daddyon999的個人專頁

去開果頭，通常都係食西餐or cafe 飲咖啡，今日行過，見到間鋪頭好開陽，裝修又幾清新，綠油油咁，過去望下餐牌啦，原來係食泰國菜，咁去試下啦，有驚喜！叫左個蟹肉奄列配白飯，諗住平平無奇先考功夫，點知一個普通嘅蛋可以煮到咁好食，先講下d蛋，蛋邊有小小脆，蛋面好香，蛋心鬆鬆軟軟咁，再講下蛋入面既料，有蔥，有蟹肉，重有d唔知係咩，蟹肉味好濃，蔥有棉上添花既效果，已經好好食，都未算，重配兩個醬，一個貌似茄汁，酸既無食，另一個飲泰式辣醬，但帶酸酸甜甜，好醒胃呀，另成件事都昇華晒，好食下次要試吓其他野！…查看更多

星期日屋企不煮飯就落街買個譚仔三哥嘅水煮鴨血米線返屋企食😚😚叫咗水煮湯底4小辣，湯底夠味夠辣，飲完唔口渴，不過因為係水煮關係，較油面軟硬適中，索埋湯汁，好味😋。鴨血有4-5舊入口算順滑，都夠味，豆腐卜索哂湯汁，正正👍🏻配料有芽菜、韮菜、腐皮，韮菜、腐皮略少口水雞汁底唔夠蒜唔夠辣，稍遜整體用餐體驗 : 3.75/5如果咁嘅價錢質素，算不過不失😌😌利申： 評價只是本人分享，並無任何廣告成份。另外分數只作參考，始終口味各人不同😁😁…查看更多

呢排都係食外賣多，海南雞飯真係好難搵到一間好食嘅，首先雞要入味仲要夠熟但不老，已經有難度，見到啲雞嘅骨仲有鮮紅色嘅血，真係未食都已經飽啦。呢間，雖然啲骨啲血未至於鮮紅色，只係淡淡的粉紅色，不過心理作用，都係覺得佢未完全熟透。而且啲雞好肥，好多肥膏，真係唔可以一大啖咬落去，享受唔到囉。。個飯睇顏色就好夠喎，不過其實佢係冇乜味，唔知佢落咗啲咩粉落去染黃色，一定唔係純雞油囉。完全冇雞油嘅香味。仲有嗰兩個醬啊，個盒都已經唔係大㗎啦，仲要入得三份一，啲醬係咪真係咁貴呀，完全唔夠用！…查看更多

食過好多次啦，睇住佢整，個心係覺得好食啲嘅。雖然要等大約10分鐘到。佢個薯條係粗薯條，其實都係來貨嗰啲呀，冇乜太大特別，嗰醬亦都係不過不失啦，不過附近真係好少賣Burger🍔🍔🍔嘅舖頭，而且佢個價錢係算平。西環真係好多呢類型嘅小店，佢鋪面好細，而且好3尖八角，坐的亦都唔舒服，不過亦都係佢造成佢個特色！出邊閒閒地食個burger set 都要過$100 ，佢呢度都只不過係60幾蚊仲有嘢飲，真係好平，而且再唔幫襯一啲小舖頭或者小店，好快就會比大財團壟斷，到時真係想食都冇得食，而且一定係捱貴㗎囉。…查看更多

點做到㗎，點做到㗎，點做到㗎！啲雞翼就快冇位擺啦，都只係$35咋，仲想點呀！有圖有真相，一碟炸雞翼太陽蛋飯，太陽蛋下面係滿滿嘅白飯，而在震撼嘅就係圍邊嘅炸雞翼，為到好似唔駛錢咁。啲雞翼炸得好好食呀，首先雞翼本身已經夠味，炸漿都有味，最後我仲食到有椒鹽味應該係喺面度再沈多一陣椒鹽，好香口好惹味。最後我竟然食唔晒呀，平時係好多地方買外賣食，都會覺得唔夠飽，但我竟然比呢碟炸雞翼太陽蛋飯K.O.左 ，d飯食唔晒，唔通我戰鬥力弱咗，定係碟炸雞翼太陽蛋飯太足料？…查看更多

三哥出左新嘢呀，一有時間即刻沖去潮聖，一直都係三哥既die heart 粉絲, 雖然最盡只可以食三小辣， 我會努力💪🏼挑戰㗎，大家等我！三個出咗麻辣鴨血米線，真係好鋪天蓋地咁都收到資訊，我諗開社交平台，都一定會有人講，真係越睇越肚餓啊。其中有啲好深刻嘅報道，就係一個人帶阿媽去食三哥譚仔，叫咗碗麻辣鴨血米線，要求走辣，結果嚟㗎碗米線仍然仲有辣，色黑色唔到，於是上網公審服務員，結果惹來好多網友嘅批評。我就一笑置之，不過真係吸引到我去食三哥嘅麻辣鴨血米線，依然保持高質，鴨血好入味，食完個口仲有一陣陣香味，米線依舊配菜依舊，鴨血配豆卜，其實都幾寡，略嫌配菜不夠多，不過大集團就係咁㗎啦！…查看更多