綠毛蟲的個人專頁

去完花墟買花見差唔多時候食飯，拎住好多嘢無力再行咁遠，經過西洋菜街見到有間純白色嘅日本餐廳感覺好清新，於是同朋友決定行入去試吓。一入去到去見到貼咗好多寫住日文嘅相，已經好有回鄉feel。打開menu見到啲相幾吸引有好多款都想試，又餓又渴又熱立即叫幾樣快上菜嘅嚟醫住肚先！啤酒好快就嚟到，佢咃嘅啤酒唔係一般嘅Asahi，係原裝正版嘅日本Asahi，一飲即刻就feel到隻味係好唔同！傾咗無耐秘製唐揚雞同自家製泡菜已經送到。佢個唐揚雞不愧為招牌菜，個外皮炸得超香脆，一咬落去仲要爆汁，再配一啖啤酒真係爽到爆！朋友話配泡菜都好正，啲泡菜唔太辣之餘味道仲好清新，食完炸嘢cool down返少少個人啱啱好！跟住就到刺身上場喇，雖然我哋係散叫，但師傅都好用心擺得靚靚俾我哋打卡。三文魚腩夠肥美又新鮮，赤蝦堅大隻，肉質又爽脆清甜。食完我個friend即刻話要追加！刺身未食晒啲串燒已經嚟到，個免治雞肉串一上枱已經聞到好香，忍唔住立即放入口，啲肉汁即刻佈滿成個口，第二啖點埋個鮮蛋黃又係另一種味道，蛋黃中和咗個醬汁得嚟又帶嚟新嘅濃郁同香氣，各有各好食。朋友係芫茜怪一見到有芫茜豬肉卷二話不說就叫咗。我本身就麻麻哋，但見佢食完一舊係咁話好食好食忍唔住就試咗一舊，估唔到佢今次真係無點我，唔單止無芫茜味不特止，仲為豬肉帶嚟更豐富嘅肉汁，食完完全唔覺得漏，再配啤酒一流！！見到隔離枱有個好特別嘅菜，店員話係佢哋另一招牌菜鹽釜原隻鮑魚。全部都係即叫即整，夠晒新鮮。臨上菜店員仲會點火加添香味，呢個梗係又要打吓卡啦！最後我哋仲叫咗明太子玉子燒、明太子白汁烏冬同醉翁炒飯，飽到上心口埋單每人都係300蚊左右，性價比超高！朋友話下次會早啲嚟食完晏先再去買嘢。…查看更多

市場街有很多文青cafe,岩曬想放假慢活chill下既朋友。我地今次去左一間果醬主題既cafe 《一起果醬》🍓🍇🍉🍒🍎一入門口，就有一個貨架擺滿各式各樣既果醬比客人選購。我哋揀左近門口既位置坐低。我叫左個《classic all day breakfast $99》如果想配埋飲品就可以要《classic all day breakfast set$119》，姐係加多20蚊就可以選$34或以下飲品☕️比起分開叫飲品化算。All day breakfast🍳有炒蛋、煙肉、早餐腸、炒蘑菇、扒蕃茄、焗豆、厚多士，分量十足，而多士仲可以揀佢地10款果醬，好多都好有特色，我揀左蛋黃菠蘿🍍Jam，果醬入面有蛋黃醬既味再加好多菠蘿粒，酸酸甜甜非常清新，可以去除食完煙肉個口既油膩感🍍男朋友叫左個《溫泉蛋卡邦尼意粉$86》賣相好靚，溫泉蛋蛋漿融入意粉當中，令人食慾大增，點知食落口有少許失望，意粉汁太水，味道偏淡，只能說普普通通，不過價錢唔貴，又不能與$200既意粉🍝質素相提並論既。最後叫左杯《ice mocha $45》，正常味道，中規中矩。其實整體黎講都滿意，服務態度非常好，只係等餐時間太耐。我地星期一平日去，雖然都大概7-8成入坐率，但等左35-40分鐘先有第一份早餐送到，而飲品亦係早餐之後先上，變左想飲住杯野等都唔得。環境好舒服，好適合朋友坐係度慢慢食慢慢傾下計，如果大家唔係太肚餓，都值得一試，但如果趕時間就要諗諗🤔️…查看更多

