Stefanie Tai的個人專頁

原來石塘咀熟食中心都有騸牯牛食！仲有超多部位有啲真係聽都未聽過🤣今次揀咗個冇食過嘅部位試吓叫「吊龍」原來係腰脊兩側，見到啲油花就覺得好食😋😋最神奇嘅係佢食落唔會太油，牛味非常濃郁😍口感好軟嫩！食得出真係好新鮮👍🏻一問之下原來係每日即場手切㗎！鍾意食牛嘅真係可以去試吓😆仲加咗個牛雜，有草肚😋都係好新鮮，感覺到佢哋處理肉類同內臟好有細節，68午市食到呢個質素非常唔錯！佢哋夜晚仲有打邊爐😋下次叫埋啲friend一齊去！…查看更多

第二次過嚟食啦😋呢間簡直係銅鑼灣打工人最愛川菜！午市套餐好多選擇，叫咗個酸菜魚大大份！女人應該會食唔晒🤣🤤魚肉好滑溜！幾厚肉👍🏻叫咗BB辣已經好夠，底下仲有酸辣粉，夠酸夠辣好過癮🤤🤤酸菜好正宗川味，下次過嚟試吓個回鍋肉，仲有好多炒嘢類都想試😋上次食過京蔥羊肉都好正！午餐都係介乎50幾至60幾，價錢都好公道，喺附近做嘢嘅一定要過嚟試吓😋不過佢哋中午都幾多人，建議可以早少少到，就唔洗排咁耐😆…查看更多

真心推薦大家試吓呢間潮州嘢好正宗！必點芋蓉香酥鴨😋鍾意食芋泥嘅一定唔可以錯過！外酥內軟，底下有一層釀腐皮，好耐冇食過咁正宗嘅香酥鴨🫶🏻仲有梅醬骨酸酸甜甜好開胃🤤滷水就唔使講啦，鵝片超級入味，肉質軟嫩👍🏻唔係嗰種停留喺表面嘅滷水味，下次要試吓其他滷水😋仲有個潮州瑤柱粥都係好正宗！可惜冇點到蠔餅🥲呢間同朋友嚟或者帶長輩嚟家庭聚會都非常適合👍🏻環境都好舒服，嚟九龍城食厭咗泰國嘢就可以試吓呢間啦！…查看更多

一直好好奇，一到lunch time呢間韓國餐廳就好多人，今日忍唔住去試吓😝叫咗呢個一人炸雞餐，仲有泡菜五花腩炒飯，78蚊仲有蜆肉海帶湯，可以揀湯或者嘢飲，佢個餐仲有好多其他主食可以叫，仲有韓國炒粉絲想試吓，不過留返下次😝個炸雞叫咗甜辣味，醬料非常惹味😋炸雞皮唔會太厚👏🏻肉質幾Juicy，喺佐敦嚟講quality算唔錯😆泡菜炒飯唔會太鹹，仲有隻煎蛋😝五花腩數量都幾多😋啱晒我呢啲追求蛋白質💪🏻…查看更多

呢間應該好多牛頭角、觀塘打工人都識🤣裝修好別緻，日系和風style，坐得幾舒服👍🏻今次第一次試日本花魚一夜干😋要嗌全尾因為好好食！咸香鮮味，肉質緊致✨食到魚本身嘅鮮味，加埋海鮮蔬菜醋凍夏天食一流，大大粒章魚粒、蟹柳、醋漬蕃茄🤤仲有冬瓜，啱晒夏天消暑🤣聽聞佢哋最出名嘅嘢飲係士多啤梨牛奶，但我就叫咗個青金桔梳打，都好飲好清爽，不過糖漿可以減少啲👍🏻呢間平時喺附近返工應該會食過😆下次再去試吓其他！…查看更多

