ccherin的個人專頁

泰式菠蘿炒飯真係好有驚喜，炒飯乾身唔油膩，飯粒分明得嚟每粒都沾滿咖喱粉嘅香氣。有唔同層次嘅口感，食落好有滿足感！豬頸肉炒飯嘅豬頸肉絕對係亮點！有肉汁同嫩滑。個炒飯用咗少少魚露調味，鹹香得嚟好惹味，仲有鑊氣，好有泰國街頭風味。香葉辣椒炒牛柳粒，香葉同辣椒嘅配搭好霸道，入口先係香葉嘅獨特香氣，跟住辣味先慢慢滲出嚟，好過癮！木瓜絲炒律嘅醬汁調得好平衡，酸、甜、鹹、辣四味俱全，仲落咗少少花生碎同車厘茄，增加咗口感。木瓜絲切得好幼細，索盡醬汁，清新得嚟又好醒胃。龍眼冰唔會死甜，飲到龍眼肉嘅天然甜味，仲有好多龍眼肉可以食，好足料。泰式黑咖啡味道濃烈，帶少少炭燒嘅苦澀，飲完個口會有回甘，好地道嘅泰式風味。…查看更多

😋我哋叫咗兩款意粉：冬蔭公鳳尾蝦意粉🦐同麻辣牛肉忌廉汁意粉🥩🔥，再配埋飲品：玫瑰咖啡🌹☕️同芋頭鮮奶🧋，味道又特別又有驚喜！先講返冬蔭公鳳尾蝦意粉～一上枱已經聞到濃濃嘅香茅味🍋🌶️，湯底酸辣平衡得啱啱好，唔會太重口味。意粉煮得彈牙，每一啖都係滿滿冬蔭公風味！蝦隻隻新鮮又爽口🦐，配埋啲香菜更加開胃，食到成個泰式風情滿滿🇹🇭✨。至於麻辣牛肉忌廉汁意粉就係另一種享受～忌廉汁香滑濃厚，加上花椒麻香撲鼻，一啖落去又辣又香🔥。牛肉片切得薄但唔鞋口，吸滿忌廉同麻辣香氣，層次感豐富！意粉滑溜帶勁，食落又有少少辣勁令人上癮🤤飲品方面，玫瑰咖啡真係意外咁好飲🌹☕️～香氣細膩，入口有淡淡花香同微微甜味，唔苦唔膩。芋頭鮮奶🧋香濃綿滑，飲落有真芋頭味，唔係人工香精嗰種，配返麻辣意粉啱啱好中和辣勁😌。冬蔭公酸辣開胃、麻辣牛肉濃郁惹味、飲品又高質～無論你鍾意泰式定中式fusion，呢度都一定啱食！😋🍝🔥…查看更多

今日同朋友行開旺角，見到山東街有間幾得意嘅茶飲店，就去試下。店員態度都幾好，仲推薦飲品比我地！所以好快就落咗單😝我叫咗杯招牌茶走，可以揀少冰扣底，茶底幾香滑，奶同茶嘅比例啱啱好，唔會太甜，飲落好順喉，少冰嘅設定亦都唔會沖淡茶味，幾正！朋友就叫咗杯白桃烏龍，同樣少冰扣底，土佢話白桃味好出，好清新，同烏龍茶好夾，飲完成個人好refresh🤗另外我哋仲share咗件原味藍莓巴斯克蛋糕，40蚊。件蛋糕好濃郁，芝士味好香，面頭嘅藍莓醬帶少少酸，平衡返成件蛋糕嘅味道，唔會太膩，口感好滑，仲有流心👍🏼真係值得一試！總共消費91蚊🧋，呢間店嘅飲品同蛋糕都幾高質，價錢合理，位置又就腳🤭…查看更多

今日試咗呢間新派輕食餐廳，叫咗日式牛肉三文治（五成熟）配薯條、烤三黃雞配千層薯，飲品就揀咗 Ice Peach Tea 🍑 同 Blackccino ☕️，整體感覺相當唔錯，味道精緻又有層次！😋✨首先講個 咗日式牛肉三文治（五成熟）配薯條🥪，牛肉厚切但依然保持嫩滑，係高質牛肉！外層多士微焦、脆度啱啱好一咬就知唔普通面包，類似日本重奶香厚身面包，咬落去牛汁滲出，少少芥末醬同牛油，鹹香得嚟又帶啲微酸，好有驚喜配合極好🔥。麵包唔會太油，整體平衡感好強，每啖都充滿香氣，食完一份都有啲想encore！另一款 烤三黃雞配千層薯🍗 非常出色！雞皮香脆、肉質嫩滑，三黃雞味道濃郁，配上輕微香料調味，食落清香唔油膩。配千層薯感覺好得意，真係一層層，係嗰種越食越想食嘅感覺🤤。飲品方面，Ice Peach Tea 🍑🧊 清新解渴，蜜桃味香而唔假，甜度剛剛好，我覺得呢杯超岩女仔飲！係出面飲唔到！🫶🏻🫶🏻另一杯 Blackccino ☕️ 就係黑咖啡加奶泡嘅組合，口感順滑、咖啡味濃厚，有少少焦糖香呢餐食得好舒服😌，味道高質，環境又靜又乾淨，服務態度親切🍴💯…查看更多