Turtle cafe西貢海邊靚景 chill cafe放假黎左西貢行下行到肚餓，見到海邊竟然有間cafe可以chill住睇海景🏖️。侍應主要係英文溝通，咁靚既景，當然揀坐outdoor啦！🌞因為我地都好肚餓，就叫左一人一碟意粉🍝《辣蕃茄煙肉意粉$138》賣相一流，味道唔錯🤤濃濃蕃茄汁，煙肉雖然好少但香口，微辣，好味，再加埋靚景，對得起呢個價錢有餘👍🏻《忌廉黑松露野菌意粉$148》好重黑松露味，汁好creamy,配埋煎香左既野菌，唔需要加black pepper 都已經好夠味好好味😋雖然食到飽飽，但甜品係第二個胃😂見到menu 有我最愛《pistachio ice-cream $38》開心果味雪糕 非試不可大大口放入口，開心果味略為少，奶味較重，但都好滑好香，入口融化，靚靚賣相，食埋戶外日光，打卡一流🤩環境/服務：服務員態度好友善，環境靚到絕，望住西貢碼頭海景，望下人們同狗狗熙來攘往，同朋友談下心，又一個慢活既假期。…查看更多

泰道 Thai Dao西貢靚景泰國菜慶祝生日黎左西貢staycation,預先已經plan好試下呢間朋友口中性價比高，又有無敵海景既餐廳🇹🇭泰道 Thai Dao星期日中午黎食，餐廳寬趟所以無book位都唔洗等，本身揀左戶外但因為一坐低就落雨天氣又勁焗，就轉左入室內。第一道菜《泰式生蝦*7-8隻$128》好新鮮，生蝦大大隻，蒜味好重，醬汁算偏辣🌶️如果唔食得辣既人就唔好連蒜食同唔好點太多醬，但整體黎講係新鮮好食🦐第二道菜《蒜香軟殼蟹$138》足料大大碟，軟殼蟹係厚肉大隻🤤，絕對對得起價錢。略有不足就係蒜香味唔夠香同味道偏淡少少，食到軟殼蟹既香脆同蟹味，好好味😋，但可能我本身中意重口味，覺得可以再咸多少少，如偏淡口既朋友可能覺得岩岩好。第三道菜《泰式蝦醬炒飯$128》配料有蝦米、臘腸、肉鬆、炒蛋（甜），同大大隻蝦仁，配料好足但完全食唔到蝦醬味，只係好普通既足料炒飯。不過餐牌仲有好多炒飯既選擇，有興趣黎呢度，不妨試下其他款式。叫左檸樂同珍多冰，埋單$525，係西貢食靚景食好西，呢個價錢都算性價比高，覺得下次有機會黎西貢都可以再食打卡位推介：當然戶外對住海景食一定chill,近海一排係大枱，而且張張枱都有吹風機唔洗怕熱，如果一家大細黎建議坐戶外欣賞美景用餐。但二人行既話，戶外唔係貼海邊，而且風機係隔幾張枱一部，怕熱既朋友都係好似我地咁，建議坐番室內嘆住強勁冷氣，室內近窗位置採光好好，打卡影食物一流，而且都可以望到海景，又唔洗熱辣辣。服務態度/環境：服務態度友善，非常有禮，會主動過黎幫你斟野飲，環境寧靜坐得舒服…查看更多