這家麵店的拉麵簡直是我的近期最愛！鮮味的醬油湯底清澈，但味道卻一點也不單薄，豬雞鮮味鹹香適中，喝完也不會覺得口渴，叉燒肉片薄厚適中，肥瘦相間，炙燒香氣十足😋自家手搓麵條很有嚼勁，吸附湯汁的能力一流，每一口都充滿了湯底的鮮美，旁邊的菠菜和筍絲也都很新鮮，為整體增添了一絲清爽感😆唐陽炸雞也很不錯，外皮酥脆，內裡多汁，雖然只有三塊，但份量剛剛好，不會搶了拉麵的風頭😋整體來說，這家店的食物品質很高，價格也合理，服務態度也很好👍🏻…查看更多

真心推薦呢間港式懷舊復古火鍋👍🏻一入到門口已經覺得好似穿越80年代嘅香港好靚！食物十分精緻🤩叫咗一個黑蒜豬肚無骨雞鍋湯底，濃濃嘅黑蒜味勁香😋佢哋啲肉都好新鮮，伊比利亞黑豚肉肉質好鮮甜，完全冇豬腥味👍🏻澳洲羊肉卷都可以試吓，唔會太騷，未食過牛小腿諗住叫嚟試吓，原來肉質好彈牙結實😋仲有必嗌嘅鴨血同炸芋頭😍呢度好啱一班朋友聚會，或者情侶紀念日、生日都可以過嚟食😆環境超級靚✨地方好大座位都好舒服☺️門口仲有一個日曆牆，可以撕落嚟點菜好得意！隔離仲專登有間房係彩色波波球可以打卡😍…查看更多

好耐冇食新加坡嘢啦，見到堅尼地城新開呢間即刻走咗去試😆果然冇令我失望！無論係環境服務同嘢食都非常到位👍🏻試咗佢哋三道菜嘅lunch set頭盤揀咗蕃茄沙律，畫龍點睛嘅薑汁油醋醬，入口有種置身東南亞嘅感覺，已經覺得調味好用心😋主菜揀咗炭燒沙嗲雞飯，一上菜已經聞到好香炭燒味🤤即刻食慾大開！雞肉燒得恰到好處，有辛香料嘅惹味，亦有沙嗲嘅甜味，融合得非常好👍🏻珍珠米飯粒粒分明比較有咬口，索晒啲醬汁，配合雞一齊食一流😋甜品見到有個咖喱魚蛋雪糕，覺得好得意😆咖喱配合椰糖原來係咁夾！連埋上面脆卜卜嘅豬皮粒食，成件事有衝擊但又balance到👍🏻呢間可以話係我近期食過最好食嘅新加坡嘢🤤下次一定會再嚟！佢哋仲有得買自家製嘅新加坡伴手禮，手工曲奇嘅醬料全部由主廚親自炒製💪🏻最有驚喜係黑椒菠蘿仔，融合咗新加坡同香港本土元素，唔會太甜好惹味😋堂食客人買產品仲有9折✨…查看更多

前幾日去咗銅鑼灣食呢間居酒屋，估唔到咁好食！成間舖頭氣氛超好😆有種去咗大阪居酒屋嘅感覺🤣刺身好新鮮👍🏻強烈推薦要叫海怪卷！入邊有帶子、魷魚，仲有海膽，夾埋魚子卜卜脆超好食😋仲叫咗串燒同煮物，整體表現都好好😆牛舌芯燒得啱啱好，入邊仲勁Juicy！魷魚鬚超彈牙🤩睇得出師傅控制火候功力好好👍🏻味噌煮牛筋好入味，牛筋處理得好乾淨，茄子有炸過再用味噌煮，冇試過呢種做法好好食！佢哋自家研製嘅海參海葡萄沙律🥗超級足料！仲有魷魚喺入邊，海葡萄大大粒好新鮮😋整體都好好食好鍾意！下次再帶朋友去😝…查看更多