我地兩個人叫左黑松露雙層芝士牛肉漢堡🍔同埋軟殼蟹明太子汁忌廉天使面🦀🍝，再配埋薯條🍟、雲朵咖啡☕️同青檸蘇打綠茶🍋🥤，成餐又豐富又滿足。先講個黑松露雙層芝士牛肉漢堡～一上枱已經聞到陣陣松露香🖤，兩層牛肉厚實多汁，芝士融化得啱啱好，夾埋鬆軟麵包咬落超香滑🤤。黑松露嘅香氣同牛肉味完美融合，唔會太膩反而更惹味，真係啖啖幸福感～旁邊嘅薯條炸得金黃香脆🔥，唔會太油，配埋少少茄汁都好正！另一款軟殼蟹明太子汁忌廉天使面都好驚喜😍。蟹殼炸得香脆、肉質軟嫩，配上明太子忌廉汁滑到不得了～每條意粉都掛滿醬汁🩷，鹹香中帶微辣，層次感好豐富。軟殼蟹吸滿醬汁咬落外脆內軟，口感一流👍。飲品方面，雲朵咖啡賣相超靚☁️☕️，杯邊用左棉花糖燒到焦香，整左個雲既形狀，面層係綿密奶泡，咖啡味香濃😝青檸蘇打綠茶就清新解膩🍃，酸甜平衡得啱啱好，飲落有種夏日感～…查看更多

四人滋味套餐真係幾抵食！🫦韓式炒粉絲大推！彈牙又入味🫶🏻烤牛肉雜菜炒粉絲我至愛😻！牛肉嫩滑唔韌，入哂味，加埋粉絲啲麻油味超級好食！豆腐拌飯清淡得嚟又健康，撈勻啲醬一齊食好開胃🤤泡菜炒飯就香口啲，有一隻煎蛋加紫菜，撈勻嚟食真係好正🤗小食方面，黑芝麻Churros幾特別，趁熱食脆卜卜，芝麻味香濃。飲品選擇都多，可以揀石榴果醋蘇打，酸酸甜甜幾清爽，而大麥茶就解膩一流！整體來講，$298份量夠四個人食，款式多樣化👍🏼如果一班朋友想試多啲唔同韓式料理，呢個套餐係唔錯嘅選擇！…查看更多

行過銅鑼灣，見到呢間甜品舖裝修幾靚，入去試咗幾款甜品🥳🍧🧋首先叫咗個「熱製芋泥麻糬芋圓」，食落真係黃金比例，芋泥同鮮奶溝埋，麻糬煙韌得嚟唔會太甜，😍芋圓軟糯，加埋白麻糬嘅香氣，真係冇得輸！👏🏻跟住試咗季節限定嘅「白桃麻糬炒氷」，食落好fresh唔會膩，仲有啲椰果增加咬口🥰另外兩杯特飲🤩D24榴槤麻糬凍飲 同石榴星麻糬凍飲都幾出色！😳D24榴槤味濃郁到爆，仲可以揀少甜微冰，啱晒我呢啲怕甜嘅人石榴星就清爽啲，酸甜平衡，食完成個人都refresh咗！而顏色方面係好靚既粉紅色+白色💖少女心爆發🤭🤭Icegreen嘅甜品款式多，環境又乾淨坐得舒適，而且啲歌好好聽！係我平時聽開既流行曲！勁加分😝😝…查看更多

觀塘呢間雙餸飯抵到不得了🤣工廠區真係多雙餸飯，今日試咗呢間巷仔舖🙌🏻兩點後仲做緊優惠！$30！3餸飯！抵到🤣必食「菠蘿咕嚕肉」，外層脆到呢～裏面仲keep到肉汁，個酸甜汁用新鮮菠蘿煮，唔係死甜，仲有啲洋蔥吸晒啲汁勁好味，送飯一流！隱藏王牌「鹹蛋蒸肉餅」真係不得了！鹹蛋黃足足有一片，同手剁肉餅撈埋一齊，鹹香鬆化，啖啖都係精華，肉汁豐富😻記住舀啲肉汁撈飯，我可以食多兩碗！想刺激啲就叫「辣子雞」，雞肉炸到香口，辣得嚟唔會搶晒味，食完成個嘴都係麻嘅，好過癮。「豉油雞翼」滷到入骨，輕輕一啜就骨肉分離。豬手幾有咬口，啖啖都係骨膠原，啱晒呢個天氣補一補。呢個價錢無論拎返Office做lunch或者夜晚加餸真係一流👍🏼…查看更多

