apple524的個人專頁

今日在荃灣中染廠見完客，來到D.Park 愉景新城搵食，見到一間環境開揚的新餐廳。全木系，加點日式style。剛剛完左lunch set時間，員工放左份下午茶Menu, 見到南瓜薯餅定食($58)，幾得意，一於試下🤣第一口咬南瓜薯餅，好鬆脆呢，是即炸的😍 一共有兩塊，是日式可樂餅的口感😬配以沙律菜，欣賞餐廳用上貴價沙律菜👍🏻👍🏻👍🏻 本以為湯又是南瓜湯，原來甘荀湯，有點驚喜:) 下午茶可半價升級飲品，當然要試抺茶Latte, 沒有中集團的糖漿甜，是濃濃的抹茶🍵味。重點一提有一間Tatami 房😻 人多Book 房聚會都幾正！好小在呢區見到甘靚的餐廳，如果唔係趕住番公司，一定會坐耐D ! …查看更多

同爸爸媽咪食飯，去酒樓食就最安全，坐得舒服又食得開心。出面的餐廳又遠，服務質素又唔好，都係落屋企樓下間富臨食最好！我唔好耐冇去食，唔知道原來夜晚都咁多人，食物質素比起出面啲餐廳更好！叫咗海鮮，小菜，生煎包燉湯，白飯，勁飽啊！先上果皮蒸鮑魚，剛剛好熟，果皮令海鮮好鮮甜，父母見到都好開心！天氣凍左，叫咗個好古法羊腩煲（$168），呢度羊腩煲一啲都唔騷，個汁濃得來又唔會太油膩，仲有馬蒂等配菜，好送飯呀！媽咪中意食花膠，我就叫左花膠北菇肉掌煲（$108），花膠好淋又夠大塊，多過8片花膠，成本都幾高， 補充骨膠原！冬菇都份量超多！而冬菇味道好出，正！西蘭花炒珊瑚蚌帶子（$128），我每次去飲最期待呢個菜，可能外面食先夠鑊氣，自己整無咁好食！而家生煎包款色越來越多，包到小籠包咁細都叫生煎包，我始終鐘意大大個包，肉汁雖然未至於噴出來，但依然好juicy，好好味！…查看更多

今日好好天，太陽出來了，又有風，舒服既天氣，一於去大埔踩單車。因為早食午飯，所以未到五點已經踩到無力肚仔餓，想食炸雞脾做下午茶。係大埔帶住架單車周圍行，經過呢間茶記，有炸雞脾拼薯條，即刻泊好架車入去醫下肚我叫左炸脾薯條加熱奶茶，熱奶茶好快到，不過茶味較淡。之後等左應該有最少十分鐘，奶茶已經飲左一半，雞脾終於黎啦，首先薯條好熱同幾脆，雞脾係即炸，個皮都係脆，而雞脾食落無血水同剛剛好熟，用刀切開仲有少少肉汁流出黎，唔會炸到過曬火同好乾，唯一唔好係成碟野都幾油下，如果係碟底放張紙吸下油會更好。…查看更多

今日同女朋友係太子收工，行過雷生春附近，見到間新嘅蒸氣火鍋，位置喺雷生春附近。門口度有大大優惠招牌，我同女友望左幾眼，價錢又可以，就入去試下，剛好有人埋單，唔駛等就有位。:):)呢度啲位都算闊落，而冷氣都唔錯。當我地諗住叫$298果個餐果時，個伙計叫我上佢地個fb page望下個是日精選，我緊係睇睇先再落單啦當睇到個是日精選之後，即刻改變主意，唔該是日精選。因為太肚餓，所以第一個生蠔同刺身好快落左肚，無影到相整體刺生唔錯。跟住黎元貝同花竹蝦及鮑魚，花竹蝦新鮮同蝦肉結實，鮑魚亦幾鮮味，而元貝如果加多啲粉絲既話，口感會更好。貝殻四寶同聖子，以我對貝殻既認識，我只分到北寄貝，其餘果啲睇番餐牌先分到係蕃薯貝同馬刀貝及黃金貝，講番味道先，聖子唔錯，而同佢一齊既貝殻四寶都好鮮味，唯獨可能太多野一齊蒸，反而有兩隻貝殻未肯開殻，最後伙計幫我地再蒸多陣先食得。跟住到賴尿蝦，兩隻上到黎仲係郁架，本來放得好好地，我多手搞下佢，最後佢掙扎左好耐，先蓋到個蓋落去蒸，因為賴尿蝦郁郁下就咁放落去蒸，所以我女友話我好殘忍。蒸好左，乜都唔加，食落好多汁同鮮味。到我最鍾意既野，羔蟹，蒸得剛剛好，最重要係隻蟹成身上下都好多好多羔，正如果隻蟹大多少少就更加好啦。農家四寶同蟲草花蒸雞，雞好滑而底原來係烏冬，我本身唔食蟲草花嘅人，都夾左幾舊食，食埋呢兩個剛好食到我好飽，唯一覺得農家四寶同蟲草花蒸雞分開蒸會好啲，敢樣做既話，農家四寶同烏冬個質感應該會更好。最後值得讚係佢會有個兜裝骨，幾貼心又唔駛搞到 成張枱都係骨。同埋記得擲骰仔，睇下自己好唔好運啦。…查看更多