前幾日經過海港城分店，見到吃茶三千出咗新嘢就去試吓😆呢三款新品金鑽鳳梨雙層杯！全部都係用正宗台灣金鑽鳳梨😋個人係金鑽鳳梨粉絲😍加埋而家天氣咁熱飲落超Fresh ！工作人員好Nice，服務質素良好，態度友善🥰推介我試呢個鳯來蜜冰茶，好香桂花味💕同金鑽鳳梨超夾，仲有煙煙韌韌嘅果子😋有淡淡嘅百花香蜜甜味🥰下次再試埋其他兩款😝朋友仲叫咗個鳯眉紅茶+厚奶👍🏻紅茶香味十足，加埋佢哋招牌厚奶真係好正！餘韻齒頰留香，呢個經典組合唔會出錯👍🏻杯身係期間限定旋轉木馬杯😍好cute快啲嚟試吓啦！…查看更多

好耐冇嚟元朗覓食😋今日特登嚟YOHO新商場Yoho mix見到呢間想食好耐嘅Cafe🤤決定入去試吓！一入去已經覺得環境好日式好舒服☺️嗌咗個set lunch，揀咗南瓜湯、主菜係sea bass，個魚幾有驚喜好新鮮😆調味亦都唔錯，焙茶latte個拉花超得意💕好似熊仔咁！焙茶味好重，但唔會太甜👍🏻重叫咗個咖啡Espresso牛油French Toast🤪雖然好罪惡，但好好食😋下次同friend再嚟！…查看更多

呢間係屯門Novo Land附近嘅美式漢堡店門面好吸引就入去試吓😋佢哋都幾多選擇有漢堡又有意粉，仲有pancake漢堡😆😆叫咗個經典美國安格斯牛漢堡，肉味好濃郁😋 burger皮係美式嗰種漢堡麵包幾鬆軟，而家堂食仲可以免費升級薯條汽水💯老闆好好人，介紹咗我飲一隻士多啤梨乳酪奶昔，啱啱好可以消滯🤣酸酸甜甜幾好飲！見平日中午時段都幾多人嚟食👍🏻下次想試吓佢哋嘅意粉，同pancake漢堡💕…查看更多

琴日試咗呢間喺銅鑼灣樓上嘅復古精緻西餐💕入到去即刻俾佢個裝修吸引咗，好有香港舊年代嘅復古味道，7:30開始仲會有live Band，不過我哋早咗好可惜睇唔到🫠講返啲嘢食先，我哋叫咗個黑松露薯條🍟蟹肉海膽三文魚子闊條麵😻仲有牛板鍵扒配蘑菇汁😋個意粉幾有驚喜，索晒海膽醬同蟹肉嘅鮮味，係比較偏硬身嘅意粉，我中意🫶🏻牛板鍵嘅牛味好濃郁😋唔會太油，唔鍾意食太油嘅牛扒可以試吓呢個💕店員服務都好細心🥰…查看更多

琴日同朋友經過藝穗會附近，諗住搵間Bar飲幾杯，見到呢間音樂唔錯就過嚟試吓，點知啲Cocktail都好好飲👍🏻我叫咗杯make me Dirty，有我最愛嘅Elder Flower必點😆比較fruity少少，飲落酸酸甜甜水果味好自然，女仔一定啱飲😋佢啲嘢食都唔錯，叫咗個炸番薯薯條、Chicken Popcorn、buffalo chicken breast😋幾欣賞佢個雞胸，完全唔會乾柴👍🏻配埋個醬一流，呢間幾啱幾個朋友過嚟聚會…查看更多

好耐冇嚟長洲玩，每次嚟都會食呢間芒果糯米糍😆而家12月尾啲芒果都係甜嘅😋今次仲試咗佢其他唔同味道，比較推薦花生🥜入邊有白芝麻同糖粉好似細個以前食嘅甜茶果☺️士多啤梨都唔錯，仲試咗紫薯同香蕉，鍾意佢哋芒果糯米糍個皮真係好薄，咬落去芒果又好Juicy，啱啱好可以平衡到糯米嘅甜膩👍🏻平記就喺碼頭海旁一路行過去，見到佢新出咗個Oreo味，不過今次冇試🤣而家呢個天氣嚟長洲玩真係幾好，下次會再嚟試吓…查看更多