今日同朋友去咗太子大南街呢間「八不」試吓佢哋嘅壽喜燒🇯🇵，整體嚟講幾唔錯，值得同大家分享下！🥰我哋叫咗個壽喜燒套餐，份量包括有日本A5黑毛和牛同野菜拼盤。塊和牛真係正👍🏼👍🏼，油脂分布好靚，入口即化，果然係佐賀西冷！湯底甜度啱啱好，唔會太鹹，怕咸有清湯可以加。🥦野菜拼盤份量都夠，有齊各種蔬菜，索晒湯汁好入味。😝另外單點咗茶碗蒸，蒸得滑溜，入面帶子、櫻花蝦～🫶🏻三文魚刺身勁大片❤️，好抵食，好新鮮😍😍日本珍珠米飯，店舖採用新瀉米🍚真係好食，米粒飽滿有咬口，同壽喜燒汁係絕配！店舖環境坐得舒服，雖然係地鋪但好靜隔絕左出面嘈雜既街道噪音。埋單$499，以呢個質素嚟講唔錯！🙌🏻…查看更多

呢間小店專做🏡住家餸，魚同雞菜式有好多款又新鮮🫶🏻入去就覺得好親切，裝修好有特式、乾淨～小店非常用心，🥰菜式新鮮，感覺好似返到屋企食飯咁。椰子煲雞湯，呢個湯好清香！湯底用新鮮椰汁熬成，雞肉軟嫩，飲落去好順口，絕對唔加味精，飲完唔會愈飲愈口渴，健康又自然。味道本來就夠鮮甜，但如果鍾意濃啲嘅，就自己落少少鹽調味就得。暖笠笠，飲完好舒服👏🏻蒜香豆豉雞，雞炒到表面金黃，醬汁用蒜蓉同豆豉調味，惹味到不得了，一咬落去雞肉好滑嫩，唔柴，配飯食超正😍海依魚，或者有另一個名叫哨牙衣，即叫即蒸，第一次食呢種魚，係老闆介紹既！魚肉非常嫩滑，食落去清爽🥰炒油麥菜，簡單但超正！☺️菜心脆嫩，炒得剛好，唔油膩。👌食落去解開胃，配埋其他菜式平衡晒口味。飲品叫咗手打檸檬茶，大大杯，新鮮檸檬製成，茶味濃郁，甜酸適中，好解膩🙌🏻整體嚟講，呢間小店環境舒適，🏠有種家庭式嘅親切感，老闆仲會主動問意見，服務一流。👍🏼菜式味道同賣相一流。強烈推介畀鍾意住家餸，又鍾意香港地道菜式既大家！🤗支持小店！下次一定再嚟！🫡…查看更多

花膠雞燙翅配飯$116嚟講份量都算十分合理！個湯底超級濃郁，花膠都煮得夠淋，翅都好足料，撈飯食幾正🥰雞又夠哂滑🥰天氣轉涼係滋潤之選😍跟住係香草雞翼，$42有4隻，外皮煎得香脆，咬落去有淡淡香草同牛油味，幾入味，唔會太油膩，係幾好嘅小食選擇。❤️❤️金磚豆腐🫶🏻外脆內軟，炸粉唔會太厚，點埋甜辣醬幾好食，份量都算多！杯白桃烏龍冷泡茶味道清新，桃味幾出，解膩一流，夏天飲真係唔錯。仲要幾大杯下，兩個人飲都得😆整體嚟講，呢間舖頭食物質素中上，環境都乾淨企理，服務有禮👌。價錢平，2個人食二百蚊左右。如果想同朋友靜靜哋食個飯傾吓計，呢度都係個唔錯嘅選擇，我會再返轉頭試吓其他菜式！哈哈！👏🏻👏🏻…查看更多

