foodietwins_hk的個人專頁

假日都有$199起嘅A5蕯摩牛壽喜燒 set lunch（12:00-15:59)，即刻喺openrice訂位同frd去嘆下🤤等左一個月都完全冇失望！好好食！🥩$249嘅特上蕯摩牛壽喜燒👍🏻（晚上就要$498先試到🫢）-特上(霜降)A5薩摩牛壽喜燒片 110g 前-野菜盛合 一份 -米飯及漬物一份（日本米選用） -蘭王蛋一份每人最低消費係叫一個setʕ•ᴥ•ʔ另加：🍹夕燒け｜$38 幾清甜，解渴唔錯（芒果、蜜桃、西柚、四季春💜星紫流砂｜$38打卡幾靚但味道有少少藥水味（石榴、益力多、蝶豆花茶）🎂本身想同朋友叫甜品慶祝埋生日，可惜只有晚市套餐有提供甜品(但冇生日牌)。而切餅費就每張餐桌HK$150，收費有點高總結：Lunch性價比極高！🥹 Staff嘅態度亦好nice📸️ 卡座位置亦闊落，呢個價錢零缺點🥹 留意返早一星期會收到訊息要綁定信用卡每位$100嘅留位費，記得跟住做啊✨ 👅 味道：7.8/10🥂 賣相：7.5/10🌿 環境 : 7.5/10🙇🏻 服務 :8/10📍性價比：8.0/10💰 人均消費：$300/pp用餐時段：午餐———————————…查看更多

麗晶酒店的悠閒下午 🎂💕同好友慶祝生日，喺官網booking預訂window seat同甜品生日牌係必須的！🎂今年重開嘅麗晶酒店，前身係洲際酒店✨ 酒店大堂依舊行高尚路線，海景景觀一流，座位寛闊適合談心，沒有用餐時限可以坐到日落，舒服渡過一個悠閒嘅下午👧🏻👧🏻Afternoon tea set 💙💙 $888/2｜🧡前菜 魚子三文魚配薑汁撞奶好fresh好開胃！有個小插曲就係撞奶冇凝固到 水汪汪(≧∀≦ 職員即刻幫我地更換過另一份👍🏻🎂手指三文治（8件）Tea set嘅唯一鹹點，有4款唔同口味，全部好好食。最有驚喜係鵝肝醬配鮑魚仔三文治🤍🍰精美甜點（6件）有3款唔同口味，分別係士多啤梨、芒果同梨，賣相十分精緻，味道偏普通🦦 Madeleines and Scones （4件）配jam & cream口感鬆軟，配埋3隻味嘅果醬都唔錯，聽講可以refill但我同朋友已經好濟食唔落🤰🏼🍨青檸雪芭酸酸甜甜好開胃，雪芭喺我地食cake食到一半濟濟地嗰時就送上，即刻有胃口繼續食cake🫖自選飲品兩杯特別推薦💙必點Pantone Classic Blue🫖💙個茶壺有酒店logo，打卡一流，藍藍地嘅碟豆花茶好靚，味道偏淡🌿朋友點左Organic Jasmine Pearl，個茶壺係透明壺睇到入面啲茶葉，冇酒店logo的，味道就正正常常總結：景色一流，可能多三文治嘅緣故所以兩個女仔食都好飽🫖💕 慶祝生日好地方缺點：以5星級酒店水準來說，味道一般✨沒有太大驚喜，追求食物質素的話一定有更多好選擇👅 味道：6.5/10🥂 賣相：8.5/10🌿 環境 : 9.0/10🙇🏻 服務 :8/10📍性價比：7.0/10💰 人均消費：$400/pp用餐時段：下午茶__ __ __ __ __ __ __ __ __ __ __ ——————————————————————香港麗晶酒店 大堂酒廊 (尖沙咀)The lobby Lounge at Regent Hong Kong尖沙咀梳士巴利道18號香港麗晶酒店大堂🚌尖沙咀/尖東站J出口，步行5分鐘📞 :23132313…查看更多