實在好耐冇出去食飯啦，心血來潮好想食肉，仲要係食好多好多肉。之前聽人介紹呢間燒肉唔錯，好食而且性價比好高，咁就同朋友黎試吓啦。入到去就見到個小食吧，見到有沙律、湯、意粉同埋飲品等等，最吸引就係見到成個雪櫃都係菜，好似好健康咁。我哋飲咗幾碗湯同幾個沙律，新張期間小食包免費，真係好吸引。急不及待點肉食先，叫咗兩份肉一份係美國牛板翼，另一份係澳洲和牛西冷，再叫咗個韓式炸雞小食，見到咁多肉，真係好開心。澳洲和牛西冷好大塊，根據餐廳嘅提示放喺熱石上15至20分鐘，牛扒嘅表皮好香脆，入邊唔會太熟剛剛好，大概係七成熟，咬落去食到肉汁同牛嘅香味，牛肉味道更加濃郁。美國牛板翼放喺熱石上，牛嘅油脂出晒來，好彩餐廳好貼心，每人都有一件圍裙，完全唔怕會彈到衣服。食落去牛板翼口感比較爽口和鮮嫩，油脂比較多，配上白飯食簡直一流。韓式炸雞脆卜卜超級香口，佢嘅韓式醬汁別有一番味道感覺好野味。食咗個幾鐘我地終於完成呢兩個大大塊嘅牛扒餐，真係好滿足好飽，佢嘅牛扒有不同克數可以揀，可以選擇返自己嘅食量，而且小食吧湯意粉同飯都任加，包你食到飽飽。整體來講，餐廳環境舒服係簡約嘅工業風，食物嘅份量同味道都不錯，而且可以自己煎自己落調味料，鍾意熟一點、生一點都可以，感覺好個人化，一路燒一路傾計時間好快過，話咁快就完成呢一個豐富嘅晚餐。…查看更多

⭐刺身篇海膽好好食 做到入口即溶 仲要有濃郁嘅海膽味但係都唔會太腥；第一次食蟹鉗刺身 十分新穎；鮑魚和象拔蚌都鮮味十足 好有咬口 比好多嘅放題店都做得更好；呢間放題仲提供生蠔 不過就冇提供到香草或者檸檬汁以提供左一個類似泰式辣醬嘅醬料 如果唔識得辣嘅朋友就唔知點算好；蝦有大中細隻任君選擇⭐小食類小弟點左一個馬拉盞通菜 老實講其實幾好食上面仲鋪左好多嘅櫻花蝦 可以盡情享受淡淡菜有淡淡蝦 但係我點左一份佢就俾咗一大碟我分量好似多咗少少；至於清酒煮蜆 本人就覺得酒味太淡所以冇乜特別 ⭐鍋物類呢間放題店仲提供左壽喜鍋同埋部隊鍋 都算係少有嘅放題店會做到嘅 不過就Hea左少少囉 都係得啲平時食開嘅五餐肉火腿加塊芝士咁姐不過鋪頭仲有提供韓式嘅雪條 可以話呢間放題店嘅食物種類真係花多眼亂…查看更多

生日約左朋友黎食放題慶祝，店員安排左個較後既位比我地，坐得幾舒服。刺身都幾新鮮，最愛三文魚同赤貝，係元氣成日唔夠喉，今次終於可以嘆赤貝刺身！壽司最正一定係黑松露壽司，全部都落左好多黑松露醬，一擺入口未咬都有陣黑松露香味！而天婦羅選擇都幾多，不過我地剩係叫左蝦同蟹棒，後尾先發現竟然有蘆筍，就算炸完都仲係好嫩，但太遲發現如果唔係一定叫多啲！炸雞軟骨好好味，加左七味粉夠辣又惹味，而另一款好惹味既野食就係牛舌啦，切得夠厚所以唔乾，又出奇地入味，芝麻雞翼炸得岩岩好黎到熱辣辣，叫左兩轉！呢到燒菠蘿加左少粉焦糖，令菠蘿更加甜，而且仲有冰菠蘿揀。見有火鍋揀就叫左個壽喜燒鍋，點知食完就搞到兩個人試唔到其他野啦！！！最後食到好飽都堅持想食埋甜品，唯一有啲失望既係甜品選擇唔多，係雪櫃拎左兩粒泡芙都好似擺左一段時間咁，而且得我地會拎，不過有個似經理定店長既人見到我地好失望咁，叫左我地出出面雪櫃拎雪條食，有好多唔同雪條，呢到款式同賣相就好好多，總算冇失望而回！…查看更多

