hojony的個人專頁

這間餐廳二樓長期播放80年代舊歌，這晚我和朋友光顧的時候，遇上他們一枱飲了很多酒的熟客，這些熟客完全沒有理會其他人，不停長時間大聲喧嘩及叫破喉嚨唱歌，即使告之侍應，對方亦無甚反應。為什麼我和朋友吃飯消費，卻需要承受一些自私顧客的難聽歌聲，而侍應卻不去處理？咁想唱歌咪包房囉！由於環境太嘈雜，我們根本不能傾計，只好提早離開另外我們點了一碟三隻蟶子，但蟶子的肉少得可憐，一人都不知有沒有兩小片，口水雞也是零碎的斬件，只是水煮魚的份量比較正常，最後3人吃了1000元，感覺十分不划算…查看更多

7點半坐低，即時叫嘢，8點9先嚟第一樣全場得5枱人，兩個侍應全晚跑來跑去唔知忙乜，唔明燒個飯糰點解要個幾鐘，小朋友餓到肚都扁，一問之下，先同我講個軟殼蟹手卷冇，冇咁你點解唔早講? 我係咪要等多個幾鐘?呢間一定唔會有下次 !…查看更多

傍晚7點10分坐低，本來想坐入面，侍應堅持要我哋坐出面，算，照坐，但其實入面根本都未滿，之後亦未坐滿，於是我哋兩大一細，聞住一陣陣有臭味的海風坐足個幾鐘。叫餐，等咗大半個鐘，見唔對路，問侍應我哋叫嘅薄餅同豬鞍扒到未，侍話經理會跟進，等多十五分鐘完全冇人跟進，懷疑根本漏單，所以個經理完全冇過嚟跟進，因為頭先就係佢落單，喺我哋乜嘢都未嚟嘅時候，隔離幾張枱同我哋差唔多時間或者遲過地嚟嘅人，已經食緊或者食完好喇，8:25終於食物到咗，個豬鞍扒薄過大家樂早餐，仲要完全唔好食，又硬又鞋，塊薄餅連759嗰啲急凍貨都好味過佢，完全唔明點解要1小時20分鐘，去等呢兩碟咁樣質素的食物送過嚟，仲要400幾蚊！呢間餐廳已經列為我人生一定唔會再幫襯嘅餐廳，你哋想玩自己嘅就去幫襯啦 ! 自己睇相 !…查看更多

晚飯後，找地方落腳吃甜品，同行的友人提議試《溏苑》，聞說它的心太軟很出名。不過由於剛剛吃飽晚飯，不想吃些太Heavy的甜品，所以在Menu上找些較輕量的。在Menu上見到店長推介的「Baileys併脆珍珠配北海道3.6奶凍」，兩樣至愛 : Baileys +北海道3.6牛奶集於一身，不知味道如何呢？一試後，奶凍做得很香滑，又不失奶味，應該沒有取巧，是以北海道3.6牛奶所做的；杯內有些珍珠，脆脆的，口感相當豐富。本來我與友人都擔心加入Baileys後會令奶凍的味道變得怪怪的，但一試後卻發現味道出奇地夾，令整個奶凍的味道層次更豐富，友人嚐了一口後也說下次來要點一整個來品嚐呢。至於友人所點的「冰火Oreo木糠布丁」也值得一試，它的賣相相當吸引，上層的蛋白以火槍燒過，像在吃火焰雪山，下層的木糠布丁以Oreo餅代替馬利餅，味道較濃，如果不是吃飽飽的話，相信用來果腹也不成問題。據店員所講，老闆每隔一段時間就會創出新甜品，所以下次來可能又有驚喜。下次會在下午茶時間來，high個tea，食個特色甜品可能會覺得很寫意呢。…查看更多

地點坐得不舒服，因為如大排檔般，是要坐街邊的但味道真的一流蒜泥白肉...我吃的時候真的驚為天人，味道不算辣，而蒜味迫人，豬後脾肉肥瘦分明，肉質彈牙，藏在肉底下鋪碟的小黃瓜爽口清新，為濃烈的味道帶來中和作用...可以說是小弟這輩子暫時吃過最好吃的蒜泥白肉另外川北涼粉及酸辣粉，前者香辣非常，涼粉質感特別如啫喱般，但有紅油附在表面變得頗辣；後者的質感十分Q，彈牙卻不會黏牙，湯味濃郁，紅薯粉也很入味，和我在內地四川館子吃到的質素不相伯仲，以後不用山長山遠北上吃川菜了...另外，老闆很好人，稱讚他的東西美味時連聲多謝，十分謙虛...也和專程買外賣的人言談甚歡，有客人談到在附近最近開了多間類似的店，但客人說只會光顧他那間，他卻跟客人說笑，你可以試試啊，可能比我的好吃...也有客人說上次來摸了門釘，他就連聲不好意思...因為到了四川買貨，而當地因地震而貨源較緊張...我短期內一定會再光顧，因實在忘不了那蒜泥白肉的美味!!!…查看更多

琴晚入去坐低，叫了生牛河牛肉完全生的，正常，因為食生牛河係浸在熱湯中浸熟佢但個湯竟然完全唔熱，只係暖的牛肉浸了5分鐘都完全唔熟，係血紅色的，好似牛肉刺身咁立即叫侍應換...叫佢比過d熱些的湯我，他們也十分合作另一碗再上，唉，又係唔夠熱，湯仲要冇乜牛肉味，枉佢在門口大大個易拉架自稱「極品牛河」結果牛肉又係浸咗5分鐘都完全血紅色但d牛肉已經係好薄，仲要得小小的四五片侍應解釋剛換湯了，煲湯未滾煲湯未滾你又賣河粉比我(我就真係滾喇)！大佬呀，我唔想食到病就連隔兩張枱的一個自稱越南華橋也睇唔過眼話「生牛河」唔係真係要食全生的牛肉係用好熱的湯浸熟d牛肉，咁先至鮮嫩可惜個侍應仲要覺得碗粉冇問題咁話整熟d牛肉先比你囉大佬呀，咁我不如叫熟牛河好過啦！連最基本的生牛河也做不到，呢間野枉稱越南餐廳一定唔會再幫襯！ …查看更多