san san cat的個人專頁

鼎王麻辣火鍋，打正旗號食麻辣火鍋，冇諗過湯底唔麻唔辣，問店員可以加辣嗎，店員話冇，佢仲話佢地係台灣麻辣火鍋，所以唔會太麻太辣，撞鬼咩，唔知去台灣食過幾多次，我叫咗個麻辣湯底，鴨血豆腐無限加，叫酸菜白肉湯底，酸菜無限加，酸菜又冇味，2個人叫咗個麻辣，酸菜白玉鴛鴦鍋，＄136，其他價錢超貴，而家叫個日本A4和牛特價＄288，原價＄499，冇諗過得6塊，仲要每塊得一半，而且不是日本A4和牛，汽水＄28元1罐花枝丸4粒＄78，蝦丸4粒＄78，炸魚皮＄78，我哋2個人叫咗一勺蜂蜜茉莉茶＄58，埋單＄530，只是這間舖裝修幾靚，唔會再去…查看更多

本來打電話去book brunch ga,點知佢話取消,而家冇做brunch la,因為亮明居7月1號裝修,裝修完轉法國菜,而家只可睇menu叫,不過連 set lunch 都冇,真可惜,:(但係佢同我講可以叫國金軒個 set lunch,都好ah好個冇,不過我都唔知食評應該寫亮明居or國金軒好,坐就坐係亮明居,叫就叫國金軒個set lunch,是但la乳豬叉燒拼盆....乳豬脆皮,叉燒半肥廋人參雞湯魚翅....有好多魚翅,雞湯鮮甜可自選三款小菜,我選 欖菜蜜豆龍脷柳.........龍脷柳煎得剛好唔會鞋口 鮮百合炒蝦球........蝦球爽口彈牙 帶子螺片.........帶子,螺片鮮甜沙爹豚肉炆米........沙爹味好香,豚肉又滑,米粉炆得入味甜品..........芒果卷,奶皇飽每位$399 …查看更多

見到食評話新張有85折,私房雪糕優惠價$8元,原價要$32元,一於早D去希望有位,黎遠已經見到有人等位,6:00點ja,去到登記佢問我7:30可否俾返張檯佢,有個半鐘頭食,應該冇問題,我叫個....蝦兵蟹醬配法國麵包,有一碟蟹肉蟹皇自已搽法包,味道唔錯,不過食唔到蝦,金不換沙爹蛋黃蝦,其實係黃金蝦,有好多鹹蛋黃,蝦味鮮甜爽口,不過食唔到沙爹味囍宴XO醬媽媽蘿蔔餅,煎到金黃色脆脆地,有小小蘿蔔絲,XO醬最惹味招牌擔擔拉麵(辣),麵質彈牙,不過唔夠辣,味道可以,問佢是否有$8元優惠價私房雪糕,佢話冇la,只是做兩天,因為佢地都唔夠雪糕賣,所以取消:(:(:(,85折仲有,不過唔知做到幾時,跟住我就叫兩款甜品雪糕,點知佢話冇,再選另外兩款甜品雪糕,佢又話冇,最後叫個...招牌蕃薯薑湯漏黃湯圓,唔夠甜,唔夠薑,蕃薯又唔甜,湯圓上算可以.…查看更多

睇openrice咁多人讚一於試先,一個人有一款貴野選擇,就係日式燒鮑魚, 焗蠔及焗帶子 ,我同朋友都選擇鮑魚,鮑魚燒得剛剛好,用左日本醬油去整甜甜地,味道唔錯,不過可唔可以大隻D,剌身....帶子,甜蝦 ,三文魚,北海道海螺,一句講哂夠哂新鮮,尤其北海道海螺,十分鮮甜帶子,甜蝦亦相當唔錯鐵板燒... 銀雪魚, 牛柳粒,羊排,大蝦,鹽燒海蝦,日本蕃薯,燒得幾好, 唔會太油,銀雪魚好滑, 大蝦就普通,冇乜蝦味,:(牛柳粒同羊排燒得剛剛好唔會太熟,鹽燒海蝦,好大隻,又有蝦膏,肉質爽口彈牙必食日本蕃薯,好甜好香鵝肝多士,味道香口,不過真係太細塊la炸蠔,天婦羅蝦,炸軟殼蟹,都唔錯壽司卷物...海膽小手卷,海膽尚算新鮮,手卷尺寸名副其實,真係小手卷辣味拖羅卷,普普通通食唔到乜味,可能太細塊,季節魚盬燒,即是燒三文魚頭,燒得很乾身,唔會油淋淋,夠香口最後選甜品,每人只送一球雪糕,我同朋友都選芝麻雪糕,芝麻好香…查看更多

食完lunch唔係好飽,所以想食碗甜品,想起發記焗榴槤酥皮卷,於是就行過去,坐底即刻叫一個焗榴槤酥皮卷,因為要等佢焗,所以叫先,之後再睇叫D乜,睇完再叫個芒果班戟,焗榴槤酥皮卷未到,芒果班戟已經左黎,裏面包好多芒果,有D忌廉,個皮都算薄,味道ok,跟住焗榴槤酥皮卷到,酥皮鬆脆,裏面榴槤又香又滑,保持水準實在太愛榴槤la,於是再加個榴槤飄香,榴槤味入口香甜,又能保持水準…查看更多