天時凍到咁，當然要搵Ｄ熱野落肚暖下身啦。朋友搵隊話佐敦有好西食，仲要係大大盤時令生猛海鮮喎，二話不說即刻去會一會佢～舖頭位置方便，佐敦道無論地鐵定巴士點都會經過；因此雖然係樓上舖但都非常之就腳易搵。預約八點半準時入座，樓下有接待櫃檯確認左就可以上去啦好在預約星期四，上去馬上就入到座啦。一入店內就見到三四個大大水缸養住生猛大大隻海鮮，又龍蝦又瀨尿蝦仲有象拔蚌…不過今次大家目標清晰：$238一位的航母海鮮盛宴！睇餐牌見到相都吸引呀，拿拿聲揀多五個配料，叫埋啤酒蔗水起就筷啦上檯時真係嚇左跳，五人份量冇花冇假新鮮海鮮，上檯時個盤；冇錯係要用個盤字黎形容呀，係直頭搵個ＢＢ仔入去沖涼都夠做！各式各樣海鮮…大過個五蚊銀的帶子同鮑魚，貴妃蚌，青口，沙白，花蟹…仲要係人頭一人一隻唔洗爭崩頭架～經理哥哥好好人咁等我地影夠相過足癮，準備好先加湯～我地揀左蕃茄薯仔湯底。加左湯之後上蓋大約10分鐘左右就起動啦，經理哥哥先溫馨提示我地食左貴妃蚌，帶子先；至於沙白同海蝦就先撈起唔好煮過龍。每種海鮮都好甜好鮮，皇點推介配料安格斯牛肉呀～…查看更多

Happy Friday發現左呢間位於東大街嘅潮丸，好方便豈地鐵站行一分鐘就到嚕。小店店內環境好新，格局行懷舊風味，七點零鐘未係好多人，坐得好舒服。店員落單上菜都好快手Menu內各款麵食同小食都好抵食！我地兩個人一人揀左一碗麵同一款小食再加野飲自家雲吞王米線（$55）自家雲吞有五大粒，皮薄餡多好鮮味，個湯飲到有魚湯味，清清地一啲都唔油膩秘製豬三鮮米線（$55）豬三鮮包括左豬肉丸、腩肉同札肉。豬肉丸好彈牙，腩肉同札肉都好入味。腩肉其實唔只呢張相影出黎咁得兩塊架，有成三四塊大大塊，好足料呀小食就嗌左香蒜炸雞翼（$28）同炸魚皮（$28）潮丸啲炸物真心出色，個雞翼一上菜已經聞到好香，色水又炸到金黃色睇落都好靚，隻雞翼本身亦都好肥美。跟住個炸魚皮仲驚喜，未食過咁脆。平時出面果啲一黎薄、二黎一浸少少湯左已經淋晒，但呢度個魚皮脆到直頭浸左少少湯都仲keep到係脆！份量都好多，好滿足呀…查看更多

今日公司有同事離開，另謀高就，我哋大家同他做個歡送大會，一齊叫到會食一大餐，我哋安排咗好多食物，其中有幾款特別出色，一個法式繽紛雲呢拿朱古力泡芙，外型非常漂亮，正宗法式手作，雲呢拿芳香撲鼻，朱古力蜜味香甜，精巧嘅泡芙顆顆圓潤飽滿，鬆化可口，非常美味。另外一個煙三文魚他他加杯杯紫薯玫瑰燴飯，呢個賣相非常吸引，煙三文魚夠新鮮，大廚煙燻恰到好處，加上獨家調配他他醬，一雙巧手誇啦啦。仲有佢個紫薯玫瑰花，弄得花開錦繡似的，非常漂亮，不單是美觀，內涵都唔輸蝕，味道恰到好處，襯托得色香味俱全。…查看更多