今日去開機場做野，無聊行下T2搵食醫肚，見到有間泰國野，望下餐牌，價錢合理仲要有職員價，即刻衝入去醫肚先。餐牌有單點或套餐簡，今日要左個海南雞套餐，叫左個小食拼盤，馬拉棧通菜。首先一開波，黎左個海南雞飯，賣相可以，但d飯粒食落普通，飯無味，同埋分量唔多，對男仔黎講唔夠。雞都幾滑，唔錯喎。馬拉棧通菜炒得幾香，可惜咸左少少，單叫白飯一定好配合。小食拼盤有泰式鳯爪、蝦餅，春卷。小食款式選擇唔多，蝦餅幾好食，蝦餅即炸好熱同脆，又夠厚身。春卷都幾好啦，但餡小左d 泰式鳳爪唔夠辣。係機場黎講，呢個價錢都已經唔錯。…查看更多

今晚收工落左銅鑼灣會合女朋友，行到天樂里見到小小古典裝潢既「上海弄堂」既餐廳，見價錢都合理，就入去一試。叫左三樣野食，第一樣係豬排菜飯。第一口咬落，就覺得豬排有雪味，菜飯微暖吾夠熱，同埋好乾身，如果有多D油就更好啦。另外酸辣湯雲吞，雲吞入面既菜本身以為係白菜，但原來係芥菜，本人麻麻地芥菜，所以都吾落評價。酸辣湯偏辣，我自己嚐辣，所以覺得適中，但女朋友就覺得好辣。最後既小籠包，入面既饀係好食，夠味，略嫌個皮既頂部比較厚。不過都可以一試。店內既音樂係播住上海舞廳既音樂，都幾特別既 …查看更多

除左上海野，我都好鐘情東南亞散食架，今日係太古坊見完客，一於食埋lunch 先番公司再博命啦！有時lunch 經過呢頭，就會見到好多人排隊，今次可能過左Lunch時間，都吾使等位就有得食。好多選擇之下，都係簡左牛油雞翼湯河。3隻牛油雞翼分開上(呢個是一定的吧), 非常香口，岩岩炸熱所以好正，佢上面酥炸皮，所以為整體口感加左不小分數，不過食多幾隻會太多，三隻剛剛好。另外河粉面質偏焾，我自己本身喜歡硬身既面多點，不過個湯底係幾清甜😉…查看更多

上海姥姥係荃灣區好鐘意既上海野餐廳，一來收得夜，二來，又幾好食。今晚去接女朋友收夜前，就去左呢度食晚餐，其實係宵夜多D. 因為都接近9:30pm,所以都不而食太多野，叫左個酸辣湯面，再加份炸豬排🤗呢度晚酸辣湯吾算辣，偏酸多小小，所以係幾開胃，更重要既係足料，每啖都有配菜，👍🏻另外，男仔如果只係食以上份量梗係吾夠飽，所以通常都會叫份炸豬排gur下先，炸豬排既炸皮同豬排炸得兩層分別，收哂水非常乾身👍🏻…查看更多

同女朋友都好鐘意食上海野，個晚係觀塘接佢收工，忽然好想好想食小籠包，女朋友就話食呢間翔龍小籠包$35/4隻。先點招牌小籠包，多汁，肉都算甜，皮都算薄，過關😎另外叫左上海粗炒，同女朋友都覺得賣相好似好濃味，但食落就覺得唔夠味，叫左侍應拎左豆瓣醬加下味，個配菜好多切片冬菇，喜歡/不喜歡菇既朋友可以留意下。最後都加左個紅油抄手$48/8粒，呢個反而最好食，個汁好濃！我食到有小小藥膳味🙈另外都抵食，$48 有8粒，幾飽肚。…查看更多

今次同好朋友慶祝生日，吾想岀到尖沙咀甘遠，就簡左係就腳既旺角食啦，今次再黎Lab66。同朋友不約而同都唔算太餓，所以一開始叫左個軟殼蟹沙律，同埋帆立貝墨汁意粉。軟殻蟹炸得剛剛好，外脆內熱，重點係好～大～隻 。 沙律附上再瓶黑醋，自己可根據口味落番。另外有一個小有餐廳會做配菜既熱情果，不過同朋友都吾太好酸野，所以無咩點食到😅另外一個墨汁意粉，墨汁味唔算太濃，但勝在夠汁，加上用olive oil煮，好味。最後我地叫左個蜜糖柚子雞翼，幾驚喜，因為幾清新，開胃，應該叫黎做頭盤小食🤣…查看更多

聽過海樂餃子店好耐，今日終於可以一試啦！今日係太古坊開完會，想食個下午茶再番公司，就行左去食餃子啦。餐牌試寫既係絕無味精，同埋"花膠淮山豬骨湯", 聽到都好想飲吧。因為本人你一名餃子控，所以無要到湯面，只食雙拼餃子，分別係鮮肉菜餃，同埋鮮肉白菜餃。因為係即煮既關係，所以都等左成15分鐘先有得食，一試飲啖湯，嘩，好甜呀，因為飲得多媽咪煲既花膠湯，都真係幾真材實料！然後咬一口餃子，好濃味，比較之下，我鐘意白菜餃既鮮甜多D, 無推介錯，真無大大粒，食完8隻，再飲埋花膠湯，滿足，不過個皮可能要包到大大隻唔夠薄，咬落會有粉，口感會有小小影響。…查看更多