超受歡迎嘅鐵板燒餐廳做緊感謝祭🇮🇹午市同晚市都係$398起！📞由於銅鑼灣店長期打唔通(而家有得wtsapp訂座喔），最後book咗灣仔分店✨ 灣仔鐵板燒位係睇唔到海景的，要普通卡位先睇到套餐$398起包左牛肉、南非鮑魚、緬甸大蝦、刺身、鵝肝或帶子或鱈魚等等14樣野食，我同朋友加錢將$398薄燒牛肉轉左$548美國和牛同$648日本A5和牛set๑´ㅂ`๑👅鮑魚勁新鮮，煮之前仲郁緊，肉質好彈牙好好食👅鵝肝好肥美，平時啲餐廳要加錢先會有鵝肝👅兩款和牛都好好食，有對比下A5和牛juicy啲👅大蝦，刺身，配菜，蝦膏炒飯，甜品厥餅都正正常常🍞甜品焦糖多士好好食！不過睇住師傅用大量砂糖牛油黎煎，勁邪惡😆總結：平價鐵板燒來講，食物質素好高🫶🏻但聚餐/慶祝嘅話未必適合，因為餐廳做兩輪，入座前逼喺門口等入座，趕住交枱令個體驗好趕。另外留意返卡位先有海景，鐵板燒位係冇架！🌊經理溝通技巧亦有待改善，當日有客人投訴，佢都唔識處理。👅 味道：8.0/10🥂 賣相：7.8/10🌿 環境 : 7.2/10🙇🏻 服務 :4/10📍性價比：7.8/10💰 人均消費：$600/pp用餐時段：午餐__ __ __ __ __ __ __ __ __ __ __ …查看更多

📍旺角白布街和牛燒肉ʕ•ᴥ•ʔ星期四夜晚7:00，比餐廳擺滿酒樽嘅bar枱位吸引左去食，好啱打卡🍶🥃 我地係餐廳全晚唯一嘅食客😂🍻豐和牛二人盛 ($388) ｜scoring:3.6/5套餐包左和牛16塊、蔬菜同兩碗白飯✨都幾貼心，和牛隔離有塊牌仔寫住唔同部位嘅名，例如肉眼、牛舌、三角肋肉等等，全部都偏薄身冇筋，幾好食，牛肚爽口彈牙唔錯👍🏻 蔬菜有菠蘿、翠玉瓜、冬菇，正正常常。最失敗係兩碗飯乾又硬，好彩上面有飯素先放到入口😬😬🍲阿久利和牛涮鍋($148) ｜scoring:3.2/5包左6塊和牛、一個烏冬、一隻日本雞蛋、蔬菜連少量薯粉😋😋 壽喜燒湯底好清甜，和牛好食，但由於太細塊要兩塊一齊放入口🥢燒鰻魚($20) ｜scoring:1.5/5四舊鰻魚仔，肉好散，唔彈牙，醬汁亦太淡🍡雞軟骨($18)｜scoring:2.5/58小粒，同一毫子咁上下細，燒完幾爽脆總結：份量有啲少，兩個女仔只係剛剛夠飽。呢個價錢食牛角放題會比較滿足😆和牛質素唔錯，枱同枱之間唔算逼，啱單獨一個又想食和牛嘅人。以上套餐唔包飲品，餐廳有免費水提供 🥣👅 味道：6.8/10🥂 賣相：6.2/10🌿 環境 : 6.0/10🙇🏻 服務 : 5.5/10📍性價比：6.0/10💰 人均消費：$300/pp用餐時段：晚餐__ __ __ __ __ __ __ __ __ __ __ …查看更多