我哋叫咗兩碗米線同啲小食，整體嚟講幾滿意！首先，我嗌咗碗「招牌花膠滑雞絲米線」，湯底揀咗花膠雞濃湯，真係好足料！湯底濃郁又唔會太鹹，花膠同雞絲嘅份量都唔少，加咗蘿蔔、牛筋丸、芝士腸同雞腎，每樣配料都幾好食，尤其係鬼馬午餐肉，口感好得意，值得一試朋友嗌咗「冬陰功小窩米線」，湯底揀咗辣嘅冬陰功，一上枱已經聞到好香！配料有金菇、香菇貢丸、花枝丸同特選肥牛，佢話個湯底酸酸辣辣好開胃，肥牛唔韌，丸類都彈牙，仲可以揀「爽身」米線，口感更加爽口，啱晒鍾意食辣嘅人。小食方面，我哋試咗雞皮餃子，外皮炸得脆脆哋，入面餡料都幾香飲品就叫咗日本蜜瓜同提子梳打，都係$10好抵，味道清清甜甜，解膩一流。兩個人食到飽飽，員工服務又好👏🏻湯底同配料都有水準，款式又多…查看更多

呢次去食呢間任食燒烤放題真係超出預期🔥！環境乾淨整潔，氣氛舒服，坐低唔洗耐已經上晒肉🥩～我哋試咗好多款，包括澳洲M7牛板鍵、安格斯封門柳、美國五花肥牛、豬頸肉、五花腩同埋雞軟骨串😋M7牛板鍵油香同肉味平衡得好好，一燒就出油💦，香味即刻爆出嚟；封門柳肉質厚實又唔鞋口，牛味濃郁；五花肥牛就最啱包菜食，入口即溶🥬。豬頸肉同五花腩都好正，燒完帶少少焦香位，配埋佢啲燒汁簡直一流🤤。講返海鮮部分，蒜蓉牛油帆立貝🧄🧈香氣勁濃，帆立貝大粒又鮮甜；雞軟骨串啖啖脆，燒得啱火；鵝肝多士🥖🐦香滑濃郁，一啖咬落去脂香滿口，好似高級餐廳出品！最驚喜係佢啲甜品仲有D24榴槤🍮，香味濃郁但唔膩，榴槤控必試！重點要讚嘅係佢嘅自家製泡菜🥬🌶️，一試就知唔係外面買返嚟，酸辣度平衡得啱啱好，好開胃又解膩，燒肉配佢真係完美組合。服務態度勁好，店員笑容滿面又好親切、反應快、主動，整體感覺好似去咗日本咁，貼心又有禮有啲懷疑自己係咪去咗日本🙏🫶🏻…查看更多

晏晝試左D2 place呢間和牛料理，🥩 叫咗兩款和牛定食和牛極致定食（3種）同和牛西冷薄切大判燒＆赤身定食整體嚟講好好，食材質素唔錯🤗🤗前菜有黑醋沙律，酸酸地幾開胃；一碗熱辣辣嘅昆布湯；仲有少少泡菜 🌶️，送飯食幾好到主角啦！和牛極致定食👏🏻👏🏻有三款牛 🥩，印象最深係和牛龜之甲同上後腰脊肉。龜之甲啲肉比較嫩，燒完油花都幾香，一啖食落去都幾滑。上後腰脊肉就實淨少少，有咬口，肉味都濃。總之就係，呢幾舊牛嘅品質都唔錯，燒得好食嘅。😋另一份和牛西冷薄切大判燒＆赤身定食🥰個西冷薄切大判燒真係幾大塊，薄薄地，燒一陣就食得👏🏻蘸埋啲汁食，味道香甜而赤身就無咁多肥膏，食落清爽啲，對於怕肥膩嘅人嚟講，呢個配搭幾平衡。👍總結嚟講，牛嘅質素對得住個價錢，係一餐幾好嘅烤肉體驗🥰…查看更多

首先呢個「白汁焗雞皇飯」應該係經典款，白汁焗飯最緊要係個面焗到金黃色，有少少飯焦，入面嘅雞肉同蘑菇撈埋濃稠嘅白汁😝跟住仲有「奶油脆豬」，通常係豬仔包烘到脆卜卜，再搽滿牛油同煉奶，食落甜中帶鹹，邪惡但係好滿足～「即炸墨魚丸」配蜜糖呢個配搭幾得意，墨魚丸炸到外脆內彈牙，點埋蜜糖應該係甜鹹交織，口感同味道都有層次。第二個餐有「牛肉眼扒」，10安士都幾大塊下！配蒜蓉汁應該幾香口，牛肉眼通常脂肪分布均勻，煎得好嘅話肉質會好嫩滑，唔會韌。羅宋湯酸酸地幾開胃，入面有啲雜菜，點埋多士食就最正！另外仲有「蘑菇白汁焗意粉」，同個焗飯差唔多，但係意粉掛汁能力強，每一啖都係奶油同蘑菇香。炸薯條穩陣之選，即炸薯條熱辣辣總括來講$178兩位，呢個價錢喺而家來講算平啦…查看更多