今日唔係好肚餓所以只是想食碗麵,去到池記叫兩個套餐,一個係炸醬麵+紅白$48元,要飲凍豆漿+2元炸醬麵我喜歡加小小醋,小小胡椒粉,一匙蝦籽湯撈食,炸醬做得好香口,麵質又爽紅白普通,加小小西米,紅豆同豆腐花都太淡la,甜返小小好D,:(一個係雲吞麵+炸雲吞$48元,要飲凍豆漿+2元雲吞有4粒,味道普通,唔通要試海蝦雲吞先得,$42元一碗,炸雲吞都只是一般.…查看更多

星期一中午去香格里拉Cafe Too 食自助餐,其實之前都去過幾次,佢熱盆唔多,不過甜品款式幾多,我就係鐘意佢D甜品所以再去,海鮮有花蟹,三點蟹,蝦,螺,不過今次D花蟹同三點蟹細細隻,冇乜鮮味:(熱盆我左龍利柳,味道普通,椒鹽鮮魷,唔脆ga:(,羊排,肉質鮮嫩燒味我左燒鵝,燒骨,味道普通,:(Parma ham +蜜瓜食味道唔錯:湯有兩款,蓮藕煲排骨,得過鹹味:(忌廉湯普通,咖哩有雞,牛,羊,魚,又唔香又唔辣:(壽司,魚生,沙律我都冇心機,跟住就左幾款甜品,不過今次冇左個朱古力噴泉,佢話呢排有H1N1,安全起見,所以取消左:(疏乎厘今次係橙+酒味,普通,Pancake+香蕉+芒果雪糕,普通,叫左兩柸凍飲,奶茶,朱古力奶,淡而冇味:(HSBC premier card 有85折唔會再去laaaa:(…查看更多

終於等到板長壽司開張la,次次行過都好多人等位,今次一於早D去希望唔駛等位.5:45到haha有位la唔駛等,佢做緊個優惠....三文魚醬油漬壽司$4.5兩件好底woooo,點知佢話沽清:(5:45已經沽清, 三文魚壽司$3件,都好底,不過我冇叫,今日我叫.....象拔蚌壽司,象拔蚌鮮甜 甜蝦刺身(六隻),甜蝦肉質鮮甜 日本海膽壽司,海膽鮮甜 野生籃鰭吞拿魚壽司,我冇叫腩位,吞拿魚是其他部位,所以普通, 海鰻壽司,海鰻都幾大塊,到仲熱熱地,好有鰻魚味 板長蝦壽司,蝦身爽口鮮甜 蝦天婦羅壽司,外脆內嫩,上面加小小沙律醬, 鵝肝壽司,鵝肝略嫌細小小 南瓜天婦羅,炸得脆卜卜,南瓜又甜 蝦天婦羅,都係句外脆內嫩 炸蠔,正...好有蠔味 綠茶冷麵,ok 南瓜雪糕,如果喜歡食南瓜的朋友一定鐘意,因為他把雪糕製成, 然後釀入南瓜內, 再切一小塊上,食到南瓜的香甜,雪糕又滑, 不過可唔可以切大塊D呀 芝士蛋糕,正...又係細小小整體質素相當唔錯,下次一定再去. …查看更多

之前行過幾次土司工坊都未開張,心想快D開la好想試,haha終於開la,入到去門口左邊有麵包買,細細隻幾得意,不過價錢唔平,因為今日得我自已一個人,所以睇完張套餐紙決定外買回家吃,我叫左個........南洋套餐 $38元,轉凍飲加$2元, 轉熱美祿或熱自製鄉村薏米水加$3元, 轉凍美祿或凍自製鄉村薏米水加$4元, 轉美祿恐龍或好立克恐龍加$8元,我叫個星洲叻沙套餐+凍自製鄉村薏米水,個叻沙裏面有兩隻開邊蝦,幾片魚片,小小肉粒,幾條芽菜同麵線,湯底有小小辣,蝦.....冇乜味,魚片.....麻麻,小小肉粒....食唔到味,湯底....普通,有D失望:(凍自製鄉村薏米水....普通薏米水lor,其實餐廳可供選擇種類太小,不過佢有個潮洲辣蝦米軟包套餐,聽個名幾特別,下次試先,俾多次幾會佢. …查看更多

華南D牛腩太瘦又韌又鞋,所以今次叫個牛肚魚片粗麵同魚片魚蛋河,牛肚炆得夠腍又入味,魚蛋魚片普通冇乜特別,不過佢最正就係啖湯,試過有一次啖湯清水咁,問佢先知原來你要話加腩汁啖湯先咁好味,因為佢話有D人唔食牛,所以唔會主動幫你加.…查看更多

