇芝士味，杯涼茶又要加錢，成杯好似水咁，應該係一杯沖開咗十幾杯，超級淺色，咁嘅環境都要$68，價錢都算幾貴，但質量就真係超級差！！！！！！絕對無下次！！！！今次真係中咗超級大伏，仲要行樓梯上去，唔知點解仲會有人幫襯，下次食落下牛扒好過。…查看更多

午餐時段網上book左位，不過都要等十五分鐘左右，餐廳大概有60張枱到，暫時未有迴轉壽司，全部ipad點餐運輸帶取餐，坐吧枱的話無間隔比較無咁舒服。對比壽司郎，佢嘅款式同口味都比較多，但壽司嘅賣相就真係有待進步，同埋壽司飯好散，一拎起就散左。同埋另一較差嘅位係佢無紙巾供應。壽司味道唔錯，牛肉壽司就不了，拉麵有驚喜，抹茶檸檬梳打都幾特別，overall 唔差的，排唔到/食厭左壽司郎可以一試，希望可以改善下，帶來良性競爭。…查看更多

係社交平台關注組見到有唔少廣告，見有優惠就諗住試吓。預早幾日book咗星期六12:30，準時12:30到，去到見到全部枱都已經full晒。餐廳地方唔大，我估大概有15張二人枱。我同侍應講book咗12:30，佢無check Booking，淨係話而家未有枱（雖然我完全唔明白點解book咗位都可以無枱）咁我哋唯有企喺度等咗10分鐘，然後有一台準備走但佢俾咗後面黎嘅一對客人，然後同我哋講可能都未有枱叫我哋落去行10分鐘， 話之後送返啲嘢食俾我哋（最後當然冇送😂）我哋梗係唔走如果唔係張枱又唔知會俾咗邊個，最後等咗20分鐘終於可以入座。可能係新開張啦，佢哋嘅運作都幾混亂。其實全場都有四個侍應，但基本上每一台都平均至少會催單3-4次，講緊係每一樣嘢，例如menu,筷子,匙羹,碗仔,錢麵豉湯,主菜等，我嘅前菜同麵豉湯就分別提咗四次先有，到我哋食完離場，隔離兩張枱都未嚟齊嘢食。同埋佢入座同上菜都好亂，記得邊個就上邊個先，有機會人哋遲過你你但可以早過你入或者有野食…侍應態度都算有禮貌但表現就真係麻麻。咁講嘢食啦，叫咗2碗海膽飯，海膽數量都多嘅，味道都OK，不過整體份量就比想像中少，佢而家有優惠連加一大概$130一碗係幾抵嘅，但如果係正價198就有其他更好嘅選擇，建議唔等得就千祈唔好嚟，係有優惠嘅時候都值得一試嘅。…查看更多

朋友生日,見呢間OpenRice嘅評價都唔錯就諗住試吓佢嘅lunch omakase. 點知係大伏嚟嘅，叫咗三百幾蚊嗰個set，首先上嘅刺身係唔知咩魚同帶子，全部魚都好腥，質感亦好差 。 之後壽司基本上全部都一樣味同埋都係啲唔好食嘅魚，質感亦非常差，如果佢肯俾心機去調下味，我感覺都冇咁差，起碼唔會食得出條魚嘅差，啲魚唔知放咗幾耐，就算啲魚唔好食你肯燒一燒佢都唔會覺得咁難食。未食過咁難食嘅壽司， 係普通壽司店食都冇咁難食。呢個價錢食啲咁嘅質素嘅魚，完全接受唔到。不過佢個雪糕幾好食嘅，茶碗蒸同湯都可以接受，服務員都算有禮貌，但其他嘢就真係不了，好難食！建議大家就真係唔好信佢啲食評，真係好難食。…查看更多

呢間食店主要賣啲大排檔小炒，網上面資料唔多，所以主要係做本地居民生意，見到唔少居民都會叫外賣，老闆話本來主要係做晚市，但疫情關係先做埋午市。叫咗三個餸，每碟份量都幾足。招牌炸大腸拼雞翼必食，非常惹味。坪洲炒飯比較濕但味道都唔錯。唯一比較不足就係無冷氣，夏天可能比較熱同多蚊，但老闆娘都好好，主動俾支蚊怕水我哋。整體嚟講食物味道唔錯，價錢公道，值得幫襯，如果入去坪洲都可以試吓呢間小店，希望能保持水準。…查看更多

又貴又唔好食，午餐時段去左富記買外賣，叫咗碗$43嘅及第粥，稀到完全見唔到啲米，啲料又只係得嗰幾舊，咁樣嘅粥要四十蚊，我完全接受唔到，超差！今次第一次去亦係最後一次，賣到咁貴但咁嘅質素真係唔得囉！…查看更多

Nice place to relax and have a conversation with friends.We went to J.Boroski on a weekday and only few customers were there. The place was cozy and unique. You would be asked to fill in a questionnaire on how you would like your drinks. Price is a bit costly but acceptable in Central.…查看更多

食完晚餐經過就諗住買甜品外賣拎返屋企食，叫左一個仙草波波（$38）同一個紫薯之戀（$42）外賣。本身見到menu啲相好期待，結果打開超級失望！！！咁嘅價錢芋圓得3-4粒，其它料都超級少，望落去全部都係水，完全唔抵食。仲要超級甜，好似食緊糖溝水咁，質素絕對有待改善，接近成$40一碗，一定唔會再幫襯！…查看更多

餐廳嘅外型係傳統舊式村屋，覺得佢好有feel，所以一直都好想試吓，但成日搭車經過都唔見佢開門。Check佢fb先知原來只做晚巿，疫情期間都無開，最近知道佢開返就即刻book位去試吓。因為疫情關係，佢哋轉左做omakase，主大西日fusion 菜，每人$300起，價錢會因當日食材略略調整，一開始聽到要$300都有啲嚇親，仲要係錦田呢啲地區，但試完覺得絕對係物超所值！餐廳唔大，目測可以坐到20-30人，幾有居酒屋feel，適合情侶或者幾個朋友黎邊食邊吹水。一共有9道菜，食到最後其實真係好飽。每碟味道都有驚喜，擺設亦好有心思，客人一邊食老闆一邊煮，食完一道先上下一道，客人可以慢慢食唔會有時間限制。咁嘅價錢食到都咁高質嘅fusion菜，絕對係抵到爛！！！一定會再幫襯，但記得一定要預先Whatsapp book位…查看更多