今日同朋友去左將軍澳既Mee...Lemongrass 到食泰國菜🇹🇭我地點左無骨酸辣鳳爪沙津，無骨海南雞喇沙，軟殻蟹撈檬粉。我地叫左大概十分鐘都上齊哂，好快比個讚👍🏻 睇相可以見到全部都比較大份，先講無骨鳳爪🤤🤤 超好食好入味，鳳爪酸酸辣辣，但佢又唔會話好辣，唔食得辣既朋友都可以一試阿😏而海南雞喇沙既湯底都好濃，好重正宗喇沙味。海南雞好嫩滑，我係咁飲啲喇沙湯底🤩🤩 而佢既撈檬都好正😋 軟殻蟹都幾大隻，炸得剛剛好唔會話好油🥳連埋啲撈檬同汁就簡直係perfect match🤤我地仲叫左兩杯特飲，一杯係珍多椰汁冰，另一杯係Cool爆鮮士多啤梨冰冰。杯士多啤梨係超大杯超大杯，一個人真係未必飲得哂，可以兩個人share📸椰汁冰好重椰汁味，佢啲粒粒都幾多，飲一淡都有幾粒咬下，加分👍🏻今次朋友真係冇介紹錯💙下次試下帶屋企人黎食又平又掋既泰菜…查看更多

成日去希雲街食甜品，有次見到間拉麵排曬長龍，想食好耐，今次終於可以試下，原來係米芝蓮推介嘅餐廳黎，唔怪得之咁多人排隊啦。好彩去到唔洗點排隊，因為我地專登揀過左食飯既時間去，不用等就有座位啦。我地都揀豚骨拉麵 再加隻日本半熟蛋 。拉麵係幼麵，可以揀要蔥定走蔥，而配料就有叉燒、竹筍和木耳。我覺得食拉麵最緊要既係「湯底」，我會先試，豚骨湯帶點稠，好香既豬骨味，濃而不膩。叉燒係半肥瘦的，食落去好香，啖啖都係肉，係好滿足既感覺。日本半熟蛋，切開流心流出來，蛋香味香濃，令人回味。2個人食再叫多左個小食，炸八爪魚球 ，外型比一般既小丸子細小小，外脆內軟，章魚粒多汁彈牙，加上面頭既燒汁、蛋黃醬和木魚碎，味道好復雜，而且份量剛剛好。整體來說，餐廳環境雖然不大，但環境好舒服，唔會好擠逼，值得一提既係，餐廳服務員好有禮貌，有耐心地解答我地既問題。食物方面，米芝蓮既推介當然有一定既保證啦，食完幾日已經好掛著餐廳既湯底。…查看更多

朋友係要見既，今日我地相約一齊食最愛既日本野。黎到餐廳見到格局好清新，裝修以簡約為主。門口有個玻璃櫃，show左各式各樣既蛋糕，好吸引呀！值得一讚係枱與枱之間唔會密密麻麻咁，傾計都傾得開懷d啦。首先係海藻烏冬配甜品特價餐。麵類我地揀左煙三文魚海藻烏冬。麵條係扁身，絕對唔好以為係平時食開既烏冬，個人覺得係比較腍既冷麵。甜品係黑芝麻蛋卷。跟餐原本係高級斯里蘭卡紅茶，但我地轉咗做熱既宇治焙茶奶。熱辣辣好有茶香呢！另外仲有個迷你三彩丼定食。三款主食分別係鰻魚飯，吞拿魚魚生飯同海藻烏冬。滿足晒有選擇困難症既朋友，因為樣樣都可以試少少。最推介鰻魚飯，係連d飯都充滿鰻魚汁嫁。甜品係小抺茶蛋卷，size好的骰，比我地秒清左。同樣飲品方面都轉左宇治抹茶奶。甜味中和返抺茶既苦澀，配上牛奶好夾呀。呢度既套餐真係物超所值。一場黎到點可以唔食甜品呢。其中一款係咖啡凍巧克力慕思芭菲。食落有d似tiramisu既味道，最底既咖啡味啫喱配上兩款唔同既朱古力慕思，味道層次好豐富。黎到抹茶芭菲。雪糕好濃郁既抹茶味，將每一層既啫喱同mousse mix埋最底既粟米片黎食，不同既口感好滿足。…查看更多