端午節假期中午去食乜好呢?是但la去王林記食坑腩魚蛋粉,睇佢掛在牆的圖片,見到個豬排飽幾靚,所以就叫個,點知佢話豬排飽冇蕃茄冇生菜,如果要就要加錢......咁都得.........因為張相有蕃茄有生菜,飽面烘得脆脆地,豬排適中唔會太腍或太「鞋口」裏面有D沙律醬,點解沙律醬佢唔話要加錢,而家有D friend 話王林記魚蛋彈牙「安利」,食落覺得又係,坑腩都係王林記好D ,肥瘦適中,因為最近幾次食「安利」我覺得佢D坑腩差,太瘦又「鞋口」:(雲吞就係「安利」好,因為佢D雲吞咬落去有陣香味王林記雲吞就普通.…查看更多

我有呢間酒店gold card,所以有一個蛋糕送,今個月係送薄荷朱古力蛋糕,所以就去食 buffet 順便蛋糕,其實呢間酒店 buffet 唔駛多講大家都知一個字「得」ga la如果唔係點成為得獎熱店呢,不過今日D花蟹同琵琶蝦就細隻左D,要打,其他海鮮就保持水準,燒牛肉,肉質嫩滑,唔會「鞋」口熱盆,今日我唔係好多野食ja,不過有我至愛,咕嚕肉菠菜芝士,花膠冬菇,蒸魚腩,茄子釀魚肉,豆腐竹笙,咖哩羊肉,辣花甲,樣樣都保持水準其他仲有好多款式,不過我食唔落la,跟住當然係女士們之愛甜品la,然後再整塊芒果pancake +H記雪糕…查看更多

由星港旅行社搞的日本菜聚餐,每位$1380小食~北海道(海膽刺身)配紫菜芥茉鼓油.......海膽鮮甜美味 湯 ~鹿兒島(大蜆及大蜆肉丸)清湯.........蜆肉鮮甜,湯味清甜刺身~大間(吞拿魚腩),四國(油甘魚),北海道(帶子)....吞拿魚腩肥美,油甘魚新鮮,帶子鮮甜燒物~北海道(帶子)伴牛油汁鍚紙燒金菰.......用錫紙牛油汁包著燒,鍚紙一打開就聞到好香燒物~照燒佐賀和牛伴露筍........和牛入口溶化,炸物~熊本(海蝦天婦羅)伴蕃薯及青椒仔...........天婦羅炸得外脆內嫩,蝦肉鮮甜燒物~北海道(照燒銀鱈魚)..........冇得講,都係幾個字hehe飯類~雜菌菰及雜菜煲仔飯配米豬肉麵豉湯及鹹菜........個飯我就麻麻.甜品~靜岡(蜜瓜)福岡(士多啤梨).....甜整體都好好,不過就貴左D.....肉赤.…查看更多

點解D食評寫得咁差,再睇睇日子,原來已經係很久之前的事la,唔通之前真係咁差,而家做左有線電視節目就改進左?其實我去過這間酒家飲茶冇10次都有8次,佢D點心真係唔係咁差wor,昨晚因為有優惠券所以去試佢個鮑魚魚翅餐,原價$588 而家做推廣價$288,我有優惠券所以每位$218,餐前佢仲送左柸檸檬汁,套餐有:高湯黑松露燴翅.......高湯味道唔錯,上面有D黑松露菌碎,食唔到有乜味,小小蚧肉, 小小花膠,花膠夠淋,最差就係D翅,食到翅骨,勝在夠熱. 蠔皇鮑魚伴玉掌.......鮑魚係用鮮鮑來炆的,炆得未夠淋,玉掌就夠淋,最好就是個蠔皇汁. 築地蒲燒鰻魚..........燒得唔錯,外脆內嫩 頭抽煎大虎蝦...........正,蝦肉爽口彈牙,頭抽(野)味 蟲草花泡翡翠...........翡翠係芥蘭苗,有D唐芹,味道唔錯. 瑞士釀凰翼..............正,裏面釀左D糯米,雞翼炸得夠脆夠乾身, 嶺南美點...............桂花圓肉祀子凍糕 鮮果拼盆昨晚招待很好,可能得幾檯晚飯,所以成日換碟,菜式有好有唔好,希望佢會再進步D la. …查看更多

昨天本想去香港仔謝記食魚蛋粉,行到隔離天龍樓,心想很久沒有去la,因為天龍樓的大廚我是認識他的,入到去就見到佢行左出黎,打過招呼後就問我想食D乜,我話都係例牌la,因為上次抽獎送個小食,所以我就叫左碟油炆筍,佢好怪ga一時好味一時普通,今次就一般la,炸排骨一塊,佢新鮮即炸所以熱辣辣又唔(鞋口),細酸辣湯一碗,味道適中,唔會太酸又唔會太辣炸銀絲卷一條,點解今次塊皮冇咁脆ga:(回鍋肉炒粗炒,好味,我次次去都會叫,因為佢塊五花腩適中,唔會太肥或太瘦小籠包普通la,唔好有太大其望,因為此終都係做街坊生意,地方細細,價錢又經濟,因為識得大廚所以有九折,兩人都只是$ 123元 la.…查看更多