📍Rosewood瑰麗酒店 超受歡迎Bluhouse意大利菜🇮🇹好期待同好朋友喺Bluhouse慶祝生日，官網book位時remark左Window seat同甜品生日牌🎂🌊 餐廳嘅入口喺Fortnum & Mason精品店隔離๑´ㅂ`๑__ __ __ __ __ __ __ __ __ __ __ 🐙 Octopus Salad ($230) ｜scoring:4/5八爪魚清甜彈牙但唔韌，配橄欖同橄欖油好fresh，做餐前小食唔錯🍕 Mortadella Pizza ($98) ｜scoring:3.2/5熱辣辣嘅薄批，切好左四小份，Mortadella火腿配芝士味道有點單調，細食嘅話可以做輕量主食喔🫕Rigatoni Alla Carbonara ($230) ｜scoring:3.0/5粗管通粉軟硬適中，好多汁，食到一半幾濟，飽肚之選🍷 WATERMELON FIZZ ($100) ｜scoring:2/5 唔甜但都冇咩西瓜味🍉有啲失望🤎 TIRAMISU ($98) ｜scoring:4.2/5好滑身好creamy❣️🎂 餐廳仲準備左生日牌同蠟燭，服務幾好總結：慶祝生日好地方，枱同枱之間寛敞，傾計好舒服缺點：Window seat有度門對住Outdoor海景位，waiter開門出去送餐，Window seat就會寒風陣陣🥶 個人覺得Bayfare Social食物質數高啲，而Bluhouse就環境靚啲🌹✨👅 味道：6.8/10🥂 賣相：7/10🌿 環境 : 8.5/10🙇🏻 服務 :8/10📍性價比：7.2/10💰 人均消費：$400/pp用餐時段：晚餐__ __ __ __ __ __ __ __ __ __ __ 💕鍾意貼文請 ᴄᴏᴍᴍᴇɴᴛ, ʟɪᴋᴇ & sʜᴀʀᴇ 💡繼續關注我的貼文請Follow ig@foodietwins_hk…查看更多

📍座銀嘅雞白湯咁出色，咁姐妹店○de▽ 鯛白湯らーめん 主打鯛魚湯大家又試過未呢？今日12:45pm去到唔洗排隊，一行埋去門口職員熱情就介紹拉麵，其實得三款，就係鯛清湯，鯛白湯同鯛沾面🤤🤤🤤🍜 鯛白湯拉麵 （$138免加一）買完飛後入座，坐bar枱位睇住師傅煮面🤤 登登～碗拉麵好似藝術品裝飾得好靚✨ 湯底魚味濃郁鮮甜，上面嘅辣椒粉係唔辣嘅，鯛魚肉唔腥，筍粒爽甜，一塊薄切叉燒唔鞋，拉麵偏幼身口感煙韌。😋食到一半，將碗邊嘅柚子醬加埋入湯底好清新，最後忍唔住飲晒個湯底，嗰晚都冇口渴🥰👍🏻總結：$138 少少貴，份量只夠女仔啱啱好夠飽👧🏻男仔應該要加小食先夠，不過以質素嚟講值得一試！有驚喜👅 味道：8/10🥂 賣相：8.2/10🌿 環境 : 7/10🙇🏻 服務 :8/10📍性價比：8/10💰 人均消費：$138/pp用餐時段：午餐__ __ __ __ __ __ __ __ __ __ __ …查看更多