喺荃灣返工咁耐，知道呢間餐廳開咗一段時間，今日終於有機會去試吓啦。入到去環境感覺好開陽，前面有塊好大嘅落地玻璃，透露出戀戀嘅陽光，望向左邊有個好大嘅打卡位（今天好嗎）。好啦開始食嘢啦，個香酥炸雞排賣相好吸引，超級大塊炸得超級香脆，雞排嘅皮薄肉質嫩滑，咬落好juicy，但入口亦唔會覺得油膩，配埋白飯剛剛好。照燒鰻魚飯套餐都黎埋，成隻手掌咁大嘅鰻魚，好吸睛，照燒汁嘅味道剛剛好，增加左鰻魚獨有嘅味道，一口鰻魚再配一啖飯，感覺好滿足。咁愛食芋圓嘅我就算好飽都要堅持叫多個黑糖芋圓仙草糖二號！哇！好大份分量十足，，芋圓夠曬煙韌，而且食到芋頭既味道，仙草夠曬冰涼，食幾多都唔覺得好膩 ，配上紫米、綠豆、珍珠口感豐富，感覺上又多咗碗飯🤭。係喎！仲有個水果茶不得不提，真係超級好飲，水果滿滿，茶既濃濃剛剛好，彷彿又帶出水果嘅新鮮。整體來說，餐廳裝修很有台灣特色，環境十分舒服，食物質素不錯，特別係最愛塊炸雞扒同黑糖芋圓仙草，性價比高，會再來喔。…查看更多

火炭？這個地方並不是很想去，對我來說有一點新奇，今天下班後，在附近尋找好食的晚餐，無意中走進了一個小屋村商場，入面竟然新開了一間泰國菜餐廳，看見有新開幕的優惠，便進去享用一下！座位很舒適也很寬闊，不會令人有侷促和壓力的感覺，環境的燈光也很令人舒服！我和朋友選擇了四道菜，軟殼蟹撈檬，素菜春卷，蝦餅，肉骨茶！在香港很少會飲到正宗的肉骨茶，但很驚訝地在這裏的肉骨茶竟然是和馬來西亞的味道差不多，肉骨茶是用藥材加豬骨來烹調的，這個肉骨茶沒有味精，又很重藥材的味道，豬骨也是用新鮮的來烹調，材料十分豐富，再配上豆粕冬菇，把整個味道都調整到出來，就算把整碗渴完都不會有口渴的感覺，飲到師傅的誠意，因為這碗湯，是需要時間來烹調出來！軟殼蟹撈檬，檬粉的份量很多，而且很潔白通透，再配上酸辣醬來調配，味道都很平均，酸辣醬也不會過鹹，令人有一種開胃的感覺，這個份量足夠二人食用，也有紅蘿蔔絲青瓜絲作配菜，撈上來食，感覺很健康。至於軟殼蟹，是整隻把蟹炸的，而且是新鮮的蟹BB，還吃到有少少蟹肉在內，這隻蟹炸得時間剛剛好，不會很油膩，這個價錢竟然可以吃到全隻蟹，真的很驚訝🙀，就算連麵粉都不會過厚，簡直物超所值！素菜春卷的材料有粉絲和素菜，這個春卷是每天師傅新鮮包製的，材料也豐富，炸得皮脆，但入面的素菜，不會因此而油膩，完全可以令人一啖放進口內，這個春卷的感覺很清新，就算不喜歡吃菜的朋友，都會因此而愛上，再配上酸辣醬，就更令人回味！蝦餅是炸的，但竟然入面有不少蝦肉，外面的皮都不會過厚麵粉，這款蝦餅也很正宗，蝦餅來的蝦肉也很新鮮，幾乎每一啖都可以吃到一粒粒的蝦肉，這個蝦餅的份量很多，但價錢都相當合理，比起其他泰國餐廳，我更愛食這問餐廳的蝦餅。這間餐廳的小食做得很出色，每一款食物，都可以食到正宗的味道， 令人好像身處於泰國一樣，大家不妨一試！…查看更多