📍美利酒店Garden Lounge下午茶 配汽泡酒💚 (純分享非廣告) Kl**k旅遊產品銷售平台(網站)做緊買一送一優惠，成個3月都做緊優惠，原價$878，而家$483兩位！超抵 🌟 **週末下午茶分兩輪入座：14:45-16:15同16:30-18:00，限時90分鐘。當日星期六14:45去到需要排隊入座，15:00個tea先上，食得有啲啲趕**而星期一至星期五冇分時段，可以14:45-18:00慢慢食喔！🍰<< Tea份量>>（優惠$483/2位）每人4件甜品+4件鹹點+兩件scones（拉到最底有menu❣️）每件都正常發揮，個人覺得鹹點較出色，尤其龍蝦包幾清新🦞✨ Scones 都暖笠笠，口感鬆化 仲有架甜品車，可以任拎葡撻，曲奇，雜莓朱古力等等，職員會refill，男仔嚟食都唔驚食唔飽 ♡´･ ᴗ･`🥂 << Drinks >>除左每人一杯汽泡酒，仲有一杯自選茶/咖啡餐廳對正酒店花園幾舒服🌿😌 幾多人嚟慶祝生日🫶🏻 我就打左去酒店留窗邊位置～餐廳歡迎動物啊~如果想帶狗狗打卡可以留戶外花園座位⛱🐶٩(๑❛ᴗ❛๑)۶ 總結：Afternoon tea整體食物質素唔錯，食完仲可喺餐廳出面嘅出名打卡位影相呢📸👭🏻 不過原價$878/2位嘅話會有其他更好選擇～～👅 味道：7.5/10🥂 賣相：7.5/10🌿 環境 : 8/10🙇🏻 服務 :8/10📍性價比：7.8/10💰 人均消費：優惠後ard $250/pp用餐時段：下午茶__ __ __ __ __ __ __ __ __ __ __ 💕鍾意貼文請 ᴄᴏᴍᴍᴇɴᴛ, ʟɪᴋᴇ & sʜᴀʀᴇ 💡繼續關注我的貼文請ғᴏʟʟᴏᴡ ɪɢ @foodietwins_hk…查看更多

灣仔三層樓高嘅西班牙菜🥰🇪🇸🇪🇸 今日黎左食lunchset🎄 餐廳佈置得靚 職員仲會為慶祝生日嘅客人唱歌同彈結他😆🎼氣氛好好！ 🥰 3-course Lunchset由$198-$288起我同朋友都各自叫左一個$288嘅lunchset每個set包左蕃茄凍湯同餐包😋前菜: 叫左兩款，同朋友兩個人share食🐟Tuna tartare吞拿魚他他 配上牛油果蓉，好清新🤤 配埋塊脆麵包一齊食幾得意🦐King Prawns with garlic chilli （+$28）大蝦用鐵鍋上，蝦肉超juicy，蝦殼煎到好香，蝦頭有膏，個汁係好香嘅蒜味同特級初榨橄欖油，用黎點餐包一流，好推介👍🏻👍🏻👍🏻🦞主菜：Juicy Lobster Rice（另+$98/每位）招牌原隻波士頓龍蝦，龍蝦彈牙，個飯似龍蝦湯飯，飯粒硬身有口感，份量都幾多，2個女仔就未必食得晒😂 甜品：🎅🏻個Staff好好人，本身要3樣揀2樣，我講左句‘want to try all’，佢竟然送左個甜品拼盤等我地試晒三款🥇Chocolate brownie朱古力布朗尼配雲呢拿雪糕🤤 上面有層好香濃嘅朱古力醬，好好食啊！🥈Berry cheesecake，雜莓醬加曲奇碎，令到cheesecake冇咁濟🥉Flan西班牙焦糖布甸，淡淡蛋味，覺得普普通通，哈哈📸️💕The Optimist係灣仔熱門嘅打卡餐廳，係pirata旗下嘅餐廳（同pici同一集團），質素當然有保證,建議要先book位啊～接下來介紹打卡位🥳 請注意❗️唔建議坐2樓❗️環境暗，冇打卡位同沙發位，仲有一陣油煙味👑No.1 打卡位： G/F一入餐廳門口嘅窗邊位置😆 亦係最靚嘅打卡位，食野影相擺pose會比路人望到，所以打完卡我就上左1/F食野～～No.2打卡位：1/F湖水藍綠色牆配壁畫餐廳免收加一，隨意比tips~📍 The Optimist(灣仔軒尼詩道239號地下至2樓)（5🌕滿分）💰 Prices/ppl：ard $400/pp👅 taste : 🌕🌕🌕🌕🌖🌿 environment : 🌕🌕🌕🌕📍 location :🌕🌕🌕🌕🌟 overall marks :🌕🌕🌕🌕🌖…查看更多